کانال چوروننه( ‌‌‌ئابووری وگەشتیاری)

لەڕۆژەکانی سێشەممە، چوارشەممە و پێنجشەممە 28 و 29 و 30 ڕێبەندانی 1404ی کۆچی هەتاوی ، بەهەڵمەتی خەڵکی خۆشەویستی ئاوایی چۆڕ ، سەربەناوچەی مەریوان ، ڕێگای گشتیی بەینەزەویەکانی( سەرشان ، ناوتەڵووک ڕووبە پلە)و هەروەها ڕێگایگشتیی بەینەزەویەکانی( لادێ ڕووبە بنەوا و پلە)، کە بەهۆی لافاو و دەسکاری زەویی و نەمان و خراپ بوونی جۆگە و ئاوەڕۆکانەوە، پڕ لە چاڵ و چۆڵ و ڕۆ چوون بووبوون، بەشێوازێک کە هاتووچوو کێشەی بۆ ساز کرابوو، سەرلەنوێ نۆژەنکرانەوە. ئەم هەرەوەزی و هاوماڵیە، وبیرهێنەرەوەی گەلەدار و گەلەدرەوەکەی جاران بوو کە ئێستە و ژیانی ئەم سەردەمە هەڵگری واتای نوێی لەم چەشنە و چەشنەکانی سەردەمیانەی دیکەیە کە مرۆڤ پێویستیەتی. پێکەوەبوون ڕەمزی ژیانی کۆمەڵایەتی و کولتووریی دێرینەمانە لە خۆشی و ناخۆشیەکاندا . جێی ئاماژەیە سەرجەم ئەرک و کار و تێچووی ئەم  هەڵمەتە پیرۆزە، لەسەرشان و ئەمەگناسی خەڵکی خۆشەویستی ئاوایی چۆڕ بووە . زۆرسپاس بۆ سەرجەم ئەوبەڕێزانەی لەم چالاکیە پیرۆزەدا، بەشدار بوون . هیوادارم ئەم پێکەوەبوونانە ببێتە هەوێنی هەڵگرتنی هەنگاوگەلێکی گەورەتر بۆ چاکسازیی ژینگە و  ژیانمان . سیروان موسەنێفی