‌‌‌‌‏ ڕەشـسـتـان

ئەم گەردوونە چەندە دڵڕەقە کاتێک دەبینیت مرۆڤێک لەناو خۆیدا دادەڕمێت کەچی ئاسمانەکەی هەر بە شینی دەمێنێتەوە و زەوییەکەشی لە خولانەوەی بێباکانەی خۆی ناکەوێت ئەو تەنیاییە قوڵەی لە دوای ئەم جۆرە هاوارانە دەمێنێتەوە وەک تەمێکی خەست بەسەر ڕوحدا دەنیشێت مرۆڤ لێرەدا لە غەریبەیەک دەچێت کە بەزمانی نیشتیمانێکی بەتاڵکراو قسەدەکات کەس لە مانا و چەمکی برینەکانی تێناگات تۆ لەناو خەڵکدا دەڕۆیت پێدەکەنیت دەژیت وەک زیندوو ڕفتار ئەکەیت بەڵام لە ڕاستیدا جەستەیەکی بەتاڵی کە تەنها گۆڕستانی ئەو هاوارە نەبیستراوانەیە کە ڕۆژانە لە ناختدا لە دایک دەبن و هەر لەوێشدا دێیتە سەر شۆستەی مەرگ ئەم دۆخە یەکسانە بە غەرقبوون لەناو دەریایەکی قوڵدا لەکاتێکدا ڕووبەڕوی ئاوەکە وەک ئاوێنەیەکی ڕوون و ئارام دیارە بەڵام لە ناخییەوە ململانێیەکی بێبەزەیانە لەگەڵ خنکاندا لە ئارادایە.