(موسیقی)ARAZ_TV1

حیات یئنیش_یوخوش بیر یولا بنزر شاعير ده، عالیم ده، نادان دا گئدیر بیزه نعمت وئرن تورپاق آلتینا میلیون-میلیون اینسان بیر آندا گئدیر بو گوندن صاباحا وئرمه ییر ماجال یاخشی_یامان قانمیر اینصافسیز اجل واختی کی یئتیشدی سسله ییر کی: "گل"! اوندا خان دا گئدیر خاقان دا گئدیر اونون قانونوندا عدالته باخ! مزاردا هئچ کیمه یاندیرمیر چیراق کیملییین سوروشمور او قارا تورپاق اورا خان دا گئدیر چوبان دا گئدیر حیات نه شیرین دی! آی "وطن اوغلو"! باخدیقجا "بهمن"ین گؤزلری دولو حئيیف! عوُمور آدلی بو گؤزل یولو، قانمایان دا گئدیر قانان دا گئدیر... ✍بهمن_وطن_اوغلو

یوزوندور مقصدیم، قیبله‌م، لبیندیر آب حئیوانیم ایا سرو سرافرازیم، فدا اولسون سنا جانیم کی سنسن دردیمه درمان، یوزون فورقان، خطین ریحان فدا اولسون سنا مین جان، کی سنسن شاه و سولطانیم انیسیم، رهبریم، یاریم، گولر یوزلو گول اندامیم عبیریم، عنبریم، موشکوم، بویو سرو خورامانیم عزیزیم، سروریم، عؤمروم، حدیثیم، تفسیریم، علمیم کی لعل و یاقوتوم، دورروم، شیکاریم، گؤوهریم، کانیم کلامیم، ذکر قرآنیم، کیتابیم، توحیدیم، فیکریم نامازیم، سجده و شوکروم، قیامیم، جومله ارکانیم مورادیم، فاضیلیم، مئیلیم، کلامیم، مقصدیم، کؤنلوم جوابیم، مسأله‌م، سؤزوم، دیلیمده جومله دستانیم حیاتیم، راحتیم، مئهریم، نجاتیم، وارلیغیم، ذاتیم طبیبیم، شربتیم، خیضریم، وجودوم، صحّتیم، جانیم ازلدن‌دیر منیم دردیم، سؤزو گئرچک، یوزو بدریم محبّیم، سئودیگیم، مئهریم، سیه زولفِ پریشانیم‌ خزینه‌م، گنجیم و مالیم، نسیمی عاشیقیم، عشقیم حبیبیم، عزّتیم، عزّیم، ازلدن کامیل اینسانیم! عمادالدین_نسیمی ❤️  ❤️ ❤️

سلاملار دوسلار سحر آچیلیر گۆنش داغ دالیندان بویلانیر داغلار آل الوان چیچکلره بویانیر گونوز آیدینلیغا اویانیر سحریز خئیرلی اولسون 😊