Multaqa-😍 الملتقى 💖

انا عايز اعترف بحاجة انا زوجتي بتفصصلي السمك على الرز وبتيشل جلد الفرخة واحيانا بتقطعهالي قطع علشان مش بحب اعمل ده بنفسي بس عادي جدا لو جت كلمتني وانا راجع من الشغل وقالت لي " تعبانة اعمل اكل النهاردة أو ماليش مزاج " اقولها " مش مهم هاجيب حاجة نتعشى بيها " أو ممكن نقضيها عيش وجبنة . طبيعي جدا لو انا مسافر في شغل الاقي زوجتي بتتصل بيا تستأذن انها عايزة تنزل ساعة لأهلها لو لحاجة طارئة ، مع اني عمري ما طلبت منها ده ، لأني واثق انها مش هاتعمل حاجة تزعلني . انا عمري ما طلبت منها تخدم عند اهلي أو تعمل حاجة مش مفروضة عليها ، بس هى كانت لوحدها كانت بتروح لوالدتي تطبخلها وتقولي " اهلك بيحبوني ووالدتك كبيرة فحرام اخليها تتعب كدة " وفي نفس الوقت لو حصلت مشكلة بيني وبينها والدي بيقف في صفها هى وبيقولي " هى اللي بنتي واللي يجي عليها كأنه جه عليا انا بالظبط " . فى عز خناقاتنا ولما الأمر بينا بيكون كبير ، عمرها ما كانت بتسيب البيت من نفسها ، بس كانت بتطلب مني اوديها تريح اعصابها ، وانا عمري ما رخمت عليها وأجبرتها تقعد في وقت هى مش مرتاحة معايا فيه . لما انا وهى اختلفنا في تسمية ابننا الأخير خالد كتبنا الاسماء اللي عايزينها في ورق وطبقناه ، واخترنا ورقة عشوائية والاسم اللي طلع اتفقنا عليه، فكان خالد هو اسم ابني . طول ما ربنا موسعها في عليا ، بشكل طبيعي بنخرج ونتفسح واللي بتطلبه بانفذه وانا مبسوط من اسبوعين كلمتها اننا داخلين على أزمة مالية علشان الشغل واقف والفلوس قربت تخلص ، فقالت لي " لما ظروفك بتكون حلوة بتشيليني فوق دماغك وبتحققلي اي حاجة انا عايزاها ، دوري في وقت زنقتك اشيلك في عيني حتى لو هانقعد من غير أكل " ...... القوامة لا تفرض بالقوة والحقوق والواجبات المفروضة . القوامة تقوم على المودة والقيام برعاية الأسرة بحب ، فتأتي القوامة وحدها برضى شريك الحياة ، بغير ضغط أو تذكير بها. - علي عبدالله علي.

وجهة نظرك هحترمها ووجهة نظري هنطبقها.

لِصٌ ماهر، سرقَ منِّي قلبِي دون وعيٍ منِي وأيضًا بكامِل الرضَا

من مميزات فترة الامتحانات عند اخويا انه بيطلع من الامتحان يلف يفطر مع صحابه وبعدين ييجي البيت يغير و يهزر معانا تسأله عملت ايه ف الامتحان يقولك في شوال عيب عليك و ينام ويصحي و يعيش يومه عادي و بعدين نعرف من الفيس ان الامتحان كان صعب والعيال اللي ذاكرت معرفتش تحل وحسبي الله ونعم الوكيل وتلاقي الدنيا مقلوبة.. تسأله الامتحان كان صعب يابني؟ يقولك معرفش والله بس انا حليت،، طب متأكد من الحل؟ يعم عيب عليك المهم ان ربنا بيسترها معاه عشان أهله ناس غلابة والأهم انه مش جايبلنا وجع الدماغ والقلب من ناحية الموضوع ده ف البيت..

إذا كنت تشيح بوجهك، وتسارع في قلب الصفحة حين تمر عليك أخبار غزة، حتى لا يتعكر صفوك، ولا يتكدر مزاجك، فاعلم أنك قد خنتها وخذلتها، فإذا كانت المشاعر وهي أضعف الإيمان، وحيلة العاجز، لا تبذلها ولا تجود بها، فما الذي ستبذله، وما الذي ستجود به من أجلها !!

بحس البنات ما شاء الله عندها قدره على نحس الحاجات اللي مش راضيه عنها .. تنزل تقعد ع القهوه تلاقي بنطلونك اتنتش بمسمار .. تيجي تتفرج على ماتش وهيا عايزه مسلسل تلاقي فرقتك شالت سبعه .. ياخي انا مره سافرت مع واحد صاحبي عنده أرق مزمن قسمًا بالله فجأه الراجل ربنا فكّها عليه ونام طول السفريه .. معرفش هما مبروكين ولا احنا اللي منحوسين بس ارضوهم وخلاص

المحاميه مش عارفه تلم المنهج اللي هطلقكم بيه، استحملوا علشان العيال.

لو ربنا كتبلي زواج إن شاء الله يعني مش هكتب الدار امان ولا هنيئا لي بك ولاالكلام الفاضي دا الكابشن هيكون مثل جدتي "لاتذم ولا تشكر غير بعد سنه وست أشهر " وبعد سنه و٦ شهور هجدد سنه و٦ شهور تاني

لما بدخل بروفايل حد اتوفى والاقي البروفايل مليان تعازي و حزن و افضل اقلب جوه وأوصل للبوستات الطبيعيه اللي فيها ضحك وهزار و منشنات للصحاب و ما بين الفتره دي والفتره دي لحظه واحده بس بحس قد ايه الدنيا دي ولا حاجه و مش مستاهله أبدًا كل اللي بيحصل فيها الموضوع بيرعبني جدًا حقيقي وبتمنى من ربنا اني لو في يوم من الأيام بقيت مكانهم اكون مشيت وأنا سايبه أثر حلو في كل الناس اللي حواليا ....🖤

قال رسول الله ﷺ: (لا تَكرهوا البنات فإنهن المؤنسات الغاليات)

بكلّم عمر ابني video call وفجأة لقيته اتوتّر وقالي: بابا اقفل اقفل ! . قولتله: في إيه يا عمر ؟! . قالي: معلش بس اقفل ضروري وهبعتلك رسالة. . قفلت لقيته باعتلي بيقولي الآتي: . "معلش يا بابا علشان البنت الصغيرة جارتنا اللي باباها مات جاتلنا وخوفت لتضايق لو لقيتني بكلّم بابايا وهيّا معندهاش أبّ" ❤ . أنا بجدّ بشكر ربّنا من صميم قلبي إنّه أعانني أنا وزوجتي نربّي عيال نبيلة في زمن كاد يختفي منه "النّبلاء" !

بحب في الخناقة بتاعت مركز "تكوين" دي انها من سخافتها الموضوع لا محتاج مشايخ ولا هيئة كبار علماء ولا اي حد معاه درجة علمية عشان يرد عليهم ، الناس العادية مجرد شافت فيديوهاتهم طلعت اخطاء بالجملة و فيديوهات قد يظن من يراها انها مستخدمة في سياق الكوميديا مش العلم الشرعي ، و دة فكرني بمقولة المهندس ايمن عبد الرحيم عن مدى تدنّي المعارك الفكرية و ال الح ادية اللي احنا عايشين فيه في الزمن دة و ان ازاي ال م ل حد دلوقت هو مش مدرسة فكرية ولا حاجة هو شايف ان ربنا دة "بابا اللي لازم يعمله كل اللي نفسه فيه و لو معملهوش يبقى وحش و مش هعبده تاني" ، مثال قد يبدوا سطحي لكنه واقعي عن الفكر المعاصر اللي مضطرين نتعامل معاه ، زمان كانت الناس بتنتمي لمدارس فكرية حقيقية فيها جدالات عميقة تستوجب شهور و سنين لنقاشها و تفهمها و الرد عليها ، دلوقت كل واحد بيشوف أهواءه طالبة معاها ايه و بيروح للترزي يظبّط له عليها دين او مدرسة فكرية ، و إذا التزم بيها يبقى خير و بركة ، ملتزمش عادي هيرجع لنفس الترزي يفصّلّه غيرها لحد ما ربنا يفرجها من عنده ..

لو معاك بندقية وفيها آخر سيجارة، وقدامك طبق سلطة مليان بطيخ هتسافر فين 😎

- بكام ده لو سمحت ؟ = ب 100 جنيه . - طيب مينفعش ب 90 بس ؟ = تمام مفيش مشكلة. - بكام ده لو سمحت ؟ = ب 100 جنبه . - 100جنيه ؟ ليه 100 ؟ هو اساسا ميستحقش كل ده هو آخره 90 ، ينفع ؟ - لأ والله مش هينفع . = ليه لأ ، هو اساسا خامته مش أحسن حاجة ولولا محتاجينه حالياً انا مش هدفع فيه 90 حتى ، ها قولت ايه ؟ - خلاص تمام مفيش مشكلة . الموقف الأول ده إسمه " فصال " وهو محاولة تخفيض سعر المنتج بلإتفاق بينك و بين البائع وهذا ليس محرم ، مدام تم الإتفاق على السعر بين البائع و المشترى وكلاً على رضى أما الموقف الثانى فهو يسمى " بخس" وهو محاولة التقليل من قيمة المنتج كى يوافق البائع على تخفيض السعر ، وهذا محرم فإن الله تعالى يقول: وَلَا تَبْخَسُوا النَّاسَ أَشْيَاءهُمْ " قال القرطبي: البخس: النقص وهو يكون في السلعة بالتعيب والتزهيد فيها أو المخادعة عن القيمة والاحتيال في التزيد في الكيل والنقصان منه، وكل ذلك من أكل المال بالباطل والله المستعان.

الإنسان محتاج Right person مش Fav person لأن مش كل Fav بيبقي Right وشكراً

من الناس الي بحب احكي قصتهم بصراحة.. أبو قُحافة والد سيدنا أبو بكر الصديق.. رجُل "سكـ.ـ..ـير" مُد منًا لمُقارعة الخـ.ـمر.. مُهمل جدًا في تربية ابنه، لدرجة إنه في مرة والدة سيدنا "أبو بكر" طلبت منه أنه ياخدُه ويصطحبه في ليلة من الليالي لأنها مريضة وهو كان عايز يخرُج، وهي مش هتقدر ترعى طفلها في غياب الأب ومرضها.. فأخذه أبو قحافة وراح بيه مكان مقـ..ـطـ.ـوع وسابه ومشي وراح لملهي قَريب عشان يرجع يُقارع الخمر.. فضل الطفل الصغير في المكان ده وسط الضلمة والعتمة، يبكي من الخوف والرُعب وهو بيبُص حواليه ومفيش صوت يتسمع غير صوت دموعه الي بتسقُط وتتساقط على الرمال في الصحراء.. يومُها الطفل "أبو بكر" رضيّ الله عنهُ، وقف في المكان ده وبصّ للسماء وحسّ بحُزن كبير بيسري جُوّاه، رجع بيته لوحده ونام.. وعايزك تتخيّل معايا كده، لما يكُون رُكن الزاوية الي بتركن اليه هو نفسه "فاضي" وتكتشف فجأة انك ملكش ضهر وانك لوحدك تمامًا.. بعد سنين.. يُؤمن "أبو بكر" بالدين الاسلامي ويتبع دعوة سيدنا "مُحمد" صلوات ربي وسلامه عليه، بينما "أبو قحافة" فضل على كُفره.. وظل على مُقارعة الخـ.ـمُور والسُكر مش قادر يبطل، كان بيمشي في "مكة" ليل نهار سـ.ـ. ـكران مش حاسس بالدُنيا وده كان مزعل سيدنا أبو بكر جدًا، حاول معاه كتير بس بلا فائدة.. وفي يوم فقد أبو قُحافة بصره جرَّاء ادمانه الكـ.ـ . ـحول، وبقى كفيف مش بيشوُف.. وهاجر أبو بكر مع صاحبه للمدينة، وفضل "أبو قحافة" في مكة، فراح لبيت سيدنا أبو بكر يسأل اسماء بنته عن حالهم بعد هجرة أبو بكر.. فالسيدة أسماء بنت ابي بكر جابت قطعة قماش ووضعت "جُرة" جُوّاها ومسكتهاله، وقالت له إن الي ماسكه ده كُله دنانير سابها لهم والدها قُبيل الهجرة وهو مكنش سايب حاجة أصلاً.. فأبو قُحافة ولأنه كفيف معرفش هو ماسك ايه، فقال إذا كان كذلك فنعم.. وفضل في مكة يُصارع ادمـ..ـا نه للخــ...ـمر .. لحد فتح "مكة" راح له ابنه وطلب منه يُؤمن بالله، ويتبع دين مُحمد صلى الله عليه وسلم، وكان بيعاملُه بحُسن شديد.. وافق وقتها أبو قُحافة وهو خجلان لأنه كان بدأ يستفيق خلاص وفاكر كُل حاجة وحشة عملها مع ابنه الي جايّ دلوّقتي وبيُحسن اليه.. وقتها خده سيدنا أبو بكر وراح بيه للنبيّ عشان يُشهر اسلامه.. فالنبيّ شاف سيدنا أبو بكر داخل عليه وهو ماسك شيخ عجوز ضرير بيسنده، فالنبيّ أدرك انه "أبو قُحافة" فقال لسيدنا ابو بكر ليه خليته يمشي لحد عندي، المفروض أنا الي امشي له.. فقال له ابو بكر انه في مشيته ليك بركة عن مشيتك ليه يا نبيّ الله.. وأسلم "أبو قُحافة" ودخل الدين الاسلامي.. اعتزل الناس فوق جبل قريب مُطلّ على مكة وتفرغ للعبادة وكان بيسمع اخبار أهلها من فوق.. وفي يوم اهتزت "مكة" فسأل فقالوا له مات نبيّ الله.. وبعدين بلغُوه بإن ابنه بقى خليفة للمُسلمين فخاف عليه وفضل يدعي له.. وبعدين اهتزت مكة.. فاهتزّ قلبه.. فسأل.. فقالوا لهُ.. أنهُ ابنك.. فأدرك أن ابنه تُوفيَّ فبكى بحُرقة شديدة.. وما.ت في مكانه بعدها سنة وعُمره يُناهز ال٩٧.. رحمة الله عليه.. By: Moustafa Mahmoud

"وأخَذتُ أنظُر للطريقِ مُعاتبًا كيف انتهت بين الأسَى أيامي"

بشمهندس أيمن كان بيقول في الاختلاف ما بين الرَجْلْ والمَرّأةْ، إن المَرَأةْ لما تكون متضايقة أو في مشكلة ، مش بتكون عايزة غير إنها تتسمع وبس ، مش عايزة حلول هي ، هي ببساطة عايزة تفضفض وبعدين طبطب عليها وبوس راسها وقولها يلا نخرج هتبقي زي الفل.. بخلاف الرَجُل ، هو طالما جاي يكلمك في مُشكلة يبقي عايز حل. فضلًا، علىَ إن الرَجُلْ لما يتضايق بيروح يقول أنا متضايق من كذا، علىَ عكس النِسّاءْ ، هي لما تضايق مش بتتكلم وتدخل أنت في دوامة -مالك؟ -مَفيش. طب مالك؟ -مَفيش ٣ ساعات مالك مَفيش وبعد كده ترص لك أد كده.. فأحد المحاضرين ، كان بيسأله .. ليه هي كده يعني، ليه مَتقولش مالها علطول .؟ قاله أنا مش بقولك كده علشان تقولي ليه ، أنا بقول علشان أنا وأنت نتعلم إزاي نتعامل مع النِسّاءْ، هي مش إبراهيم صاحبك! ده جزء من فِطرة النِساءْ وهو ما يجعل للحياة لَذْة، فيما يُعرف بدلال النِسّاءْ! وأنك صعب تغير فِطرتها، لكن سهل عليك أنت أنك تتعلم لغة النِسّاءْ. وإن بنية السِـتْ العَاطِفِيّةْ هَشّة ، وده ما يميزها ، وهو اللي خلي الإعتذار عند السِـتْ أهوَن منه عند الرَجُلْ، "التي إذا ظلمت أو ظُلمت وضعت يدها في يده وقالت والله لا أغمض حتي ترضي". وأذكر كان فيه حد بيسأل دكتورة حَنان، عن إن خطيبته بِتعيط كتير لما يكون عندها امتحانات وما شابه، وكان بيقولها هما ليه البَناتْ ضَعِيْفَةْ كده؟ فقالت له، ضَعَفُهْا ده هو ما يجعلها لينّة معك وملجأ سَكينة وراحة من قسوة الحياة. تخيلها رَجّلْ معك! بس كدا والسلام عليكم ورحمة الله وبركاته. فك الله أسر البشمهندس.")

"‏الحاجة الأكيدة في الدنيا ديه هي إن الله على كُل شيءٍ قدير يعني لو وقف الكون كُله واستحالت المُسبّبات، ربنا قادر يغير كُل حاجة علشان دُعائك وما سكنَ قلبك وتمنّيته ولم تبُح به.. تخيل أن الرحمن يستحي أن يُخيب أملك ما دُمت تُحسن الظن به! احلم واتمنى وبالغ في طلبك؛ فأنت تطلب من أكرم الأكرمين وأرحم الراحمين." ♥️

بقالي ٤ ايام بشوف فديوهات غريبة من جباليا والزيتون ومعظم الناس كمان شافتها .. اكاد اقسم اني لو حد وراني الفيديوهات دي هفتكرها Video Game مستحيل يا جدعان ده ناقصهم اخواتنا وهما يوصلوا الحاجه يقولولهم حاسبونا علي الدليفري ! كمية امل رهيبة .. ده انا ابتديت احس ان اخواتنا حسونا فقدنا الامل شوية ولا اكنهم بيقولوا اصبروا احنا لسه معملناش حاجه !! ده في سباق معمول بين الشباب في جباليا وبين الشباب في رفـ ـح علي مين يجيب اكبر عدد ،!! انتوا بتتكلموا في ايه الناس دي ربنا معاها ربنا مسخرلهم الملايكة في صفهم دفـ ـاعا عن وطن ودين وارض وعـ ـ*رض !! ده حتي النحل النحل من يومين عمل الصح مع اخواتنا ودخل في صفهم ! اللهم نصرك الذي وعدت .. ♥️