̲﷽🌸 ꙰꯭꯭ATIRGUL IFORI 🌸꯭꙰̲﷽
Яна хаёт , кайтиб ортига. Яна бир бор, берганда имкон. Сени севиш, гунох дейишса. Яна гунох килардим, ишон ❤❤❤ Севиб севилмок гар булса гунох , Мухаббатни нечун яратди Аллох ... ⏰18.04.2021-yil. Фотолар📸 Ҳикоялар📚 Қўшиқлар🎤 Шеьрлар📓
نمایش بیشتر649
مشترکین
-124 ساعت
-27 روز
-830 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
ЧОРШАНБА ТУНИНГИЗ
ОСУДА ЎТСИН!!!
Muslima Kamolova.mp32.02 MB
00:18
Video unavailableShow in Telegram
🌛𝑿𝑨𝒀𝑰𝑹𝑳𝑰 𝑶𝑸𝑺𝑯𝑶𝑴𝑳𝑨𝑹🌚
✨🌙 Хайрли окшом дилга якин, яхши инсоним!
✨🌙 Умримизнинг яна бир кайтарилмас сахифаси якунланиб бормокда окшом хайрли булсин!
✨🌙 Омонат дунёда омон булинг !
✨🌙 Аллохим хар бир килаётган хайрли ишингиздан, босган хар бир кадамингиздан рози булсин.
✨🌙 Жисмингизга соглик, калб оламингизга хотиржамлик тилаймиз.
✨🌙 Топганингиз халол, бойлик килган ибодатларингиз ажру савобларга тула булсин!!!
✨🌙 Оқшомингиз тинч ва осуда утсин...
3.18 MB
Photo unavailableShow in Telegram
Бирпас хаёлларга боғланиб турдим,
Турфа саволларга боғланиб турдим.
Не бўлар, ўзинг айт, онажон юртим,
Шоир рост сўзини айтмасдан қўйса?!
Бағрингни ёғийлар тўлдирмасмикин?!
Меҳмон мезбонини ўлдирмасмикин?!
Ёлғон юрт тўрида ўлтирмасмикин?! –
Шоир рост сўзини айтмасдан қўйса...
Эркин фикрларни сириш ортар-ку,
Силлиқ рухсорларда тириш ортар-ку,
Иймон-эътиқодда чириш ортар-ку,
Шоир рост сўзини айтмасдан қўйса...
Одам одамлигин қўйгай унутиб,
Лойқа талотумни бўлмас тинитиб.
Соврилмоғи тайин, чарҳи дун йитиб,
Шоир рост сўзини айтмасдан қўйса...
Минбар, китоблардан қилинг қувғинди,
Увол эрур унга ҳатто ювинди.
Майли, ғурбатларга бўлсин сиғинди,
Шоир рост сўзини айтмасдан қўйса...
Ғурбат ҳам жирканиб, атасин «хоин»,
Ундан дариғ тутсин бир парча жойин.
Умрлик қисмати шу бўлсин доим,
Шоир рост сўзини айтмасдан қўйса...
Яшноқ кўрай, дейман, юртим атласин,
Ҳар жилоси унинг рост шеър ёдласин!
Портлай қолсин замин, осмон
портласин,
Инсон рост сўзини айтмасдан қўйса...
© Гулчеҳра Нуриллаева
Photo unavailableShow in Telegram
* * *
Менинг қайғуларим узундан узоқ,
Сенинг шодликларинг чексиздир бироқ,
Унга ҳам, бунга ҳам ишонма. Чунки,
Бу дунё ҳаммани қилар ўйинчоқ.
© Умар Ҳайём
Photo unavailableShow in Telegram
* * *
Қийналади офтобни кутиб
Ёмғирларда ивиган шаҳар.
Ухлаб қолдинг, йиғлаб, қон ютиб,
Кўринганда уфқда саҳар.
Мен тақдиримдан ҳеч нолимайман,
Гар алмашди шомга тонгимни.
Олиб келди бу оқшом билан
Узоқларда қолган жонимни.
Менинг сарсон умримга ойдин
Ривож тилаб у чекди фиғон.
Оёғини тавоф қилдим мен —
Дунёда энг омадсиз ўғлон.
У ҳеч нарса қилмади талаб,
Минг ўргилди қошу кўзимдан.
Унинг қаро сочларни силаб,
Бу тун кечдим ҳатто ўзимдан.
Ёмғир ёғди майда-майдалаб,
Майда-майда бўлди юрагим.
Тонг отгунча қайта-қайталаб,
"Севасанми" дея сўрадим.
Қийналади офтобни кутиб,
Ёмғирларда ивиган шаҳар.
Сен кетасан қайга қон ютиб,
Мени қайга бошлайди саҳар?
©Усмон Азим
Photo unavailableShow in Telegram
КЕТДИМ...
Соғинсангиз, стол устида
Шеърларим ёзилган дафтар туради.
Қайтсангиз, варақлаб кўринг оҳиста,
Сатрлар сиз билан суҳбат қуради.
Истасангиз отинг уни оловга,
Гулхан мавжларидан боқиб турар кўз…
Мен раво кўрмадим бошқа бировга,
Бор шеърим “СЕВАМАН” деган битта сўз
Photo unavailableShow in Telegram
Хаволаниб учган зарраю
қумлар,
Сувга етиб келгач елданда
қолар,
Тоғлардан сел билан оқаётган
тошлар,
Тузга етиб келгач тузларда
қолар,
Бу дунё алдоқчи ишонма унга,
Отангдан қолгандур сенданда
қолар.
Йўлга чиқсанг ўнгу-сўнгинга
қара
Қанча мозор, қанча мақбара,
Унда барча тенгдир гадою тўра,
Созанда чалаётган найингдан
сўра
Созу, нозу, раққоса, эски ноғора
Бошқалардан қолган сенданда
қолар.
© Муҳаммад Юсуф
Photo unavailableShow in Telegram
ОШИҚЛАРГА ЎЛИМ ЙЎҚ
Эрам каби бўстонинг гулзорига йўлим йўқ,
Қўлларингдан тутмоққа журъат қилар қўлим йўқ,
Сенсиз ўзим йўқдирман, сенсиз куним-туним йўқ,
Ўлай десам ўлмадим, ошиқларга ўлим йўқ.
Энди пинҳон қаддингни соғинмоққа маҳкумман,
Ошиқман-у, ошиқлик даъвосидан маҳрумман,
Дарди бедаво ошиқ давосидан маҳрумман,
Ўлай десам ўлмадим, ошиқларга ўлим йўқ.
Тунлари чўғ устида куйиб кетди бир жоним,
Куюк дилнинг кулгуси рост бўларми, жайроним,
Мажнундан баттар хароб бўлганида бу ҳолим
Ўлай десам ўлмадим, ошиқларга ўлим йўқ.
Энди мени қоп-қора тун севсин, сен севмасанг,
Хазон ёки кўнглимдек қул севсин, сен севмасанг,
Нега яшаб юрибман қадди гул, сен севмасанг,
Ўлай десам ўлмадим, ошиқларга ўлим йўқ.
Тупроқ бўлай, лоақал изинг тушиб ўтар-ку,
Товонинг қучиб олсам, кўзинг тушиб ўтар-ку,
Сўз билан койиб қоқсанг, сўзинг тушиб ўтар-ку,
Ўлай десам ўлмадим, ошиқларга ўлим йўқ.
©Рислиғой Ҳотамова
Photo unavailableShow in Telegram
БИР ҚАРАБ ҚЎЙИНГ
Кўзларимга боқинг,
юзимга боқинг..
Қалбимга боқингда
кўнглимга боқинг...
Хаста дил ўртаниб
пинҳон ёнадир,
Чанқаган дудоқлар
қачон қонадир..
Кулган юзларимга
таббассум бўлинг,
Лабларим устига
хол бўлиб қўнинг.
Чарос кўзларимда
товланиб туринг.
Кўзларимга боқинг
юзимга боқинг
Йўл юрсам, йўлимда
ҳамроҳим бўлинг,
Яхши ёмонимга
гувоҳим бўлинг.
Шеър ёзсам сатрида
ўйноқлаб кулинг,
Кўзларимга боқинг
юзимга боқинг.
Ҳар сатрим пойида
Сизни кўраман...
Бошланган жойида
Сизни кўраман..
Осмоним, ойимда
Сизни кўраман
Сўзларимга боқинг
ўзимга боқинг
🖊 РАЪНО АЛИЕВА