Multaqa-😍 الملتقى 💖

{ الأخلاء يومئذ بعضهم لبعض عدو إلا المتقين } قال الحسن البصري: استكثروا من الأصدقاء المؤمنين؛ فإن الرجل منهم يشفع في قريبه وصديقه فإذا رأى الكفار ذلك قالوا : { فما لنا من شافعين ولا صديق حميم }

شكلك ولبسك وتعليمك وفكرك وإنجازاتك العلمية والعملية، مجموعها صفر لو اجتمعت بقلبٍ قبيح، ونوايا سيئة. ‏"إنَّمَا المَرءُ بِقَلبِهِ!"

كنت راكب ميكروباص من شويه و مكنش في غيري انا و السواق و باقي الميكروباص بننناااات والسواق كان مشغل اغاني و موطي الصوت ف كانت البننت ال ورايا بتتكلم ف الفون تقريبآ مع خطيبها او حبيبها حاجه كدا و بتقوله انا ف فرح و هو مش مصدقها فجأه راح السواق معلي الصوت ع الأخر و لقيت البناااات بتزغرط و بتسقف و انا لا ارادي بقيت بسقف و راحت قالتله عشان تصدق اني ف فرح و قامت قيلاله انت بتشك فيا و راحت قافله ف وشه و راحت شكرانا و كل حاجه رجعت زي ما كانت عادي و الموقف دا اثبتلي ان حقيقي احنا غلابه اوي والله 🙂 مقتبس 😂♥️

" المرة ديه أنا عشمانة فيك ياربّ تُجبرني بـ إللي بتمناه من كُل قلبيّ وتخليني أجرب شعور الإنبساط مش التأقلُم حتي ولو لـ مرة واحدة بس! مرة واحدة ياربّ، أحس فيها إني أخدت من الدنيا حاجة أنا عيزاها و نِفسي فيها بجد علشان أنام وأنا قلبيّ متطمن ومرتاح .."

‏زودو الصدقات .. مالهاش حل تاني .

" ‏مش مُهم تبقى مُبهر خالص على أد ما مُهم إنّك تكون حقيقي .. مفيش أحسن من إنّك تعيش بطبيعتك .. تتكلم بطبيعتك .. تضحك بطبيعتك .. تزعل بطبيعتك .. مَفيش أي داعي إنّك تخفي هويّتك وتتصنّع هوية تانية عشان تعجب حد.. إنتَ مش موّجود في الدُنيا عشان تعجب ناس مُعينة .."

كنت راكبة النهاردة ميكروباص ومروحة والسواق كان مشغل أغنية لعمرو دياب بس مكنش الصوت عالي ففي بنت كان شكلها في العشرينات كده راحت قايلة للسواق علي صوت الأغنية دي شوية يا سطا فأنا بمنتهى العفوية قولتلها يابنتى ليه كده إحنا ماشيين علىٰ طريق المفروض تسلي نفسك بالإستغفار بأي حاجة ، ثم إن الأغاني حرام ولا إيه؟! ، فردت عليا بمنتهى العفوية برضه وهي بتضحك قالتلي ياستي دي أغنية وبعدين اللي زيي مِش هيموت دلوقتي متقلقيش وقبل ما اوصل راحت البنت دي ميلت براسها علىٰ الكرسي اللي قدام ومقامتش تاني أنا قعدت حوالي عشر دقايق متنحة والناس بتعيط اللي هو لا حول ولا قوة الا بالله منين كانت جايبة الثقة إن اللي زيها مِش هيموت دلوقتي ، منين كانت جايبة الثقة إن ربنا هيستناها لما تتوب الاول ، أنا حرفياً نزلت من الميكروباص مقدرتش وفضلت طول الطريق أعيط خايفة أموت وأنا ماشية في الشارع خايفة من موت الغفلة ، أنا لحد دلوقتي مبطلتش عياط من الصبح من المنظر والموقف خلوا بالكم يابنات والله الموت بيجي غفلة مِش هيخليكِ تلحقي حتى تستغفري مِش هيخليكِ تلحقي تتوبي ومِش هيخليكِ حتىٰ تندمي ، هتلاقيه جالك بدون إنذار فاجتهدي البنطلون مِش هينفعك الأغاني مِش هتنفعك عقوقك لوالديكي مِش هينفعك ، مفيش حاجة هتنفعك غير عبادتك لربنا واجتهادك في الطاعة علشان لما يجيلك الموت يجيلك وأنتِ في حالة كويسة مِش يجيلك في غفلة اللهم اسألك حسن الخاتمة اللهم قد بلغت اللهم فاشهد اللهم ارحم من ماتت اليوم فهي كانت في غفلة وأنتَ أرحم الراحمين اللهم أنتَ تعلم أنها مقصرة لكنها مسلمة فاجعل اللهم إسلامها شهادة تخفف بها عنها ما كانت تفعله مقتبس 💛

لأول مرة أشعر أني مليش عين بالاعتراف بعدم تحملي لبرد الشتاء ، مليش عين أقول أن البطانية مش مدفياني ، علشان حاسس بالخزي الشديد أني عندي أربع جدران يأووني وبطانية وهما مش لاقيين البطانية نفسها .. ويا ليت معاناتهم تقف عند البطانية بس يعني إحنا جمبهم مش بنعاني.. إحنا جمبهم لا شيء..

هي قعدة الصحاب حلوه مفيش كلام بس جهنم وحشه بردو يا جماعه

ميزة انك في كلية بتطلع عينك طول الترم انها بتخلي عندك سلام نفسي رهيب تجاه اي حاجة بتحصل في الاجازة يعني حد بتحبه اتغير معاك ؟؟ عادي المهم مفيش ميدترم بعد يومين صاحبك غد.ر بيك ؟؟ عادي المهم مفيش كويز بكرة كل الناس اللي حواليك بعدوا عنك ؟ عادي المهم مفيش محاضرات لحد الساعة ٦ المغرب حد هيجي يسرقك بالليل ؟ عادي المهم مفيش ديدلاين الساعة ١٢ حرفيا اي حاجة تهون المهم مسمعش اخبار عن الكلية

اتعلم ..؟! "تتزاحم اللُّغة نحو ضحكتك لتسرق قصيدة..."

هى : السلام عليكم هو : عليكم السلام ورحمة الله وبركاته ماما : قرة عينك متدين وصالح وهيرعى ربنا فيكى دا قالها كلها 🙂

الرجالة لم تحب بجد 💚 فلتر اي وميكاب اية يسطا دي كفاية عليا لما اشوفها كدا وانا ببص لعنيها ومركز اوي في عنيها وناسي كل الدنيا 🤍☺️ والاجمل بقى لما هي تلف كدا من اول السكشن وتندهش من تركيزي في عنيها بحسها ارتبكت بس بحبها موت 🤍☺️ ويكفي انها هي دلوقتي هي الادمان بتاعي والاقرب لروحي 🤍☺️ يكفي انها بنت عاقلة كل ما اتخانق مع اهلي هي تجبرني ارجعلهم لانها ديما بتقول اللي ملهوش خير في اهلة ملوش خير في حد 🤍☺️ يكفي انها بغمزات طبيعية كدا زي القمر ❤☺️ يكفي عيونها الواسعة زي عيون الغزلان سود تضيع فيهم وتسرح كل مرة تبص فيهم 🖤☺️ يكفي اني دلوقتي في عز مرضي وانا مكسور كدا لقيتها ام بتدور عليا اخدت علاجك ولا لأ اكلت ولا لأ 🥰☺️🤍 لو سمحتلي يا صاحب البوست تنزلها مع الرسايل دي وقولها والله احمد الخولي بيحبك يا بشمهندسة ☺️❤ كل حد يعدي من هنا يدعي انها تكون نصيبي حلالي

النضج انك تتنمر على نفسك كل ما تسمح لك الفرصة 🙂😂💖

حاجات لازم نفهمها .. - ان البنات لما بيتسابوا بيحلوا - ان الولاد لما بيحبوا بيحلوا - ان البنت المحبوسة فـ البيت مش السيدة خديجة ، والبنت الـ معاها حريتها مش من فصيلة الشيطان الرچيم - ان ﻣحدش ﺑﻴﻤﻮﺕ ﻣﻦ ﺍﻟﺤﺐ بيتعب فترة بس - ان أحلي و أهم حاجة فـ البنت "البساطة" -ان البنت ممكن تتقبل فكرة أن يكون بينها وبينك الف مدينة , وميكنش بينك وبينها بنت غيرها. - ان كل البنات السمرا دمهم خفيف وضحكتهم حلوة - ان كُل حاجة بتتنسي بالوقت، إلا الـ انت عايز تنساه طبعاً - ان كل الـ قالوا الزمن بينسي ضحكوا ع نفسهم و علينا .. الزمن بيلهي، بياخدك من أى حاجة حصلت بس عند وقت الجد، بتلاقيك فاكر.. وفاكر جدًا. - ان ناس كتير بتخاف من "نظرة الناس" و من كلمة "عيب" .. اكتر من كلمة "حرام" - ان كل لما تهتم زيادة بشخص معين .. كل لما يزيد تجاهله و رفضه ليك. - ان كُل الـ بيقويك دلوقتي هيبقى نقطة ضعفك بعد كده، ماتستعجلش. - ان اي ولد مهما كان قوي و جبار بيبقي اضعف خلق الله قدام بنت بيحبها - ان مفيش بنت بتهتم بنفسها ولبسها وبتاع عشان تتعاكس و تجيب عرسان والجو ده هما اتولدوا كده .. چيناتهم كده بيحبوا يكونوا حلوين - ان الحب مش كدبة انت الـ لسه ملقتش حد كويس - ان في حاجات لما بتفضل بعيد بتفضل أحلي - ان الصحوبيه مش بكتر السنين - ان الـ جواه جرح صعب يشوف الجمال الـ قصاده - ان مفيش حاجة اسمها علشان انتي بنت .. الغلط غلط ع البنت و الولد - ان مفيش حد كامل ، كلنا وحشين بس بدرجات - ان الوعود ملهاش شهادة ضمان - ان معظم قايمة فريندز الفيسبوك "ديكور" - ان الفلوس مش كل حاجة بس مهمة جداً - ان الأغاني القديمة أحلي - ان جواز الصالونات مش كله وحش و الجواز عن حب مش كله ناجح - ان نص الأصحاب مش هيبقوا جمبك غير لما مصلحتهم تكون معاك - ان الاهتمام مينفعش يتشحت ولا يبقي تقضية واجب . و اخيراً ان حب النفس مُش انانية ..

- متجوزتيش ليه لحد دلوقتي؟ = ده حوار هم ونكد و.. - تتجوزيني؟ = واستقرار وكده، فاهمني

علي فكرة بقي 👌 الراجل برضو بيحتاج يحس بالأمان والاحتواء مهما كان منصبه او شخصيته او سنه او تربيته ✋ لو كل بنت ذكيه اقتنعت بالفكره دي .. هاتبطل تبص للراجل علي أساس انه إله الصمود في وجه التتار .. هاتتعامل معاه علي أساس انه بني آدم عادي .. له قدره واحتمال وبيحتاج يعيط عادي وبيحتاج حد يطبطب عليه ويقوله انا جنبك ومش هاسيبك.. وبيحتاج يقول انا تعبت من غير ما حد يتهمه بالعجز او بنقص في رجولته .. محتاج يحس ان قيمته اكبر من حدوته (الراجل ميعيبوش غير جيبه) .. بس ماتنسوش اننا في النهاية : كلنا بشر

البنات دى محدش عارف هى عايزة اى...؟! الست متبقاش عايزاك تحل هي عايزاك تسمع عايزة تحس إنك فضيت نفسك مخصوص لو ساعة و قعدت تسمع ، تسمع مشاكل يمكن تكون مش بتاعتكوا أصلاً ممكن تبقى مشاكل صاحباتها قرايبها شخصية حتى في مسلسل هي بتحبه هي عارفه كل الحلول هي بس عايزة تقول إللي جواها و خلاص زي ما هو هي بتحكي علشان عايزة تحكي ليك إنت مش عايزة تحكي و خلاص عايزة تشاركك إنت تقولك إنت تحس إنك إهتميت و فضيت نفسك شوية و قعدت معاها ترتبوا الكراكيب إللي في دماغها الموضوع بجد مش تافه حتى لو إنت شايفه تافه الموضوع مهم لإن هي شايفاه مهم .

2180يا شباب ❤️ الصدقة تيسر لك أعمالك: {فَأَمَّا مَنْ أَعْطَى وَاتَّقَى . وَصَدَّقَ بِالْحُسْنَى . فَسَنُيَسِّرُهُ لِلْيُسْرَى} --- يلا كل واحد فينا يشوف ايه الأمر اللي هيقابله اليومين دول مستصعبة، وهو هيّن على ربه.. يتقرب له فقط بالصدقة، ولو بـ٥ جنيه. رقم الكاش للناس اللى بتسأل 01090235466

'' حوار المسافات دا مُزعج أوى وبيحرمك من تفاصيل وحاجات حلوه كتير، تخيل أكتر ناس بتحبهم فِ حياتك مش قادر تشوفهم بشكل مستمر، والمقابلات بينكم دا لو حصلت بتبقى كل فترات بعيدة وبتحصل بصعوبه، شخص بتعيش معاه تفاصيل يومك وبتقضي جزء كبير من حياتك معاه ومع ذلك مش قادر تبقى معاه فعليًا حتى لما بيحصلهم مشكله مبتبقاش عارف تكون معاهم ولا جنبهم غير من خلال الشات او الموبايل، كل اللي فالح فيه تقعد تخطط لو كنتم سوا كنتم هتعملوا ايه ولما تتقابلوا هتعملوا ايه .."