ParalympicUz

Para pauerliftingchilarimiz jahon kubogiga yo‘l oldi Joriy yilning 17-27 iyun kunlari Gruziya poytaxti Tbilisi shahrida para pauerlifting bo‘yicha jahon kubogi bo‘lib o‘tadi. Ta’kidlash kerakki, ushbu musobaqa Parij-2024 yozgi Paralimpiya o‘yinlariga muhim reyting ochkolari taqdim etuvchi so‘nggi xalqaro musobaqa hisoblanadi. Bugun para pauerlifting bo‘yicha terma jamoamiz a’zolari ushbu nufuzli musobaqada ishtirok etish uchun Gruziyaga jo‘nab ketdi. Mazkur jahon kubogida 15 nafar para sportchimiz yurtimiz sharafini himoya qiladi. Bo‘lajak dunyo birinchiligida vakillarimizga omad tilaymiz!

O‘zbekiston Milliy paralimpiya qo‘mitasi oilasi barcha yurtdoshlarimizni Islom olamining eng katta bayramlaridan biri - Qurbon hayiti bilan samimiy muborakbod etadi. Ushbu ulug‘ ayyomda barchangizga sihat-salomatlik, oilaviy baxt va ishlaringizda muvaffaqiyat tilaymiz. Bayramingiz muborak bo‘lsin!

Parij-2024 yozgi Paralimpiya o‘yinlariga tayyorgarlik yuzasidan so‘nggi rasmiy yig‘ilish o‘tkazildi Joriy yilning 28 avgust – 8 sentyabr kunlari Parij shahrida bo‘ladigan XVII yozgi Paralimpiya o‘yinlari startiga ham toboro oz fursat qolmoqda. Bugun O‘zbekiston Milliy paralimpiya qo‘mitasi delegatsiyasi Fransiya poytaxtida bo‘ladigan musobaqalar tashkiliy qo‘mitasining so‘ngi rasmiy yig‘ilishida ishtirok etdi. Unda Paralimpiya o‘yinlarining Osiyo qit’asi uchun mas’ul menejerlari ishtirokida barcha muhim tashkiliy ishlar, jumladan viza hamda bojxona xizmatlari masalalari birma-bir ko‘rib chiqildi. Bundan tashqari, delegatsiyamiz a’zolari Parijdagi atletlar shaxarchasida ham bo‘lib, u yerda mamlakatimiz sport delegatsiyasi uchun barcha zarur sharoitlar yuqori darajada tashkil qilinganligini yana bir bor ko‘zdan kechirdilar. 👍👍👍👍👍 🔥🔥🔥

Bizni ijtimoiy tarmoqlar orqali kuzatib boring

💻Instagram |🎞YouTube | 📝 Facebook  | 📝Telegram |

Respublika Olimpiya va Paralimpiya sport turlariga tayyorlash markazida 5x5 futbol bo‘yicha O'zbekiston chempionati bo‘lib o‘tdi 👍👍👍👍👍 🔥🔥🔥

Bizni ijtimoiy tarmoqlar orqali kuzatib boring

💻Instagram |🎞YouTube | 📝 Facebook  | 📝Telegram |

Barno Sadikovani tabriklaymiz! Bugun O‘zbekiston Milliy paralimpiya qo‘mitasi bo‘lim boshlig‘i Barno Sadikova o‘z tavallud ayyomini nishonlamoqda. O‘zbekiston Milliy paralimpiya qo‘mitasi oilasi o‘z ishining fidoyisi hisoblangan, tajribali mutaxassisni ushbu qutlug‘ sana bilan samimiy muborakbod etadi va ularga uzoq umr, sihat-salomatlik, oilaviy baxt, kelajakdagi faoliyatida ulkan zafarlar tilaydi. Tug‘ilgan kuningiz muborak bo‘lsin!

5x5 futbol bo‘yicha mamlakat chempionatida kuchlilar aniqlandi Xabar berganimizdek, Respublika Olimpiya va Paralimpiya sport turlariga tayyorlash markazi zaif ko‘ruvchi va ko‘zi ojizlar o‘rtasida 5x5 futbol bo‘yicha O‘zbekiston chempionatiga mezbonlik qildi. Bugun musobaqaning hal qiluvchi bahslari o‘tkazildi. Dastlab, bronza medallari uchun Farg‘ona va Toshkent shahri jamolari o‘zaro maydonga chiqdi. Yakunda esa g‘alaba poytaxtliklar tomonida bo‘ldi. Mamlakat chempioni degan faxrli nomga esa, finalda Navoiy viloyati jamoasini mag‘lub etgan Qoraqalpog‘iston Respublikasi jamoasi sazovor bo‘ldi. Musobaqaning tantanali taqdirlash marosimida O‘zbekiston Milliy paralimpiya qo‘mitasi hamda Respublika Olimpiya va Paralimpiya sport turlariga tayyorlash markazi rahbariyati, ommaviy axborot vositalari hodimlari ishtirok etdi. Gʻolib va sovrindorlar tashkilotchilar tomonidan medal hamda maxsus diplom bilan taqdirlandi. 👍👍👍👍👍 🔥🔥🔥

Bizni ijtimoiy tarmoqlar orqali kuzatib boring

💻Instagram |🎞YouTube | 📝 Facebook  | 📝Telegram |

🇺🇿5x5 futbol bo‘yicha O‘zbekiston chempionati boshlandi Bugun Respublika Olimpiya va Paralimpiya sport turlariga tayyorlash markazi futbol maydonida zaif ko‘ruvchi va ko‘zi ojizlar o‘rtasida 5x5 futbol bo‘yicha O‘zbekiston chempionati start oldi. Bu galgi mamlakat birinchiligida Respublikamizning turli hududlaridan jami 12 ta jamoa g‘oliblik uchun bahs olib bormoqda. Musobaqa 14-iyunga qadar davom etadi. *** 🇬🇧The Uzbekistan 5x5 football championship has started Today, the 5x5 football championship of Uzbekistan among visually impaired and blind people started at the football field of the Republican Olympic and Paralympic Sports Training Center. A total of 12 teams from different regions of our Republic are competing for the victory in this year's national championship. The competition will last until June 14. 👍👍👍👍👍 🔥🔥🔥

Bizni ijtimoiy tarmoqlar orqali kuzatib boring

💻Instagram |🎞YouTube | 📝 Facebook  | 📝Telegram |

🎸"Parij sari yo'l" O‘zbekiston Milliy paralimpiya qo‘mitasi hamda O‘zbekiston-24 telekanali hamkorligida Parij-2024 yozgi Paralimpiya o‘yinlariga litsenziya qo‘lga kiritgan para sportchilar to‘g‘risida hikoya qiluvchi “Parij sari yo‘l” ko'rsatuvining navbatdagi soni para taekvondo bo‘yicha O‘zbekiston terma jamoasi a’zosi Javohir Aliqulov haqida bo'ldi. Ushbu ko'rsatuvni hafta davomida O'zbekiston-24 telekanalida tomosha qilishingiz mumkin. 📶“Parij sari yo‘l” 🔵O‘zbekiston-24 👍👍👍👍👍 🔥🔥🔥

Bizni ijtimoiy tarmoqlar orqali kuzatib boring

💻Instagram |🎞YouTube | 📝 Facebook  | 📝Telegram |

Ўзбекистон Республикаси Президентининг "Муборак Қурбон ҳайитини нишонлаш тўғрисида"ги қарори — Постановление Президента Республики Узбекистан "О праздновании священного Курбан хайита" Prezident.uz|Facebook|Instagram|YouTube|X

Osiyo aravachada regbi federatsiyasi bilan hamkorlik memorandumi imzolandi Bugun O‘zbekiston Milliy paralimpiya qo‘mitasida Osiyo aravachada regbi federatsiyasi prezidenti Rodni Xolt bilan uchrashuv bo‘lib o‘tdi. Unda qo‘mita raisi o‘rinbosarlari – Otabek Ergashev hamda Jamshidbek Hasanov, shuningdek O‘zbekiston Regbi federatsiyasi Bosh kotibi Qahramon Jalilov ishtirok etdi. Uchrashuv davomida tomonlar yurtimizda aravachada regbi sport turini rivojlantirish va bu bo‘yicha amalga oshirilishi lozim bo‘lgan ishlarni muhokama qilishdi. Tadbir yakunida O‘zbekiston Milliy paralimpiya qo‘mitasi hamda Osiyo aravachada regbi federatsiyasi o‘rtasida o‘zaro hamkorlik memorandumi imzolandi.