KO'ZGU_UZ

#Биз_кутган_кунлар МУАЛЛИФ ШАМСИНУР 114-қисм Яна нигоҳларда ҳайрат акс этиб менга қаратилди. -Наҳотки? -Ҳа. Уларга жилмайиб қарадим. Ҳамма мени ўраб олди. Қизлар бири қўйиб бири савол берарди. Энди аввалги ажратиб қўйиш йўқ эди. Уларни кўзида ўзимга бўлган ҳавасни кўрдим. Бир иккитаси ҳамон ҳасадда, буни сездирмай қолмади. Чунки кеча маликаси мен эдим. Ҳамма мени ҳурмат қилиб гапирар, улар учун ҳудди машхур одамдек эдим. -Сумбула даданг олиб кетиб зап иш қилганда. Қара маза қилиб яшаяпсан. -Ҳа тўғри. -Ўқишга кирдингми, нималар қиляпсан? -Ҳа инглиз тили бўйича ўқияпман. -Вой бунча зўр. Анави Ғиёс алкаш бўлиб йўлларда юмалаб ётади. -Мени қизиқтирмайди. Зиёфат зўр ўтди. Мен умуман буни кутмагандим. Базм охирига етмай Ботир акам тепага чиқиб кетамиз дедилар. -Почча бироз қолсин биз билан. -Кейинги сафар албатта келади. Эрим қўлимдан ушлаганча эшикдан олиб чиқдилар, ҳаммани кўзи бизда кузатиб қолишди. -Қандай бўлди, дийдорлашув? -Аъло. -Хурсанд бўлган бўлсанг бўлди. -Энди қаердан билганизни айтасизми? -Бу ресторан эгаси дўстим. Кейин бу ерларга икки, уч бора келдим. -Нега? озир биласан. Биз тўғри ёшлигим уйга қараб бордик. -Ботир ака илтимос . -Ҳ -Қўрқма, ҳаммаси жойида. Ботир акам қўлимни сиқиб қўйди. Биз дарвозадан кирдик, соат 21 га яқинлашиб қолган эди. Ичкаридан чиққан аёл, онамни кўриб жойимда тўхтадим. Аммо Ботир акам юришга ундади. -Тўхтаб қолма. -Сумбула . -Ассалому алайкум -Қизим. Онамни кўзидан ёш думалади. Илк бор қизим деди онам. -Ойи... Биз анча яқинлашиб қолгандик. -Болам. Онамни олдига етиб келганимизда онам мени қучоқлади. Илк бор, илк бор онам мени қучди. Қизим деди. Юзларимни кўзёшларим тўхтовсиз юварди. -,Ойижон .... -Мени кечир қизим. Бадбахт онангни кечир. Сени болаликдан махрум қилган онангни кечир. Онам йиғларди. Унга қўшилиб мен йиғлардим. Наҳот тушим ўнгидан келган бўлса? -Сенга кўп азоб бердим болам, сени олдингда айбдорман. -Онажон, сизни жуда соғиндим. Онамни қучганча қўйворгим келмасди. -Мен ҳам қизим. Мен ҳам жуда соғинганман. Ўша куни биз узоқ йиғлашдик, токи Ботир акам орага қўўшилмагунча. -Куёв яхши йигит, уни хафа қилма. Биз анчагача гаплашиб ўтирдик. Кейин Ботир акамга мехмонхонага жой қилиб бериб она бола тонгга яқин кўзимиз илинибди. Нонушта қилиб бўлгач йўлга чиқдик. Онам биз билан илиқ хайрлашди. -Ботир ака бу қандай бўлди? -Онангни докторларга ва психологларга кўрсатишни ўша вақт бошлагандим. -У вақт мени ёқтирмасдизку? -Бекор айтибсан, фақат ҳозиргидек севмасдим ҳолос. -Барчаси учун рахмат. Сиз ... Сиз кутганимдан ортиқ бахт бердингиз менга. -Сен ҳам. Биз уйга кириб келдик. Эртаси куни Бомдодга тахорат олаётсам эрим ҳам қўшилди. -Сиз нега? -Мрен ҳам қолиб кетган фарзларимни адо қилай. Илк бор эрим имомлигида намоз ўқидим. Буни гашти ўзгача экан. Уни намоз ўқишини билишини ҳатто ўйлаб ҳам кўрмагандим. Қалбимда ўзгача сакийнатни сездим. Намоз ўқиб бўлгач негадир олча егим келди. -Олча келтириб бера оласизми? -Албатта, сен айтасану, мен йўқ дейманми? Кечга томон эрим келтирган олчани икки дона едиму, ваннага ошиқдим. Ошқозоним ағдарилиб кетгудек эди. -Яхшимисан? Эрим ортимдан келган экан. -Ҳа яхши. Бошим айланиб кетгани учун деворни ушладим. -Шифокорга борамиз. Мен қанчалик рад этмай шифокорга бордик. Текширувлардан кейин трст қилиб кўришни айтишди. Касалхонани ўзида тест қилиб кўрдим. Иккита қизил чизиқ. Юрагим ортга тортиб кетди. Мен ҳомиладор бўлсам а? Йўқ ҳозирда бу мумкинмас. Ҳали икки йил бўлмади. Саккиз ой бўлди ҳолос. Рангим бир аҳволда қайта шифокор ҳузирига кирдим. -Мен ҳомиладор эканман. Аммо буни тақиқлашган, икки йилча мумкинмас деб. -Ультратовуш хонасига бориб текширтирингчи. Ботир акам йўлакда кутиб турардилар. Уларга гапирмадим. Ультратовуш хонасидан хушхабар билан чиқдим. -Ботир ака -Сумбула нима дейишди?

🍀✨🍀 🎵🎶 Farruh Xamraev ❤️ https://t.me/kozgu_uz