Multaqa-😍 الملتقى 💖

- وكيف حالك معها؟! = ليس لى بها صلة ، سوى أننى أُحدث الله عنها وأطلبها منه فى كل ليلة ، لا بل فى كل سجدة ، فهى حقا لا يليق بها إلا حلالًا... ♥️

اوعى تبطل تڪون إنسان لَطيف بسبب قِلة ذوق اللّ حواليك .♥️♥️♥️♥️♥️🌿

أخبرني أن صورتي اليوم جميلة فبتُ طوال الليل أحدقُ بملامح وجهي كأنني أراهم للمرة الأولى في حياتي❤️

"هي لا تؤذي أحداً سوي نفسها، ستقتلها طيبتها الزائدة عن الحد المعقول، فهي لا تجني من العلاقات سوي الخذلان وخيبة الأمل وخوفها من كل ماهو آتي"

وأنت مسحول في الدنيا ما تنساش إنها مجرد مرحلة صغيرة أوي وممكن تنتهي في أي لحظة ما تكبرش الدُنيا أوي في قلبك وركز في الهدف النبي صلَّ الله عليهِ وسلم قال "ما لي وماللدُّنيا ما أنا في الدُّنيا إلَّا كًراكبٍ استَظلَّ تَحتَ شجرةٍ ثُمَّ راحَ وترَكَها"💚🌿.

ازاي ارجع لربنا؟!🥺💛 _اول حاجة هتصلي ركعتين توبة وتبدأي مع ربنا وتقولي لربنا انا رجعتلك تاني اقبلني(اللهم اني اسألك بكل اسم هو لك ان تردني اليك ردا جميلاً) باب التوبة مفتوح دايما مبيتقفلش خالص ..💛 مش هتلاقي راحة الا اما تنتظمي ف الصلاة ، دي تاني ركن ف اركان الاسلام واول حاجة بنتسأل عنها لازم تصليها ف ميعادها متأخريش"فويل للمصلين الذين هم عن صلاتهم ساهون" الصلاة تنهي عن الفحشاء والمنكر انا مؤمنة جدا بكدا انه طالما بتصلي هتبعدي واحدة واحدة عن اي حاجة بتغضب ربنا اول ماتسمعي الآذان قومي اتوضي وصلي ع طول وسيبي اللي ف ايدگ(لا يبارك الله في عمل ينهي عن الصلاة) وربنا يثبتنا جميعا ..💛 صلي نوافل ومازال عبدي يتقرب اليا بالنوافل صلاة الضحي صلاة الاوابين اقلها ركعتين وهتتكتبي من الاوابين اللي هما كثيرين الرجوع الي الله ..💛 اعملي ورد قرآن ثابت وحطي دايما ف بالك اللي بيفضل اكتر من 3 ايام مبيقرأش قرآن بيكون هاجر للقرآن خلي لسانك دايما رطب بذكر الله والاستغفار واهم حاجة يكون عندك صحبة صالحة تعينك ع الطاعة وابعدي عن اي حد مش هياخد ب ايدك للجنة 💛 احنا بشر ومش معصومين كلنا بنعمل ذنوب بس ان الحسنات يذهبن السيئات يعني اول ماتعملي ذنب اعملي طاعة بعده ع طول ..💛 وخلي دول ثابتين ف سجودك اللهم إني أسألك حسن الخاتمة ..💛 اللهم ارزقني توبه نصوحة قبل الموت ..💛 اللهم يامقلب القلوب ثبت قلبي على دينك ..💛

اللهُم إن كتبت لي نصيباً في الزواج قريباً أو بعد حين فـ ارزقني الزوج الصالح الهين ،اللين ،الذي لا يُشقيني بصحبته ابداً ،يُعينني واعينه على الطاعة ،يأخذ بشتات قلبي ؛فـ ندخل الجنة معاً.....اللهم ارزقني زوجاً صالحاً ،ناصحاً ،صواماً ،قواماً ،تقياً ،نقياً ،جميل الخُلُق والخَلق كأنما السماء لفظته من ثغر غيمها فأمطرته صيباً نافعاً لـ قلبي ....قلبه معلق بالمساجد ،وبصره معلق بالله ،وتهتز أوتار الفؤاد من جمال تلاوته للقرآن.... لا يكذب ،لا يخون ،ولا يُخالِط ...يخاف الله في قلبي ،سنداً طيب العشره ،لا يكل ولا يمل ولا يميل حتى الممات يا الله.. "رزقنا الله وإياكم الزوج الصالح رفيقاتي"🤍

أنا أكتر شخص supporter هتقابله في حياتك ، هدعمك في أي وقت وفي أي مكان سواء أعرفك أو معرفكش ، سواء صاحبي أو لأ ، سواء نفس مجال دراستي أو شغلي أو لأ هتلاقيني بردو بدعمك حتى لو بتعمل حاجة بسيطة لو عملت كوبايتين شاي اللي هو ايه الحلاوة والجمدان ده بجد عاش إستمر.❤️

"هنستنى بابا لما يجى م الشغل نتغدا سوا" "هنستنا لما ترجع من الكلية وناكل مع بعض" الجملة دي مش محبة بس ولا ود بس الجملة دي ممكن بتجديد النية انها احياء سنة تؤجر عليها فعن وحشِيِّ بن حرب رضي الله عنه أن أصحَابَ النبي صلى الله عليه وسلم قالوا: يا رسول اللهِ، إِنَّا نَأْكُلُ وَلا نَشْبَعُ. قَالَ: (فَلَعَلَّكُمْ تَفْتَرِقُونَ؟) قَالُوا: نَعَمْ. قَالَ: (فَاجْتَمِعُوا عَلَى طَعَامِكُمْ، وَاذْكُرُوا اسْمَ اللهِ عَلَيْهِ، يُبَارَكْ لَكُمْ فيه) وقال رسول اللهﷺ " أحب الطعام إلى الله ما كَثُرت عليه الأيدى" احيوا سنة مهجورة🤍🤍

الخمسة سته اللي بيعملوا ريأكتز على بوستاتي دي هأكلهم واشربهم ميكس شيكولاته في فرحي♥️.

" انا بالذات متحاولش تتقل عليا ، تقارني بحد، تطنشني او تتأخر عليا ف الرد ، تستغل نقطة اني بحبك وتتجاهلني ، الحاجات دي كلها بتجيب معايا نتايج عكسيه وبتكرهني في اللي قدامي جدا مهما كان غالي عندي ، وحرفيا ببقي من جوايا معنديش اي إستعداد إني اتعامل معاك تاني .."

"متوصلش اللي قدامك لمرحله إنه يتقفل منك وبعدين تقول ده باعني .. متبقاش أنت صاحب الفعل الغلط و تقول إنك صح .. متفضلش تضغط علي اللي قدامك وتشوفه هيستحملك لـ فين وتستني لحظة إنسحابه وهو بيلم اللي فاضل من روحه وتعيش دور الضحيه وتقول مستحملنيش وتقلب الترابيزه عليه .. معلش بقي متبقوش بجحين"

"‏ يعرفنا الله ، يعرف قلوبنا ، يعرف نوايانا ، يعرف تعبنا ، وهذا أمرٌ يدعو للاطمئنان .."

كلنا فينا شئ مميز وكلنا نستاهل الحب بكل عيوبنا ، مش مضطرين نغير أي حاجة فينا عشان نتحب أو عشان الناس تتقبلنا ، إحنا لما نحب نفسنا الأول ونعرف إننا حلوين فعلاً الشعور اللي جوانا ده هينعكس في عيون الناس وهيشوفونا زي ما إحنا شايفين نفسنا✨♥️

ويبقا الحلم مستمر إلى المربع الذهبي ❤️‍🔥✨️

كنت عند العطار بقوله متحطش جوزة الطيب - ليه؟ - عشان حرام. - يا أستاذة إحنا لو ركزنا ع الكبيرة و الصغيرة مش هناكل ولا هنشرب وبعدين دي رشة صغيرة ع الأكل و اتفاجأت إن فيه ستات واقفة متعرفش إنها حرام! نقول طيب إن جوزة الطيب من المسكرات يقول النبي ﷺ: "ما أسكر كثيرُه فقليله حرام" مش محتاج نختلف عليه دا اكيد! يبقي جوزة الطيب حرام رشة صغيرة رشة كبيرة برضو حرااام. اللي عرفته إن بعض الشيوخ في الأزهر أجازوا استخدامها في الأكل بالقدر القليل! وفيه ناس كتير مختلفة على حرمانيتها! مع إن فيه نص صريح أهو من الرسول إن القليل منه حرام برضو! بقول الكلام دا ليه؟ يمكن حد لسه ميعرفش. و أُذكركم ونفسي إن حبيبنا المصطفىٰ قال: "فاتقوا النار ولو بشق تمرة، فمن لم يجد فبكلمة طيبة" رواه البخاري و أيضًا قال: "إن الحلال بيّن وإن الحرام بيّن وبينهما مشتبهات لايعلمهن كثير من الناس فمن اتقى الشبهات استبرأ لدينه وعرضه" نبعد ع الشبهات أحسن ونمنع جوزة الطيب م الأكل. - مقتبس

الدين الإسلامي ليس طقوساً تؤدى وإنما هو الامتثال الكامل لأوامر الله سـبحانه تعالى- بحيث يظهر هذا الامتثال في سلوك المسلم .. قال ﷺ : أَتَدْرُونَ ما المُفْلِسُ؟ قالوا: المُفْلِسُ فِينا مَن لا دِرْهَمَ له ولا مَتاعَ، فقالَ: إنَّ المُفْلِسَ مِن أُمَّتي يَأْتي يَومَ القِيامَةِ بصَلاةٍ، وصِيامٍ، وزَكاةٍ، ويَأْتي قدْ شَتَمَ هذا، وقَذَفَ هذا، وأَكَلَ مالَ هذا، وسَ/فَكَ دَ_مَ هذا، وضَرَبَ هذا، فيُعْطَى هذا مِن حَسَناتِهِ، وهذا مِن حَسَناتِهِ، فإنْ فَنِيَتْ حَسَناتُهُ قَبْلَ أنْ يُقْضَى ما عليه أُخِذَ مِن خَطاياهُمْ فَطُرِحَتْ عليه، ثُمَّ طُرِحَ في النَّ/ارِ.

يارب يومك يكون هادي وخطواتك سهلة وكل حاجة تمشي فيه زي ما بتتمنى ♥️