OʻZBEK TILI XAZINASI | Ziyolilar uchun

FARAH Shodlik, xursandlik; shodiyona, quvnoqlik; vaqtichogʻlik, sevinch. Doʻstlik bu — muhabbat yangligʻ farahkim, Bilgay u na hadni va na davoni. (A. Oripov, Yillar armoni) Shu Vatanga farzandman, ona! Qalbim cheksiz farahga toʻlur. (M. Ali, Boqiy dunyo) FARAHBAXSH Shodlik, quvonch baxsh etadigan, koʻngil ochadigan; yoqimli. Dunyoda hamma ohanglar orasida eng yoqimli, farahbaxsh ohang — ona allasi taralyapti. (Gazetadan) Koʻklam endi boshlangan, bizning tomorqamizdagi oʻrik daraxtlari gullab, oʻz chechaklari bilan bogʻchaga farahbaxsh tus bergandilar. (S. Ayniy, Esdaliklar) FARAHLI Farahbaxsh. Farahli tong. ▪️ Koʻp farahli boʻlar edi yogʻin ertasi, Qulf urardi lola — togʻning soʻlim erkasi. (X. Saloh) Ona-Yer! Naqadar farahli dunyo, Moviy ufqlarda oʻynar koʻzlarim. (J. Jabborov, Quyosh yurti) Nazarning hayotida bunday bezavol, farahli kechalar juda kam boʻlardi. (E. Usmonov, Yolqin) FARAHLIK Farah, quvonchga toʻlalik, dilrabolik. Muhabbatli, totimli boʻldi turmush, Kelib shodlik, farahlik, ketdi tashvish. (Habibiy, Devon) FARAHMAND Shod, quvnoq, xushhol; farahnok. Kelib jilmaydi Xisrav, boʻldi xursand, Bugun maqsadga yetkandek farahmand. (Habibiy, Devon) FARAHNOK Quvnoq, xushchaqchaq. Dilxush, xushhol, xursand. Farahnok boʻlmoq. Farahnok qilmoq. ​​#izoh / #arabcha / #sheʼriy / #adabiy / #ot_mavhum_ijobiy / #forscha_tojikcha / #kitobiy / #sifat_ijobiy / #eski_kitobiy / #adabiy ➡️ O‘zbek tili xazinasi

#dolzarb ‼️‼️Otangning qotiliga 1% bo‘lsa-da ulushni ilinarmiding!?‼️‼️ Ziyolilar uchun 👉 @mening_tilim

ZABUN [Forscha — notavon, zaif; magʻlub] 1 Kuchsiz, nimjon, zaif. Hatto erta-kech tanchaning bir tomonini band etadigan oʻzga ishga yaramagan zabun kampirlar ham.. bu «xontaxlit toʻy»ni tomosha qilishdan oʻzlarini tiya olmadilar. (Oybek, Tanlangan asarlar) 2 Nochor, ilojsiz. Mardlikni sevgan, magʻrur yigit oʻzini ojiz, zabun, ixtiyorsiz sezdi. (Oybek, Quyosh qoraymas) 3 Mushkul, ogʻir, tang. Zolimlar qoʻlida zabunlar holim, Bemahal yetishdi, qaytayin, oʻlim. («Bahrom va Gulandom») 4 Xor, ezilgan. Oʻtmishda zabun va mazlum ahvolda boʻlgan oʻzbek xotin-qizlari jamiyatimizda hamma bilan teng qatorda munosib oʻrin egallaganligi quvonchli bir holdir. (Gazetadan) Avaz koʻpdan beri bu vahshiy udumni oʻylab iztirob chekar, bu zabun, mehnatkash toʻda xususida bir sheʼr yozishni moʻljallab qoʻygan edi. (S. Siyoyev, Yorugʻlik) Zabun boʻlmoq 1) yengilmoq, magʻlubiyatga uchramoq; zavolga yuz tutmoq. Xorazmiylarning son jihatdan kam boʻlmasa-da, raqibidan xiyla zaif, tajribasiz qoʻshini, saflari siyraklasha borib, nihoyat zabun boʻldi. (S. Karomatov, Soʻnggi barxan) Turgan gap: u kishi amirlikning zabun boʻlib ketishiga qarshi. (Sh. Xolmirzayev, Qil koʻprik) 2) ahvoli tang boʻlmoq, nochor ahvolga tushib qolmoq. Men uni koʻrmasam, yoʻqdir qarorim, Tura bersam, zabun boʻlar ahvolim. («Bahrom va Gulandom») Suyangan kishilarimiz birin-ketin qoʻlga tushayotir, endi holimiz zabun boʻladi. (J. Sharipov, Xorazm) ZABUNLIK Bechoralik, nochorlik, qashshoqlik; ezilganlik, xorlik. – Mehnat ahli hamisha zabunlikda. Savdogarlar-chi? Barchasi bizning bel va bilak kuchimizdan semirgan haromtovoqlar! – dedi qahr bilan Jumaboy. (Oybek, Ulugʻ yoʻl) #izoh / #sifat / #sifat_salbiy / #insonga_salbiy_taʼrif / #holatga_salbiy_taʼrif Ziyolilar uchun 👉 @mening_tilim

​Telegram tarmog‘idagi naf olish mumkin bo‘lgan sara sahifalar 📚 Adabiy, ijodiy: • @Jahon_kitoblar_olami – onlayn “kitob do‘koni” • @Kitobshunoslik – barchasi kitoblar haqida • @Maktub_Gazeta – ilm va ijod uyg‘unligi • @Nosirjon_Jorayev – ko‘ngillarga malham she'riyat • @Uzbekmunaqqidi (Adabiy jarayonlar) • @ZakAdabiyot – adabiyot ummoni ⏳ Ilmiy, tarixiy: • @AmirTemurtarixi (Amir Temur va Temuriylar tarixi) • @Brain_Gamess – faktlar, testlar va biroz yumor • @Burxonov_lite – nomsiz jurnalistning ilmiy izlanishlari • @Ibtido_tarix (Sirli dunyo tarixi) • @Jahon_statistikalar – qiziqarli va foydali raqamlar • @Kadrdagi_tarix – biz bilmagan tarix • @Mening_tilim (O‘zbek tili xazinasi) • @Nota_bene1 – kamyob va kerakli ma'lumotlar • @Svoyak_savollar – mavzulashtirilgan savollar • @Tarix_uz_qollanma – tarixiy va ilmiy adabiyotlar • @Tarix_va_biz_official – bizda son emas, sifat muhim • @Tarixi_dunyo – tarix va tahlil • @TikiPediya – har sohadan bir shingil • @Uzbtarixkanal – qiziqarli faktlar va tarixiy suratlar • @Shevashunos – dialekt va dialektologiya 🌎 Ijtimoiy, siyosiy: • @Azizbekh17mem – o‘ta nozik yumor • @Harbiy_texnik – siyosiy va harbiy yangiliklar 📽 Kino, media: • @Enigma_uz – sara filmlar 👉 Barcha kanallarga ulanish uchun bosing

#maʼnodoshlar / #sinonimlar Boqiy soʻzining maʼnodoshlari: - abadiy, - mangu, - umrbod, - umrbodga, - toabad, - ilalabad, - mudom, - doimiy, - muntazam, - uzluksiz, - toʻxtovsiz, - cheksiz, - chegarasiz, - hadsiz. Ziyolilar uchun 👉 @mening_tilim