Abdurrahman Muhd Sani Umar

Abin da Trump yake so shi ne ya kawo ƙarshen yaƙinsa da Iran cikin gaggawa, wanda hakan zai kai ga tabbatar da manufofin da suka sa ya fara yaƙin, domin ya samu damar mayar da hankali kan rikicin cikin gida da kuma China. Yayin da Iran, idan aka yi la’akari da sababbin naɗe-naɗen da ta yi, tana nufin tsawaita yaƙin da jansa, ta yadda za su galabaitar da America. America kuma tana sane da hakan. Don haka, a ƙarshe dai, mafita ɗaya da za ta iya rage mata ita ce amfani da makamin “Tactical Nuclear”, bisa zatonta cewa hakan zai sa Iran ta mika wuya cikin sauri, kwatankwacin yadda Japan ta yi a 1945. Mece ce Matsayar Russia da China? Russia da China, kamar yadda muka faɗa a baya tun kafin fara yaƙin kuma yanzu abin da ke faruwa kenan, za su ba wa Iran gudunmawa, amma ba irin gudunmawar da za ta sa ta yi nasara ba; sai dai gudunmawar da za ta hana ta faɗuwa. Domin su ma suna da maslahohi da ƙasashen Gulf da Iran din take kai wa hare-hare, wannan ne zai hana su zakewa sosai wajen goya wa Iran baya, gudun ka da su rasa maslahohinsu da gwamnatocin yankin. Sannan su ma su so a kai wani mataki da America za ta yi amfani da makamin "Tactical Nuclear". A irin wannan yanayi, hakan zai iya zama abin da za su yi amfani da shi a matsayin hujja gare su da zsuma za su yi amfani da wannan makami a Taiwan da Ukraine. musamman Russia da ya take fama a yakin Ukraine an kasa gaba an kasa baya. Shi ya sa waɗannan ƙasashe biyu, musamman Russia, ba sa son su ba Iran cikakken tsarin "Air Defence" domin kara janyo America cikin yakin dumu-dumu. Wani abu kuma da ya kamata a yi la’akari da shi shi ne cewa alaƙar Russia da Iran ba kamar alaƙar America da Isra’ila ba ce. Hasali ma, in ba don larura, da ba lallai ne su haɗu su yi aiki tare, domin akwai dogon tarihi na zazzafar adawa da rashin yarda tsakaninsu. Ya ishe ka ka san cewa Russia ita ce ɗaya daga cikin manyan dalilan da suka taimaka wajen sauyin taswirar yankin Iran a tarihi. Iran a da ta fi yadda take a yau faɗi, inda yankunan da a yau suke Azerbaijan, Armenia da Georgia, da wasu sassa na yankin Caucasus, da Russia suka kasance ƙarƙashinta a lokuta daban-daban. Daga baya, sakamakon yaƙe-yaƙe da yarjejeniyoyi da Russia, Russia ta yi nasarar cire wadannan yankuna daga karkashin Iran a shekarun 1813 da 1828. A takaice dai, kamar yadda na faɗa a baya, kuma na sake maimaitawa: wannan yaƙin ba zai taɓa ƙarewa ba sai ɗaya daga cikin ɓangarorin ya karya ɗayan. Domin an riga an kai wani mataki da yake nuna cewa ba zai yu a samu wata mafita ta tsakiya ba; dole ne ɗaya daga cikin ɓangarorin ya kawo karshen daya,