Multaqa-😍 الملتقى 💖

"أنتَ المُغيثُ لمن سُدّت مذاهبُهُ أنتَ الدليلُ لمن ضلّت بهِ السُبلُ" - قيام الليل.💙

" إتجوزيه و هيتغير بعد الجواز " الجمله دى فاتحه بيوت محامين كتير والله .

انا في لوغة عاربية وباحب اشتيغل مودرس بعاد الجاميعة تنصحاوني باي فالتدريس عشيان باحبه وباحب اللوغة العاربية جدن وشكرن لكوم ، ان شآء الله هعلم التلامايذ اللوغة وأخليهم يحبوها ذيي ، الموشكلة اني اغلاب أصاحبي حقدين علايا وبيقولوا اني باغيش فالامتحيانات 🙂

اتجوزي يا حبيبتي وانتي صغيرة و خلفي بدري عشان سنك يبقا من سن ولادك عشان تبقي صاحبتهم و تعرفي تربيهم ايه دا ولادك كبرو و بقا عندهم صدمات نفسية كتير بسبب انك كنتي صغيرة و ما كنتيش واعية كفاية لمسؤلية زي التربية!! يلا معلش بقا بس والله كنتي في صور الفرح زي العسل🙂

ازيك🙋‍♀🤍 ايوه انت😊🤍 يلا نصلي ركعتين قيام الليل وندعي ربنا بكل اللى عيزينه وبإذن الله هيستجيب وهترتاح نفسيًا بعد ما تصلي🥺🤍🤍🤍🍓

‏"اللهُمَّ أُمّي لُبابة فؤادي، استقامة ظهري، وشعاع الليالي الحالكات ارض عنها وارزقها خيري الدُّنيا والآخرة واحفظها ليّ وارزقني برّها"♡

يقول أحدهم : أخي طلب يد حبيبتهَ ورحل وعاد " مستشهداً " فوجدت في وصيتهَ : والله ماطلبت يدك لأكسر قلبك ولكن قرأت أن الشهيد يشفع لأهله وأردت أن تكوني من أهلي.🤍

"سيبتوا بعض ليه"..؟! صادفت السؤال ده فـ جروب مُختلط شباب وبنات ، فـ دخلت علشان أقرأ الكومنتس ، وكمان أرد بـ "مش عارفه" ، مش عارفه حقيقي سابنى ليه !؟ وأنا بقرأ الكومنتس لفت نظرى كومنت خلى قلبي يدق أوى ، يدق بلهفة . كومنت منه ، مركزتش ولا قرأت هو كاتب أيه ؟! ملفتش نظرى إلا أنه فك البلوك اللى كان عاملهُ بقالهُ سنه ونص .. ! جريت عـ بروفايله زى المجنونه ، زى شخص تايهه وما صدق لقي قشة يتعلق فيها . فضلت مركزة فى صورته أوى ، وحشنى أوى ، أنا بقالى سنه ونص كل يوم ببكى عليه بدل الدموع دم . سنه ونص وأنا بفتح الفويس نوتس بتاعته وبسمع صوته عشان أعرف أعيش . كل شوية بدخل أقرأ اللى بينا فـ الشات ، بشوف وعوده ليا ، وأهتمامه بيا ، قلبي بيوجعنى أنه مبقاش موجود . سنه ونص وأنا مش عارفه أتخطى ولا أتعافي من حبه ، أنا من بعده بقيت تايهه حرفياً . ناس كتير بتتقدم ليا ، وغيرهم بيطلب أنه يرتبط بيا وأنا بردو مش عايزة غيره ، مش متخيلة نفسى إلا بين أيديه هو ، فـ حضنه هو بس . أنا بس اللى مجننى أنه سابنى من غير سبب ! مشى من غير ما يعرفنى ليه ! بعدين خرجت من بروفايله وقولت أشوفه كاتب أيه فـ الكومنت . لقيته كاتب " عرفت أنى قُربى منها عصيان لله وأنى ممكن أخسرها بسبب القرب ده فـ قولت أسيبها وأصلح نفسى عشانها وأدعى ربنا يجمعنى بيها فـ الحلال ، وأنا النهارده فاضلى 3 سور فـ القرآن الكريم وابقي تميت حفظه لأجل أنها تبقي من نصيبي ، أنا حفظت 111 سورة من القرآن ويعتبر 111 أنجاز فـ حياتى ، فاضلى 3 سور وأبقي كملت 114 أنجاز والأنجاز ال115 أنى أتجوزها ، أدعولى تكون من نصيبي ." لقيت الكومنت بتاعه دونن عن كل الكومنتس جايب حوالى 200 ريأكت لاف وكير ، وناس كتير عملت ريبلاى وكانوا بيدعولنا نكون من نصيب بعض . عيونى دمعت من جمال الكومنت وجمال الدعوات ، معقول يكون فـ حد حبنى لهذا الحد ؟ معقول أنا أتحبيت بالطريقة الجميلة دى ، أنا مش مستوعبة الجمال بالله . لما كُنت بقلب فـ بروفايله كُنت شوفت بوستات كاتب فيها الأنجاز وكاتب جمبه رقم ، فـ الاول مكنتش عارفة أيه الانجازات دى ! لكن بعد الكومنت ربطت الكلام ببعضه وعرفت أنه بيقول كده عن سور القرآن الكريم . نمت فـ الليلة دى وأنا فـ قمة السعادة ، وفضلت مراقبه بروفايلهُ . بعدها بيومين نزل الأنجاز 113 ، عرفت أنه فاضله سورة ويتم حفظ باقي القرآن . فات وقت وعرفت أنه ختم القرآن بعد ما نزل بوست الأنجاز 114 . بعدها فضلت فـ قلق جامد وتوتر ، وساعتها عرفت أنا ليه مش عارفه أتخطى حبهُ ، وده لأنه كان بيحفظ القرآن علشانى ، علشان أبقي مراته وشريكة حياته . لحد ما فـ يوم لقيت بابا بيقولى : " فـ عريس متقدملك وهو شخص ملتزم وعارف أمور دينه كويس وأنك من رأيي أنك تقعودى معاه وبلاش رفض من غير ما تشوفيه زى ما بتعملى مع باقي الناس اللى بتتقدم " وافقت أقابله لأنى كُنت عارفة أنه هو ، كأنى البوست والكومنت دول جم فـ وقتهم علشان أوافق أقابله وأتكلم معاه لأنه من بعد ما سابنى بقيت برفض أى عريس من غير ما يدخل البيت . جه البيت وكانت الرؤية الشرعية ، وقعدت معاه وأتكلمنا ، قالى : " أنا حفظت القرآن علشانك ، أشتغلت وسعيت كتير علشان أكون شخص يليق بيكى ، كُنت ببكى ليل نهار أنك مش جمبي ، بس ربنا كان بيطمنى أنك ليا ، كُنت بلاقي أشارات فـ القرآن تدل أننا هنبقي لبعض ، كُنت خايف أغضب ربنا فيكى فـ بعدتك عنى ، حقك عليا أنى سيبتك من غير سبب بس وافقي عليا وأنا بضمنلك سعادة العمر كله " . بعدها أدانى مصحف ملون ، وقالى "ده هدية منى ليكى ، كُل يوم هخصص وقت ليكى وأحفظك فيه القرآن" . وبعدها طلب من بابا أنه يكتب كتاب وبالفعل بابا وافق . يوم كتب الكتاب وأحنا لوحدنا بعد ما كُله مشى ، قرب منى وحضنى حوالى ربع ساعة ، ودموعه فـ عينيه ، وبعدها باس أيدى وباسنى فـ خدى . - عارفة كتبت عليكى ليه ؟ = ليه ؟ - عشان أعرف أحضنك براحتى . أتجوزنا بعدها بـ 4 شهور ، كان هين لين لا يطيق الخصام حرفياً ولله . معاملته ليا بتفكرنى بـ لطف تعامل رسول الله مع زوجاته ، حقيقي هو أعظم شخص فـ الوجود . والنهارده بنزل البوست ده من قدام الكعبة لأنه وعدنى أول ما أحفظ القرآن كامل هيودينى العمرة ، وأنا الحمدلله وصلت للأنجاز الـ 114 فـ حياتى وهو الأنجاز الـ 115 .

دخل رجل على زوجته وهي في المطبخ وقال لها من أحب أولادك الأربعة إليك؟ فأجابته: جميعهم قال: وكيف وسع قلبك لهم جميعًا؟ فأجابت: هذا من خلق الله، فالأم يتسع قلبها لجميع أبنائها فابتسم الزوج وقال لها: الآن قد تفهمين كيف لقلب الزوج أن يتسع لأربعة نساء معًا، فهذا شرع الله. فطعنته بالسكين ومات. أسلوبه وتكتيكه كان حلو الله يرحمه، بس موقعه بالمطبخ كان غلط.. العبرة: اختيار أرض المعركة أمر مهم جدًا.

وَلَقَد هَمَمتُ بَأنْ أقَولَ ولم أقُل ‏مَا أَوجَعَ الكَلمَات سَاعةَ تُحْبَسُ

-بس انا فعلاً مستغرب - من ايه ؟! -ازاي مُعظم الناس متعرفش ان سيدنا عُمر ليه أخ وكان صُحابي برضه -ايه ده بجد ؟! وانا كمان أول مرة أعرف ، ممكن تحكيلي عنه ....... اسمه زيد بن الخطاب بن نفيل ابن عمرو ، وكان أخو سيدنا عمر من أبيه ، سيدنا عمر كان يحبه حباً جما ولكن سيدنا زيد أسلم قبله ، وشهدوا مع بعض غزوة أحد وحصل موقف عظيم - ايه هو ؟! - ف عز ما الحرب مندلعه بين المشركين والمسلمين درع سيدنا زيد وقع منه رآه سيدنا عمر ف خاف عليه من أسنة رماح المشركين وخلع درعه وأعطاها لأخوه ليقاتل بها ساعتها سيدنا زيد رد عليه بابتسامة وقاله " انني أريد من الشهادة مثلما تريد يا عمر " 🌸💙 انا عاوز الشهادة زي ما انت عاوزها بالظبط يا عمر 🌸 ف سيدنا عمر خلع درعه كمان وهما الاتنين اقتحموا صفوف الاعداء بلا خوف ولا وجل وكأنهم أسود إنهم أبناء الخطاب 🌸💙 - يا الله ، طيب و ايه الل حصل بعدين ؟! - بعد وفاة النبي فيه قبائل كتير ارتدت عن الاسلام منهم الل عاوز يمنع الزكاة ، ومنهم الل عاوز يقلل عدد الصلوات ومنهم الل ادعى النبوة فظهر واحد اسمه مسيلمة الكذّاب وده ادعىّ النبوة وقال انه رسول من عند الله ، وفعلاً فيه بعض الناس صدقته ولكن الغالبية من أهل اليمامه مصدقوش لحد ما حصل شيء غير الموازين -الل هو ايه بقى ؟! -ظهر شخص اسمه " الرجّال بن عنفوة " وده كان جه المدينة ف زمن النبي وأسلم وبعدين رجع لقومه ، ومرجعش المدينه غير بعد وفاة النبي لينقل لسيدنا أبو بكر أخبار أهل اليمامه ، واقترح انه يكون مبعوثه ليحذر أهل اليمامة من مسيلمه وفعلا سيدنا ابو بكر أذن ليه بكده لحد ما حصل أمر غريب ، أول ما وصل لأهل اليمامه قالهم اني سمعت رسول الله يشرك مسيلمه ف الأمر ، وبعد وفاة النبي أولى الناس بالنبوة مسيلمة وساعتها الناس التفت حول مسيلمه أكثر لأن الرجل استغل اسلامه ، وحفظه للأحاديث والقرآن والناس صدقته - طيب و ايه علاقة سيدنا زيد - سيدنا زيد كانت بتوصله أخبار هذا المجرم وكان مُتحرق لقتله والأخذ بثأر الاسلام و الل حصل إن سيدنا أبو بكر بعث جيش لأهل اليمامة وهنا كانت المعركة الشهيرة ، معركة أهل اليمامة ، تعرفها ؟! - أيوه طبعاً ، كان عدد المرتدين ١٠٠ ألف ، وعدد المسلمين ٢١ ألف - ساعتها سيدنا أبو بكر طلب من سيدنا زيد انه يمسك إمارة جيش المسلمين ، ف سيدنا زيد قال لا يجب للأمير أن يُقتل وأنا أريد الشهادة يا خليفة المسلمين مينفعش اللي حامل الرايه يموت وانا عاوز الشهادة يا ابو بكر 😍 ❤ " كانت روحه تهفو للشهادة دائماً " واجتمع الجيشان وسيدنا زيد كان هو حامل الراية ،وكان النصر محتم للمرتدين ، وأعداد شهداء المسلمين تزيد ساعتها صاح ابن الخطاب في المسلمين " أيها الناس عضوا على أضراسكم ، واضربوا في عدوكم ، وامضوا قدماً ، فوالله لا أتكلم حتى يهزمهم الله ، أو ألقاه فأكلمه بحجتي " -طيب وفعلاً متكلمش ؟! - فعلاً لم ينطق أبداً طوال المعركة ، وكان بيبحث عن الرجّال بلهفة لحد ما لمحه وفعلاً وثب عليه كالأسد وشق راسه نصين ، كان عاوز يكبّر ولكنه عاهد الله انه مش هيتكلم غير بعد النصر ، كبّر في قلبه ، ووصل تكبير المسلمين عنان السماء وانقلبت المعركه لصالح المسلمين بفضل الله ثم ابن الخطاب وقبل النصر ، كان سيدنا زيد يتمنى الشهادة وقاتل بقلب يريد الشهادة صدقاً فاستشهد سيدنا زيد بعد ما اجتمعت عليه كتيبة من المرتدين ومزقوه بسيوفهم وهو لم يتأوه حتى ، لأنه أقسم انه لن يتكلم حتى النصر - رضي الله عنه وأرضاه ، وموقف سيدنا عمر كان ايه ؟! - بعد المسلمين ما انتصروا كانوا في استقبالهم وكان سيدنا عمر يتلفت ويبحث عن أخوه زيد ، ولما علم بموته قال " رحم الله زيد سبقني إلى الحسنيين أسلم قبلي ، واستشهد قبلي " وحتى بعد ما سيدنا عمر تولى الخلافة كان يقول " ما هبت الصبا إلا ووجدت ريح زيد. " وبقى سيدنا زيد في قلب أخيه حياً لم يمت أبداً رضى الله عنهم وأرضاهم وجمعنا بهم في جنانه العلياء يارب

أيوة انا اللي هسرح لمراتي شعرها وانا اللي هجبلها شيكولاته في نص الليل وانا اللي هساعدها في الطبخ ولو حرقت الأكل هاكله واقولها تسلم ايدك ، ايوا انا لما تبقي حامل مش هخليها تعمل حاجه ولما تتعب اسهر جنبها طول الليل ، لو حسيت انها مخنوقه هخرجها واسعدها مش هسيبها انا اللي هعملها الفطار الصبح واروح ع السرير اصحيها ونقعد نفطر سوا وانا اللي هجبلها غزل البنات وانا اللي هاخدها الملاهي واركبها المراجيح وانا اللي هدلعها زي الاب لما يدلع بنته .. عشان بنات الناس مش لعبه ومش جايين من بيت اهلهم عشان نحبسهم ف البيت ، البنت زي الورده لازم نحافظ عليها عشان ماتدبلش وتفضل موجوده ومحتفظة بشكلها الجميل ..♥️🍃

قال سيدي ﷺ :"من قال سبحان الله وبحمده في يوم مائة مرة حُطَّت خطاياه وإن كانت مثل زبَد البحر”. قال له شيخه: يابني! الزم نور الثناء على ربك؛ فإنه لا يُبقي فيك من عتمة الذنوب شيئا! أفتُثني عليه حامدا مُسبِّحًا ثم يواخذك بذنبك؟! حاشا لكرمه!

يَاريت تِشيلوا " الكَتم"، "ᴍᴜᴛᴇ " مِن القناة لُطفًا، بحاول أكبر القناة ويمكن الأعلانات زادت الفترة دي شوية لكن هقللها تاني، فيَاريت نِرجع نِهتَم والمُحتوى والتفاعل لإن المشاهدات قلت خالص؛ فلو مهتمين بالمحتوى اعملوا إلغاء كتم "Un mute".♥️

" الحقيقة المؤكدة يا غالي ، إنك مهما كنت ناجح، مُثقف، مُجتهد وشاطر في شغلك إلا إن فيه حاجات تانية كمان لا تقِل أهمية بالعكس يمكن بتزيد .. وهي: انت مُهم عند مين؟ بتحكي لمين عن نجاحك وشغلك؟ بتفكر في مين يشاركك حياتك، تأثر فيه ويأثر فيك، وتفضلوا في ضهر بعض طول العمر؟ دي حاجات غالية جدًا مهما وصلت لنجاحات لا تُعد ولا تُحصى هتفضل مُفتقد وجودها لحد ما تلاقيها ..♥️

لما الملاكم بيدخل الحلبه، مبيفكرش في هل هو عنده القوه و القدره إنه يلعب الماتش. بيدخل يحط كل قوته وكل تفكيره في كل ضربه وفي كل جوله يدي 200% وكانها أول جوله في الماتش، مع كل وقعه مع كل نقطه دم تركيزه كله بيكون في إنه هيكمل انه هيكسب. وكل ميقع والحكم يعد بيقوم يقف حتي لو ده أخر حاجه هيعملها. بيحط كل شئ جوه من قوه وعزيمه واراده علشان يكسب مهما كان خصمه أقوى أو أعلي مهاره منه بيسد ودانه عن مشجعين الخصم. وإن خسر بيخسر بشرف أنه حط كل قوته وخبرته ومهارته في الماتش ده. ده كل تفكيره كل طاقته كل قوته أنه يوصل لهدفه يكسب بالقاضيه او يكمل 12 جوله ويكسب. أنت كمان لما تمشي لهدفك ولتحقيق حلمك خلي تفكيرك في قدرتك دي في القوه اللي جواك اللي بيها هتكمل لاخر الطريق واللي بيها هتقوم تقف والحَكم بيعد مش هتفضل في الارض، مش هترمي الفوطه البيضه وتنهي الماتش اقف لاخر جوله وأنت واثق إن جواك قوه واراده هيوصلوك لهدفك لحلمك أمن بنفسك بالقوه اللي جواك متكونش أول عدو لنفسك متهزمش نفسك من قبل متبتدي متدخلش الحلبه وانت بتفكر أنك مش هتقدر اوصل للقوه اللي جواك ثق في نفسك صر علي الوصول مترميش الفوطه البيضه من قبل متبتدي أكسر قيود الاحباط وأمن بقوتك واصرارك وعزيمتك أهزم العدو اللي جواك وسد ودانك عن مشجعين الخصم واوصل لهدفك وعيش

بشتري حواوشي ف في بنوتة واقفة جنبي طلبت اتنين وبتتكلم في التلفون بتقول:( أنا جعانة بغباء مكلتش طول اليوم فهجيب حواوشي عشان بحبه أوي ممكن اكل منه أربعة من حلاوته ) أنا خدت طلبي وهي خدت روحنا المترو والحاجة في شنطتنا لسة مطلعنهاش يعني مش عاملة ريحة اصلا لاقينا بنت شكلها ١٣ سنة بتتكلم مع مامتها : نفسي مرة ناكل كفتة او أي حاجة من اللي بنشم ريحتها دي ومش بنشوفها ، مامتها شتمتها وقالت لها وطي صوتك يا حيوانة هنجيب شيبسي واحنا ماشيين أنا الكلمة فطرت قلبي أقسم بالله لاقيت البنت اللي اشترت جنبي وكانت هتموت من الجوع طلعت. الكيس كله منغير متفتحه ولا تاكل منه حتة وراحت مديهالهم وقالت بالنص للصغنونة : أنتِ بنت حلال أنا كلت وشبعت أوي وكنت بقول حرام يترموا كدة والبنت كانت هتموت من الفرحة ورب الكعبة لمعت عنيها خطفت قلبي البنت عشان متحرجهمش راحت آخر العربية بعيد عنهم روحت وراها عشان ناكل سوا ( أنا كنت شارية واحد ) بكل أريحية كلنا نص رغيف كل واحدة وشبعنا جامد جداااا ولاقيتني وانا نازلة بحضنها وبتقولي شبعت كأني واكلة ألف واحد ❤❤❤❤❤ ( لن تنالوا البر حتى تنفقوا مما تحبون ) الخير كل الخير ف أمة نبينا محمد صلى الله عليه وسلم -مقتبس ♥️♥️♥️

- هدومه مقطعة!. ده كل مرة يجي الجامعة بنفس الطقم ده. سمعت صحابي في مرة بيتريقوا على لبسي، مكنش عندي ولا طقم شيك غير واحد وكنت بساعد أبويا دايمًا في الزراعة وبسبب مصاريف الطب مكنتش بعرف أجيب لبس مناسب. وفي مرة رجعت من الكلية معيط فأبويا سألني مالك؟!. كذبت عليه وقولتله إني مخنوق شوية بسبب ظروفنا دي.. فابتسم ابتسامة مُرهقة وقالي: " احفظ القرآن يا سليم هو اللي هينجيك من كل حزن " وفهمني إن حفظ القرآن ده هو اللي هيكون حاجز بيني وبين أي ضرر يصيب قلبي وأي تعب يهد روحي، وعملت بكلامه وروحت فعلاً الكُتَّاب وكنت في كل مسابقة بجتهد فيها وأطلع الأول وده كان سبب للميثاق الغليظ اللي بقى بيني وبين شيخي واتصاحبنا وحكيتله كل حاجة عني، وفي مرة حكالي موقف للرسول فبدأ كلام وقال: تعرف سيدنا أنس بن مالك؟ فقولتله " أيوه " فكمل كلامه وقال: سيدنا أنس بن مالك كان خادم رسول الله ولما عمره أصبح عشر سنوات أمه خدته للنبي وقالتله ياخده عشان يخدمه وبعدين طلبت منه يدعيله؛ عارف النبي دعاله بإيه؟!!. - إيه؟ خده وباسه بين عنيه ودعاله دعوة كان سبب الخير والبركة طول حياته وكانت الدعوة: « اللهم أكثر ماله، وولده، وبارك له، وأدخله الجنَّة ». سيدنا أنس عاش تسعة وتسعين سنة، وربنا رزقه أحفاد وبنين كتير وكمان رزقه كان مُبارك فيه، بقى عنده بستان وكان بيحصد منه الفاكهة في السنة مرتين!. ومن وقت ما شيخي قالي الدعاء وأنا مكنش بيفوت يوم غير وهو ملازم لساني، والنهاردة أنا واقف على الاستيدج وبحكي قصة حياتي للجميع في حفلة كانت معمولة ليا كأفضل دكتور لأنقاذ أكبر عدد من المُشوَّهين وتجميل ملامحهم، وبحكيلهم إزاي ربنا رزقني بمكانة كويسة، وزوجة أصيلة، وولدين ختموا القرآن في عمر عشر سنوات.. فأحب أقولكم إنك عمرك ما هتنجح وأنت قاطع حبل الوصل بين وبين ربنا، وعمرك ما هترتاح ومصحفك عليه تراب، وعمر الرزق والعوض ما هينزلوا من السماء إلا بالمداومة على الذكر وبعد ما سيبت المايك من ايدي افتكرت جُملة عظيمة جدًا فرجعت مسكته تاني وقولت: " الدعاء روح اليقين واليقين قلب العوض " ♥ عزة العمروسي

س : متقدملي حد مناسب جدًا بس المشكلة حرف السين بينطقه ثاء يعني بيقولي يا اثراء بدل اسراء الموضوع دا مضايقني أعمل إية. ج : دول أكتر ناس بحبهم وتعديل الحرف دا سهل جدا ممكن جلستين تخاطب يتعدل تخيلى وهو بيقول والله يا إثراء البثبوثة دى ذى الثكر الموضوع دا ثهل جدا ومش ثبب للرفض

" و حسبنا اللّه فـِ من آذانا .. و من ظلمنا .. و من ذكرنا بالسوء .. حسبنا اللّه وحده و كفىٰ .."