NAEEM | TRADER 🇪🇬

إبراءً للذمة أمام الله وأمام الجميع 🙏 - أنا بقول الكلام ده علشان محدش يجي بعد كده يقول “أنا خسرت” وهو في الأساس ملتزمش بالخطة اللي اتقالتله ✅ - يا جماعة ، الشغل معايا مش صفقة واحدة ولا صفقتين الشغل معايا عبارة عن خطة كاملة من أول الأسبوع لآخره مينفعش تدخل صفقة تعجبك وتسيب صفقة متعجبكش ، ولما السوق يمشي عكسك تيجي تحاسبني على اختيارك الشخصي ❗️ - اللي ملتزم معايا من بداية الأسبوع ، وداخل كل الصفقات بنفس إدارة رأس المال اللي بنتكلم عليها ، عمره ما هيبص لصفقة واحدة ويحكم منها لأن المكسب الحقيقي بيكون في المحصلة النهائية للأسبوع كله والله ' - للأسف في ناس بتستنى أول ستوب ، وتنسى كل الأهداف اللي اتحققت قبلها وبعدها وناس تانية تدخل بعقود أكبر من اللي اتقال عليها ، ولما الحساب يتأثر تبدأ تدور على شماعة تعلق عليها غلطها واشوف غلط وألفاظ خارجه وحاجات غريبه يستغرب لها العقل 🤷‍♂️ - أنا مش مسؤول عن أي حد بيشتغل بمزاجه ، أو بيختار الصفقات على حسب إحساسه ، أو بيدخل بنص الخطة لأن ببساطة نص الالتزام = نتائج عشوائية 🎁 - لو مش هتشتغل معايا من أول الأسبوع لآخره ، وبنفس إدارة المخاطر المتفق عليها ، يبقى بلاش تشتغل معايا من الأساس ، لأنك كده مش بتطبق الخطة، ووقتها مينفعش تحكم على نتائجها السوق محتاج صبر وانضباط مش استعجال ومشاعر والناس اللي كبرت حساباتها وعملت نتائج محترمة كانت بتلتزم بالخطة حتى في الأيام اللي مش عاجباها ، تمام 🎁 - وأقولها للمرة الأخيره النجاح في التداول مش إنك تكسب كل صفقة ، النجاح إنك تلتزم بالخطة لحد ما الإحصائيات تشتغل لصالحك 👍 - واللي هيلتزم بالخطة كاملة ، هيعرف بنفسه إن المشكلة عمرها ما كانت في الصفقات المشكلة دايمًا في عدم الالتزام اللهم إني بلغت اللهم فاشهد 🙏♥️