206
مشترکین
اطلاعاتی وجود ندارد24 ساعت
-27 روز
-530 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
ልረሳሽ እየጣርኹ ነው።
(በዕውቄ)
በጣራው ላይ ሲረማመድ፥ የዝናቡ ልዝብ ኮቴ
መጋረጃው ሲውለበለብ፥ ሰንደቅ ኾኖ ለመስኮቴ
ዋርካው በቅጠል ጽዋ
ውኃ ሲያቁር ከሕዋ
የምድርን ጉሮሮ ሊያርስ
መሬት ፍጥረትን ስትጸንስ
በዚህ ኹሉ ጸጋ መሓል፥ ያንቺን መሔድ ስተምነው
ኢምንት ነው ምንም ነው
ልረሳሽ እየጣርኹ ነው፤
መጣ መጣ መጣ፥ የዝናቡ ኮቴ አየለ
ክረምት የፍጥረት መሲሕ፥ በቀጠሮው ከተፍ’ አለ፤
ስሱ የጉም ዐይነ-ርግብ፥ ውብ ገጽታሽን ሸፋፈነው
የርጥብ አፈር ‘ርጥብ ሽታ፥ ውብ ሽቶሽን አዳፈነው
ልረሳሽ እየጣርኹ ነው፤
የዝናቡ ኮቴ ይደምቃል
እንደብሥል ሾላ ፍሬ፥ አሮጌው ሰማይ ይወድቃል
እንኳን የእግርሽ ኮቴ፥ ጎዳናሽም ታጥቦ ያልቃል፤
ልረሳሽ እየጣርኹ ነው ...