Коміксы па-беларуску comicsby

Абсалютная Жанчына-котка #1 (2026) У «Абсалютным Бэтмэне» сяброўка Бруса Уэйна час ад часу з'яўляецца і знікае. Мы бачым яе і як Селіну Кайл - дзяўчынку, якая ахвотней гуляе па вуліцах, чым застаецца дома, і як дзяўчыну, якая падказвае ўжо даросламу Брусу, як абдурыць мафіёзі і выманіць у яго грошы. Потым яна ператвараецца ў Жанчыну-котку, і мы задаёмся пытаннем: адкуль у яе гэты касцюм, гэтая высокатэхналагічная зброя і шлем, падобны да шлема Чорнай Маскі? Усе прабелы і адказы на пытанні пра мінулае Селіны Кайл мы знойдзем у міні-серыі «Абсалютная Жанчына-котка», якую піша амерыканка Чы Грэйсан (пад наглядам Скота Снайдара), а малюе французскі мастак Бенгаль. ...

Clayface: Celebrity Dirt #1 (2026) Цяпер у нас два Глінягатвары. Адзін - зорка Галівуда, які пасля вялікай бітвы Бэтмэна з Клэйфэйсам нечакана для многіх аднавіў сваю кар'еру, і яго папулярнасць зноў пайшла ўгару. Другі ж зачынены ў шкляным кубе ў турме «Аркхэм Таўэр». Кожны з іх лічыць, што менавіта ён - сапраўдны Базіль Карла. Паводле афіцыйнай версіі ўладаў, толькі адзін з іх - Клэйфэйс, а другі - акцёр. Прыйшоў час сапраўднаму Глінянатвару высветліць, хто ёсць хто, і вывесці ашуканца на чыстую ваду. Комікс прыгожа намаляваны (Fran Galán) і лёгка чытаецца (Jude Ellison S. Doyle). Асабліва ўражвае афарбоўка ў неонавых танах (Patricio Delpeche). Комікс можна лічыць працягам ваншота Batman: One Bad Day - Clayface, бо ў ім згадваюцца падзеі таго выпуску. Аднак на гэты раз гэта ўжо міні-серыя.

Комікс "Абсалютная Жанчына-котка". https://youtu.be/m7e7hAg84_M?is=OqXx6KR87ehFQvu-

Вынікі чэрвеня на comicsby.live. Комікс месяца - "Вату" Пераклад - Savavožyk, Прышпільныя коміксы https://t.me/pryshpilnyacomiksy Апавяданне месяца - "Суседка" (18+) Аўтар - Эмма Хіль Топ-5: "Скот Пілігрым" (пераклад Прышпільныя коміксы https://t.me/pryshpilnyacomiksy) "Ван піс" (пераклад Cerasmus https://t.me/cerasumgarden) "Гун хо" (пераклад Fey @Captain_Vax) "Eminem/Punisher"

Часопіс Pamyłka zin 05 ужо даступны на нашым сайце! Дзе: comicsby.live У выпуску: навуковыя артыкулы па фізіцы, матэматыцы, біялогіі, медыцыне і геаграфіі, комікс і іншае. Публікуецца з дазволу рэдакцыі часопіса Pamyłka. zin 01 zin 02 zin 03 zin 04 zin 05

І яшчэ некалькі...

Таксама у распрацоўцы - анімацыйны серыял пра Джокера.

І ўжо паказалі цізер вокладкі #2.

DC Studios афіцыйна запускае анімацыйны серыял Absolute Batman! Навіну абвясцілі на фестывалі Annecy 2026, а шоуранэрам стане сам Скот Снайдар - аўтар комікса.

Нават летам працягваюць выходзіць коміксы з дзіўнымі вокладкамі.

Дзівосныя Людзі Ікс. 2024. Выпуск 3 Дзе: comicsby.live Гэйл Сімон, Дэвід Маркес, Мэт Уілсан. Афармленне - Fey @Captain_Vax 22 старонкі Схапіце Эльфа! Калі на парозе Роўг з'яўляюцца новыя маладыя мутанты - неверагодна магутныя, смяротна небяспечныя і зусім не навучаныя кантраляваць свае здольнасці, - яна вырашае заняць месца Ксаўе і стаць для іх правадніком у жыцці. Але ў той час, як яна спрабуе дапамагчы новаму пакаленню мутантаў, з цемры мінулага вяртаецца старая пагроза, каб знішчыць Людзей Ікс - аднаго за адным. Выпускі: #01 - #02 - #03 - #04

Трансформеры (2023). Выпуск 12 Дзе: comicsby.live Дэніэл Уорэн Джонсан, Хорхе Карона, Майк Спайсер. Афармленне - Fey @Captain_Vax 24 старонкі Фінальны бой. Оптымус Прайм супраць Шоквэйва! Але ці не прыйдзецца лідару аўтаботаў супрацьстаяць камусьці са сваіх паплечнікаў? Хто здрадзіць і зробіць усё па-свойму? Выпускі: 1 < 2 < 3 < 4 < 5 < 6 < 7 < 8 < 9 < 10 < 11 < 12

Цікава, што ўсе тры комікса Midnight-сусвета выйдуць у адзін дзень - 7 кастрычніка. І ніякіх іншых коміксаў у гэты дзень Marvel не выпусціць. Відаць, каб падзею заўважылі нават тыя, хто не сочыць за навінамі. Цікавы маркетынгавы ход, як лічыце?

«Midnight Spider-Man» — Філіп Кенэдзі Джонсан і ScieTronc Малады чалавек становіцца ахвярай бязлітаснай карпарацыі «Оскарп», якая ў пагоні за вечным жыццём ператварае яго ў жахлівы гібрыд чалавека і павука. Калі «Оскарп» пачынае выкарыстоўваць таямніцы яго мутацыі для стварэння новых чалавека-падобных істот з жывёльнымі рысамі, ён вымушаны прыняць сваю пачварную новую сутнасць і выступіць супраць тых, хто зрабіў яго монстрам.

Marvel рассакрэцілі вокладкі першы выпускаў надыходзячай падзеі Midnight. «Midnight Fantastic Four» — Бенджамін Персі і Кев Уокер Апантаны навуковец паглыбляецца ў таямніцы Сусвету, якія, магчыма, чалавецтву ніколі не варта было раскрываць. Яго небяспечныя даследаванні назаўсёды змяняюць яго самога і яшчэ трох людзей, скажыўшы іх целы і лёсы жудаснымі, незразумелымі спосабамі. Якія кашмарныя сакрэты хаваюць новыя вымярэнні, да якіх яны адчынілі браму? І ці зможа чалавецтва перажыць наступствы гэтага адкрыцця?

Tommaso Bennato вядомы перш за ўсё як адзін з аўтараў серыі Monster Allergy - папулярнага італьянскага комікса пра хлопчыка, які можа бачыць монстраў, схаваных ад вачэй звычайных людзей. Акрамя таго, Bennato працаваў над іншымі італьянскімі праектамі і добра ведае спецыфіку еўрапейскага рынку коміксаў, які часта застаецца ў цені амерыканскіх Marvel і DC. А польскім фанам ён блізкі працай над коміксам "Cyberpunk 2077". Anna Krztoń - адна з найбольш прыкметных аўтарак сучаснага польскага аўтарскага комікса. Найбольш вядомая яе кніга - «Weź się w garść», у якой яна вельмі адкрыта расказвае пра ўласны досвед барацьбы з дэпрэсіяй. За гэты комікс аўтарка атрымала некалькі польскіх узнагарод і шырокую вядомасць нават па-за комікснай супольнасцю. Яе працы - добры прыклад таго, што коміксы могуць быць не толькі забаўляльнымі гісторыямі пра герояў і прыгоды, але і сур'ёзным спосабам размаўляць пра рэальныя жыццёвыя праблемы.

Для фаната коміксаў галоўнай зоркай сёлетняга Pyrkon, напэўна, стаў Kieron Gillen. Калі вы хоць крыху сочыце за сучаснымі англамоўнымі коміксамі, то напэўна сустракалі ягонае імя. Ён паспеў папрацаваць і са Star Wars, і з Marvel, але найбольшую любоў чытачоў яму прынеслі аўтарскія серыі The Wicked + The Divine і The Power Fantasy. Гэта якраз той выпадак, калі на фэст прыязджае не проста чалавек з вялікім спісам праектаў, а аўтар, чые коміксы ўжо некалькі гадоў актыўна абмяркоўваюць у супольнасці. Не менш цікавы госць - харвацкі мастак Goran Sudžuka. Ягоны малюнак можна пабачыць у Y: The Last Man, Hellblazer, Wonder Woman і дзясятках іншых вядомых серый. На фэсце ён расказаў пра кухню індустрыі праз малюнак комікса.

Pyrkon 2026 З 19 па 21 чэрвеня ў Познані зноў праходзіць Pyrkon - самы буйны фэст фантастыкі ў Польшчы. Калі коратка, то гэта тры дні, калі ў адным месцы збіраюцца аматары коміксаў, фантастыкі, фэнтэзі, анімэ, настолак і відэагульняў. Праграма, як заўсёды, велізарная: больш за дзве тысячы розных падзей. Можна бегаць паміж лекцыямі, гуляць у настолкі, слухаць канцэрты, фатаграфавацца з касплэерамі і выпадкова сустрэць чалавека ў касцюме, пра існаванне якога ты нават не падазраваў. Для аматараў коміксаў сёлета таксама ёсць на што паглядзець. На фэст прыехаў Kieron Gillen - аўтар The Wicked + The Divine, The Power Fantasy і некалькіх серый Star Wars. З іншых вядомых гасцей можна адзначыць Giancarlo Esposito, Kevin J. Anderson і польскага астранаўта Sławosz Uznański-Wiśniewski. Pyrkon ужо даўно вырас з невялікага канвенту ў падзею, куды з'язджаюцца людзі не толькі з усёй Польшчы, але і з іншых краін. І калі судзіць па фотаздымках і чэргах, жадаючых трапіць туды менш не становіцца.

Дзівосны Чалавек-павук (2025). Выпуск 6 (970) Дзе: comicsby.live Джо Келлі, Джон Раміта-мал. Афармленне - Fey @Captain_Vax 21 старонка Брама Пекла адчыняецца... і гэта моцны ўдар! У жыцці Пітара Паркера бывалі і горшыя часы. Цяпер у яго ёсць стабільная праца. Чорная Котка зноў звяртае на яго ўвагу. Як Чалавек-Павук, Пітар вытрымліваў удары ад суперзлодзеяў, але з тым пеклам, якое чакае яго наперадзе, ён яшчэ ніколі не сутыкаўся... #001 #002 #003 #004 #005 #006