Жиззах вилояти судлари | Расмий канал

Жиззах шаҳар Қассоблик МФЙ биносида Жиззах вилоят суди судьяси Луиза Халитова, Жиззах вилоят "Бувижонлар мактаби" раҳбари Насиба Рахматуллаева, Халк депутатлари Жиззах шаҳар Кенгаши  аъзоси, шаҳар "Оқила аёллар ҳаракати" раҳбари Автоб Нишонова, Жиззах вилоят ички ишлар бошқармаси жамоат хавфсизлиги хизмати ҳуқуқбузарликлар профилактикаси бўлими хотин-қизлар  масалалари бўйича  инстектори Нодира Рисқулова, Жиззах шаҳар ҳокимлиги Оила ва хотин-қизлар бўлими етакчи мутахассиси Шоира Абдужабборовалар иштирокида тасдиқланган Меморандум асосида ажрим, уй-жой масаласида ҳамда бошқа низоли оилалар билан суҳбат ўтказилди. Сайт I Telegram

#Газета «Куч-адолатда» газетасининг 26-сонида Жиззах вилоят суди раисининг ўринбосари Нодиржон Расуловнинг "Битимнинг ҳуқуқий оқибатлари бурч ва масъулиятни талаб этади" номли ҳамда жиноят ишлари бўйича Дўстлик туман суди раиси Асқар Умурзаковнинг "Миси чиққан тадбиркорлик" номли мақолалари чоп этилди. Сайт I Telegram

Жиноят ишлари бўйича Пахтакор туман суди раиси Ў.Саттаров томонидан туманнинг Олтинкўл МФЙ биносида сайёр қабул ўтказилди. Унда 7 нафар фуқароларнинг мурожаатлари тингланиб, мурожаатларнинг барчаси бўйича жойида ҳуқуқий тушунтириш берилиб ҳал этилди. Сайт I Telegram

Фуқаролик ишлари бўйича Дўстлик туманлараро суди раиси Б.Казаков, жиноят ишлари бўйича Дўстлик туман судининг раиси А.Умурзоқов ҳамда Дўстлик туманлараро иқтисодий судининг раиси И.Қурбановлар иштирокида "Қаҳрамон" маҳалласи биносида суд-ҳуқуқ масалалари бўйича сайёр қабул ўтказилди. Ўтказилган сайёр қабул давомида суд раислари томонидан фуқаролар мурожаатларига қонунларда белгиланган тартибда ҳуқуқий тушунтиришлар бериб ўтилди. Сайт I Telegram

Жиноят ишлари бўйича Дўстлик туман судининг раиси А.Умурзоқов ҳамда «Чинобод» МФЙ профилактика инспектори Н.Буканов билан биргаликда маҳалла ҳудудида жойлашган 2-умумтаълим мактабида давра суҳбати ташкил этилди. Унда иштирок этган мактаб ўқувчилари иштирок этишди. Тадбир давомида ёшларнинг ҳуқуқий билими ва маданиятини ошириш, ёшлар ўртасидаги жиноятчилик ҳамда ҳуқуқбузарликларни олдин олиш, қонун устувор - жазо муқаррар экани тушунтирилди. Сайт I Telegram

Тасдиқланган сайёр қабул жадвали асосида Жиззах туманлараро иқтисодий суди раиси О.Асатов томонидан Жиззах шаҳар Маданият МФЙ биносида сайёр қабул ўтказилди. Унда 5 нафар фуқароларнинг мурожаатлари тингланиб, мурожаатларнинг барчаси бўйича жойида ҳуқуқий тушунтириш берилиб ҳал этилди. Сайт I Telegram

Жиноят ишлари бўйича Арнасой туман суди раиси Л.Обидов томонидан туманнинг Янгибўстон МФЙ биносида сайёр қабул ўтказилди. Унда 2 нафар фуқароларнинг мурожаатлари тингланиб, мурожаатларнинг барчаси жойида ижобий ҳал этилди. Сайт I Telegram

Дўстлик туман ҳокимлиги мажлислар залида туман ҳокимлиги, фуқаролик ишлари бўйича Дўстлик туманлараро суди ҳамда маҳаллалар фаоллари томонидан суҳбат ташкил этилди. Унга маҳаллалардан ажрим ёқасидаги оилалар таклиф этилди. Тадбир жараёнида ҳар бир таклиф этилганлар билан алоҳида мулоқот қилинди. Мақсад эса туманда оилалар тотувлигини таъминлаш, ажримларни олдини олишдан иборат. Сайт I Telegram

Ғаллаорол ва Бахмал туманларида Жиззах вилояти судлари раислари ва ўринбосарлари иштирокида суд-ҳуқуқ масалаларига доир сайёр қабул ташкил этилди Ғаллаорол туман ҳудудида истиқомат қилувчи фуқаролар учун туманнинг Маданият маркази биносида оммавий сайёр қабул ташкил этилди. Унда турли масалаларда ҳуқуқий маслаҳат ва кўмак сўраб келган 22 нафар нафар фуқароларнинг мурожаатлари тингланди. Уларнинг 7 нафари фуқаролик, 11 нафари жиноят, 2 нафардан иқтисодий ва маъмурий судларга оид масалалар ташкил қилди. Шу мурожаатларнинг 10 таси бўйича ҳуқуқий тушунтиришлар берилди ва 12 таси жойида ижобий ҳал этилди. Қабул жараёнида жиноят ишлари бўйича Ғаллаорол туман судининг сайёр мажлисида 9 нафар шахсларга оид маъмурий ҳуқуқбузарликка оид ишлар кўриб чиқилди. Шунингдек, 2 нафар маҳкумлар Жиноят кодексининг 73-моддасига асосан жазодан муддатидан илгари шартли озод қилинган бўлса, фуқаролик ишлари бўйича Ғаллаорол туманлараро судининг сайёр суд мажлисида 5 нафар фуқароларнинг фарзандлари вояга етгунга қадар алимент ундириш ҳақидаги аризалари ҳамда 1 нафар фуқаронинг юридик аҳамиятга эга бўлган фактни белгилаш ҳақидаги аризаси қаноатлантирилди. Жумладан, фуқаро Нуриддин Шералиевнинг юридик аҳамиятга эга бўлган фактни белгилаш ҳақидаги аризаси сайёр суд тартибида кўриб чиқилиб, унинг 2002 йилдан 2011 йилгача “Маржонбулоқ” олтин конида зарарли иш ўрнида ишлаганлик факти белгиланди. Куннинг иккинчи ярмида эса Бахмал туман ҳудудида истиқомат қилувчи фуқаролар учун тумандаги ихтисослаштирилган мактаб биносида оммавий сайёр қабул ўтказилди. Унда 25 нафар фуқаролар қабул қилиниб, 17 нафар фуқароларнинг мурожаати ижобий ҳал этилган бўлса, 8 нафар фуқароларга тегишли тартибда ҳуқуқий тушунтиришлар берилди. Шунингдек, қабул жараёнида жиноят ишлари бўйича Бахмал туман судининг сайёр мажлиси ўтказилиб, унда 15 нафар шахсларга оид маъмурий ҳуқуқбузарликка оид ишлар кўриб чиқилди. Шунингдек, 4 нафар маҳкумлар Жиноят кодексининг 73-моддасига асосан жазодан муддатидан илгари шартли озод қилинди. Жумладан, фуқаро Неъмат Қўчқоровнинг унга нисбатан Солиқ органи томонидан қўлланилган 3.400.000 сўмлик жарима жазосининг миқдорини камайтириш ҳақидаги илтимосномаси сайёр суд тартибида кўриб чиқилиб, унга Ўзбекистон Республикаси Маъмурий жавобгарлик тўғрисидаги кодекснинг 33-моддаси тартибида базавий ҳисоблаш миқдорининг бир баравари миқдорида жарима жазо тайинланди. Сайт I Telegram