ИСЛАМ ТААНУУ

Жубайына жакындык кылуунун алдында айтылуучу дуба. Абдуллох ибн Аббастан риваят, Аллахтын Элчиси ﷺ айтты: "Эгерде силердин бириңер жубайына жакындык кылууну кааласа "Бисмиллахи, аллахумма жаннибнаш-шайтоона  уа жаннибиш-шайтоона маа розактана"-деп айтса, Аллахтын каалосу менен бала төрөлө турган болсо ал балага шайтан зыян бере албайт"-деди. 📚 Бухари 141. بِاسْمِ اللهِ، اللَّهُمَّ جَنِّبْنَا الشَّيْطَانَ، وَجَنِّبِ الشَّيْطَانَ مَا رَزَقْتَنَا Бисмиллахи, аллахумма жаннибнаш-шайтоона  уа жаннибиш-шайтоона маа розактанаа. Оо, Аллахым бизден жана  бизге ырыскы кылып берген баладан шайтанды алыс кылгын! Дубанын артыкчылыгы Хадистеги " шайтан балага эч качан зыян бербейт" деген сөздүн мааниси кандай? Бир топ аалымдар: Төрөлгөн баланы шайтан сайгылап зыян бере албайт, себеби кайсыл гана бала төрөлбөсүн аны шайтан баскылап сайгылап зыян берет мына ушул дуба себептүү бала саламатта калат. Бир топ адамдар:     Бухариде 3283 номерде келген ушул хадистин башка риваятында Аллахтын Элчиси ﷺ : Кимде ким ушул дубаны айтса "Шайтан анын баласына зыян бербейт жана башчылык, үстөмдүк кыла албайт"-деп айткан ошон үчүн шайтан балга үстөмдүк кылып башкара албайт жана дини менен акылына чоң зыян берчүүдөй жин кирип жин оорусу менен оорубайт ал эми шайтандын жамандыкка чакырып азгыруусунан эч бир бала саламатта калбайт себеби шайтан ар бир адамды күнөөгө чакырып азгыра берет деп айтышкан. Кээ бирлер аалымдар:   Эркек жубайына кошулуп жатканда шайтан аны менен шерик болуп аялына кошула албайт дешкен. Ушул дубаны аял да айтуу керекпи? Бул маселеде аалымдардын арасында талаш бар, кээ бир аалымдар ошолордон заманыбызда белгилүү болгон аалымдардын бири шейх Ибн Бааз жана шейх Солих Фаузан аял адамдар да айтса болот деп айтышат.   Ал эми шейх Усеймин жана башка илим ээлери бул бир гана эркекке тийешелүү себеби хадисте Аллахтын Элчиси: силердин бириңер жубайына жакындык кылууну кааласа ушул дубаны айтсын!" деп эркектерге кайрылып айткан ошон үчүн эркектер гана айтышат деп түшүндүрүшкөн. Аллах мыкты билүүчү!

Кийим кийгенде айтылуучу дуба Му'аз ибн Анастан риваят кылган хадисте Аллахтын Элчиси айтты: "Кимде ким кийим кийгенде "Алхамду лиллахил-лазии касаани хазас-сауба уа розаканийхи мин гойри хаулин минни уа лаа кууатин" деп айтса - анын кылган күнөөлөрү кечирилет." 📚Абу Дауд 4023, Шу'айиб Арнаут, Албани хадисти хасан деген. الْحَمْدُ لِلَّهِ الَّذِي كَسَانِي هَذَا الثَّوْبَ وَرَزَقَنِيهِ مِنْ غَيْرِ حَوْلٍ مِنِّي وَلَا قُوَّةٍ Альхамду лиллахил-лазии касаани хазас-сауба уа розаканийхи мин гойри хаулин минни уа лаа кууатин Мени эч кандай кыймылдосуз жана күч жумшоосуз ушул кийимди кийгизген Аллахка чексиз мактоолор болсун! Кийим чечкенде айтылуучу дуба Анас ибн Маликтен риваят кылган хадисте Аллахтын Элчиси айтты: "Жиндердин көздөрү менен адам баласынын ауратынын арасында тосмо болуп ауратты көргөзбөй туруучу нерсе ал "бисмиллах" деп айтуу, ошондуктан силердин кимиңер кийим чечүүнү кааласа "бисмиллах" деп айтсын" 📚Тирмизи 606, Ибн Мажах 297 Науауий жана Албани хасан дешкен. بِاسْمِ الله Бисмиллах Аллахтын аты менен (чечемин) Биринчиден: Кийим кийүүдө жана чечүүдө дубасын айтуу сүннөт, мусулман ар бир дубага амал жасап айтканы үчүн ага сооп жазылат. Экинчиден: Биздин көзүбүз көрбөгөн бул ааламда жиндер бар алардын арасында адам баласына зыян берүүгө ынтызаар болгон шайтандары адамдын жылаңач денесин көргөндө кызыгып же ашык болуп же көрө албастык кылып ар кандай зыяндарды берип койушу мүмкүн, ошон үчүн ар бир мусулман эртели кеч зикирлерге бек болуп, жатардын алдында, чечингенде же кийим алмаштырууда жана жуунганда "бисмиллах" деп Аллахтын атын айтып, өзү менен алардын ортосунда тосмо колдонуп ауратын көргөзбөй жашыруусу керек.

Даараттын алдында айтылуучу дуба. Абу Хурайрадан риваят, Аллахтын Элчиси ﷺ  айтты: "Кимде-ким даараттын алдында Аллахтын атын эскербесе анын даараты даарат эмес". 📚 Абу Дауд 101. 📚 Ибн Мажах 398. Хаким, Ибн Касир ж'а Албани хасан дешкен. بِاسْمِ اللهِ "Бисмиллах" Аллахтын аты менен (баштаймын). Даараттан кийин айтылуучу биринчи дуба. Умар ибн Хаттабдан риваят, Аллахтын Элчиси ﷺ  айтты: "Силердин касы бириңер дааратты толук көркөм алып андан соң Ашхаду ал-лаа илааха иллаллоху уахдаху лаа шарийка лаху уа ашхаду анна мухаммадан 'абдуху уа  росуулуху"- деп айтса ага жаннаттын сегиз эшиги ачылып каалаганынан кирет". 📚 Муслим 234. أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ Ашхаду ал-лаа илааха иллаллоху, уахдаху лаа шарийка лаху уа ашхаду анна мухаммадан 'абдуху уа  росуулуху. Аллахтан башка сыйынууга татыктуу зат жок, Ал жалгыз Анын шериги жок жана Мухаммад Аллахтын кулу жана Элчиси экенине күбөлүк беремин! Даарат алууда айтылуучу экинчи дуба. Умар ибн Хаттабдан риваят, Аллахтын Элчиси ﷺ айтты: Кимде ким көркөм даарат алып андан соң Ашхаду ал-лаа илааха иллаллоху,  уахдаху лаа шарийка лаху уа ашхаду анна мухаммадан абдуху уа росуулуху жана Аллахумма-ж'алнии минат-таууаабийна уаж'алнии минал-мутатоххирийн деп айтса ага жаннаттын сегиз эшиги ачылып каалаганынан кирет. 📚 Тирмизи 55. Ибн Коййим Шуъайб Арнаут Албани сахих дешкен. اللَّهُمَّ اجْعَلْنِي مِنَ التَّوَّابِينَ وَاجْعَلْنِي مِنَ الْمُتَطَهِّرِينَ Аллахумма-ж'алнии минат-таууаабийна уаж'алнии минал-мутатоххирийн О Аллахым мени көп тооба кылуучулардан жана (кирден нажастан) тазалануучулардан кылгының! Даараттан кийин жогорудагы эки дубаны тең айтса болот Даарат алганда ар бир мүчөнү жуганда айтыла турган дубасы барбы? Ахлу сунна аалымдар: Дааратта ар бр мүчөөнү жуганда айтылуучу эч кандай дуба келген эмес, кээ бир карапайым адамдар жүзүн жуганда О Аллахым жүздөр карайган күнү менин жүзүмдү агарткын же эки колун жуганда, О Роббим амал китебимди сол колуман бербей оң колуман бергин жана башка ар кандай дубаларды кылышат бирок бул дубаларга сүннөттөн эч кандай сахих далил келген эмес ошондуктан бул бидаат болуп эсептелет деп айтышкан. Даараттан кийин эмне үчүн О Аллахым мени көп тообо кылучулардан жана тазалануучулардан кылгын деп дуба кылынат? Себеби Аллах  таала көп тообо кылыуучулар менен жүрөгүн ширктен денесин кирден, заарадан ж.б нажас нерселерден таза алып жүргөн кулдарын жакшы көрөт буга далил Куранда: {إِنَّ ٱللَّهَ یُحِبُّ ٱلتَّوَّ ٰ⁠بِینَ وَیُحِبُّ ٱلۡمُتَطَهِّرِینَ } "Чындыгында Аллах көп тообо кылуучулар менен нажастан тазалануучу кулдарын жакшы көрөт"-деп айкан.

Чүчкүргөдө айтылуучу дуба. Абу Хурайрадан риваят, Аллахтын Элчиси ﷺ  айтты: Эгерде силердин бирөөңөр чүчкүргөн болсо "алхамдулиллах" деп айтсын! Аны уккан жолдошу ага ярхамукаллох деп дуба кылсын! Кийин чүчкүргөн адам дуба кылган адамга яхдийкумуллох уа юслиху баалакум деп жооп кайтарсын! 📚 Бухари 6424. Чүчкүрүүчү: الْحَمْدُ لِله Алхамдулиллах. Аллахка мактоолор болсун. Угуучу: يَرْحَمُكَ الله Ярхамукаллох. Аллах сени өз рахматына алсын. Чүчкүрүүчү жооп кайтарып. يَهْدِيكُمُ اللَّهُ وَيُصْلِحُ بَالَكُمْ Яхдийкумуллох уа юслиху баалакум Аллах сени туура жолго баштап абалыңды оңдосун! Чүчкүрүүчү алхамдулиллах деп айтпаса ага ярхамукаллох деп айтылабы? Жок айтылбайт! Себеби Анас ибн Маликтен келген хадисте Аллахтын Элчисинин ﷺ  алдында эки адам чүчкүрүп бири алхамдулиллах деп Аллахка мактоо айтканда Аллахтын Элчиси ﷺ ага ярхамукаллох деп дуба кылган. Ал эми экинчиси чүчкүрүп бирок алхамдулиллах деп айтпаганы үчүн ага дуба кылган эмес кийин ал эмне үчүн мага дуба кылбадыңыз деп сураганда Аллахтын Элчиси ﷺ: "Сен чүчкүргөндөн кийин Аллахка мактоо айтпадың"- деп жооп берет. 📚 Муслим 2991. Эмне үчүн чүчкүрүүчү  алхамдулиллах деп Аллахка мактоо айтат? Аалымдар айтышат: Адамдын мурдунун көңдөйүндө зыяндуу нерселер жыйналганда Аллах Таала аны чүчкүрүү жолу менен чыгарып салат эгер ал көңдөйдө калганда кээ бир ооруларга себеп болуп кандайдыр бир деңгээлде адамга зыянын бермек, мусулман ошол нерсени Раббысы жеңил жол менен чыгарып салганы үчүн алхамдулиллах деп Аллахка мактоо айтат. Чүчкүрүүчү алхамдулиллах айтканда эмне үчүн уккан адам ярхамукаллох деп дуба кылат? Чүчкүрүүчү мусулман көңдөйүндөгү зяндуу нерселерди кетирген Аллахка алхамдулиллах деп мактоо айтып сүннөткө амал кылгандыгы үчүн угуучу мусулман ага ярхамукаллох деп дуба кылат.