فَضفَضة|أحمَد جَان.

صديقي العزيز، أنا جاي أقولك بعد كل السنين دي إني لسه شايف إن العقل البشري هو مزيج بين الخوف والأمان العقل مبيقدرش يفهم غير لغتين؛ واحدة منهم بالنسبه له حياة اللي بيحب يعيشها ونفسه فيها، والتانية هي كابوس بيهرب منه كل يوم قبل النوم وأول ما يصحى ويمكن كمان في أحلامه بيهرب منها. عزيزي القارئ، الحياة عمرها ما هتبقى كلها خوف وكلها أمان بس؛ إنما هي معادلة بين حاجتين لكن أنت مش قادر تفهمها انت بتحاول تفهم دماغك حاجة تالتة وده إللي دماغك والواقع بيرفضوه. أنت عمرك ما هتغير واقع عيشت فيه ولا تطمن وأنت جواك الخوف وعلشان كدا أنت لازم تبطل تخاف. #أحمد_جان #فضفضة

أوقات كتيرة الدنيا بتديك دروس كتيرة بس أنت مش بتبقى واخد بالك وبتبقى غافل عنها؛ وده بسبب أننا بنجري دايمًا حوالين حاجات كتيرة فاكرينها دايمة وكل حاجة في الآخر بتروح... عزيزي القارئ، رغم قساوة الدنيا إلا إني لسه عندي يقين إن كل حاجة هتبقى بخير بعدين؛ قدر ومكتوب من قديم الأزل، حياة بتعيشها دلوقتي وفي حياة تانية أبدية، كل دي أسباب تخليك دايمًا مطمن إن كان إيه السبب أنت في دنيا مسيرها شوية وتخلص... #أحمد_جان. #فضفضة

صديقي العزيز، أنت دلوقتي في مرحلة مهمة جدًا في حياتك، وفي اختيار رغباتك، ومعرفة تطلعاتك الجاية فين وفي إيه؟ عزيزي القارئ الحياة كل يوم بتديك فرصة جديدة تغتنمها مش مجرد يوم وبيتعاد قدامك، وبتديك أمل تعيش عليه، مش وجع تعيش بيه زي ما أنت فاكر. نصك المليان بيصب على نصك الفاضي، فأوعى يكون نصك مليان خوف وتعب فتملى من كل اللي حواليك خوف. ولكن يا عزيزي أملى حياتك حب، أمان، وسعادة وخليك عايش وأوعى تخاف. #أحمد_جان #فضفضة

عزيزي القارئ، عامل إيه؟ أنا عارف الفترة إللي فاتت دي أنت مكُنتش كويس ودايمًا خايف، أنا حاسس بيك وعارف إنك قلقان، بس أنا جاي أقولك متقلقش ومتخافش كل الدنيا هتتعدل في الوقت المناسب ليك، في التقدير إللي ربنا شايفه ليك، والتدبير الصح هو إللي بيحصل مهما اتغيرت المعطيات وحاولت كل المحاولات فاللي ربنا كاتبه ليك يا عزيزي هيحصل ولو بعد حين. الرضى يا صديقي محله القلب وعلشان كدا أنت محتاج تطمن وتكون راضٍ عن كل شيء. بكل معاني الرفق بقلبك كُتبت بواسطة: #أحمد_جان #فضفضة

كل سنة وأنت طيب يا صديقي العزيز ♥️

"صديقي العزيز، أوقات كتير الظروف بتخلينا نختار حاجات كتيرة مش بتاعتنا ومش شبهنا في بعض الأحيان، ولكن في الحقيقة هي أكتر حاجة مناسبة ليك.. الظروف السيئة، المشاكل اللي مش بتخلص، الخوف المستمر، وحتى القلق المزمن اللي عمره ما اتخلى عنك ليلة واحدة؛ كل الحاجات دي هي مسببات لطريق واحد ربنا بيجهزك ليه. بيحطك على بداية الطريق ويعلمك إزاي تمشي وتقع وتقوم وتتحرك من غير أي عقبة ليك بعدين. صديقي العزيز، أنت في رعاية الله وحفظه؛ عمرك ما هتضل الطريق وإن ثقلت مسيرتك ." #أحمد_جان #فضفضة

الإنسان دايمًا بيحاول يدور على الشيء إللي بيخليه مطمن؛ حاجة الإنسان في الاطمئنان وشعوره بالأمان والإستقرار هو جزء مهم جدًا من إنسانيته؛ ومن غير الأمان ده في أجزاء جواه بتنهدم وتحل محلها مشاعر سلبية تانية... صديقي العزيز الشعور بالأمان هو الغاية الأسمى في العلاقات البشرية، فكرة إنك في آخر اليوم تسكن وتستكين في البيت، الزوجة، الأم، الأخت، الأخ، الأب الإبن. كل دول أطراف أمان ولكن يبقى العضد الأكبر وهو الشريك المناسب ليك... وعلشان كدا أنت محتاج تختار صح. #أحمد_جان #فضفضة

★ تَحدَّث وكَأنَّك لَم تَقُل شيئًا. • بَحكي كُل يوم قِصة بِتشبهك، بَجسِّد كُل ألَم بِكلمات. _رسائل بِالعَامية المَصرية. @fadfada24_bot

★ تَحدَّث وكَأنَّك لَم تَقُل شيئًا. • بَحكي كُل يوم قِصة بِتشبهك، بَجسِّد كُل ألَم بِكلمات. _رسائل بِالعَامية المَصرية. @fadfada24_bot

عزيزي القارئ ..كلنا بنحتاج الثقة من اللي بنحبهم، وبنسعى دايمًا إننا نكون معاهم وجنبهم، أوقات كتيرة بنسأل نفسنا احنا نستاهل نتحب فعلًا؟ ولا ده شعور كاذب؟ بس ف الحقيقة يا صديقي إن شريكك شايفك فعلًا بالطريقة الصح وشايف وحاسس باللي جواك؛ وعلشان كدا أنت محتاج تثق في نظرته ليك. صديقي العزيز أنت محتاج تثق في شريك حياتك، في اختياره ليك، وحبه ليك، ووجوده جنبك، أوقات بتقسى على نفسك زيادة عن اللزوم من غير داعي، أنت محتاج بس تسمع للطرف التاني وتحس بيه من غير لا قلق ولا خوف. #أحمد_جان #فضفضة

صديقي العزيز، متفقدش الأمل في أي شيء، اوعى تفقد الشعور بالحياة، اوعى تفكر في يوم تنهي حياتك علشان مجرد ظروف حصلت، كل الأحوال بتتغير، كل اللي بيحصل هيتغير، لكل بداية نهاية. مينفعش نختار الحل الأسهل وهو الاستسلام، مينفعش نفقد الحياة وهي لسه موجودة وينفع تتعاش، عيشها بطريقتك، بعفويتك، بِحُبك للبساطة وشعور ضحكتك الجميل. عزيزي مش هفضل أقولك إن الحياة سهلة لأنها عمرها ما هتكون كده غير لو يسرتها لنفسك وعيشت فيها راضي عن حالك وبتقول الحمد اللّٰه بكل رضى وبكل حُب. دور على الفرصة اللي تفرحك، دور على ضحكة، لمسة من حد بتحبه، دور على بيت ووطن تسكنه، دور بين الناس عن شيء يطمنك ولو لقيته اتمسك بيه. اطمئن. #أحمد_جان #فضفضة

صديقي العزيز، متفقدش الأمل في أي شيء، اوعى تفقد الشعور بالحياة، اوعى تفكر في يوم تنهي حياتك علشان مجرد ظروف حصلت، كل الأحوال بتتغير، كل اللي بيحصل هيتغير، لكل بداية نهاية. مينفعش نختار الحل الأسهل وهو الاستسلام، مينفعش نفقد الحياة وهي لسه موجودة وينفع تتعاش، عيشها بطريقتك، بعفويتك، بِحُبك للبساطة وشعور ضحكتك الجميل. عزيزي مش هفضل أقولك إن الحياة سهلة لأنها عمرها ما هتكون كده غير لو يسرتها لنفسك وعيشت فيها راضي عن حالك وبتقول الحمد اللّٰه بكل رضى وبكل حُب. دور على الفرصة اللي تفرحك، دور على ضحكة، لمسة من حد بتحبه، دور على بيت ووطن تسكنه، دور بين الناس عن شيء يطمنك ولو لقيته اتمسك بيه. اطمئن. #أحمد_جان. #فضفضة.

أَعْتَرِفُ لكم أني -رغم كل الأشياء التي أدركتها- إلا أنني لم أَصِلْ بعد. أعترف لك يا صديقي العزيز أنني لا أملك من السعادة قِطْرًا كما تملكه أنت، وأملك من الألم والحزن ما تملكه وأكثر. وليست كل الكلمات المبهجة تَحْمِلُهَا شَخْصُهَا؛ ربما يحملها ضعيفٌ آخَرُ يملك الكلمات التي لم تستطع أن تبوح بها؛ فلا تشفق على نفسك وتتركني وحدي دون أن تنظر كيف حالي، فدوام حالي من مُحَالِي، ولا أملك لك ولي سوى كلماتٍ تطيب قَلْبًا أَهْلَكَتْهُ الدنيا. #أحمد_جان #ما_دونه_القلب

صديقي العزيز، أقدار الحياة هي مراحل تهيئة الإنسان لحياته الجديدة؛ فهي التي تصنع الفرد، وتفكيره، ومشاعره. ركز معايا وشوف إزاي؟ أوقات كتيرة بتلاقي إن الحياة وكأنها معانداك في كل شيء، بدون أسباب ومن غير مبررات؛ ولكن لو جيت بصيت من زاوية تانية، ولو بسيطة: وهي ليه إن ده مش المنهج اللي نذاكره علشان ننجح فيه؟ مش فاهم؟ تعالَ أفهمك يا عزيزي. يعني لو كل الأحداث اللي بتحصل ليك دلوقتي، هي دي مذاكرتك؛ بصبرك وإيمانك بالله بتنجح. طيب لو أنت مصبرتش؟ وقتها بتحس إن الدنيا دي مش مقاسك، وهنا نيجي للكلام المهم: النبي ﷺ قبل ما يتهيأ لرحلة الإسراء والمعراج، كانت بدايته من "عام الحزن"؛ ركز معايا إن البداية كانت صعبة في إنه يفقد عمه (أبو طالب) -رغم عدم دخوله في الإسلام إلا أنه كان ينصر النبي ﷺ ولا يقبل له الأذى من سفهاء قريش- وموت زوجته ومأمنه السيدة خديجة. عزيزي القارئ، في اللحظة دي ممكن أي حد يفقد الأمل، إلا أن ربنا ثبت عبده، وإن ربنا كان بيواسي رسول الله بالآيات ويقوله: "ما عليك إلا التبليغ"، والهداية من الله.. أنت بس ادعُ الناس وبلغهم. سبحان الله! وكمان يا عزيزي عايزك تعرف؛ فلو أن النبي ﷺ عاش حياته معافى، ونجح في دعوته بدون أي مشقة وجهد وبلاء، لطمع أصحابه والمسلمون من بعده في أن يستريحوا كما استراح، ولاستصعبوا واستثقلوا الآلام والمحن التي قد يجدونها في حياتهم. وهنا كان الرسول درسًا لأمته كلها؛ كان يتعب ويعاني ﷺ لأجل أن يكون قدوة لأمته من بعده، فيقتدون به في كل أمور حياتهم. وفي نهاية الرحلة يا صديقي، عايز ألفت نظرك لشيء بسيط: فسواء وُجد من يحمي رسول الله ﷺ من الناس أَوْ لم يوجد، ستمضي دعوته وسينتصر دينه؛ لأن الذي ينصره في الحقيقة هو الله. الله غالب يا صديقي، وعلشان كده أنت محتاج تعرف إن لكل رحلة في حياتك جزءً! وكل جزء من حياتك هو الحدث المهم لبكرة. ارضَ.. علشان ربنا يرضى عنك. #أحمد_جان #فضفضة

صديقي العزيز، أقدار الحياة هي مراحل تهيئة الإنسان لحياته الجديدة؛ فهي التي تصنع الفرد، وتفكيره، ومشاعره. ركز معايا وشوف إزاي؟ أوقات كتيرة بتلاقي إن الحياة وكأنها معانداك في كل شيء، بدون أسباب ومن غير مبررات؛ ولكن لو جيت بصيت من زاوية تانية، ولو بسيطة: وهي ليه إن ده مش المنهج اللي نذاكره علشان ننجح فيه؟ مش فاهم؟ تعالَ أفهمك يا عزيزي. يعني لو كل الأحداث اللي بتحصل ليك دلوقتي، هي دي مذاكرتك؛ بصبرك وإيمانك بالله بتنجح. طيب لو أنت مصبرتش؟ وقتها بتحس إن الدنيا دي مش مقاسك، وهنا نيجي للكلام المهم: النبي ﷺ قبل ما يتهيأ لرحلة الإسراء والمعراج، كانت بدايته من "عام الحزن"؛ ركز معايا إن البداية كانت صعبة في إنه يفقد عمه (أبو طالب) -رغم عدم دخوله في الإسلام إلا أنه كان ينصر النبي ﷺ ولا يقبل له الأذى من سفهاء قريش- وموت زوجته ومأمنه السيدة خديجة. عزيزي القارئ، في اللحظة دي ممكن أي حد يفقد الأمل، إلا أن ربنا ثبت عبده، وإن ربنا كان بيواسي رسول الله بالآيات ويقوله: "ما عليك إلا التبليغ"، والهداية من الله.. أنت بس ادعُ الناس وبلغهم. سبحان الله! وكمان يا عزيزي عايزك تعرف؛ فلو أن النبي ﷺ عاش حياته معافى، ونجح في دعوته بدون أي مشقة وجهد وبلاء، لطمع أصحابه والمسلمون من بعده في أن يستريحوا كما استراح، ولاستصعبوا واستثقلوا الآلام والمحن التي قد يجدونها في حياتهم. وهنا كان الرسول درسًا لأمته كلها؛ كان يتعب ويعاني ﷺ لأجل أن يكون قدوة لأمته من بعده، فيقتدون به في كل أمور حياتهم. وفي نهاية الرحلة يا صديقي، عايز ألفت نظرك لشيء بسيط: فسواء وُجد من يحمي رسول الله ﷺ من الناس أَوْ لم يوجد، ستمضي دعوته وسينتصر دينه؛ لأن الذي ينصره في الحقيقة هو الله. الله غالب يا صديقي، وعلشان كده أنت محتاج تعرف إن لكل رحلة في حياتك جزءاً! وكل جزء من حياتك هو الحدث المهم لبكرة. ارضَ.. علشان ربنا يرضى عنك. #أحمد_جان #فضفضة

صديقي العزيز، إللي فات خلاص فات ومش ممكن تغيره، بس إللي جاي هيجي وتقدر تغيره، في الحقيقة يا صديقي إن لو صدقت إللي جاي هتقدر تعدي إللي فات من غير خوف، من غير قلق، وكأن اللي فاتك ده بقى ذكرى تستقبلها بكل ابتسامة من غير خوف! عزيزي القارئ، الحياة مش دايمًا عادلة ومش دايمًا هتديك إللي بتحلم بيه بس هتديك إللي نصيبك فيه وهو ده نصيبك فارضى بيه... الرضا محله القلب ارضى بقلبك علشان ربنا يرضى عنك يا عزيزي. #أحمد_جان #فضفضة

صديقي العزيز، الحياة دايمًا بتدينا فرص نعيشها ونحبها زي ما هي، بقساوتها، حنيتها، عفويتها، وكل لحظاتك إللي مش مفهومة إلا إن لازم تعيش كل لحظة فيها وتديها حقها، كل لحظة خوف لازم تعيشها؛ لأن لو فضلت تهرب للأبد هيجي عليك وقت وتتعب من الهروب، وهتواجه مخاوفك، ولو فضلت خايف تتألم هتفضل عايش ف وجع!. ولو فضلت خايف من الفقد هتفضل طول عمرك وحيد. عزيزي القارئ، الحياة مش عادلة بالقدر الكافي ولكن هي عادلة في حقك ونصيبك المستقبلي، لازم تدرك إن كل شيء لسبب وكل سبب لحكمة أنت مش فاهمها دلوقتي بس الوقت يداوي كل الجروح. #أحمد_جان #فضفضة

صديقي العزيز، أوقات كتير ممكن نخسر أعز ما نملك علشان غلطة بسيطة؛ بتدمر كل السنين إللي كانت بينكم وكأنها مكنتش موجودة. في الحقيقة إن الإنسان دايمًا عجول حتى لو كان تمن ده هلاك قلبه بعدين، ولكن في المواقف اللي زي دي التصرف لازم يكون بحكمة وبهدوء. في الأول لازم تشوف تشوف هل ده هيأثر عليك بعد فترة؟ هل ده هيأثر عليك دلوقتي؟ هل ده هيحسسك بالعجز دلوقتي؟ كل دي أسئلة تخليك تفكر بدل المرة ألف خصوصًا لو الطرف التاني مش الشخص السيئ في روايتك محتاج تفكر ألف مرة قبل ما تاخد خطوة. عزيزي القارئ، أوقات الحياة بتعطينا فرص وهدايا والقدر بيبتسم ليك بس أنت بتنهي كل حاجة بـ قلة وعيك وعقلك المحدود. وعلشان كدا أنت محتاج تجاوب على نفسك بكل صدق. #أحمد_جان #فضفضة

صديقي العزيز، أوقات كتير بنخاف والخوف بيمتلكنا.. بنخاف من بكرة، بنخاف نِحب، ونخاف نتحب، بنخاف نِقف، وبنخاف نحاول، بنخاف نعيش، وفي ناس بتخاف تتنفس لأنها مش ضامنة إن ده يكون نَفَسها الأخير. في الواقع، الخوف هو اللي هيموّتك؛ هتفضل واقف خايف والناس حواليك مطمنة، وهتفضل ضعيف والكل حواليك أقوياء. عزيزي القارئ الجميل، متخافش.. الفقد والخوف وجهين لعملة واحدة. إياك تخاف إنك تخسر، لأنك "ممكن" تكسب. عيش المغامرة، وعيش الخوف، عيش الفقد.. عيش كل لحظة جواك من غير قلق.. أنت إنسان. #أحمد_جان #فضفضة