Multaqa-😍 الملتقى 💖

دعم على الصفحة الجديدة يا شباب

فى بلوجر مشهورة و مصور مشهور دايما بينزلوا صورهم سوا و هما ماسكين ايد بعض او بيحضنوا بعض و كل يوم سوا ف كل الاماكن، و دايما يقولوا انهم اخوات و صحاب، الفئة اللي بتتابع البلوجر بيكونوا من سن ١٥ او كمان اقل، ف بيبان ليهم ان ده العادي و ده المنتشر، ف انا جيت اقولكوا ان لا يا حبايبي مش ده العادى و مش ده الصح، احنا بنتعامل مع الجنس الآخر بحدود و الاصح ان يكون مفيش تعامل، لكن ده حرام و مفيهوش نقاش، متمشوش ورا الناس دي لانهم مش صح و الحرام لازم تعرفوا تقولوا انه حرام❤️ -MaRiiam Hassan

في كل مرة أقابل صحابي هفضل مستغربة إزاي كام ساعة بس قادرين يغيروا مود الواحد كده! يعني الواحد بيبقى رايح شايل الهم وناوي يصيح بيشوفهم بس يضحك وينسى أي حاجة كنت قرأت قبل كده سؤال بيقول إيه هي الـ friendship green flags بالنسبالك وحد رد قال : "لما نقعد شهور منشوفش بعض وميحسسنيش بالغربة لما نتقابل" ودا أحن رد سمعته الواحد بيقعد شهور ميشوفش صحابه ويوم ما يشوفهم يحس إنهم كانوا عايشين معاه الله يديم لينا صُحبتنا اللي مهوّنين علينا الحياة بوجودهم .❤️

ليست صدفةً : "أبشر، سَوف تتزوج قريبًا"

لما ابعت مسجات ابقي اعمليلي ريآكت يا كاريزما هانم ، أنا مش مرات أبوكي ..!🙂

" صاحبتي فسخت خطوبتها من يومين سيبتها تهدي على اعتبار إنه خبر حزين وبعدين أكلمها بسألها السبب؟ قالتلي كنت بخلص ورق في مصلحة حكومية والجو مش ألطف حاجه حسيت بتعب ودوخه وطلعت رقمه ورقم بابا عشان حد يلحقني لو تعبت ووقعت زي كل مره أتعب فيها بابا قالي : أستنى مكانك ربع ساعة وأكون عندك هو قالي : روحي وارتاحي كده وكلميني ف ماحسيتش إني ممكن أسيب الحنية والجمال دول كلهم وأروح أعيش مع حد تاني عارف تعبي وبيهمشه عادي، وقتها بس أفتكرت فقرة عمرو حسن وهو بيقول : "أنا برضو علشان بعرف أنقي، أخترت اللي أبوها حبيبها، دلعها كأن مافيش في الدنيا بنات، وراها أمان صعب تعيش يوم في غيابه، أنا برضو عشان بعرف أنقي أخترت اللي أتربت تتصان" وحقيقي مش خسارة في اي بنت شويه أمان وطبطبة في مقابل أنها تسيب بيت أهلها وتديك عمرها وصحتها وشبابها عن طيب خاطر .."❤️

سيدة كانت لا تستوعب عدالة السماء الست دي مڪنتش بتخلف وسلفتها خلفت ولد من حقدها وغيرتها منها خلت سلفتها مش منتبهة وراحت رمت ابنها فالفرن لحد ما مات وبعدها قعدت تصوت ع اساس مخدتش بالها بعدها بفترة كبيرة الست اللي مبتخلفش خلفت 5 اولاد شاطرين فالدراسة وحلوين كانت بتخاف عليهم وبتقفل عليهم البيت بالقفل طبعا عارفين خوفها الزياده سببه ايه وفي يوم قفلت عليهم وخرجت وحصل حريق كبير طال ولادها الخمسة كلهم وماتو 😢😢طلعت الشارع بالمنظر ده وبقيت تقول يارب بتساوي الواد بالخمسة انا نسيت وامه نسيت وانت مبتنساش !!ووقتها عرفنا حكايتها .... يمهل ولا يهمل لا حول ولا قوة الا بالله

انتوا بتلاقوا وقت تتصوروا في المرايا قبل متخرجوا ازاى! انا بلبس الكوتشي عالسلم

‏سماع القرآن يرقِّق القلب، ويُحيي الفؤاد")💚

ع قد الميك اب له طاقه لانه بيخلى اى بنت تحس انها زى القمر الا انى مؤمن جدا ان اى بنت لما تبص ف المرايا وهى مش حاطه اى ميكاب بتحب نفسها اكتر بوجود الهالات والحبوب عادى وعايزه حد يحبها كدا.. وجايز تحسي انه مش لطيف لكن ربنا بيغير شكلك كل سنه واكيد لو مش راضيه بشكلك دلوقتى هتراضى بيه السنه الجايه انا عن نفسي بعشق البنت الطبيعه اللى شكلها مش مصتنع خليكى متاكده ان شكلك حلو كدا كدا من غير الفاونديشن والبلاشر بحبوبك بهالاتك السوده وبكل حاجه انتى جميله من جوا ♥

كنت طالبه اوردر والمفروض اني محدده معاد الاستلام يوم الاحد فكلمني المندوب بيقولي الحاجه جاهزة "بلهجه غريبة كدا والله ما اعرف هيا قاهراويه ولا صعيديه ولا اي حكايته بس المهم اني مكنتش فاهمه منه كلمه " قولتله حاجه اي يا فندم قالي طلب حضرتك وذكر اسم الشركه الي طالبه منها قولتله اهاا ايوا بس انا طالبه يكون الاستلام الاحد قالي تمام انتي عايزاها "لحد " اقسم بالله قالي كدا قولتله لا ليا 🥹 قالي يا فندم انتي عايزاها "لحد" قولتله والله العظيم ليا 🥹🥹 الراجل جاله حاله عدم استيعاب ، قالي يا فندم بقولك انتي عايزه الاستلام يوم االحد قولتله اهاااااا والاقيه مفتوح في الضحك 🥹💔 ماهو صوتك الي مش مفهوم ياعم الحاج👈👉🥹

بنتي جالسة على رجلي وأنا بلعب مباراة كرة على جهاز "البلاي ستيشن" وإذ بها تصرخ بي: "بابا استنى عمو وقع" عندما سقط لاعب على الأرض. تذكرت أخوها لما كان مكانها قبل سنوات وقال في موقف مشابه: "يالا بسرعة هات جون كلهم واقعين" تولد البنات رقيقات بطبعهن، بينما نأتي للدنيا أوغاد بالفطرة..

"أصبحنا بخَيرك الدائم ولُطفُك الخَفي ونظن بك الظن الجميل.. فتولَّنا."❤

دكتور محمد الغليظ بيحكي عن مكالمة أثرت فيه جدا إن بنت في أولى جامعة كانت بتسأله إذا لازم تلبس الجوانتي على النقاب ولا لا، علشان هيا بتستخدم ايدها في معرفة الاشياء علشان هي كفيفة وهي كفيفة من يوم ولادتها ! بيقول إنها بتتكلم عن حياتها بطريقة غاية في الرضا ! البنت قالت حاجتين إستوقفوني جدًا.إن لما بيقعدوا يتكلموا على غض وإطلاق البصر ، أنا بحمد ربنا إنه سبحانه وتعالى أكرمني إن معنديش الموضوع ده أصلًا قالت كمان إن هي فرحانة أوي إنها مشافتش الدنيا ، مشافتش الباطل ، وإن أول حاجة هتشوفها الحق ، الله ، الآخرة ، النبي ، الجنة ، كانت فرحانة أوي ب كده ، إن عينيها هتفضل طاهرة تمامًا مش هتتفتح إلا على كده.

كنت بكشف على مراتي في يوم عند دكتور عظام عشان كانت واقعة على رجليها. كنا قاعدين في العيادة وكل واحد مشغول بحاجة.. اللي ماسك الموبايل واللي قاعدة بتتكلم مع اللي جنبها واللي واقف يشرب سجاير وخنقة الدنيا كلها باينة في وجوه الكل! حسيت بملل فطلعت وقفت شوية في البلكونة وبعدين دخلت تاني. ولما قعدت عرفت إن احساسك لما بتقرأ كلمة في كتاب أو على السوشيال ميديا غير شعورك لما تكون مطبقها في الواقع، الواقع طلع لُه هيبة ووشعور باللذة رهيب. فجأة ساد الصمت وكله قعد سرحان وساكت لحد ما جه آذان العشاء، الكل ردد الآذان وخلاص.. ولما رددنا ورا الإمام لاقينا طفل عنده حوالي سبع سنين بيشمَّر هدومه وبيقول لأمه: " الحمام فين؟ " خدته من إيده ورايحة معاه للحمام فالطفل وقف فجأة وبصلنا وقال: " أنتو هتفصلوا قاعدين؟ محدش هيصلي ولا إيه؟ " ضحكنا على كلامه وسكتنا. فساب ايد أمه بزعل ومشى، اتوضأ ورجع وشه زي البدر وبعدين قعد يدوَّر على حاجة يصلي عليها، فالسكرتيرة دخلت وجابتله مصلية، الولد وقف على المصلية وقال: " أنا هصلي لوحدي؟ " فضلوا ساكتين! فرد وقال ببراءة: " هو مش ربنا اللي بنصلي علشانه هو اللي بيشفينا؟ وانتو جايين هنا عشان يشفيكم؟ طيب هيشفي حد فيكم إزاي وهو مش بيشكره ويحمده ويتحامى بفضله؟ " الناس عيونها دمعت! فكمِّل كلامه وقال: " عمومًا كل واحد حر في حسناته " ولسه هيكبر ويبدأ في الصلاة، قمت وقفت وقولتله: " استنى انا هصلي معاك " ولسه داخل عشان اتوضأ لاقيت النساء والرجالة وقفوا.. الرجالة دخلت اتوضت الأول وبعدين النساء، النساء وقفت شوية وبعدين السكرتيرة دخلتهم أوضة فاضية يصلوا فيها، واحنا وقفنا ولسه هنصلي لاقينا الدكتور طالع بيقول: " محدش دخلي ليه هي فين السكرتيرة؟ " وقفت وحكيتله الموقف، وقف مصدوم شوية، وبعدين مسح على شعر الطفل بفخر وقال وعيونه مليانة فرحة: " طيب استنوني، هي جات عليا يعني! " صلينا وقعدنا استغفرنا شوية. وبعدين اتفاجئنا إن الدكتور مخدش فلوس من حد وقرر يخلي باقي الكشوفات مجاني، ووهب الحسنات للطفل ده! أم الطفل وقفت وايديها فضلت تترعش وتقول: " هل جزاء الإحسان إلا الإحسان! " واتصلت بزوجها المُغترب وحكتله الموقف! والله من ضحكه وفرحته كنا تقريبًا سامعينه وحاسين بفرحته. هنا بس أقدر أقول إن: الذرية الصالحة هي العَصب اللي بيربط قلوب الناس ببعض. أنت مش مُجبر تخلف بس لو خلّفت فـ أنت مُجبر تربي .♥️