Multaqa-😍 الملتقى 💖

اللَّهُمَّ إنَّكَ عَفوٌّ تُحبُّ العَفوَ فاعفُ عنَّا.

ولو رأى أهل غزة دعوات أحبابهم من أهل مصر وحدهم في الليلة الماضية وحدها وسمعوا بكاءهم ورأوا تخضّب لحاهم بالدموع كالأطفال، يلحّون على الله إلحاح الغريق التائه، لعلموا ما تشغله غزة من قلب مصر.. لولا أسوار الأرض التي لا تحول بينهم وبين السماء.

جملة هزتني اوي “ الله لا يعطي اصعب المعارك الا لأقوي جنوده " فعلاً مش اي حد ينفع يُبتلي بمرض قاسي.. مش اي حد ينفع يُبتلي بفقد اعز ما يملك في الدنيا... مش اي حد ينفع يُبتلي بزوال نعمة كانت من اساسيات حياته.. مش اي حد ينفع يبتلي بوجع بيكسر قلبه علي نفسه او حد بيحبه.. مش اي حد ينفع يبتلي باعاقة او بمرض اولاده قدام عينيه! سبحان الله ربنا بيختار فئة معينة.. بيحبهم.. بيصطفيهم من بين مليارات الناس لحكمة وحده اللي يعلمها، ثقوا ان اي حد مُبتلي فهو غير كل اللي حوليه؛ اقوي و اشجع و مفيش زيه كتير.. ربنا اختار ناس بيستقبلوا قضاء الله برضا احنا نفسنا بنقف عنده و نتنح من كمية الرضا و الاحتساب و الحمد ! قال تعالي : ﴿وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ﴾ قولوا لكل بطل مُبتلي و صابر و محتسب ( إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ﴾ و ان الله لا يعطي اصعب المعارك الا لأقوي جنوده.. حسسوهم انكوا جنبهم و لو بكلام بسيط زي ده و ادعولهم ربنا يرفع عنهم البلاء و يجازيهم الجنة بحق صبرهم و احتسابهم..ادعوا لناس متعرفوهاش .. الدعاء بظهر الغيب مستجاب ان شاء الله.💚

- كنت بكلم مع واحدة قريبتى وفجأة لاقيتها بتقولى " لو عايز ربنا يحققلك اى حاجة استغفر كتير ومتقولش لحد " لاقتنى سكت .. قالتلى انت عارف ؟! -انا لما جيت اتجوز كان فى شوية عقبات كده كانت ممكن تفركش الجوازة ، وكنت بستغفر ليل نهار وحتى وانا بشتغل والحمدلله اتجوزت الشخص اللى عايزاه . - ولما خلفت بنت كان نفسى من جوايا اخلف ولد وكنت بستغفر بردو ليل نهار وربنا رزقنى بتؤام ولد وبنت . واى حاجة فى حياتى بتمناها او عايزاها بستغفر وربنا بيستجيب . انا فضلت متنح شويه ، بس عالطول افتكرت .. " فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاء عَلَيْكُم مِّدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا " 💙

اللهم إنَّك عفوٌ تُحبُ العفو فاعف عنَّا 🤍

1430 يا شباب 🤍🤍🤍

830 يا شباب اللهم بارك الليلة مفترجة وصدقة خير من الدنيا وما فيها

300 اللهم بارك

200 باقى 1800 يلا يا شباب الخير 🤍

اول 100 ج يا شباب متنسوش اننا ليلة ٢٧ ولعلها ليلة القدر تصدق ولو ب القليل

السلام عليكم ورحمة الله وبركاته ازيكم يا شباب دا حالة مستعجله جدا ومعهم ٤٨ ساعة بس ومحتاجين الفين جينة بس فلو مش هتقدر تساعد انشر عندك دا الرقم وانا هنزل اللى جمعنه كل شوية دا الرقم اللى هنجمع عليه المبلغ 01090235466

في مشكله ع جروب واحد بيشتكى إن مراته عملت حادثه و إن هو اللى بيغير لها زى الاطفال وبدا يقرف منها ومش قادر يعاشرها معاشره الازواج بعد اللى شافه ومش قادر يجيب لها خدامه علشان خايف تسرقهم واحده من الناس ردت رد يوجع القلب ردت قالت : " تصدق بالله أنا و أنا حامل لو كنت اتحرك من مكاني كان بيجيلي نزيف ، جوزي لمدة ٩ شهور ساب شغله و قعد جنبي يأكلني و يشربني و يغيرلي هدومي و يربط لي رباط الجزمه لو نازلين رايحين للدكتور و يجيب لي بنت تعملي شعري و مانيكير و باديكير علشان نفسيتي ، رغم ان عندي أختين بنات و أمي و حماتي ، في وقتها رفض مساعدتهم و قال لهم أنا أولي بمراتي و اللي عايز يساعد يشوف نفسها في إيه و يطبخه لانها مابتحبش اكل بره و انا مابعرفش اطبخ و ربنا رزقنا بابننا بعد ما شديت حيلي قالي يالا انزلي اخرجي و سيبي لي الولد انت محبوسة بقالك شهور هو خدمني ٩ شهور عشنا مع بعض بعدها ٣ سنوات بيراعي ابني زي ما انا براعيه و حطاه في عينيا و فجأه توفاه الله من شهرين في عز شبابه و فهمت ان اللي زيه خساره في الدنيا و ان اللي من عينتك بس هما اللي بيعيشوا ، رحمه الله ع رجل عمري كان أحسن و أفضل الرجال ، انت بقي عملت ايه يخلي مراتك تحس باللي انا حاسه به تجاه زوجي من وجع قلب ، لو مش قادر تخدمها هات واحده تخدمها و ماتقولش اصلها هاتسرقني لانها لو مكانك كانت هاتخدمك العمر كله" رد تانى واحده كاتبه :" نفسي أكلم ربنا واشكى له واقول له بقى هم دول الرجاله اللى وصيتهم علينا يارب" وهل هما دول الازواج اللي لو كنت امرت احدا ان يسجد لاحد لامرت المراة ان تسجد لزوجها اوعي تقبلي بالي يقولك بحبك وهوه مش فاهم معنى الكلمه وله يقدر يثبت معناها .. اوعي تقبلي باي حد عشان ميبقاش في الاخر ده تقديره ليكي 🖤

س: ماذا يفعل المأمومُ حين يُثني الإمامُ على الله في القنوت؟ ج: مُخيَّرٌ بين ثلاثِ خِصال: الأولى: أن يقول "أشهد" ونحو ذلك. الثانية: أن يُشارك في هذا الثناءِ سرَّاً لا جهراً الثالثة: أن يسكت. وأما ما هو منتشر بين الناس من ادِّعاء بطلان الصلاة بقول "أشهد" فلا أعلم له دليلاً من أقوال فقهائنا، والله أعلم. وعلى من يُفتي أو ينقل الفتوى أن يتحرى الدقةَ فلا يحكي بُطلان العمل أو جوازه إلا بدليل ينتهض الاعتماد عليه شريطةَ أن يكون له "سلف" من مذاهب أئمتنا فيما يقول به كي لا يقعَ في الابتداعِ بفتواه. عبدالله رشدى

- عاوز اعترف لك بحاجة يا شيخ بس ما تكتبهاش ع الفيس - اتفضل - صلاة التراويح تقيلة عليا وبابقى جي المسجد بالعافية وبصراحة مابحسش باللذة اللي الناس بتكتب عنها ع الفيس ، وبفكر اصليها في البيت ؟ - إوعى تعمل كده - ليه ؟ - علشان مش هتصليها ، ولو صليتها هتصليها مرة ومش هتصليها تاني ، ولو صليتها هتصليها من غير روح ، الشيطان بيشتغلك وبيجيبك بالتدريج -طب مادمت جي المسجد بالعافية وتقلان ومجهد ونعسان ومش لاقي الأنس واللذة ، آجي ليه ؟ - لنفس السبب اللي احنا بنيجي علشانه المسجد ، هو انت فاكر انك لوحدك اللي تقلان ونعسان ومجهد ومش لاقي لسه الأنس واللذة ؟ معظمنا بيعاني زيك بالظبط - معقولة ؟ - آه والله - أمال بتيجوا ليه ؟ - عبودية - إيه ؟ - عبودية - يعني إيه ؟ - العبودية من معانيها الانقياد والطاعة والاستسلام التام ، احنا بنيجي في عز التعب والجهد بعد يوم صيام شاق علشان نظهر لربنا عبوديتنا ، و نسترضيه كأننا بنقوله يارب احنا تعبانين ومجهدين ومش قادرين وجايين بس علشان نرضيك يا صديقي احنا كلنا زيك جايين ندور على قلبنا في بيت ربنا احنا جايين عشمانين تشملنا الرحمة والمغفرة والعتق اللي بينزلوا كل يوم على مجالس الذكر والصلوات عشمانين ان مجرد تواجدنا في بيوت ربنا يكون سبب في حصولنا على حلمنا العظيم بالعتق من النيران ويكون اسمنا ضمن كشوف الأسماء اللي بتنزل كل ليلة في رمضان مجرد عصيانك لهواك وطرد وسوسة النفس ومقاومتك طول الوقت للصوت اللي بيقولك ماتروحش المسجد أو بيقولك وانت بتصلي : صلي الركعتين دول وروح كمل في البيت = ده في حد ذاته لذة وعبادة عظيمة اسمها المجاهدة واللي في النهاية ربنا بيكافئك عليها بإنك تجد الأنس واللذة اللي بتحلم بيهم يا حبيبي احنا بنيجي المسجد بعد يوم شاق علشان نمارس العبودية ممارسة حقيقية ، و نعيش معنى سمعنا وأطعنا غفرانك ربنا وإليك المصير ..

_ الزي الشرعي فرض و مفيش حاجه اسمها مش مقتنعه _مُصافحة الرّجال حرام _و المُحب لمن يُحب خَطُوبُ مفيش حاجه اسمها بنتعرف _و باب التوبة مفتوح _ مُدمِن الذِّكر يُحشر و هو ضَاحِك _و الإرتباط بغير رابط شرعي حرام حرام كمان مره مفيش حاجه اسمها اصل هيخطبنى لما نخلص او بابي عارف _البرفان حرام و تكتبي زانية _ لاشيء يعدُل صُحبة القرآن _و صُحبة الصالحين في الواقع والمواقع تُصلح .. اذكركم و نفسى قبلكم و السَّلام وعليكم و رحمة الله و بركاته و رد السلام فرض 🤎

‏و قيل أن الحُب هُو أن تكُون الإجابات مُطمئِنة وليستْ مَنطقيّة 💙

"أنا عند ظن عبدي، فليظُن عبدي بي ما يشاء" ما يشاء؟ - نعم ما يشاء! ولو عَظم المطلوب واستحالت الأسباب؟ -نعم، ولو عظم المطلوب واستحالت الأسباب! أحسِنوا الظن وألِحوا وأكثروا، فالله أكثر وأكرم.

قبل الفطار لقينا خناقة مع ماما ومرات اخويا .. فيه ايه يا جماعة .. الجنارة حارة والميت كلب.. إيه اللي حصل يا ماما بتزعقي ليه لمرات عماد.. قالتلي قلتلها ما تديش للعيال الصغيرة المكسرات في الراحة الجاية عشان غالية واحنا بنحطها على الحلويات .. فعماد قالي لأمي قلبك أبيض يا ستي هنزل اشتري مكسرات جديدة وقال لمراته إبقى ادي للعيال فول سوداني بدل المكسرات دي.. فمراته بتقول لا هديهم عشان ما يبقاش ناقصهم حاجة وأمي بتقول لا خليهم ياكلوه في الحلويات.. فأنا قلت لعماد.. شكسبير على لسان هاملت كان بيقول.. ليس هناك شئ جيد ولا شئ سئ.. تفكيرنا هو الذي يجعله كذلك.. يعني مراتك شايفه ان المكسرات احسن وهي حاف وأمك شايفه انها احلى في الحلويات.. فلقيت عماد بصلي وقالي شكسبير ساب المسرحيات والشعر وكتب عن المكسرات ومراتى وأمك.. إرحمني أنا صايم.. بعدها بشويا بدأت أمي ومرات أخويا يتخانقوا على الكنافة.. أمي تقول لمرات عماد ادهني الأرضية زبدة وسمنه عشان ما تتحرقش من تحت.. ومرات عماد تقولها انا بقلبها على الطرفين ومالكيش دعوة بالحلويات.. هوب فعلا الكنافة اتحرقت من تحت.. وكان يوم ما يعلم بيه غير ربنا .. فأنا تدخلت في الموضوع وقلت لأمي انت مشكلتك الوحيدة انك مش فاهمة الفرق بين النشاط الفعلي والنشاط السلوكي.. وضربت لها مثل.. ان الانسان لما يجي ياكل وهو جعان ده نشاط فعلي والانسان لما ياكل لمجرد الأكل أو التسليه ده نشاط سلوكي.. فإنتي يا ماما بتتخانقي مع مرات ابنك مش نشاط فعلي وقت الضرورة.. لا.. انتي بتتخانقي معاها ناقر ونقير نشاط سلوكي منك ومنها.. وقلتلها.. اذا كان الملح يقي اللحم الفسادا فمن يصلح اللحم إذا الملح فسد.. فأمي قالتلي خليك بوكستك ياخويا.. فجأة لقيت عماد بيقول لأمي.. أنا قايل لمراتي يا ماما تحروقلي الكنافة من تحت لأني مش بحبها طرية.. وبص لمراته كدا وقالها كل سنه وانتي طيبة ناكل الكنافة دي في الشقة بعد الفطار.. فأنا بصيت ليه وقلتله إن المحبة متى اتسعت صعب التعبير عنها بالكلام.. والزواج الناجح هو أنك تشغل عقلك من أجل إرضاء شريكك.. عماد قالي الزواج الناجح هو إنك ما تشغلش عقلك أصلا يا أحمد.. فمراته بتقوله أعملك واحدة تانية بدل ما تنزل تشتري.. ومش هحرقها.. فأمي قالتلها والله هتتحرق منك تاني.. مرات أخويا قالتلها طب والله لأعملها تاني.. فعماد بكل هدوء قال لمراته.. حد يبقى معاه بسبوسة بالقشطة والمكسرات زيك كدا ويبص لكنافة.. أنا هبصلك وأنا باكل الكنافة المتحروقة دي.. هشبع من أول قطمة.. وخلاها ما تعملش كنافة تاني ولا تتخانق مع أمي.. فأمي قاعدة تتفرج على المسلسل جنبي وبتقولي واد يا أحمد.. شفت أخوك كان بيقول لمراته إيه.. بقولها إيه يا ماما.. قالتلي بيقولها هبص في وشك أشبع.. قلتلها وإيه يعني.. قالتلي هو كان قصده وشها يسد النفس.. وكان بيقولها كدا عشان يراضيني..انت بس مش فاهم أخوك..

‏يارب نعدي كل المعارك اللي مابنحكيش لحد عنها يارب كل حاجة ترجع كويسة.. حتى أنا.

قد يعترض الناس على فرحتك الحالمة، حماستك العفوية، أو قدرتك الجديدة على رؤية الجمال في كل شيء من حولك. أدعوك لأن تتعامل مع اعتراضاتهم على أنها الدليل الواضح بأنك تسير على الدرب الصحيح، طالما أنك تشعر بالرضا 💜