Multaqa-😍 الملتقى 💖

" الحكم على الناس من بره دليل على خراب اللي بيحكم من جوه.. فيه ناس بتضيع وقتها في الاهتمام بتفاصيل مظهرها فقط لا غير، وبالتبعية تقييم غيرهم بناء على مظهرهم فقط لاغير بدون ما يحطوا في حساباتهم فرز اللي بينطقه لسانهم وهل هو دبش ولا كلام لين، وبدون ما يحطوا الكذب، والخيانة، والنفاق في المعادلة!.. بينسوا إن تجميل العقل بيكون بترفّعه عن الصغائر، وتنضيف القلب بيكون بتنقيته من الغِل، والسواد.. بينسوا إن الفلوس بتتصرف، والمكياج بيروح بـ شوية ميه، والحلاوة بتدبل بـ شوية تجاعيد.. وحدهم اللي بيفضلوا للنهاية هما العقل والقلب اللي جمالهم بيفضل ضيه مالي العيون .."

بتقول : من عبثيات الأطفال عَندى ، كُنت بشرَح ليهم معنى " يُحشرُ المرءُ يومَ القيامةِ مع مَن يُحب " المُهم شرحت معناها وبعد مَ خلصت لقيت طِفل بيقولِى : (حضرتِك مُتأكدة يا مِس ان إللى احنا بنحبه هنكون معاه يوم القيامة !؟ ) قُلت له : أيوه ، رايح باصص لِورا عَلى بنت كده وابتسم وقال " عَشان لو ملحقناش الدُنيا 😂💜 "

" أبي رجل صالح، حُق لهُ أن تكون الجنة تحت أقدامه، لم يعِش يومًا واحدًا يفكر في نفسه، أفنى روحة في إسعاد كل من حوله، لم أرى إنسانًا راضي كأبي، لم أعاشر قلبًا متسامحًا وحنونًا كقلبة ولا أظن أن أحدًا غيرهُ يملك كل هذا القدر من الرضا والتسليم بقضاء الله، الله يحب أبي ويحبني لأنه جعلهُ أبي .."

الشيخ حازم شومان بيقول كنا على طريق سريع ، فالعشاء أذنت ففتحنا الانتظار ونزلنا نصلي جماعة جمب العربية !! ونتفاجئ واحنا بنصلي إن معظم العربيات اللي عدت بعدنا عملوا زينا بالظبط ركنوا وفتحوا الانتظار ونزلوا صلوا معانا قلت في نفسي محدش في العادي بيعمل كده بس الناس مستنيه حد يشجعهم ويبدأ عشان يقلدوه. " انت بقى شجعت الناس على ايه وكنت الأول ف أيه .." ابدأ انت بالخير وحسنات الناس اللي هيقربوا لربنا بسببك كله💛

https://www.facebook.com/share/r/yAPSWkY5pnpGXqLT/?mibextid=9drbnH&s=yWDuG2&fs=e الصفحة القديمة على الفيسبوك على قيد نشر ٦ شهور وبدأنا من جديد لعه خير ادخل اعمل متابعة اول بأول وان شاء الله نكون عند حسن ظنكم

البنات شكلها تُحفة فنيه بالخمار الفرنسي بجد.

يا أخي سبحان الله اللي بيطلع من القلب بيوصل للقلب طوالي بدون وسيط، ولا أفورة، ومش بتنفع معاه مدارية.. سواء محبة، أو عدم راحة اللي في قلب غيرك ليك بيتنقل لك بسلاسة، ولا إراديًا من كلمة، أو تعبير وش، أو نبرة صوت، أو فعل.. الحب زي القطر رايح جاى، ولو ماشوفناهوش بنعرف بوجوده لما بنسمع صوته.. القلوب مرايات وشواّفة.

«كالعيدِ أنت عن الأيامِ مُختلفًا لقياكَ صبحٌ وفي عينيكَ أفراحُ!». ♥️

‏ربنا يكرم بابا حبيب قلبي ويرزقه ويفتح كل الأبواب في وشه ويرضيه واشوفه دايمًا كويس وبيضحك ويشيل عنه كل هموم الدنيا ويباركلي في عمره وصحته 🩷🩷

أنا راجل مش بفطر مع زوجتي كل الأيام بسبب ظروف شغلي كمنهدس في شركة، ساعات بفطر مع صحابي، وعشان كدا بحب أعوضها في السحور وأخليه مُميز. ربنا رزقني بالبنت اللي بحبها، ورزقني أطفال منها وعرفنا نعلمهم ونربيهم صح، كان أكبر طفل عندي في ٦ إبتدائي اسمه « كريم » كنت طول الوقت بقوله أنا بحب اسمك، حاول تكون قده، خليك دايمًا أهل كرم، وجيت في يوم كنا في رمضان، بعت كريم للسوبر ماركت يجيب لانشون وبيض وجبنة، استنينا شوية ولاقيته داخل إيده فاضية، بقوله فين الأكل، قالي أصل الفلوس وقعت مني! لسه مامته هتقومله شديتها من إيديها وقولتلها أكيد غصب عنه، كرم ربنا كتير أهو هنزل أشتري أنا وأجي، وأنا طالع سمعت جاري الجديد بيقول لمراته: « كنتي لسه بتقولي هنتسحر إيه وزعلانة عشان صرفت الفلوس على علاجك، أهو ربنا بعتلنا بيض وجبنة ولانشون! » وقفت شوية وقولت لنفسي أيه ده؟ ده نفس السحور اللي بعت كريم يجيبه؟ دخلت الشقة ووقفته قدامي وقولتله: « الفلوس موقعتش منك ياكريم، لو مقولتش الحقيقة عقابك هيبقى مرتين، مرة عشان كدبت ومرة عشان اتصرفت من ورايا » لاقتيه وقف وسكت شوية، وبعدين بص للباب وقال: جارنا الجديد حالته المادية مش حلوة زينا، ومش موظف زي حضرتك، وزوجته مريضة كانسر وانا طالع سمعتها كانت بتعيط وبتقوله إنها نفسها تموت عشان متبقاش حمل عليه، ووسط الكلام قالت إن الفلوس كلها راحت للعلاج ومفيش فلوس يجيبوا أكل للسحور، خبطت عليهم وقولتلهم دي وجبة للسحور بنوزعها ومشيت، الراجل باسني من راسي وكان مبسوط، أنا أسف إني مقولتلش اللي عملته بس انت دايمًا تقولي لما تعمل خير متقولش! لإن أصدق وأحب الأعمال إلى الله بتبقى في الخفاء. بصيتله وبصيت لمامته وأنا مستغرب، شديته لحضني وقعدنا كلنا، صحيح أنا باخد مرتب كبير بس بجهز اخواتي البنات، بس نويت نية لله إن جارنا هيكون ليه نصيب من رزق ربنا ليا. تاني يوم خدت الأولاد والفطار ودخلنا عليه وقولتله: « تبقى جديد في العمارة ومنفطرش يوم سوا؟ » الراجل كان مكسوف يدخلنا، ولما بص لكريم فهم أنا جاي ليه، بس سمحلنا بالدخول عشان منزعلش، ولما دخلنا صُعقنا من المنظر؟ حاطط طبق فول وشوية مية بس والله! ولا عصير ولا مخلل، ولا جبنة، ولا أي حاجة، قعدنا وحطينا الفراخ والأكل، الراجل كان باصص في الأرض، طبطبت على إيده وقولتله: « الناس للناس، إني أنا أخوك فلا تبتئس، النهاردة أنت ساند عليا بكره هاجي أسند عليك، ربنا يشفيهالك » لاقيته قام من مكانه وحضني وقعد يعيط بطريقة لمست قلبي، كلنا عيطنا عشانه، بيعيط وكأنه لا يملك من الدنيا غيرها، وكمان احتياجه مخليه حاسس بالعجز، حسيت إنه بيقولي أنت جيتلي منين؟ أنا كنت مستنيك! والله روحت تاني يوم الشركة لاقيت المدير كاتبلي ترقية! رنيت على مراتي وأنا بتنطط من الفرحة، ردت عليا رد عمري ما هنساه ليها، حسيت وقتها إني اختارت صح، قالتلي بكل سماحة: « ده نصيبهم من رزقك يا محمد، ربنا بيرد علينا بكرمه عشان منفكرش إننا لينا جمايل عليهم » ومن يومها وهما ليهم نصيب معانا، بنفطر سوا، نتسحر سوا، كلمت المدير يشغله معانا وفعلاً وافق عشان بيحبني، بقيت أخده معايا كل مشاويري، حسيت إنه أخويا فعلاً، ربنا كتب لزوجته الشفاء. يوم فرح أختي واقف مش قادر أفكر.. أمي كانت محتاجة فلوس تجيبلها حاجة الصباحية، لاقيته جه وحط في إيدي خمس آلاف جنيه وقالي: الناس للناس ياحبيبي! بصيتله وأنا مش عارف أقول إيه، أقوله شكرًا ولا أنزل أقول للناس الخير مبيروحش؟ الخير بيترد أضعاف ♥ والله كل رزق ربنا بيرزقني بيه في حياتي وكل خير بيجيلي لما بتحسس نتيجته بلاقي سببه جبر الخاطر ♥ اجبروا الخاطر ♥

العلاقات مش خناقات، ومش لازم تطلع من كل مناقشة كسبان، أو تجبر الطرف التاني ينفذ كلامك وهو مش مقتنع!.. لما بترمي كلمة تقيلة في ودان شخص بتحبه لمجرد إنك تنتصر في مناقشة عادية جايز بتكسب المناقشة في لحظتها بس بتخسر الشخص نفسه للأبد.. أوقات بيكون المكسب الحقيقي في شوية تفويت، واستيعاب، وتغاضي عن دخول في سكك هتجرح مشاعر طرفك التاني.. إنك تكسب قلب أهم بكتير من إنك تكسب موقف.. دي علاقة مش ساحة حرب، وده حبيب مش عدو!.. الكاتبة "أجاثا كريستي" قالت: (تعلمت منذ زمن طويل أن الإنتصار الحقيقي هو ألا نؤذي مشاعر من نُحب).

ياخي على الأقل مبتحاربش لوحدك! الجملة دي قالهالي واحد صاحبي خاطب جديد لما سألته قبل كدة عن الفرق بين حياة الإرتباط والعزوبية قعد يشرحلي كلام كتير كدة وراح خاتم كلامه بالجملة دي...

•• حب نفسك جدًا، واعرف إنك ماتتعوضش، وأعرف إن شكلك مميز وصوتك وطريقة كلامك وكمان طريقة نقاشك، والعقل والجنان اللي فيك ولما بتقسى ولما بتكون حنين على اللي قدامك، وخلي ده ميبقاش موضع غرور لا ده يبقى عن اقتناع، أنت لا قليل ولا رخيص في حياة حد، أنت غالي جدًا وعزيز جدًا وأحلى مما تتخيل، ما تسمعش لحد يقولك كلمة وحشة ولا يقلل منك، ما تسمحش لحد يزرع جواك غير الورد💙. انت لا يليق بك الا الحب 💙. ••

- كسبت مليون جنيه و جالك ظرف قهري صرفت عليه مليون ومتين الف - كسبت ١٠٠ الف جنيه وصرفت منهم ٥٠ الف ولسه معاك ٥٠ الف . مين الكسبان ؟ اهي هي دي لعبه البركه .. ان ربك يرزق بالقليل ويمنع عنك ابتلاء ممكن يكلفك ملايين اتقي الله عشان هو اللي بإيده يسترك واللي بإيده انه يبتليك .. واللي بإيده انه يديك فلوس كتير جدا تضيع بيها وتفسد ولادك . د : محمد الغليظ

- هتروح شغلك بالقهوة بتاعتك وازازة الماية وأشيك طقم عندك وابتسامتك على وشك ...او هتروح وانت نازل من غير فطار ومكشر وعمال تندب حظك.. في الحالتين هتروح الشغل. هتعملي شغل البيت وانتي مشغلة حاجة تسمعيها وفاتحة الشبابيك الشمس تدخل ومبتسمة وبتحتسبي الأجر. او هتعمليه وانتي متّقلة منه وحاسة انه عبء كبير .. في الحالتين هتعمليه. هتذاكر وانت مشغل تطبيق بومودرورو ومانع المشتتات وبتستخدم الوان واستيكي نوتس جميلة وتستمتع بالمذاكرة. او هتذاكر وانت غاصب على نفسك وكل شوية تهرب وتفتح سوشيال ميديا.. في الحالتين هتقعد تذاكر. هتدخل الباص وتختار اريح كرسي ليك على الجنب اللي بيطل على الخضرة وتسمع حاجة او حتى تلعب جيم او تقرأ. او تقعد متأفف من السفر وتستنى الوقت ده يخلص بأي طريقة، في الحالتين هتوصل بيتك. هتربي عيالك وانتي ممتنة ان ربنا كرمك وبقيتي ام، فتصحي بدري تصلي وتحضري الاكل وتروقي البيت وتذاكري للعيال بحب وصبر واحتساب للأجر. او هتعيشي في نكد يومي واعصابك تبوظ منك من كتر الزعيق.. في الحالتين عيالك هيكبروا. حياتك هتتغير لما تفهم انك ف ايدك انت اللي تغيرها، لما تبطل شكوى وتبدأ تعيش بحب وايجابية وتفاؤل ورضا. جرب من النهاردة ومن اللحظة دي تتعامل معاملة جديدة مع شغلك ودراستك واهلك وصحابك ونفسك.. وشوف الفرق. عيش بالحب.. وإلا هتموت بالهمّ.

اختي بتتعامل مع هدومي وبرفاناتي وشنطي واكسسوراتي بمبدأ بضاعة ببلاش وصاحبها راجل مغفل !

" تخيل بعد كل المعافرة دي والعلاقات الفاشلة ، تقابل حد ويكون زي ما ام كلثوم ما قالت " صالحت بيك ايامي ، سامحت بيك الزمن " ويكون لسه عندك طاقة انك تديله حب تاني وتعمل معاه اللي متعملش مع حد وتقوله " الليالي الحلوه والشوق والمحبة ، من زمان والقلب شايلهم عشانك .."💛🫂

ليه بتتكسف تقول معرفش وبتقرر تفتي دنا ببقي عارف. وبقول معرفش عشان اريح دماغي

رمضان💗💗💗💗💗 التراويح💗💗💗💗💗‏ السحور💗💗💗💗💗💗 العشرة الآواخر💗💗💗💗💗 فاللهم بلغنا رمضان و تقبل منَّا يالله💗💗💗💗