📖 بصائر ബസ്വാഇർ 📖

*ആകാശങ്ങളിലുള്ളതും ഭൂമിയിലുള്ളതും അല്ലാഹു അറിയുന്നുണ്ടെന്ന് നീ കാണുന്നില്ലേ? മൂന്നുപേർ തമ്മിലുള്ള യാതൊരു രഹസ്യസംഭാഷണവും അവൻ (അല്ലാഹു) അവർക്ക് നാലാമനായിക്കൊണ്ടല്ലാതെ ഉണ്ടാവുകയില്ല. അഞ്ചുപേരുടെ സംഭാഷണമാണെങ്കിൽ അവൻ അവർക്ക് ആറാമനായിക്കൊണ്ടുമല്ലാതെ. അതിനേക്കാൾ കുറഞ്ഞവരുടെയോ കൂടിയവരുടെയോ ആണെങ്കിൽ അവർ എവിടെയായിരുന്നാലും അവൻ അവരോടൊപ്പമുണ്ടായിട്ടല്ലാതെ. പിന്നീട് ഉയിർത്തെഴുന്നേൽപ്പിന്റെ നാളിൽ അവർ പ്രവർത്തിച്ചതിനെപ്പറ്റി അവൻ അവരെ വിവരമറിയിക്കുന്നതാണ്. തീർച്ചയായും അല്ലാഹു ഏതു കാര്യത്തെപ്പറ്റിയും അറിവുള്ളവനാകുന്നു.*(സൂറത്തുൽ മുജാദില: 7) ഈ ആയത്തുകൊണ്ട് അർത്ഥമാക്കുന്നത് മുൻപ് വിശദീകരിച്ചതുപോലെ അല്ലാഹു അവരുടെ അവസ്ഥകൾ അറിയുന്നു എന്നാണ്. അത് വ്യക്തമാക്കുകയും ആ ആശയത്തിന് ബലം നൽകുകയും ചെയ്യുന്ന കാര്യമാണ്, അല്ലാഹു ഈ ആയത്ത് ആരംഭിച്ചതും അവസാനിപ്പിച്ചതും അവന്റെ 'അറിവിനെ' പരാമർശിച്ചുകൊണ്ടാണ് എന്നത്. റബ്ബിനെ കുറിച്ചുള്ള വിശ്വാസകാര്യങ്ങളിൽ അഹ്‌ലുസ്സുന്നയുടെ വിശ്വാസം നിങ്ങൾ മുറുകെപിടിക്കുക. അതിൽ മരണം വരെ ഉറച്ചു നിലകൊള്ളുക. അല്ലാഹുവേ തൗഹീദിലും,സുന്നതിലുമായി ഞങ്ങളെ നീ ജീവിപ്പിക്കുകയും മരിപ്പിക്കുകയും ചെയ്യേണമേ. ✍️ വിവ. അബുൽ വഫാ അനസ് അലി •┈┈┈┈•✿❁✿•┈┈┈┈• *📖 بصائر 📖* *قناة سلفية للعلوم الشرعية*