"Perla diturie"

🍃 Mëshira e Allahut eshte një litar i lëshuar që lidh robin me Zotin. Për hir të saj i ka dërguar të dërguarit e Tij, duke u zbritur atyre librat e Tij. Me mëshirën e Tij i ka udhëzuar robërit e Vet, me mëshirën e Tij do t'i shpjerë në vendin e shpërblimit të Tij, me mëshirën e Tij i ka begatuar robërit duke i ushqyer ata e duke u dhënë shëndet. ✍️Ibn Kajim El Xheuzije 📚 Medarixhu Es Salikin @mesrreshtash

Burri perfekt nuk është ai që ka më shumë para ose ai më i bukuri që do të takoni. Ai është ai që di të të bëjë të buzëqeshësh dhe do të kujdeset për ty çdo ditë deri në fund të kohës. Përkthim

#Aktuale #Dita_e_Ashures Muslimanit i përket të jetë gjithnjë syçelë dhe vigjilent ndaj ditëve të veçanta ku veprat shumëfishohen dhe posedojnë vlera të dalluara. Ditë e dalluar është edhe dita e "Ashures". Të hedhim një shikim të shpejtë për të parë se çfarë ka ardhur në sunnetin autentik për vlerën e kësaj dite apo agjërimit në të. Nga Ebu Katadeh (radij Allahu anhu) transmetohet se i Dërguari ﷺ ka thënë: "Agjërimi i ditës së Ashures, llogaris tek Allahu që t'i shlyejë mëkatet e vitit të kaluar". 📖 [Shënon Muslimi] Dita e Ashures është dita në të cilën Allahu ﷻ e shpëtoi Musain (alejhisselam) nga Faraoni dhe populli i tij. Ibn Abbasi (radij Allahu anhuma) tregon:"Kur i Dërguari ﷺ erdhi në Medine e pa se Jehudët po agjëronin ditën e Ashures dhe pyeti:" Ç'është kjo?" Ata iu përgjigjën:" Kjo është një ditë e begatshme, një ditë në të cilën Allahu ﷻ i shpëtoi Beni Israilët nga armiku i tij dhe Musai e agjëroi këtë ditë". Atëherë i Dërguari ﷺ tha: "Unë kam të drejtë më shumë te Musa sesa ju, dhe agjëroi, e poashtu urdhëroi që të tjerët ta agjërojnë këtë ditë". 📖 [Shënon Buhariu] Agjërimi në këtë ditë është sunnet i fortë dhe nuk është obligativ, për këtë janë unanim dijetarët, siç transmeton Imam Neveviu në librin e tij 'el Mexhmuu', porse kësilloj mundësie për shpërblime të tilla nuk duhet humbur nga muslimani. Lidhur me rëndësinë e agjërimit të ditës së Ashures tek i Dërguari ﷺ Ibn Abbasi (radij Allahu anhuma) ka thënë:" Nuk kam parë që i Dërguari ﷺ të ketë favorizuar dhe synuar një ditë për agjërim më shumë sesa në këtë ditë, në ditën e Ashures dhe këtë muaj, pra muajin e Ramazanit". 📖 [Shënon Buhariu] Është e pëlqyeshme t'i shtohet një ditë para apo pas për të kundërshtuar jehudët. I Dërguari ﷺ në hadithin të cilin e transmeton Ibn Abbasi (radij Allahu anhu) ka thënë: "Po të isha gjallë deri në vitin e ardhshëm do ta kisha agjëruar edhe ditën e nëntë", mirëpo ai ndërroi jetë". 📖 [Shënon Muslimi] Lusim Allahun ﷻ për udhëzim në këtë sunnet të fortë dhe thirrje në të, Allahu ﷻ është Dhënës i suksesit dhe vetëm Atij i takon falënderimi! ✍️ Përgatiti: Ardian Elezi

✨️ Kjo është edukata...✨️ Kur dikush më tregonte ndonjë hadith që e dija, e dëgjoja me vëmendje dhe bëhesha sikur po e dëgjoja për herë të parë, edhe pse unë kisha dëgjuar për të akoma pa u lindur ai që më tregonte". (Ata ibn Ebi Rebahu, vdiq më 114 h)

Ti drejtoju Allahut duke mos heq dorë nga lutja, me shpresë të fuqishme se Ai do të përgjigjet, dhe prite gëzimin e zemrës tënde! 🫀 “Dhe ne e përgëzuam atë.” (Safat, 101)

✨️ Kush e synon rehatinë, duhet ta braktisë atë. Lodhja do të largohet, ndërsa shpërblimi do të mbetet. (Shejh Halid Ismail)