مدرسة الثوار الابتدائية المختلطة/ قطاع ٦٣

إلى جميع اولياء الأمور وبالخصوص ممن لديهم تلاميذ في الصف الاول الابتدائي. نحجي باللهجه العاميه أولاً : من تشتري بنطرون للطفل اشتري ابو اللاستيكه مو ابو الحزام حتى من يروح للصحيات بسهوله . ثانيا: من تشتري حذاء أجل الله مسامعكم لاتشتريها ام القيطان اشتري فلات اروح للطفل لان يتعثر بالقيطان . ثالثا : الملابس على قياس الطفل لا كبار يتبهذل ولا صغار ويتضايق . رابعا : من يطلع الصبح للمدرسه حاولي ايتها الأم الكريمه تريگي للطفل لان راح يبقى للظهر بالمدرسه ويتحرك ويلعب ويركض أكيد يجوع.. الريوگ صحي وضروري .. مع الاهتمام البالغ بالنظافه الشخصيه من غسل الوجه جيداً وتفريج الأسنان واستخدام العطور . خامسا : الجنطه شويه صغيره وبطل الماء أو المطاريه لاتحطوها بالجنطه لان الكتب تنگع . سادسا : تجليد الكتب والدفاتر مو كلهم نفس اللون رحمه الوالديكم لان الطفل مايعرف الدفتر من الكتاب خلي القراءة ودفترها نفس اللون والرياضيات والنشاط نفس اللون حتى يميزهن . سابعا: اوصيكم بنظافة الشعر والأظافر والمتابعه اليوميه. ثامنا: احذروا من شراء اللوازم المدرسيه من الجنط والدفاتر و الملابس والقرطاسيه وغيرها التي تحمل صور شخصيات فاسده أو شريره وكذلك لمغنيين اجانب أو علم وغير ذلك.. فبدل من تلك الرسوم القبيحه اشتروا لهم لوازم مدرسيه فيها رسومات نافعه مثل الاحرف والأرقام... وكذلك رسومات لشخصيات كارتونيه نافعه تعلمهم حب الخير والعلم . تاسعا : النوم مبكرا ؛ لاتدعوهم يسهرون على الموبايل. احبتي/ كتبت الملاحظات اغلبها باللهجه العاميه كي يستوعبها ولي الامر والامهات الكريمات وفقنا الله واياكم للعمل بها .