شٓخَبِطةً - Sah5bta

الأمهات عموما حاجة عبقرية. لكن ف رمضان بتبقى عبقرية أكتر.. انت تبقى شاب ف عز طاقتك وبتصحى ع العصر مقريف وجسمك مكسر وخُلقك ضيق ومش قادر غير إنك تستنى المغرب ع السرير من غير دوشة.. ودول تصحى تلاقيهم من قبل الضهر وهما بيعملوا ف الفطار والحلويات والمشروبات والغسيل وشغل البيت اللي من غيره الدنيا تعطل ومخلصين مع كل ده قراية ييجي نص القرءان مثلا. حاجة عبقرية فعلاً.. منين الطاقة والصبر دول؟.. فتح إلهي أكيد.. هما باب رحمة لينا على الأرض. ربنا يديمه علينا نعمة.

أنا جاي الدنيا ده أعبد ربنا وبس ، وأكل عيش ، واتبسطلي يومين ، واعيش في سلام نفسي لحد ما اقابل وجه كريم ، لكن مش عايز اخش في صراعات مع الدنيا ، ولا سباقات مع حد ، ولا اطلع الأول علي العالم والسبع قارات ، ولا عايز ابقى احسن من حد ولا عايز مناصب علي قفا حد ، انا عايز ابقى احسن من " نفسى زمان وبس" عايز اخرج من الدنيا دي علي نضيف ، واقابل ربنا علي نضيف ، لا اظلم حد ، ولا اكره حد ، ولا احقد علي حد ، ولا اكل حقوق حد ، ولا افتري واستقوي علي حد ، ولا اكسر بخاطر حد ، ولا اتمنظر و اعيش الدور علي حد ، انا عايز اخرج منها علي نضيف كده.. " انا مش عايز وجع دماغ " 💛

امرأة تسأل طبيب فقالت لهُ : كيف أنت رجل مثقف ومتزوج من ثلاثة نساء 🤔🤔؟؟ فقال لها : سأجيبكِ ؛ تزوجت الأولى ؛ لأنها إبنة عمي من لحمي ودمي ، و إكراماً لأبي .. وتزوجت الثانية ؛ لأنها إبنة خالي لترأف بحالي ، و إكراماً لأمي .. تزوجت الثالثة ؛ لأني أحببتها إكراماً لنفسي ..❤️ فقالت له : هل تحب الله🤔 ؟ فقال : نعم .. فقالت : تزوجني أنا الرابعة إكراماً لوجه الله .. فتزوجها إكراماً لوجه الله ، جزاه الله خيراً ، وأكثر الله من أمثاله ،.😏😏😁

عندما يجتمع البدر بالجمال والجلال♥️

‏مش عايز اصدمكوا احنا لازم نشكر سواق التاكسي بعد مانوصل، ولازم نقول شكرا بعد ما نسال حد ع عنوان ويدلنا، ولازم نشكر صاحب المحل لما يجيبلنا المقاس او نحاسبه، لازم نقول شكرا لاي حد سواء بسيط او مش بسيط كلمه شكرا بتفرح والله والكلمه الطيبه صدقه (من لم يشكر الناس لم يشكر الله)

أنا متعوضش .... دي الجملة اللي لازم اختم بيها اي حوار بفتكر فيه اي حد مبقاش موجود ف حياتي .... مش ثقة ف نفسي او حسن صفاتي لاني اكيد كلي عيوب " ويمكن بعضها لا يطاق " قد ما هي ثقة في صدق واخلاص في كل حاجة كنت بقدمها من جوايا فعلا ومن كل حتة ف كياني بمنتهى الرضا والحب حتى لو ع حساب نفسي حتى لو ع حساب طاقتي حتى لو ع حساب راحتي .... الانسان ممكن يدور عمره كله يدور ع شخص وفي صادق يتفانى بس عشان يشوفه كويس عشان كدة يا جماعه انا فعلا متعوضش ... انا متعوضش 🤏🤚

‏Me to me : ‏محدش هيهتم بحزنك لا ف الثالثه فجراً ولا عصراً محدش هيعملك حساب "نام بقا متقرفناش"

ماذا لو عاد معتذرا....؟! معتذرا..!! معتذرا من ماذا..؟! أرتطم في كتفي ب الخطأ ؟ أم تأخر ع موعد اتفقنا عليه ..؟! ألربما معتذرا لأنه لم يلق عليا تحية الصباح مثلا..! أو لأنه نسي إهدائي باقة من الزهور متغزلا في عيناي..! أتشفى جروح القلب وعلاته ب الاعتذار..؟! وإن شفيت فماذا عن الندوب.. أيتوقف نزيف الروح بكلمة " أعتذر " ..؟! أتسامحنا الوسائد ع الدموع التي ذرفناها فوقها ..؟! أتسامحنا الأعين ع ليالي ذبلت فيها بالسهر والبكاء والحرمان من النوم...؟! أينسى العقل أياما من التفكير المفرط أرهقته ليلا نهارا لسماعه لكلمة " أعتذر " ؟ لا أريده معتذرا بل لا أريده ع اية حال... ولن يعود معتذرا فهو أضعف وأجبن من الاعتذار فحتى الاعتذار يحتاج الى شجاعة هو لا يملكها ولن يملكها. لم نتعلم الكره يوما قط ولن نرهق أرواحنا ابدا بهذا الشعور فإما صديق أو حبيب وهو ليس هذا ولا ذاك فما عاد سوى غريب لا يمثل شيئا ع الاطلاق فكيف له أن يعتذر...؟! _ ماذا لو عاد معتذرا..؟! لا مكان له ولو جاء بثقل الأرض ندما ✋👌

‏*ME TO ME* ‏*احنا طلعنا لوحدنا اوي علي فكره!!

اتصالحوا يا جماعة روحو وقولو "انا اسف انا عارف اني غلطت"."حقك عليا معنديش اغلي منك"،"والله يعز عليا نفضل كدا " ، اتصالحو واتاسفوا واعتذروا واتنططوا لو حد بتحبوه زعلان منكم وانتم غلطانين، الاعتذار عمره هيقلل من قيمتك ولو شخص بتحبو اتصالحو..العمر قصير وانهارده سوا بكرا لوحدنا..

انتصر أهل القدس، وانتصرت فلسطين، ودلوقت بيحتفلوا بإزالة الحواجز الحديدية وداخلين ساحة باب العامود "المدخل الرئيسي للـمسجد الأقصى"، رغماً عن الاحتلال، بعد ما أجبروا جنود الاحتلال على إزالة الحواجز والهروب. ❤ إللي مش عارف إيه بيحصل في القدس .. من أول يوم في رمضان، حصل دعوة تحريضية من بعض المستوطنين اليه&ود لإقتحام المسجد الأقصى، مش بس كدا دا عملوا دعوا بالتعدي على أي عربي فلسطيني يقابلوه، ودا بتعاون ودعم من جيش الكيان الصهيوني. لكن اللي حصل ما كنش في الحسبان، الاس&رائيليين كانوا فاكرينها سهلة، لكن الفل&سطينيين على مدار ١٤ يوم من شهر رمضان قلبوا الموضوع لحرب شوارع، وضربوا وخطفوا وحسروا المستوطنين وقوات الجيش الإس&رائيلي المحتتتتتتل.❤

‏أنا بحب أتعامل مع الناس المحترمة ، محترمة فى شكلها ولبسها ، بعقلها وتفكيرها ، اللي بيستخدموا ديما " آسف " ، " لو سمحت " ، " شكرا "،" حضرتك "،" صباح الخير " ، اللي بيضحكوا في وشي ، اللي في حالهم ، اللي بيحترموا الخصوصيه ، الناس الذوق دول بيفرحوني اوي لمجرد اني بتعامل معاهم والله

‏عندما يتعالى حائط الصمت بينكم ، أسقطه بأغنية.🌸

بقيت حاسس ان وجود الناس في حياتي مش مهم اووي لما جيت ركزت وحسبتها.. اكتشفت ان أغلب مشاكلي بسبب الناس " الخذلان، والكذب، والنفاق، والخيانة" كل دي حجات حصلتلي من الناس.. ف حسيت ان ده أنسب وقت للبعد عنهم او ع الاقل أقلل من تعاملاتي معاهم ، ومش شايف ان دي خطوة انتحارية مني او هحس ب الوحده ... لا انا هعمل كل حاجه لوحدي ، هتفسح لوحدي، هنزل اكل لوحدي، واتفرج ع فيلمي المفضل لوحدي واضحك واستمع لوحدي... صدقوني فيه حجات كتير حلوة ممكن تتعمل من غير الناس ✋👌

‏Me to me : ‏ انسى المذاكره دلوقتى وهنذاكر بعد العيد على رواقه

كُنت بتمنى من بعيد جدًا أتسحر مع فتاة الإحلام في بلكونة شقتنا اللي مكنتش لسه عرفت مكانها حتى!، ونفضل نتكلم أنا وهى لحد الفجر ونقوم نتوضى ونصلي ونفضل نقرأ قرأن لحد السحور، بعدين وبصدفة أنشأها القدر لقيت فتاة الإحلام اللي كُنت بدور عليها، بعدين فضلت أحبها خمس سنين من بعيد لبعيد متمنيًا أن أحقق الأمنية معاها ولأجل تحقيق الأمنية فضلت أدعي ربنا إنُّه يجمعني بيها في حلال اللّٰه وما بين هذا وذاك كنت شغال لأجل تأسيس الشقة دي وبفضل اللّٰه إتمكنت من تأسيسها ووقفت على رجلي مكونًا المبلغ بتاع الشبكة وتوكلت على اللّٰه اتقدمتلها وبفضل النصيب ربنا زرع القبول في قلبها وقلب أهلها من ناحيتي وخطبتها أربع سنين ولسه متجوزين من أربع شهور وعشر أيام، وده أول رمضان يعدي علينا وإحنا مع بعض والنهاردة حققت هذهِ الأمنية أو وصلت لنُص تحقيقها، روحت اشتريت فانوس وفرع زينة مخصوص مع إن عدى عشر أيام في رمضان!، وحطيتهم في البلكونة وفرشت سجادة وحطيت عليها طبلية وحطيت مخدتين نسند عليهم ضهرنا وغطا نتغطى بيه وولعت منقد وخرجت عدة القهوة وتُرمُس شاي وقاعدين بنتكلم من بعد صلاة القيام لحد دلوقتي، كانت هى بس اللي بتتكلم!، زي ما يكون فرصة وجات لحد عندها!، فضلت تتكلم من حوالي الساعة إتناشر ونص لحد واحدة ونص وبعدين مددت جسمها وحطت راسها على رجلي وبصت للسما وابتسمت وقالتلي: حتى تحترق النجوم، شيلت ايديها بوستها وقولتلها ويعصى القمر أن يمتص ضوء الشمس لمعاقبة كوكبنا فبنُصبح في ظلامٍ حالك وتكونين حينها ضوئي، سأظل متمسك بتلك اليد حتى تُقطع يداي وسأظل متمسك بقلبي، ابتسمت وعيونها رغرغت بالدموع بنفس الطريقة اللي كنت متخيل بيها فتاة أحلامي بدون ما أشوفها، طبطبت عليها وهديتها ومددت رجلي انا كمان وبصيت للسما وقولتلها حطي راسك على بطني عشان اكمل بقية المشهد ونفضل نتكلم وإحنا بالوضع ده.. ويادوب خمس دقايق وببص لقيتها راحت في النوم، غطت في نوم عميق وارتسم على وشها ملامح الطفولة وبوظت الأمنية!!

أنـا حكيتلك على كـل الحزن اللي فـ حياتي على أمل انك تخليهالي حلوه من غير أحزان وعياط وخنقه ، بس انت جيت كملت عليا وزودت الهم والحزن أضعاف ، وكأني كنت بحكيلك هما عملوا معايا ايه علشان تشوف ناقص ايه معملوهوش وتعمله انت ..😟💔

أنا بحترم -جداً- الناس المتصالحين مع ماضيهم، بالذات إللي كان فقير واغتنى، ومش بينكر أيام فقره.. إللي انتقل من بيئة متواضعة لقمة الهرم المجتمعي، بس ماقطعش علاقته بأهله وناسه القدام.. إللي سكن القصور من بعد الغيطان، بس تلاقيه في العيد ناشر صورته في قريته بالجلابية.. إللي بينشر بفخر صورته مع أمه، الست البسيطة مش سيدة المجتمع.. إللي بيحكي عن قصة صعوده وهو فخور، مش مُحرج.. ده إللي بيتقال عليه "ابن أصول"، إنما إللي بينسى أصله ويستعر منه.. مهما علي هايفضل "واطي"!

- ايه ده ؟ = كل خروجه خرجناها، كل غنوة سمعناها هتلاقيها على فلاشة جوه، كل تذاكر السينما، أي تفصيله من يوم ما عرفتك من ٣ سنين حتى غطيان الحاجة الساقعة هتلاقيها ف الصندوق ده - يوسف ده بجد كل حاجة!! = كان فيه مناديل الحقيقة بس كانت.. قومت رميتها - لأ أكيد ماوصلتش للمناديل يعني = لأ وصلت - طب يوسف ليه ضيعت مننا كل ده! ؟ يعني لما أنت بتحبني أوي كده ما كنت تقولي = أقولك إزاي! أقولك إزاي وانا مش ضامن نبقى مع بعض! كلمة بحبك دي عزيزة، التزام، ماينفعش تتقال علي الفاضي كده، أنا ماكنتش جاهز أقولها، انما دلوقتي أنا قدها💛 الاختيار 2

حظ؟ حظ ايه يا ست دلال؟ ده انا رحت اتقدم لوحده بيصحو ابوها عشان يقابلني لقوه مات ماهو كده كده قريت فاتحه بردو