P L A N E T

ماتدي زول سجارة حتى لو أنت بتسجر ماتسمع زول أغاني حتى لو أنت بتسمع ما تعمل شير لأغنية ولا لفيديو تافه حتى لو أنت بتحضرو ولا توصف لي ذول مسلسل انت بتحضره عشان يتابعه لانها سمحه 💔 ماتمسك زول طريق الذنوب حتى لو أنت قاعد تعمل نفس الذنوب دي ذاتها كفايه خلي ذنوبك تقيف عندك وما تحملها لغيرك ذنبك البتعملو في خاصة نفسك ده ممكن تتوب منو ، بس ذنبك البيتعدى لغيرك ده الضامن شنو انو غيرك يتوب  منو ؟ تذكر حديث نبينا عليه السلام : " من دعا إلى ضلالة ، كان عليه من الإثم مثل آثام من تبعه ، لاينقص من أوزارهم شيئاً " نحن ما ناقصين ذنوب عشان نوزعها لغيرنا ، ذنوبنا الغرقانين فيها دي الله يغفرها لينا 💔 خلونا نوقف موضوع السيئات الجارية ده عشان نحن حنموت وبنخليها ورانا وهي بتتعدى لغيرنا وبتتضاعف كمان 💔 ربنا يصلحنا ويتوب علينا ويهدينا ويهدي بنا يارب ❤️❤️ منقول بِحُب!» ❤️