معكاز شعر

للمنعمس حنا سواة البندول وحنا صفى اللي له مزاجٍ معكر .

للمنعمس حنا سواة البندول وحنا صفى اللي له مزاجٍ معكر . تاخذك عني كثرة الناس والناس ‏ما فيهم اللي كثر حبي يحبك . عطني ثبات اني على البال مازلت ‏واعطيك من روح .. الوفا ما تهيّا . حقيقة الدنيا لو الناس يدرون والله ماتسوىٰ جناح البعوضه

دنيا تقلب كل ساعه لها لون والوقت يمضي بارقٍ لاح نوضه ايامها في زود والخلق يفنون واعمالهم يوم الحساب معروضه

والرابح اللي مرضيٍ خالق الكون المؤمن اللي يجتهد في فروضه . مهما تسوي طيب تلقى عواجه ماكل خلق الله تذكر محاسنك

يازين هرج اللي يبي منك حاجه وياشين هرجه لا خذا حاجته منك . ابتسم ترا العمر تحصيل حاصل كن سعيد اكثر تكون اكثر وسامه

السلام اسهل اساليب التواصل واجمل انواع السلام الابتسامه . عقب مانيب اشرب الدله لحالي « يبرد الفنجال الاول ماشربته » . اترك ملايين وانصىٰ واحداً غالي اما قضى لازمي ولا حفظ سري .

تردعني الشيمة عن الشوم واللوم ‏وأخاف من شي يمس الكرامة

كبار ما حنّا من أهل التلفات ‏ونفوسنا من بعض الأشياء عيوفهㅤㅤ ‏نقدّر اللي يبيّن وقت المهمات ‏واللي ما كنّه يشوفنا .. ما نشوفهㅤㅤ ‏والحاجة اللي ننتظرها ولا جات ‏إن جات ولا ما عليها حسوفه

لجادل اللي طولها كنه الرمح ‏كل الرغد والخيزران لجسدها ‏عن ملحها ياما البحر حدث الملح ‏وياما الحرير اشتاق لعناق يدها

برق يفوتك لو مزونه مراهيش ‏لا تستخيل أمطار سحب مقافي

لو ترد السيل في بطن السحابه ‏ما ترجع قيمتك في قلب عايف

سمح الله درب كل غالي ماعرفت قسمة غلاه ما حفظ بالود قدري ولا عرف حقي عليه

مافيه داعي للزعل والانفعال  ‏ومجادل الجاهل وكثر اللجلجه ‏خلك على ماقيل شيال الثقال ‏واللي يبي يزعجك صمتك يزعجه .

الهادي الله .. والعمر ما يعاضي والتربيه م تنحصر في هل البيت ياتي من العربيد شيخٍ وقاضي وياتي من عيال المراجل سرابيت .

ياما قطعناها من الميل للميل « تبي تجمركنا ولا جمركتنا » تلعب بنا الدنيا وحنا رياجيل لا غيّرت فينا ولا حركتنا .

اليا اذن المذن تهيأ للصلاه والله ماتلقى خير من تاخيرها قد ماتوا اللي يستحقون الحياه يعني بتبقى حي؟ دوّر غيرها .

حنا وقفنا بين الأوضاع والوقت ‏لا الوقت يمدينا ولا الوضع يسمح .

كسرت ضلع المجامل بـ الكلام الصريح ‏واخذت نفسي من احلامي بـ رحلة وعي .