᷂رجاوييّ .

اول الرحله عيوني عن غثى الدنيا كفيفه واخر الرحله جروحٍ داميه تبغى مروفه صابني قو انعزال وصابني روعه وخيفه ودنا ندله وننسى مير ياصعب النكوفه من يمر بحالتي حتى ترا ثوبه يعيفه لا لقى للضيق حل ولا قدر يشكي ضروفه .

امنعوني لاتصدد بالنظر وافهّي والله ان ماعاد فيني حيل ولا قوة صح قلاب المواجع للقصيد مشهّي بس جرح الفقد توّه والتعبّر توّه .

‏حسّ الفكاهه والشغف والتونّاس ‏جميعهم ماعنهم الطير خبّر ‏احيان يكسرني من النود نسناس ‏واحيان لا همّلت كسري تجبر ‏في المجتمع فيني من عناد جسّاس ‏وفي عزلتي مثل الفجيع المصبر ما احدٍ لمح في عيني الضعف والياس ‏على كثر ما اقبل زماني ودبر ‏ان زانت اوضاعي تواضعت للناس ‏وان شانت اوضاعي بديت اتكبر .

يصاغر بصير القلب دنياه طول وعرض ‏لو أنه على عرش الملذّات متربّع ‏أنا بين تكبير المآذن وبين الفرض ‏عرفت إني من أضغاث الأحلام متشبّع ‏لو الغيم ما مرّ المقابر وقام العرض ‏ولا قيل قطراته على أسوارها تطبّع ‏عسى رحمة الله لا غمرتني فـ بطن الأرض ‏يطاول نعيمي ظاهر القبر ويربّع .

قد راح أعز العرب من بين كفيّني ‏لعل روحه من التعذيب معصومه .

بارعة في محبة الأشياء كأنها خلقت لي، وجريئة في إفلات الأشياء كأنها لم تلمسني يومًا .

مايضيع اللي معلق في رجى الله حبله ‏يا منور الارض نور في الحياة دروبي ‏جعل همال السحاب اللي تناثر وبله ‏مايوقف لين يغسل قلبي من ذنوبي .

‏لحظة حنين وبداخلي زحمة أشياء ‏صوت الوداع وذكريات اكسرتني ماني بـ ميت بس أنا كومة أشياء ‏عايش على هامش سنين أوجعتني .

النسمة اللي سرت من بارحة عمري ‏هزّت يباس الغصون وطاحت أوراقي .

ليه يا قلبي تهزك هبوب الذكريات لين تغمرني بحزنك وأنا ماني بـ حزين خلك مواضب على الباقيات الصالحات وأبشر بنصرٍ من الله رب العالمين لا يغرك زيف الأحلام والدنيا شتات حزن، ضحك، دموع، فرحة وصل، فرقا حنين في كنفها لو تضايق بنا الأربع جهات لا سلمنا من غثاها فـ حنا سالمين .

‏أشوف الفنى فيني ولكن ظاهري حي ‏وأحس بغربه بصدري وأنا داخل بلادي ‏على الهون يا نفسي ترا ما معي شي ‏يمر الكلام ولكن داخلي ساكت وعادي ‏أخاف من الفرح ياتي علي شوي شوي ‏وأحصل روحي بوادي ونفسي بوادي ‏أنا فيني من الوجع ماهو أقوى من الكي يخلي لساني الساكت وقلبي ينادي .

والله أنك من رحلت وهذي الدنيا كئيبة عابسٍ وجه الحياة وخطّر الأيام كسرى .

عزاآه .

الضيقه والبكى غلاّبه على الأنسان .. ماتختار له الأوقات الي يكون فيها لحاله ماتطيّحه الا في اردى الأوقات واللحظات والمكان الي مايهيئ انه يعطي ماوراه ودونه فالبّكى عشان يرتاح ويبدا من جديد ويأهل صدره ويفرغ مكان للضيقات الجايّه ويستوعب الحديث ومايفرغ طاقتّه المنهكه في احد عموماً والله انك مهزوّم يابني آدم حتى لو تقاويّت .

يا رب وجّهني على أيّ اتجاه محتاج غير الأرض أرضٍ ثانية .

إجبار النفس وكتمانها مؤذي بصيغةٍ أخرى / كنه اللي يبغي يوّدع غالي ولا عنده أيدين .

ياشعاع النور خلّص عميلٍ من عميل واستلم قلبٍ مع الليل عاف هوايّته والله ان بعض الليالي كما الضيف الثقيل جعلها فدوة حساب الليال الفايته ومن تولّع له بغايه وشيٍ مستحيل لاتلومونه على سجّته وادوايته ومن يحسّد مغنّي القاف لا جرّ الطويل مثل من يحسد مريضٍ على غذايته القصيد أحيان نوعٍ من الطبّ البديل يستريح ويستلذّ الحشا برعايته ساعةٍ ماينعش أنفاسها الجو العليل يوم ياخذ من هبوب البراد كفايّته .

‏تعرفون إن كل شخص تمر عليه فترة الله " أنا يادّوب متحمل ثيابي " ‏فترة أرهاق تنسيه الضحكة وش هي ! ‏هو نسّى مع ضحكته إن هذي الدنيا ما هي الا دُنيا دنيئة مثل ما يقولون ‏" مالي أراك حزينًا أحُرمت الجنة ‏أم بُشرت بالنار " ‏ما خلقنا الله بهذي الدنيا عشان نكون خاليّن من الهم وخاليّن من ثقل الأكتاف ، أنخلقنا عشان نُبتلى لكن ماهو على الفاضي ! "‏ ما يُشاك المرء بشوكة إلا يؤجر عليها "! ‏فما بالك بكبّار الأمور و " أوقف بوجه الأيام السّود وقفة عزيزٍ ما تطيحه نسّمه " ‏لأن لازم تتأكدون إن الدنيا هذي كل يوم راح يمر فيها سوا كنتم سعداء أو التعاسه ماليتكم راح تمر ‏محدٍ على هالدنيا ضعيف لأن الحياة مشروع مُقاومه ‏تقدرون مثل ما اقدر انا لأن الدنيا ما سّكرت كل الابواب والقبلات بوجهك حتى لو تقفلت الله يخلق لك من كل ضيّق مخرج وقبله وكونوا على علم وبيّنه إن ‏ " لا يكلف الله نفسًا إلا وسّعها " .

الأشخاص الي يحسون ان حالتهم ميئوس منها بسبايب الحزن تأكد ان ‏الله ما يترك عبد ضايع تحت سّماه ‏ولا أعرف سبب حزنك لكن أعرف إن ما على الله عسيّر ‏وبيروح هالهم مثله مثل غيره ‏ومهما كان كبر الهّم أيضًا لازم تعرف ‏" إن الله يعطي المعارك لأقوى جنّوده "

تعبت اجامل ايامي ولو ورّتني الأهوال تعبت أقول عن حملٍ ثقيل اتفه من الأتفه .