Toshkent viloyati hokimligi / Хокимият Ташкентской области

#ҳоким_ташаббуси_билан Равон йўллар обод манзилларга элтади Нурафшон шаҳри ҳокими Қаҳрамон Ҳакимов ташаббуси билан Нурафшон шаҳрини ижтимоий-иқтисодий тарафдан ривожлантириш мақсадида тузилган 2-сектор ҳудудидаги «Обод турмуш» маҳалла фуқаролар йиғинининг ички йўллари таъмирланаяпти. Тан олиш керак, «Обод турмуш» маҳалласининг ички йўллари олиб борилган қурилишлар оқибатида, тоза ичимлик суви ҳамда оқова сув қувурларининг ётқизилиши натижасида анча таъмирталаб бўлиб қолганди. Албатта, бундай ҳолат маҳалла аҳлига, айниқса, ҳар куни ишга, ўқишга отланадиган ободтурмушликларга катта ноқулайликлар туғдираётганди. Кунлар совиб, ёғинли-сочинли кунларнинг бошланиши эса аҳволни баттар абгорлаштирганди. Бироқ, халқ билан бўлаётган доимий мулоқотлар, ҳудудларнинг аҳволи, ободлиги мунтазам кузатув ва назорат остида. Хоссатан, «Обод турмуш»нинг йўлларига асфальт ётқизилиши ҳам шахсан ҳокимнинг назорати остида олиб борилаяпти. 👉 Mash’al_gzt

Ўзбекистон Республикасининг "2020 йил учун Ўзбекистон Республикасининг Давлат бюджети тўғрисида"ги Қонуни Сенаторлар томонидан маъқулланди. Олий Мажлис Сенатининг 24-ялпи мажлисида Ўзбекистон Республикаси Бош вазири ўринбосари – Молия вазири Жамшид Қўчқоров “2020 йил учун Ўзбекистон Республикасининг Давлат бюджети тўғрисида”ги қонун лойиҳаси бўйича тушунтириш берди. Муҳокамалар якунлангач, қонун лойиҳаси овозга қўйилди ва маъқулланди. Эндиликда қонунни Ўзбекистон Республикаси Президенти Шавкат Мирзиёев тасдиқлаши керак бўлади. Тошкент вилояти ҳокимлиги Молия бош бошқармаси Ахборот хизмати https://t.me/ToshkentViloyatMoliya

#онлайн Оммавий ахборот воситалари билан ҳамкорликни янада кучайтириш, прокуратура органлари фаолиятида очиқликни таъминлаш мақсадида ташкил этилган матбуот анжумани бошланди. Матбуот анжуманида вилоят прокуратураси маҳкамаси таркибий тармоқ раҳбарлари, туман-шаҳар прокурорларининг жамоатчилик билан алоқалар ва ҳуқуқий ахборотлар бўйича ёрдамчилари, иқтисодий жиноятларга қарши курашиш департаменти вилоят бошқармаси, Мажбурий ижро бюросининг вилоят бошқармаси вакиллари, ОАВ вакиллари, блогерлар иштирок этишмоқда. Айни дамда вилоят прокурори С. Самадов 2019 йилнинг 10 ойи давомида прокуратура органлари томонидан амалга оширилган ишлар юзасидан маъруза қилмоқда. Тошкент вилояти ҳокимлиги Ахборот хизмати.

Бўка тумани ва Ангрен шаҳрида раҳбарлар фаолияти самарадорлигини баҳолаш тизими жорий этилади “Давлат бошқарувида илғор давлат менежменти ва “ақлли” бошқарув принципларини босқичма-босқич жорий этишга доир қўшимча чора-тадбирлар тўғрисида” Ҳукумат қарори (959-сон, 28.11.2019 й.) қабул қилинди. Қарорга мувофиқ, давлат органлари ва ташкилотлари учун профессионал бошқарувчиларни тайёрлаш, қайта тайёрлаш ва малакасини ошириш тизимида масофавий таълим технологияларини ўз ичига олган давлат бошқарувида менежмент ва “ақлли” бошқарув принциплари босқичма-босқич жорий этилади. Шунингдек, “Бошқарув кадрлари портали” яратилиб, 2020 йил 1 мартга қадар ишга туширилади. Портал фойдаланувчиларининг ягона электрон базасини шакллантириш ва янгилаб бориш, шунингдек уларнинг касбий ва шахсий ўсишига кўмаклашувчи масофавий таълим технологияларини жорий этиш Порталнинг асосий вазифаларидан бири этиб белгиланди. Қарорга кўра, 2019 йил 1 декабрдан бошлаб Тошкент вилояти Бўка тумани ва Ангрен шаҳрида тажриба-синов тариқасида раҳбар кадрлар фаолияти самарадорлигига доимий равишда баҳо бериб бориш тизими жорий этилади ва ушбу тизим 2020 йил 1 августга қадар амалга оширилади. Тажриба-синов якунлари бўйича ушбу тизим кейинчалик бутун республика ҳудудида жорий этилади. 2020 йил 1 февралга қадар давлат органларининг “Халққа – кўмакчи, тадбиркорга – бизнес ҳамкор” сифатида фаолият кўрсатишини кенгайтириш мақсадида махсус электрон платформа яратилади ва ишга туширилади. Тошкент вилояти ҳокимлиги Ахборот хизмати.

Тошкент вилояти ҳокимлиги Молия бош бошқармасида Ўзбекистон Республикасининг "2020 йил учун Ўзбекистон Республикаси Давлат бюджети тўғрисида"ги Қонуни лойиҳаси молия тизими масъуллари ўртасида муҳокама қилинди. Тошкент вилояти ҳокимлиги Молия бош бошқармаси Ахборот хизмати Батафсил: https://telegra.ph/Toshkent-viloyatida-%D0%8Ezbekiston-Respublikasining-2020-jil-uchun-%D0%8Ezbekiston-Respublikasi-Davlat-byudzheti-t%D1%9E%D2%93risidagi-%D2%9Aonuni-loji%D2%B3-11-29

#Ангрен #хушхабар Ангренда "Хотин-қизлар тадбиркорлик маркази" фаолият бошлади Ангрен шаҳар "Истиқбол" маҳалла фуқаролар йиғини ҳудудида "Обод маҳалла" дастури доирасида қурилган "Аёллар маънавият маркази" хотин-қизлар ихтиёрига топширилди. Марказ раҳбари, тадбиркор Шоҳиста Мадиярованинг таъкидлашича, бу ерда банд бўлмаган хотин-қизлар иш билан таъминланиш билан бирга тикувчилик йўналиши бўйича ўқув курсида аёллар касб-ҳунарга ўқитиш курслари ташкил этилган. Хотин-қизлар қисқа курсларда ўқиб, ҳунарли бўлишлари мумкин. Шунингдек, аёллар Марказда қандолатчилик, сартарошлик, уй ҳамшираси, жундан рўмол, шарфлар тўқиш, тол навдаларидан уй-рўзғор буюмлари ясаш каби ҳунарларни ўрганишлари мумкин. Эътиборлиси, машғулот ва амалиёт бепул. Тошкент вилояти ҳокимлиги Ахборот хизмати

#Зангиота #Инвестиция Тошкент вилояти ҳокимининг биринчи ўринбосари Одилхон Рустамов Зангиота туманида тадбиркор ва инвесторлар билан учрашди Тошкент вилоятида Фаол инвестициялар ва ижтимоий ривожланиш йили доирасида инвестиция лойиҳаларини амалга ошириш, тадбиркорлик фаолияти йўлидаги бюрократик тўсиқларни бартараф этиш, истиқболли лойиҳалар доирасида аниқ таклифлар ишлаб чиқиш ва бу борада масъулларнинг масъулиятини ошириш бўйича тизимли ишлар амалга оширилмоқда. Вилоятнинг Зангиота туманига ташриф буюрган вилоят ҳокимининг биринчи ўринбосари Одилхон Рустамов туманда бу борада амалга оширилаётган ишлар билан яқиндан танишди. Бир қатор қўшма корхоналарда бўлиб, тадбиркор ва хорижий инвесторлар билан учрашди. Ўзбекистон-Эрон ҳамкорлигида фаолият бошлаган "Шарқ балиғи” МЧЖ Ўзбекистон-Эрон қўшма корхонаси масъуллари иштирокидаги учрашувда ҳорижий ҳамкорларга республикада тадбиркорлар учун яратилаётган шарт-шароит, имтиёзлар, қулай географик жойлашув ва иқлим ҳақида батафсил маълумот берилди. Ўзаро ҳамкорлик ҳар икки томон учун кўп жиҳатдан самарали бўлишига ишонч билдирган инвесторлар туманда балиқ етиштириш ва уни қайта ишлашга мўлжалланган қўшма корхона очиш ҳамда ҳамкорликни янада ривожлантириш юзасидан ўз режалари айтиб ўтишди. Маълумот ўрнида: Ушбу лойиҳанинг қиймати 43 миллиард сўмга тенг бўлиб, жами 35 гектар майдонда балиқ плантацияларини ташкил этиш орқали 700 нафар янги иш ўрни яратилиши режалаштирилган. Шу куни вилоят ҳокимининг биринчи ўринбосари О.Рустамов инвестиция лойиҳаси доирасида “Назарбек” ҳудудида жойлашган ва лойиҳа қиймати 6 млрд сўмга тенг "Takro Osiyo" МЧЖ ҳамда “Хонобод” ҳудудида фаолиятини 215 млрд сўм маблағ билан бошлаши режалаштирилган "International Beverages Tashkent" МЧЖ қўшма корхонасида амалга оширилаётган ишлар билан ҳам яқиндан танишди. Ушбу корхоналарнинг ишга туширилиши ҳудудда 1200 нафар ишчи-ходимни иш билан таъминлашга замин яратади. Тошкент вилояти ҳокимлиги Ахборот хизмати.

Ҳунармандчиликни янада ривожлантириш ва ҳунармандларни қўллаб-қувватлаш бўйича қўшимча чора-тадбирлар тўғрисида Ўзбекистон Республикаси Президентининг қарори ➡️ https://bit.ly/33tordW Каналга қўшилиш ⬇ https://t.me/joinchat/AAAAAEHi_Tk-4p_xI26gIw​​

Аввал хабар берганимиздек, Тошкент вилояти раҳбари Рустам Холматов Бўстонлиқ туманининг тоғли қишлоқлари аҳолиси билан учрашган, хонадонларда бўлиб, уларнинг яшаш шароитлари билан танишган эди. Мазкур жараён тафсилотлари "Ўзбекистон24" телеканали нигоҳида.

Кечки дайжест – бугун вилоятимизда қандай муҳим воқеликлар бўлди? Ижтимоий тармоқларда нима гап? Чирчиқ шаҳрида Ўзбекистон Республикаси Президенти ҳузуридаги бизнес омбудсман раҳбарияти иштирокида йиғилиш ўтказилди. *** Оққўрғонликлар "Тошкент сити"да – туман ҳокимининг ташаббуси билан корхона ва ташкилотлар раҳбарлари пойтахтда бунёд этилган мўъжаз шаҳарчада бўлишди. *** Диний эстремизм, терроризм ва миссионерликнинг салбий оқибатлари мавзусида давра суҳбати ўтказилди. *** Вилоят Ички ишлар бош бошқармаси раҳбари Тоҳир Ориповнинг олис қишлоқлар аҳолиси билан сайёр қабуллари давом этмоқда. *** Қозоғистон Республикаси Нур-Султон шаҳрида 1999-2001 йилларда туғилган ёш спортчилар иштирокида ўтказилан белбоғли кураш бўйича жаҳон чемпионатида 100 килодан ортиқ вазнда вилоятимиз вакили Санжар Турсуналиев олтин медални қўлга киритди. *** Тошкент вилоятида ҳафтанинг жума куни – "Чорвачиликни ривожлантириш куни" этиб белгиланган. Бугун мазкур тадбирлар доирасида Оҳангарон туманида илмий-амалий семинар ўтказилди. "Ўзбекчорва" наслчилик агентлиги Бош директори Абдурасул Абдуллаев иштирок этди. *** Вилоятимиз бўйлаб ўтказилаётган маънавият фестивали доирасидаги тадбирлар давом этмоқда. Бугун Юқори Чирчиқ, Паркент туманлари ҳамда Чирчиқ шаҳрида фестивал доирасидаги тадбирлар ўтказилди. *** Пискент тумани ҳокими тадбиркор ва ишбилармонлар билан учрашиб, уларга мурожаат йўллади. *** Нурафшон шаҳрида "Камалак юлдузлари" фестивалининг вилоят босқичи бўлиб ўтди. Унда Оққўрғон ёшлари биринчи ўринни қўлга киритди. *** Вилоят бош имом-хатиби Хайрулла Турматов Чиноз туманига бориб, масжидларнинг жорий ҳолатини ўрганди. *** "Кулча нон" – Ангрен ёшлари ўтказган акция ана шундай номланди. 3 декабрь – Халқаро меҳрибонлик куни муносабати билан ўтказилган мазкур акцияда махсус мактаб-интернат тарбияланувчиларига уйда ёпилган турфа хил нон маҳсулотлари улашилди. Тошкент вилояти ҳокимлиги ахборот хизмати. Биз ижтимоий тармоқларда: 👉 Телеграм 👉 Фейсбук 👉 Твиттер