SAODATLI ILM SARI

#Sheʼr Yig‘la, fosiq bo‘lib qoldim, deb! Musulmonlik undoq ish ermas, Munofiqlik unga berar zeb. Gar da’vatlar quloqqa kirmas, Yig‘la, fosiq bo‘lib qoldim, deb! Farq yo‘qolsa ne harom, halol, Yig‘lar ko‘kda holingga hilol. Bomdod qazo bo‘lsa bemalol Yig‘la, fosiq bo‘lib qoldim, deb! Xayolingni shahvat band qilsa, Bundan vujud zavq-shavqqa to‘lsa, Sunnat ishga qalbing gar kulsa Yig‘la, fosiq bo‘lib qoldim, deb! Mol-dunyo deb uxlay olmasang, Din deb yurak tig‘lay olmasang, Qur’on o‘qib yig‘lay olmasang, Yig‘la, fosiq bo‘lib qoldim, deb! Jaholatni qolsang sog‘inib, Xayolingda behol yo‘g‘rinib, Zakotingni bersang og‘rinib Yig‘la, fosiq bo‘lib qoldim, deb! Ramazonda ro‘zani tutsang, Ammo anda nadomat yutsang. Tamaki deb iftorni kutsang Yig‘la, fosiq bo‘lib qoldim, deb! Chin o‘rnida bilib hazilni Ishlatib ko‘r har xil usulni, Ko‘rolmasang tushda Rosulni Yig‘la, fosiq bo‘lib qoldim, deb! Osiylikka tutinsang sarmast, Bilki, qadim darding tuzalmas. Yolg‘on so‘zga yuzing qizarmas, Yig‘la, fosiq bo‘lib qoldim, deb! Yurmasang Robb muddaosiga, Talpimasang ishq sadosiga. Seskanmasang Haq nidosiga Yig‘la, fosiq bo‘lib qoldim, deb! Do‘stingga gar islomni ravo Ko‘rmayotgan bo‘lsang, bil, aslo Mo‘minlikka qilmagin da’vo Yig‘la, fosiq bo‘lib qoldim, deb! Gar qalbingda da’vatdan g‘urur, Yo‘llaringni yoritmagay nur. Ey Xayrulloh, shodlanmayin tur Yig‘la, fosiq bo‘lib qoldim, deb! ©️Hayrulla Hamidov https://t.me/joinchat/AAAAAEzImmaGI5ALDk84jA

Doktor Zakir Naik hafizahullohning fransiya prezidentiga javoblari! https://t.me/joinchat/AAAAAEzImmaGI5ALDk84jA

"olamga nur sochgan oy" 4-qism https://t.me/joinchat/AAAAAEzImmaGI5ALDk84jA