Najmiddin Turon

#ona_tilim_faxrim 21-oktabr – O‘zbek tili bayrami kuni! Oyina.uz portali 12 ta turkiy so‘z atrofida qardoshlarimizni bir joyga jamladi. Rasmiy sahifalarimiz👇 Web-site | Telegram | Facebook | YouTube

Дунёнинг энг бой, энг бахтсиз бир тили қайси тилдир? Биласизми? Туркча. Шоирлик қилмоқчи эмасман, сўзнинг тўғриси шудир. Дунёни энг бой тили туркчадир, энг бахтсиз тили ёна худ (1) туркчадир. Абдирауф Фитрат Мақоланинг тўлиғи будур👇👇👇 https://kh-davron.uz/yangiliklar/muborak-kin/21-fevral-xalqaro-ona-tili-kuni.html

Бир ёқда суйгулинг кўзингдан ғойиб, Бир ёқда ватанинг ғарларга талош. Бир ёқда андуҳинг бормоқда бойиб, Бир ёқда қароққа тўлқин урар ёш. Бир ёқда шимолга сургун йигитлар, Бир ёқда жувонлар жамиятга қул. Бир ёқда ялоғи тиллодан итлар, Бир ёқда танглайи тешилган булбул. Бир ёқда Оролдай шўрлаган манглай, Бир ёқда адашган йўлчидай авом. Бир ёқда ёлғонни айтишар чиндай, Бир ёқда алданиш этади давом. Бир ёқда қулликни тусар кексалар, Бир ёқда ёшанглар фарқи йўқ ҳар ёқ. Бир ёқда келажак ҳиссиз ингранар, Бир ёқда қабрлар ҳайқирар узоқ. Бир ёқда бемалол қиш келаётир, Бир ёқда кўчини тўплар тийрамоҳ. Бир ёқда бемажол дил йиғлаётир, Бир ёқда самога ўрлаётир оҳ. Бир ёқда ҳаммаси ўткинчи гўё, Бир ёқда ҳар бири жон беришга тенг. Бир ёқда измидан қўймайди дунё, Бир ёқда бир ёққа кетгинг келар сен. https://t.me/Najmiddin_Ermatov

Сурнайнинг бўғзига кишанланган сас, Видо фурсатида симрилган нафас, Ташқарида висол, ташқари қафас, Айрилиқнинг минг йиллик эҳроми ичиндамиз. Гул парини ютган уч бош аждаҳо, Баҳодирин кутган ул кўзи шахло, Ташқарида дунё—ташқари рўё, Рўёлиғнинг унутлиғ достони ичиндамиз. Қувғинлиғ наҳрида чўмилган андуҳ, Сандулоч томоғин макон қилган руҳ, Дулдулнинг ёлида уялаган ''чуҳ'', Бу дунёнинг чиндан чин ёлғони ичиндамиз. “Алвидо” сўзидан титраган ҳаво, Ҳаво титроғидан яралган наво, Биз ўша лаҳзада қолиб кетиб-о, Асрлардан барҳаёт бир они ичиндамиз. Рўёлиғнинг унутлиғ достони ичиндамиз. ©Нажмиддин Эрматов 2019, апрел

Faxriyorxonlik davom etadi... 👉 Faxriyor, “Izlam” to‘plami (yangi nashr) 📘 @akademnashr

🗂 "Rauf Parfi ijodining zamonaviy o'zbek she'riyatida tutgan o'rni" mavzusidagi Respublika ilmiy-nazariy konferensiyasidan maqola: 👉 Suhrob Ziyo: "O'zbek yoshlar she'riyatida Turon mavzusining aks etishi" @suhrob_ziyo1

Кузак, йўлимга сув сеп, Ўнгирим чангга ботган, Тошларга ранг улашган Қоним товонда қотган, Фақат сароб кўрсатиб, Ўйимни бойлаб ётган Саҳроли йўлдан ўтдим. Баҳран ортида бир кўшк Ичида гулгун пари, Қумлар йиққан хотира Куйдирар борган сари, Қанчалар бўзлаб чопсам, Шунчалар кўздан нари, Ҳижрон комига отган Жафоли йўлдан ўтдим. Нетайки, алп эмасман Учарга тулпорим йўқ, Ечарга тушовимни Қирқталаб чилтоним йўқ, Шуурга гард юқтирмай Ўтарга имконим йўқ, Зулматни тўсиб ётган Дарёли йўлдан ўтдим. Нарида бир музофот Божга умринг сўрайди, Қавми бир зиндон қурган Минг йилдирки тўлмайди, Руҳингни синдирмасдан Ўтказгани қўймайди, Урҳо-ур бўлиб ётган Ғавғоли йўлдан ўтдим. Кузак, сенга не берай? Умримни йўққа сотдим, Қанотини синдириб, Руҳимни тўрга сотдим, Узоқ йўлда юк бўлган Танимни гўрга сотдим, Идраган кўнгил билан Савдоли йўлдан ўтдим. Кузак, йўлимга сув сеп... Октябрь, 2023 https://t.me/Najmiddin_Ermatov

Мен уйғонгунча ҳамма ўз ишини бир сидра қилиб бўлиб, арча тагидаги дастархон атрофида нонуштага ўтирган бўлади. Ҳаммаси хотин-халаж, бола-бақра. Эркаклар тўрт-беш отарга бўлинган сурув ортидан яйловга кетишган. Менинг ҳам чекимга тушган вазифа бор, чўпонлар ортидан нонушта етказиш. Бу вақтгача отар ҳам тоғнинг қуюқ арчазорлари орасидан очиқ қўриққа чиққан бўлади. Мени кутишади, тугунни олгач яна жангал оралаб кетишади. Ўртасига қаймоқ қўйилган нон ва қатиқ солинган бонкани тугунга жойлаб жўнайман. Итлар одатда сурувга эргашиб кетган, менга қолгани Ўртой лақабли қари кўппак. Эргаштириб кетмасам бўлмайди, йўлда қуюқ арчазор ва булоқ ёнидан ўтишим керак.   Энг қўрқинчлиси шу булоқ, айтишларича еттида мулло йигит шу булоқ бошида ғойиб бўлишган экан. Ҳеч ким йўғида таҳорат олгани чиқармиш тағин... Ўртой ҳам қани гапга кўнса, тугундаги нондан бир бўлак-бир бўлак ташлаб эргаштираман. Булоқдан ўтсам армон йўқ. Аммо унгача ноннинг яримидан кўпи итга насиб қилади. Булоқ бўйи барра ўтлоқ. Товушқонлар макони. Уларни кўргач етти мулло ҳам хаёлдан чиқиб, қуён қувушга киришаман. Аттангки, қуён ҳам тутилмайди, топган фойдам бонкани синдирганим, қатиқни оқизганим бўлади. Чўпонлар олдига боришдан маъно йўқ—нонушта хузурини ит ва ер кўрди. Уйга ҳам қайтиб бўлмайди, даккининг зўрини ейман. Бундай пайтларда ўтов пастидаги тузялоқ аталмиш қўриқ четидаги катта арча қўналғам. Устига чиқиб, Ўртойдан ортган нонни кавшаб ўтираман. Токи уйдагилар айбимни кечириб, урушмаймиз дея ваъда беришмагунча. Ёмони бу қилғилиғим ҳар уч-тўрт кунда бир такрорланади, чўпонлар отар ортидан оч кетишади. Аммо бу қилғилиқ ҳалиям мен билан. Уйғонгунимча отар кетган, ортидан боришимни кутяпти. Унинг олдига боришим учун эса тугуним бут бўлиши керак. Бироқ ҳамон тугундаги бисотимни итларга едириб, қуён қувиб совуриб юргандекман. Қуруқ қўл билан эса манзилга боришдан маъно йўқ. Тузялоқдаги арча ҳам қуриб қолган... https://t.me/Najmiddin_Ermatov

Сен ёқтирган ёмғирлар ёғди, Ойнага урилди видо шитири. Уяси бузилган қушдай руҳимни, Ололмадим уйга киритиб. Босган изларимиз кўлмакка дўнди, Оқчарлоқ мисоли учди нигоҳим. Во ажаб, кўлмакдан нилуфар эмас, Бақалар чиқарди бошини, моҳим. Тўр ташлаб ўтирдим балиқчи чолдай, Бисотимда қолган хўрагим жондир. Тилла балиқнимас, дуридан айри Тутиб қайтаяпман чиғаноқларни. Ҳорғин одимлайман чўлоқ турнадай, Эзилиб ёғмоқда эзғинваш ёмғир. Тешик товоғига тикилиб уйда, Умидвор кутадир қаримсиқ кампир. Бу кампир ўлмади, тинчитмас мени, Борига кўнмаган бу кампир - висол. Гар тирик бўлса у ушбу дунёда, Менинг ҳам тирикдай юрмоғим маҳол. Уйга кириб келдим, яна ғалаён, Кўчага итқитар итдайин хўрлаб. Ё танга кишанла, чиқарма мени, Ё руҳим ол, мана, эй руҳи талаб. Бундай яшамоққа мажол қолмади, Ё куч бер, ёки бу юрагим тинсин. Келгин, кутаяпман, агар келмасанг, Сен ёқтирган ёмғир ёғмасин! Сен ёқтирган ёмғирлар ёғди... https://t.me/Najmiddin_Ermatov

Қачон ва ким айтгани эсимда йўқ, қайсидир гурунгда бир акамиз: “Миллатнинг эрлари ёвга кўксини тутиб ҳалок бўлишган, биз қўрқоқлар—акобда, уйда пусиб қолганлар наслимиз”, деган эди. Аламли гап. 4 октябрь—қаро кун, миллат кўксини ерга босиб йиғлайдиган кун. Элнинг ойдинлари отилган кун. Агар тақвимнинг жони ва эси бўлганда, 4 октябрь ўзини аламдан, камида осарди. Воҳки, бу кунни унутмаймиз, ойдинларимизни отган, сотганларни тоабад ланатлаб ўтгаймиз, бу ланат уларнинг етти авлодига ургай. Тарих чархи айланаверади, айланаверади, элга эллик қилмаганлар мудом чиққай ва доим хоин саналгай.

Сизга тақдим этаётган хотира-эссе шу пайтгача Рауф Парфи ҳақида ёзилган хотиралардан фарқ қилади деб ўйлайман.Чунки у Рауф Парфини жуда яхши билган, узоқ йиллар у билан ҳаммаслак, ҳам дўст, ҳам шогирд бўлган Сулаймон Раҳмон томонидан ёзилган. Яна фарқли жойи шундаки, агар Рауф Парфи ҳақидаги ёзилган хотираларнинг аксарият қисми муаллифлар томонидан ўзларини буюк шоир билан таниш бўлганларини дунёга билдириб қўйиш ниятида ёзилган бўлса,Сулаймон Раҳмон хотиралари теран ва ботиний самимият билан ёзилгани,улуғ шоирнинг сиймосини аниқ ва ёрқин тарзда кўз ўнгимизда намоён этиши билан ажралиб туради.Хотирада Рауф Парфи яшаган муҳит,унинг ўша йиллардаги ўйлари ва кечинмалари,шоирни ёнидаги одамлар ҳақида аниқ ва тиниқ ёзилгани ҳам диққатга сазовор. Эссенинг тўлиғи 👇👇👇 https://kh-davron.uz/kutubxona/uzbek/memuarlar/sulaymon-rahmon-suyuk-va-buyuk-shoir.html

#Rauf_Parfi https://t.me/Najmiddin_Ermatov

Ўттиз қуш қонимни бўзадай ичди, Оҳулар кўзига сиғмади умрим. Менинг осмонимда учмаган ҳурни, Бир тунда алафлар пойида кўрдим. Бўзла энди, бўзтўрғай. Кафтимнинг чизиғин талади йўллар, Пиллақурт касбидан бермади улгу. Қопқонда чорасиз ётган қашқирдай, Бўғзимни йиртгудай увилладим "у-у-у-ув’’, Бўзла энди, бўзтўрғай. Кечалар ожизман, кечалар - хунбор, Куздузлар кифтимга қўнмаган бахтқуш. Ҳар оқшом бўғзимда уяласа мунг, Ҳар сахар кўзимдан сачраб кетар туш. Бўзла энди, бўзтўрғай. Булбул сайроғида висолга умид Куйган кўкайимга ботмоқда тиғдай. Эртамни кўролмай қурига ўша Кўзим косасида узатаман май. Бўзла ўзинг, бўзтўрғай. Олдинда нима бор - илон ютган йўл, Имкон йўқ, қайтиб ҳам бўлмайди изга. Андуҳга чайилган узу-у-ун умрда Ўлув битталиги кам бўлди бизга. Бўзла энди, бўзтўрғай. Ҳар лаҳза - косадай азобга тўла, Тушун, қисмат бўлди симирмоқ жабри. Бутун ҳаётини шундай куйдириб, Бўзлаб ўтар одам айтяпти. Бўзлагин-ай, бўзтўрғай. Нажмиддин Эрматов сентябрь, 2019

"Ўсса фарёд ўстириб, Адо бўлган йўлдамиз..." Н.Э.

#oyinapodkast ⚡️Kino - san'at,  ammo u propagandaga aylanganda sovuq quroldan ham xavfli bo‘ladi. Haqiqiy kino qanday bo‘ladi? Nega o‘zbek filmlari sovet propagandasi ta'siridan xalos bo‘la olmayapti? "Oyina" podkastning ilk sonida  propagandaga aylangan filmlar haqida gaplashamiz. You tubeda ko‘rish: https://youtu.be/79zCUx1T9tM Rasmiy sahifalarimiz👇 Web-site | Telegram | Facebook | YouTube‌‌

Кўнглимни сўрайсан, Ҳа, кўнглим бордир— Дунёни сиғдирган, Сени сиғдирган, Бошдан оёққача бус-бутун юрак. Менинг топинганим ўшаку ахир, Энди бу дунёлар менга не керак. Ишқимни сўрайсан, Ҳа, ишқим бордир— Хув, ўша одамга  жон кирар маҳал чалинган мусиқадан ажралган наво. Мен унинг сеҳри-ла яна қайтадан Яратиб олгайман бошқа бир дунё. Фақат сўрамайсан, Сўрай олмайсан. Менинг яна битта азобим бордир— Яратган яратган, эй, тенгсиз дилдор, Ҳижронга эврилган умр йўлимда— Менинг сен сиғмаган пешонам ҳам бор. Нажмиддин Эрматов

Telegram’dagi saviyasiz va bemaza kanallardan zerikdingizmi? Hamma joyda “aylanadigan” bir xil rasm/videolardan bezib ketdingizmi? Unda sizga ziyolilarga mo‘ljallangan kanalni tavsiya qilamiz – “Madaniyat va ma’rifat” telekanali. O‘zbekistonda o‘z yo‘nalishida yagona bo‘lgan telekanalning rasmiy sahifasida ziyolilarning millatni uyg‘otuvchi teran fikrlari, ilm-fan, adabiyot, san’at, kino va kitobxonlikni targ‘ib qiluvchi ko‘rsatuvlar joylab boriladi. Obuna bo‘ling – “Madaniyat va ma’rifat” telekanali!

Биз ҳақимизда ўзимизга айтинг! 📊 “Муштум” журнали расмий телеграм канали томонидан сўровнома ўтказяпмиз. Унда қатнашиб, сўровномамизни тўлдирсангиз хурсанд бўламиз. 👉Сўровнома манзили👈 Бизнинг ижтимоий тармоқлар ⬇️ Telegram | Facebook

​​ҚАСАМ Шавкат Раҳмон деган  бир ўжар шоир,  бир куни қайтадан яраладими?  Ҳаётим маънисин жуда кўп ўйлаб,  сайладим сўзларнинг сараларини.  Ҳар бир сўз  юз сўзнинг ўрнини босар —  Ватан, Халқ, Жасорат, Кураш, Озодлик.  Ҳар бир сўз етажак юзта умримга,  ҳар бири бахш этар руҳимга шодлик.  Ҳозирлик кўраркан буюк сафарга,  пуштиранг пардали минглаб дарчадан мўралаб ўтирган гўзал сўзларни,  қолдириб кетаман энди барчага.  Аслида атиргул бўйин таратган бу ўйноқи сўзлар меникимасдир.  Менга нондай зарур, қиличдай кескир,  заҳардай мард сўзлар бўлсаёқ басдир.  Сайладим сўзларнинг сараларини,  курашлар шамоли кирди назмимга.  Юртимни кезаман,  энди ҳар нарса —  эгилган нарсалар тегар ғашимга.  Энди ишлаш керак бу кенгликларда,  токим сўйламасин ёлғонни ҳеч ким,  токим буюк тоғлар салтанатида эгилган бошларни қиличлар кессин. Шавкат РАҲМОН @Najmiddin_Ermatov