ضـ

‏مساء الخير يا أصدقاء، ‏أمّا بعد، ‏يقول عايض العاطفي: ‏التجربه تعطيك فكر وسياسه ‏من كان عنده تجربه تنحسب له ‏والقل كل الشر من تحت راسه ‏لو يقنع المخلوق باللي كتب له ‏بعض المشاكل حلها بـ الفراسه ‏لاشان وجه الوقت وامتسّ حبله ‏يضيع فيها فيلسوف الدراسه ‏ويحلها لك شايبً يتبع ابله

‏عن أنفة وكبرياء رجال البادية ‏قال المستشرق الكولونيل توماس لورنس: ‏"البدوي لا يُؤسَر لا يُشترى ولا يُستعبد، الصحراء علمته أن يكون سيد نفسه"

‏مشيت وخطوتي يمكن تشكل للغريب بلاد ‏ضجيج الأرض من خلفي وقدم عيوني السجّه

‏لا انقفل باب من الرزق حراسة وقوف ‏فتًحت بيبان الارزاق .. من كل اتجاه .

‏يجب أن تدرك أن حوائج الناس مقضيّةٌ بأمر الله، ولكن إذا اختارك الله لتكون سببًا في قضائها فذلك فضلٌ منه ومنّة، ‏وأفضل الناس عند الله من تُقضى على يديه حوائج الناس. ‏يقول الشافعي: ‏و أكرَمُ الناسِ ما بَيْنَ الوَرَى رجُلٌ ‏تُقْضَى على يَدِهِ للنَّاسِ حاجاتُ

‏بكره ليا فلّ المحاسب سجلّي ‏ماهوب نافعني غنيم ابن بطّاح

‏دون حدك ترى الشايب يعود شباب ‏لا غرابه وهو حب الوطن شاربه ‏ماتزعزعك دعوات الفتن والخراب ‏شمسنا ماتغيب وشمسهم غاربه ‏من يسالمك يرقى فوق متن السحاب ‏ومن يحاربك لو بالكلمة نحاربه

‏كم واحد قاضي حيلة ووده يطيح ‏ وتوقفه نظرة اللي يحسبونه قوي . ‏

‏حنّا تعاف نفوسنا بعض الامور ‏لو فِعلنا يِتعب ومنطقنا يسم ‏"مهما يدور الوقت فينا ما ندور ‏نواجه ظروف الليال و نبتسم"

العزيز اللي ما نعبد ولا نحمد سـواك ‏نفسي اشملها برحمتك واغفر ذنبها ‏كل ما يذبحني الهم يحييني رجاك ‏اشكي اللي تجهل الناس وانت اعلمبها ‏جعلني من سو الاقدار دايم في حماك ‏وجعل عمدان الهقاوي ما يِقطع طنبها ‏انت ملجا كل خايف وميقن كل شاك ‏وكل نفسً ندري ان ذنبها في جنبها

‏قالت العرب: "اليمين درب الغانمين" ‏يضرب هذا مثلاً لمن يشجع على أن يتجه اتجاهًا يكون له فيه الخير والفأل الحسن ‏وهنا أنشد عبدالله بن عون: ‏طريق الجحود يسار مع سكّة الجحدان ‏وحنّا ليا منه تياسر؟ تيامنّا ‏و مرزوق المقاطي: ‏نحب اليمين وكل دربٍ يروح يمين ‏ولنا سيرةٍ ماتقبل الشتم والذمّي

‏لو شان وجه الزمان وشان وجه الرفيق ‏وجيهنا . . يسري الساري على نورهـا

‏مساء الخير لكل قارئ، ‏أمّا بعد: ‏جعل ماني على متون الرياجيل عاله ‏الليالي قصيره والحوادث ممله ‏ودك الرجل قبل انه يربي عياله ‏يتربى على مبدا التشكي مذله ‏"من بغى المجد شمّر للحمل وارتكاله ‏لين يبني كيان وسمعةٍ مستقله ‏ومن تعوّد على فزعات عمه وخاله ‏كل ماشانت الدنيا برك في محله"

‏من أجمل وأعذب القصائد العاطفية المعاصرة: ‏راحت عسى الله ما يلحقني مشاريه الرجال ‏تقول كنّي ما خلقت من التراب إلا لها ‏وشلون تهجرني وانا مالي على الهجر احتمال؟ ‏وشلون تهملني وانا مانيب اطيق اهمالها ‏وشلون ما تشتاق؟ ما ترحم ؟ما تذكر؟ ما تسال؟ ‏وشلون ما تطلق يدينٍ كبلت بأغلالها ‏