Cənnə𝕥 əhli 💚

🕋 Uca və Əzəmətli Allahdan başqa güc və qüdrət yoxdur”. İmam Rzadan (؏)" “Biz ona böyük bir qurbanlıq əvəz verdik” (Saffat, 107) ayəsinin təfsiri: ⎆⎆─┅┅┅༻﷽༺┅┅─⎆⎆ Fəzl ibn Şazan deyir: “İmam Rzanın (؏)"belə dediyini eşitdim: Allah-Təala İbrahimə(؏)"oğlu İsmailin (؏)"əvəzinə göndərdiyi qoçu kəsməyi əmr etdikdə İbrahim (؏)"qoçu deyil, (Allaha ixlasını göstərmək üçün) oğlunu kəsməyi dilədi ki, bir atanın oğlunu qurban verərkən keçirdiyi hissləri və acıları yaşamaqla Allah yanında ali dərəcələri qazansın. Allah-Təala ona vəhy etdi: “Ey İbrahim, məxluqlardan sənə ən sevimlisi kimdir?” İbrahim (؏)"dedi: “Elə bir məxluq yaratmamısan ki, mənə Muhəmmədən daha sevimli olsun”. Uca Allah buyurdu: “Ey İbrahim, o sənə daha sevimlidir, yoxsa özün?” İbrahim(؏)"dedi: “O mənə özümdən daha sevimlidir”. Allah-Təala buyurdu: “Ey İbrahim, onun övladı sənə daha sevimlidir, yoxsa öz övladın?” İbrahim(؏)"dedi: “Əlbəttə, onun övladı”.Uca Allah buyurdu:“Onun övladının düşmənlər tərəfindən zalımca başının kəsilməsi sənin qəlbinə daha ağrı-acı verər, yoxsa Mənə itaət üçün öz oğlunu kəsməyin?” İbrahim (؏)"dedi: “Ya Rəbbim, əlbəttə ki, düşmənlərin əlilə onun övladının qətlə yetirilməsi qəlbimi daha çox incidər”. Allah-Təala buyurdu: “Ey İbrahim, Muhəmməddən sonra özünü onun ümmətindən hesab edən kəslər qoyun kəsər kimi zalımca və düşməncəsinə onun başını bədənindən ayırıb qətlə yetirərlər. Buna görə Mənim qəzəbimə uğrayarlar”. İbrahim (؏)" bundan narahat oldu, qəlbi ağrıdı və ağlamağa başladı. Uca Allah buyurdu: “Ey İbrahim, oğlunu kəsməklə keçirəcəyin hissləri Huseynin(؏)qətlinə görə keçirdiyin hisslərlə yaşadın.Ona görə də müsibət əhlinin keçirdiyi hisslər və acılar səbəbilə Allah yanında qazandıqları ali dərəcələri əldə etmiş oldun”. Bu, Allah-Təalanın Qurandakı sözüdür: ﷽ وَفَدَيْنَاهُ بِذِبْحٍ عَظِيم “Biz ona böyük bir qurbanlıq əvəz verdik” 📖Saffat surəsi, ayə 107. 📚Şeyx Səduq, "Uyunu Əxbar-Rza (؏)", cild 1, bab 17, səh 187, hədis 1.