شٓخَبِطةً - Sah5bta

الواحد اكتشف أنه طفل اكتر من الأطفال اللي المفروض يهتم بيهم

ياريت ناخد خطوه ونبعد عن الحاجات اللي بتأذينا بدل ما احنا كل شويه بندخل ف مود اسوء من اللي لسه طالعين منه دا.

تفتكرو الإنسان بيعمل ف نفسه كدا ليه.

انا اه بكتب كلام كتير بس حرفياً ميجيش جمله واحده من الكلام اللي ببقي محتاجه اقوله ولسه جوايا.

صباح الخير، فكره النصيب دايما بترعبنا وبتخلينا نفكر كتير ف الحاجة اللي معانا او اللي بعيد عننا، وهل الحاجة اللي بنتمناها هتكون من نصيبنا او لا، مع الرغم اننا مش بنحاول وبنرجع نقول نصيب، وبناخد النصيب شماعه ع كل حاجه ضاعت مننا ونقول ان دا نصيبنا وقدرنا لحد كدا، بس احنا ف الأساس محاولناش ولا جازفنا، معلش اصل انت مش هتفضل قاعد مكانك وتقول انا نصيبي هيجي لحد عندي ومتتوقع انه يبقي الحاجة اللي بتتمناها ف خيالك وانت قاعد ومفكرتش تجازف لو بخطوه نحيته، طبيعي يكون اللي معاك غير اللي كان ف طموحاتك او امنياتك لأنك مسعتش للي بتتمناه.

صباح الخير ، محتاج دكتور عيون كويس ؛ بقالي كتير مشفتش يوم حلو ، أو ناس حلوه

صباح الخير ، ‏في mood اسمه mood التناحة ، اللي هو قاعد كده متنح لا مبسوط ولا متضايق ولا ليك مزاج تعمل اي حاجة ويبقا عندك كمية ملل غريبه ، قاعد كده وخلاص بتستقبل اي حاجة وخلاص !..

جوين هنا قناة الغالي 🤍🙆 https://t.me/romvII

احما هو الصيف جه!!

قومِ بينا نمشي من الحياه دي مش هنعرف نتأقلم.

افضل حاجة انسانية ممكن تعملها في الوقت دا انك تقاوم ..والمقاومة هنا مش انك تقاوم الشر والظلم والكلام الكبير ده. لكن تقاوم العادى اللى انت مش فاهمه. تقاوم انك تقبل حاجة مش منطقية لمجرد انها بتتدحرج من فوق لتحت عبر الاجيال. زى ان قيمتك في مادياتك او حاجة زى غدينى النهاردة وعشينى بكرة وتقاوم الرغبة في انك تتحكم في اللى حواليك وتصرفاتهم. تقاوم فكرة "طب وانا هفرق فى ايه لما اعمل الصح لوحدى؟ ما الناس كلها ماشية عكس" لان فيها تصغير لنفسك قدام نفسك وانعدام شخصية فردية بحت. انت بتعمل الصح لوحدك عشان لما تقابل نفسك بعدها في دماغك متقرفش من نفسك وتقول "تصدق انك بنى آدم كويس؟" الموضوع كأنك في شقتك وبدل ما تنضف قررت تتصرف كصرصار عشان تعرف تتعايش مع سرب الصراصير...فا ابتديت تاكل من الزبالة وتستخبى ورا دواليب المطبخ. مش لأى سبب غير انك حاسس ان ده اللى انت تستحقه.

تصبحوا علىٰ خير يشباب .

صباح الخير مبدئيا

‏﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾

‏انام ١٠ بالليل واصحي ٨ الصبح ❎ انام ١٢ بالليل واصحي ١٠ الصبح ❎ انام ٢ بالليل واصحي ١٢ الضهر ❎ انام ٤ العصر واصحي ١٢ بالليل ✅

‏كُل شخص بيدُخل حياتنا بيعمل فرق، أوقات التأثير ده بيبقى ضغط علينا عشان بيخرجنا من إلي بنبقى عليه أو إلي فاكرين إن ده إحنا فعلاً.

استمرارية العيش تعتمد على استمرارية دمج الأحزان بالحس الفكاهي.

حبيبي أنا بضحك علىٰ خيبتي .

صباح الخير ،يا جماعة اللى الساعة بتاعته مفيهاش عقارب يقولي وانا ابعتله ناس من اللي اعرفها وشكرا.