Multaqa-😍 الملتقى 💖

وانا عندي 13 سنة تقريبا كنت بحفظ سورة الرعد وواحدة من اكتر الأيات اللي علمت معايا وسابت اثر هي أية 17 " أَنزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَّابِيًا ۚ وَمِمَّا يُوقِدُونَ عَلَيْهِ فِي النَّارِ ابْتِغَاءَ حِلْيَةٍ أَوْ مَتَاعٍ زَبَدٌ مِّثْلُهُ ۚ كَذَٰلِكَ يَضْرِبُ اللَّهُ الْحَقَّ وَالْبَاطِلَ ۚ فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ ۚ كَذَٰلِكَ يَضْرِبُ اللَّهُ الْأَمْثَالَ" شيخي بدأ يشرحهالي وبيقولي" فدلوقت اي حاجة هتنفع الناس هي اللي هتفضل اما اي حاجة مش مفيدة للناس فهي مجرد حاجة هتاخد وقتها وهتختفي .. فميغركش الرغوة اللي بتنزل مع السيل .. بيبان حجمها كبير لكن هي في الحقيقة كلها هواء ورغوة بتبان بس وقت الهوجة لكن اول ما المياة تستكن وتركز كل ده هيروح وميبتقاش الا الحاجة المفيدة للناس فعلا اللي هي المياة"

حين اكتفينا بقول: "السَّلام عليكم"   بدل "السَّلامُ عليكُم ورَحمةُ اللّهِ وبركاتُه" فقدنا "الرحمة" وفقدنا "البركة" في كل شيء! أكملوا السّلام بالرحمةِ والبركة لتشملَ الرحمةن والبركة حياتكُم. فـ السلام عليــڪم ورحمة الله وبركاته رد السلام بثلاثون حسنة💙🦋.

‏صلاة الفجر أول مفاتيح الخير ليوم كله طمأنينة وراحة بال، وحفظ من كل مكروه، لأنك في ذمة الله حتى تمسي. صلاة الفجر 💙.

- صُحابك مالهُمش دعوة بإنشغالك ومشاكلك، ولما يتجمّعوا لازم تروح عشان ما تبقاش بايخ وكئيب. - مُديرك في الشُغل مالوش دعوة بمشاكل بيتك، هو عايزك تنجز الشُغل المطلوب منّك وبس. - أهلك مالهُمش دعوة بصِراعاتك الداخلية، هما عايزينك تشتغل وتتجوّز وترجع البيت بدري ويتباهو بيك قُدّام الناس، وكمان تضحك في وش الضيوف. - شخصك المُفضّل مالوش دعوة بضغط شُغلك هو عايز يحس إنّك بتحبّه وتهتم بيه وتخرّجه في الويك إند. الحقيقة إن كُل الناس اللي حواليك عايزين وعايزين، لكن مَفيش حد منهُم فكر يسألك إنتَ عايز إيه؟

فيه خناقه في المستشفي دلوقتى علشان واحده خلفت بنت وجوزها مقتنع انه كان ولد وبدلوه وحالف يخش ينتش واد من جوه . المشكله ان واحد من الامن الخاص معدى شكله مبسوط حبتين بيقولوا له تعالى الحق الراجل عاوز يرجع بنته ويجيب واد من جوه. - قال لهم طالما معداش 14يوم يبدله عادى

السلام عليكم ورحمة الله وبركاته محتاج تلتزم بالصلاه والأذكار وقيام الليل وتسمع اقتباسات عن الدين انضموا هنا 💜🌿 ليست مُجرد جروب إنَّها بيتُك الآمن، كُل ما يدُور بعقلك وينبِضُ به قلبك. 💜 تَجدُ هنا خيرًا كثيرًا  ، لن تمِلَّ، ولن ترحَل. 💜 دا الأول https://chat.whatsapp.com/GAMRNTsFqpHBdXRxH585z1 لو مدخلكش علشان العدد دا الجروب التانى https://chat.whatsapp.com/ChOGRq6ZF5m3OSKkveUa2J تشرفونا ❤️

رد فعل الفيمنست على الرجل اللي قرر إنه ما يشغلش مراته -هو راضي وهي راضية ومبسوطين- مش الموقف ده بس، أغلب تفكيرهم، وخصوصًا موضوع شغل المرأة الذي أعيا العلماء وأوقف سير الكواكب وخلاص مافيش مشكلة على الكوكب غيره، دايمًا بيفكروني بإجابة نوال السعداوي لما سُئلت عن الشذوذ الجنسي فقالت حرية شخصية، ولما سُئلت عن الحجاب قالت تخلف. أفكارهم ملخص لجملة: "كن حرًا كما أريد أنا".

أيتها الفتاة أنتِ لا تحتاجين أكثر من زوج عاقل حَسن الخُلق يصلي الصلوات الخمس يأكل من الحلال وله حظٌ من القرآن والنوافل. انفضي عنكِ الشروط التي علمتكِ إياها معلماتك الشاربات جمودًا من مشايخهن. البيوت تمتلئ ظلمًا وضربًا وسوء عِشرة رغم كثرة اللحى والمتون والإجازات العلمية وألقاب "شيخ". وبيوت الرحمة بها الكثيرون من العوام الذين لم يطلبوا مصطلح الحديث أو القراءات لكنهم يعرفون معنىٰ الرحمة والإحسان. القراءات العشر لا علاقة لها بالحياة الزوجية مادام صاحبها لا يعمل بالقرآن فاختبري خُلقه ودينه قبل أن تختبري حفظه ومكانته عند الناس. لقب الشيخ فلان لن يخفف ألم الضرب حين يباغتك مولانا بلكمة في الوجه، وطول لحيته لن يرحمك من بذاءة لسانه. د/حسام عبد العزيز

النهاردة في تحفيظ القرآن مع الأطفال الجُمال بطلع بعضهم يقعد على كرسي يقرأ قدام باقي الأطفال من باب التشجيع ... وكان من ضمن اللي طلعوا أصغر طفلة معانا اسمها فريدة عندها ٣ سنين ' أوزعة وعسولة ومش باينة من الأرض ' ما شاء الله .... طلعت وقرأت سورة الفاتحة وخليت الباقي يسقف لها ومن باب التشجيع و قلت أفرحها أكتر وأخليها تتصور معايا وأنزل صورتها كمان على الفيس .... بعد ما خلصت قلت لها : هاه يافريدة انبسطي ياستي هخليكي تتصوري معايا .... قلبت وشها وردت عليا وقالت : أنا مش بتصور مع ولاد ! الكلمة ردت في قلبي وحاسس إني اتقدمت لواحدة ورفضتني قدام الناس .... حاضر يافريدة أنا هوريكي

عندي فضول أعرف مين القادر الجاحد اللي في الأخر هينتصر علي هذا القدر من ال Fear of commitment وهيقنعني- وأنا بكامل قوايا العقلية- أمضي علي عقد جواز.

أدعولي يا جماعة في البرد ده نازل أدور على ترتيب الزمالك

- إيه أكتر قصه ست وجعت قلبك = إسمها حنين كانت بتحب شخص الولد دا كان مريض تعبان وإتبرعتله بالكليه بتاعتها والبنت كانت بتحبه جدا حد قال حاجه عليها من أصحابه فسابو بعض بالصدفه إراده ربنا البنت جالها كا نسر وبدأت تتعب وهو بعيد عنها خالص فكانت بتترجاه ع الهوا يسمعها أو تشوفه قبل ما تم.وت بس الولد مسمعش الكلام وخطب وبعد كده كلمتنى فقلتلها متقفليش السكه أخدت رقم تليفونها وتانى يوم الصبح كلمتها قلتلها ربنا معاكى ومتخافيش قالتلى أنا شعرى وقع من الكيم.اوى وحواجبى قلتلها البسى بقى طرحه وإخرجى للناس وأنا هكلمك الحلقه الجايه عشان أطمن عليكى الحلقه إللى بعدها حاولنا نكلمها معرفناش مردتش الحلقه إللى بعدها قبليها الصبح أختها كلمتنى قالتلى حضرتك كلمتها ف الحلقه بتاعت يوم الأحد قلتلها آه بس هى مردتش قالتلى كان فرح الولد إللى كانت بتحبه وهى مستحملتش وماتت ... يوم التلات طلعت الحلقه قلت بكل الحزن والقسى عايز أقول البقاء لله فى حنين مستمعه البرنامج وهنوقف الهوا دقيقه حداد على روح حنين .. أسامه منير

• وماذا عن إسمها؟ = إسمها " خلود"💚🌱 " جميلة بشكل لا يوصف ، قلبها جنة ، أينما وجدت إمتلأ المكان بالبهجة والسعادة ، هادئة ومختلفة ، لا تشبه أحدًا ، روحها عالم جميل ، تشبه الأميرات ، قلبها أغلي من الذهب ، سعادة من سُميت باسمها وياحظ من في بيته خلود وفي حياته خلود التي تنافس القمر جمالًا، نجمة عالية في السماء مُصانة لمن يستحقها ، دربها جميل وطلتها مبهجة ومختلفة عن الجميع لا تشبه أحدًا، أجمل روح ستراها في فتاة تصلح أن تكون محبوبة وزوجة وأم رائعة، يحبها العالم وتحب الجميع بطيبة وجمال، خلوديمكن أن تصفها بأنها ست بنات عصرها تلك الجميلة حد السماء".💚🌱

متجوز واحده حافظه إفيهات وقفشات الافلام يمكن أكتر من الممثلين اللى قالوا القفشات دى نفسها ! كل ما اقولها تسلم ايدكى على اى اكله تعملها ألاقيها بتقولى سيد عيب ماتقولش كده إحنا اهل ! لو طلبت منها تعمل حاجه ولا كوباية شاى مثلا الاقيها ريحت ع الكنبه وتقولى هو أنا بقا فيا حيل يا باشا ! لو جيبتلها شوكولاته ولا حاجه حلوه وانا راجع ألاقيها تقولى اهو كده تبقي صاحبى وحبيبى وكفاءه ! مره كان اخوها الصغير عندنا وبتذاكرله وبعدين الواد غلط ف مسأله عادى مراتى قامت لاطشاه بالقلم وقالتله يا جدع ! هتنقطني ! امبارح لبست هدومى ونزلت اشوف واحد صاحبى لقيتها بتقولى شخلل جيبك يا بلدينا عشان تعدى ! كل ده مش مهم واتعودت عليه ! النهارده الصبح روحنا البنك عشان عاوز اطلعلها كريدت كارت باسمها وجبت الاستماره وبقولها ملينى رقم بطاقتك قالتلى خمسين ستين سبعين قولتلها لحظه واحده . ها كملى لقيتها بتقولى تمانين . خمسه و ..لقيتنى مره واحده بقولها حلو اوى كده بالصلاه ع النبى . امضى يا أشول ! المحاسب اللى قاعد جوه ف البنك تقريبا رفدوه من كتر الضحك , روشتنا كلنا بنت المهبوشه بس مهونه عليا مرار الدنيا 💔

مش مُقتنع بفِكرة إن لو حد قَصدنِي فِي حاجة وكلمني كِدا يكون بِتاع مصلحتُه، الدنيا مَشاغل والناس غصب عنها، معنديش اعتراض أبدًا إنّي أقدم أيّ مُساعدة إذا كُنت هقدر حَتى لو مفيش بينَا كَلام، سهلُوا الدُنيا على بَعضكُم شوية، أي حَد حابب يحكي فِي أي وقت رحبوا بيه، حد هياخُد رأيكُم في حاجة قُولوله، ياريت نبطّل لمّا حد يجيلنا في حَاجة نقوله إيه مبتسألش يعني هتحسسه إنه تقيل عليك، طب ما تسأل أنت الحوار أسهل من كِدا بكتير والله خلونَا خُفاف لُطاف على بعض المعزَّة في القلب.

كلمة ✨محدش مهتم ✨ تاخد تقيم ١٠/١٠ ونجمة فيها تلخيص ل كلام كتير ومواقف كتير بتقابلنا بصراحة يعني بالنسبه للأخ اللي لسه كارف ل ٥٠ وشخصيته بتخلص بعدها محدش مهتم ،والآنسة اللي مش بتتكلم غير أنها بتلبس براندات وحاجات جامدة زوحليقة محدش مهتم ، حبيبي اللي عايش دور الضحية طول الوقت محدش مهتم..حبيتي اللي مشكلتها أنها طيبة وكل الناس ضدها محدش مهتم،حقيقي أي شخص بيحاول يتصنع أي صفة ويحاول طول الوقت يظهرها معروفة أنها ناتج عن نقص ف الحتة دي بالذات ف عشان كدا ✨محدش مهتم ✨

علي فكرة -المأذون الفرفوش (مش رزق) اللي بيهزر مع واحده لا تحل له ويبقى قاعد جمبها ولازق فيها دون حياء مش رزق..! -الزوج الفرفوش (مش رزق)،اللى يرقص ويسمح لعروسته ترقص والفرح مُختلط دون حياء أو غيرة و اللي بيحضن زوجته ويسمح ان الصور تنزل ع السوشيال عادي وممكن ينزلها صور هو كمان دا مش رزق! -العروسة الفرفوشة مش رزق، اللي بتاخد راحتها والفرح مختلط مش رزق! -الدُفعة الفرفوشة مش رزق، اللي بيتصوروا فـِ الفان داي بكل إندفاع وهم بيرقصوا سوا، إختلاط وهزار بدون حياء مش رزق ( إلا من رحم ربي).. الدين مش بعيد عن الفرحة والله أبدًا بالعكس، إحنا دايمًا بأهوائنا بنحب نميل للي ممنوع عننا حتى لو فيه غضب رب العالمين.. على فكرة انت ممكن تكون زوج فرفوش جدًا مع زوجتك بس بدون ما كل الناس تتفرج عليك وعليها، وهي كمان.. مش شرط عشان تعبروا عن حبكم تخلوا العالم يشوف تفاصيل حياتكم ! وممكن نفرح جدًا مع دُفعتنا لما نعمل فان داي منفصل وتكونوا براحتكم وتتصوروا وتعملوا كل اللي عايزينه.. متخلوش البوستات المعسولة بكلام أو صور تنسيكم حدود الدين اللي المفروض اتخلقنا علشانها وبنمشي عليها.. حُفَّتْ الجنه بالمكاره ✨💛!

عارف لما تستلف فلوس من نفسك ؟ الي هو يبقا معاك شوية فلوس مش المفروض تصرفها فا تستلفها منك و ترجعها اول ما يكون معاك فلوس بعدين تسامح نفسك فيهم أصل انت وإنت واحد مش هتخسروا نفسكم عشان شويه فلوس

‏اصعب انواع الوداع هو الوداع اللي مش بتخطط له، اللي انت مش متخيل انه يحصل، زي انكم النهارده تكونوا مع بعض ومحدش فيكم عارف ان ده اخر يوم ليكم سوا، دي اخر ضحكة واخر كلمة تجمعكم، دي اخر مرة من كل حاجة، بيجي في دماغي وقتها حماقي في الخلفيه و هو بيقول : لما يومها حضنتني وبعدين مشينا، ليه مقولتش إن ده الحُضن الأخير ؟