Multaqa-😍 الملتقى 💖

السلامُ عليكُم، الحمدُ للهِ وبعدُ، كنت بتناقش أنا وأخت ليا في بعض أمور الزواج، والحقيقه إن في جملة منوَّرة في دماغي مش عارفة أتخطاها .. الأخت _جزاها اللهُ خيرًا_ بتقول [مهما حاولت تكسب الطرف التاني في مشكلة فـ أنت بردو خسران] .. الزواج يا جماعه [مش حرب] ..الزواج هو المعنى الأصحَّ [للأُنس والسكن الحقيقي] بعد علاقة المرء بالله عز وجل طبعًا .. الفِكرة في قول الله تعالى "هُو الذِي خلقَ لكُم من أنفُسِكُم أزواجًا" [مِن أنفُسِكُم] ! أيقسُو المرءُ منَّا على نفسه؟! أيهنأُ إذا باتت والحزنُ بين عينيها؟! أيطمئنًّ وهي في حالة روْعٍ وشتات؟! كُلُّ العواصِفِ التي تقوم بين الزوج وزوجته تخمَد بـ حُسنِ تعاملهم مع كلام ربّ العزة .. [خَلَقَ لكُم من أنفُسِكُم أزواجًا] [لِتسكُنُوا إليها] [وجعَلَ بينكُم موَدَّةً ورحمة] فإذا تنافس كل طرف لإثبات حقه والبحث عن مكسبه الشخصي البحت [نقص معنى السكينة وقلّت المودة والرحمة] = [خسران مهما كسب] ..! إنَّ المعنى النفسيَّ في الزواج من الراحة والسكينة والدفء والأنس والأمان والرحمة والحب وكل معاني اللطف يستحق لبذل المرء كل ما في وسعه،والتغافل بكل حُبٍّ عن الكثير [للحفاظِ عليه]، المفهوم البحتي للـ [أنَا] في مثل هذه الأمور يُفقدُها قَداسيَّتها ويبهتُ من رونَقَها ويُذهب بلُطفِ معانيها. - آلاء حمزه .

لينك جروب الواتساب حقنا للناس اللى بتسأل https://chat.whatsapp.com/ChOGRq6ZF5m3OSKkveUa2J

لما بحب حد اوي بفضل اقوله كوتي ولولو ونونو ويخلبوث ويثغنن ده حتى لو اكبر مني ب10 سنين وبيبقا نفسي اشيلو وبحب يقولي مامي نسمنسمنسم

‏"أنا دائمًا بخير لأنني أستوعب جيدًا أن كل شيء وارد والوارد هو الخير الذي اختاره الله لي كل شيء قابل للتعويض وما لا يتم تعويضه يمكن استبداله وما لا يمكن استبداله يمكن الاستغناء عنه والتأقلم مع غيابه ومهما بلغ حجم الخسارة .. تظلّ خيرة" ❤️

المرأة السوية المتزنة نفسيا هي التي تسلم القيادة لزوجها دون منازعة والرجل السوي المتزن نفسيا هو الذي يعلم بأن القيادة رعاية وحماية لا تسلط وشدة. - عبدالرحمن منصور.

أختي متخانقة مع صاحبتها وقاعدة بتقولي مهي خلاص رمت طوبتي ما انا خلاص مبقتش فارقة معاها قبل ما الجملة تخلص لقت حبيبة بترن عليها فيديو وسايبه الموبايل في أيد حور أختها وبتقولها طبعًا انا مش عايزة أكلمك خالص دي حور هي اللي رنت عليكي ملحوظة: حور عندها سبع شهور - Sara Negm

خليكوا زي سجى صاحبتي يا جماعه لما ببعتلها 25 رساله بترد ب 50 و لو بعتلها 50 بترد ب 100 وعمرها ما حسستني ان كلامي كتير وبترد عليا بكل شغف و اهتمام كل مره و مبتتأخرش في الرد ومبتطلعش من الشات وانا بكلمها حتى لو قعدت ساعات بتكلم مش بتطلع من الشات بردو والله لو كل الناس زي سجى هنعيش في سعاده وسلام🥰

كان سيدُنا النبيُّ أفصح الناس وأبلغهم، دقيقًا يختار لفظه بعناية، ويتجلى ذلك حين أمر المسلمين برعاية نسائهم بقوله "رفقًا بالقوارير"؛ فقصد بذلك ألا يعامل الرجل امرأته كراعٍ يسوق غنمه، وإنما كإنسانٍ يترفّق بأثمن ما عنده.

من المواقف الجميلة اوي اللي عيشتها في حياتى عندي مشكلة معينة وصعبة شوية ومحتاجة حد فاهم قانون كويس المهم أن الشخص اللي أتدخل عشان يساعدني في الموضوع مسيحي وشخص جميل جدا وروحه حلوة اوي الجميل ف الموضوع إنه كل مانيجي نتكلم في حاجة مهمة يبدأ معايا الكلام بـ "صلِّ على سيدك النبي الأول" ولما يلاقيني متعصب في حاجه معينة أو عاوز يقنعني بوجهة نظره بسهولة يستشهد بآيات من القرآن لدرجة إن والدي لما حضر كلامنا قالي انت كنت بتقولي أنه مش مسلم ليه 😅 طبعا ديانته دا شئ يرجعله ولازم نحترمه فيه لكن أسلوبه الجميل دا سهل التعامل بنا جدا مع العلم أن دا اول تعامل بيني وبينه المقصود بقا أن الدين احنا ملناش حق نشارك حد فيه أو نعاتبه عليه لكن المناظرة بالأسانيد وبطريقة علمية محترمه مش عيب ولا غلط أما اختلافنا في الديانة ف لكم دينكم ولي دين ف مش معنى أن دا مش ع نفس الدين انك تعاديه أو تكرهه اخوات في الوطن وأصحاب في العمل وجيران وحبايب وواجب علينا نحترم ونساعد بعض في كل الأوقات♥️

خليك مؤمن أن قصه بتمحي قصه وشخص بيمحي شخص وحياه هتنسيك حياه خليك مؤمن بالعوض من ربنا.

انا بقرف جدا من اي شخص بيتدعي الفشل او بيتدعي المرض او بيتدعي اي حاجه هو عكسها لمجرد انه يتفادي الحسد فعشان يحافظ علي ذاته بيبدأ ينشر طاقة سلبية جدا في وسط كل الي حواليه و يأذيهم ، دا مرض حرفيا ، عايز تتفادي الحسد استعن علي قضاء حوائجك بالكتمان و لو حد اتطفل عليك ' الحمدلله ' تكفي ان الي قدامك ميسألش عن تفاصيل ، لكن جو انا فاشل انا مش لاقي شغل انا هفشل انا مش معايا انا معنديش و انا و انا و انت الدنيا معاك تمام و مجرد بتنقل طاقة سلبية انت كدا مش ناجح و جامد ، انت كدا عايز تتعالج

هى ازاى السينما المصرية قدرت تزيف الحياه الجامعيه كدا يعنى الواحد بقاله 3 سنين ولا شوفنا معيد بيحب طالبه عنده ولا شوفنا قصه حب الكليه كلها عارفه حكايتهم ولا شوفنا واحد بيصالح حبيبته ف السكشن قدامنا مثلا ولا اتنين بيتخنقوا على واحده ولا اتنين بيخبطوا ف بعض والكتب تقع ولا صحاب بيعملوا كامب بالشهور ولا رحلات حتى ولا حفله كل يوم عند واحد من الشله احنا من ساعه ما دخلنا واحنا ف دوامه من الميدترم للفاينل والاسيمنتات زى الرز وال GPA ف الارض .

جوزى باعتلى رسالة ع الواتس بيقولى انتى منورة البيت كله قلتله شكرا يا حبيبى قالى ايه اللى شكرا قومى طفى النور دة

" أنا بَقيت أدوّر على راحتي قبل أي حاجة؛ اللي هو لو تركيزي معاك هيتعبني هبطّل أركّز معاك، لو قعدتكو هتضغط عليّا بلاها القاعدة معاكو، لو كلامك هيبقى تقيل على قلبي مش هسمعك ومش هسمحلك تقول كلام يضايقني، ما بقيتش أهتم لزعل غيري قبل زعلي ومش مُضطر ولا مُجبر آجي على نفسي عشان حد لإن مَحدّش هَييجي على نفسه عشاني، سموها زي ما تسموها.. أنا مرتاح كدا وهفضل كدا. وربنا ينور بصيره أي حد مفكر نفسه محور الكون والحياه هتقف عليه .."

" مش لازم تنجح في كل امتحان، مش لازم تكسب على طول الخط، أوقات بتبقى محتاج تعرف انك عملت اللي عليك، ومع ذلك مش هتكسب، وان فيه حاجات مش مكتوبالك، مهما حاولت تمسك فيها بايديك وسنانك، أوقات بتبقى محتاج تعرف إن اللي ربنا كاتبهولك أحسن م اللي طول عمرك بتتمناه .."♥️

" طب ما أنتى بتكلمى شباب أهو أومال عمللنا فيها ست الشيخة ليه؟ " كنت بقلب فى الفيس لقيت اخو صاحبتى عامل ليها تاج على بوستات الأخوات فقلبت فى صفحه اخوها كفضول لقيته منزل بوست ببص فى التعليقات لقيت "معاذ محمد "معلق عنده انا قلبى حسيت كأنه خرج من مكانه ،وأفتكرت كل حاجة حصلت بينى وبينه كأنه شريط ذكريات بيعدى قدامى. فقومت بالعند فيه أو فى نفسى أيهما أقرب معلقه على البوست بتاع أخو زميلتى وكتبت "أنتى ونعم الصاحبة ى إسراء ربنا يبارك فيكى يارب" وكملت تقليب عادى ، بعدها بساعة تقريبا فتحت الصراحة " انا عاملالها عشان البنات بتقولى فيها على مشاكل بتتكسف تكتبهلى ع الخاص فبتكتبها على الصراحة وأنا برد عليهم " لقيت رسايل بمشاكل كالعادة وحلول لمشاكل كانت قبل كده كنت حطاها ومن ضمن الرسايل " طب ما أنتى بتكلمى شباب أهو أومال عملالنا فيها ست الشيخة ليه؟" انا أتخضيت مين دى؟ وكاتبه كده ليه؟ أنا بطبيعتى شخصية فضولية جدا بس حاولت اتحاشى التفكير فى الموضوع وبدأت أشغل نفسى بالمشاكل التانية اللى على الصراحة وأنزل حلها بعد شوية لقيت رسالة مبعتولى على صراحة لسه من كام دقيقة ( انا عارف ومتأكد أنك شوفتى الرسالة لانه النهاردة يوم الجمعة اللى بتردى فيه على الرسايل ) واضح انه ولد بس ازاى وصل للينك وانا عاملاه للأصدقاء بس دماغى بدأت تودى وتجيب وأفكر مين ده وعشان أريح نفسى قمت منزلة الرسالتين جميع بعض وعلقت "متاكد !! واضح انك ولد ياريت تعمل بلوك قبل ما اعمل انا" شوية ولقيت رسالة مبعوتلى من عند واحدة من ضمن الأصدقاء عندى" والله لو ما مسحتى التعليق إللى أنتى كاتباه عند أخو إسراء لأجيلك البيت " عملت سين ومش رديت أتفأجأت بعدها بأنها رنت عليا ماسنجر قفلت فى وشها وعملت بلوك هى ناقصة إشتعالات !! بعد ساعه لقيت حد بيخبط اخويا فتح _ مين حضرتك _ناديلى بابك ممكن بابا طلع ليه فعلا، بعديها بشوية لقيت بابا بيقولى ألبسى وتعالى ورايا ع الصالون ، وفعلا طلعت وانا مش فاهمة حاجة خالص. ببص لقيته معاذ _ مش قولتلك امسحى التعليق . رديت بأنفعال وصوت عالى _ أنت عبيط ، انت مالك اصلا وبعدين بتتكلم بصفتك ايه ؟ ورفع حاجبه وبعديها أتكلم _ فى واحدة تقول للى كان هيبقى جوزها أنت عبيط !! ردت بعند _ أديك قولت كنت هتبقى ، هى يادوبك رؤية شرعية قعدنها وبعدين أنت قولت كل شىء قسمة ونصيب فاكر ولا أفكرك ؟ بص بأسف _ عايزانى أعمل أيه يعنى وأنتى طول الوقت فى الشغل بتعاملنى الكلمة على قد الكلمة وعلطول أستاذ معاذ وحتى لما اتقدمتلك متكلمتيش ولا كلمة ى شيخة ،ده انتى حتى مش قولتى ازيك ولا رفعتى النقاب قدامى مع انه ده حقى ، فقولت اكيد مش طايقنى قولت تيجى منى احسن ما تيجى منك ردت بصدمة _طلعت أنا إلى غلطانه صح ؟ وبعديها كملت _ ده الطبيعى ى أستاذ تتكلم معاك بحدود لانك شخص غريب عنى وبالنسبة ليوم الرؤية كنت مكسوفة متعرفش يعنى ايه مكسوفة والنقاب مش متعوده ارفعه قدام اى حد. ضحك_ حصل خير المهم دلوقتي موافقة ؟ بكسوف _ أيه؟ بضحك _ أيه _ أحمم وبعدين أنت ليه عملت أكونت فيك اصلا. _ عشان أراقبك ى هانم ولا أنتى مش عايزانى أعرف أنتى بتعملى أيه فى غيابى وخصوصا أنك عامله كل حاجة للأصدقاء بس، المهم دلوقتي نجيب المأذون؟ ردت بصوت واطى _ أنا حبيت كُل عيوبك،إلا غيابك _قولتى أيه ؟ _أنت أقنعت بابا أزاى ؟ رد بغيظ ونفاذ صبر _هبقى أقولك بعدين ،المهم دلوقتى اجيب المأذون وكمل بمرح _ عشان أشوف وشك حتى. =كلمة صدفة إللى أحنا دايما بنستخدمها فى حياتنا دى مش موجودة ، كل حاجة حصلت ولسه هتحصل لسبب ولحكمة معينة . لولا انه عائشة علقت على البوست يمكن كانوا فضلوا بقية حياتهم كل واحد فيهم فاكر انه الثانى أتخلى عنه

ما تقدرش تهزم شخص بيعرف ازاي يتجدد، بيعرف ينبهر بنفسه و بيدي الحب لنفسه الاول ، عارف قدراته و قيمته بيعرف ازاي يعدى من الهزائم، ما تقدرش تهزم شخص بيصنع نفسه كل يوم

" عارف الثقه ف اللّه لما تبقى مقتنع إن اللي جايلك هيبقى أحسن مما تتوقع .. الثقه ف إن التأخير ده وراه حاجه حلوه ، وإن ربنا شايل جزء حلو كده و متخصص ليك و هيبقى نصيبك .. دى تقريباً الحاجه الوحيده اللي بتصبر الواحد على اللي بيحصله و مخلياه شايف أمل فى كل يوم جديد .. ربنا لطيف وكريم .."♥️

بشخصنها مع اللي مبيعرفش ينطق "شكرًا، أسف، ماشاء الله" خصوصًا لو الموقف يتطلّبهم بشدة، البديهيات ديه ضروري تكون متواجده في قاموس أي انسان. وعلى تعدد أنواع البخل، إلا أن بخيل الكلمة هو أقبحهم.

لما تلبسي الحجاب الشرعي وصحابك يتريقوا عليكي ، بدلي أصحابك مش الحجاب💚