Walid Rabia | وليد ربيع

قعدة كارير ،، قناتنا علي انستجرام انضم من هنا

بتستغرب لما الناس تقلل منك؟ شوف البوست ده

أنا شايفك 👌

النهاردة الجمعة ،، إجازة، وده معناه وقتك ملكك. بس السؤال: هل لما الوقت بيبقى ملكك، بتعرف تستمتع بيه؟ ولا بتحس بتأنيب ضمير؟ ولا الشغل لسه واخد زاوية جوا دماغك، حتى وإنت بعيد؟ “قعدة كارير” مش بس عن الشغل، هي كمان عن العلاقة بينك وبين نفسك برا الشغل. خد اليوم ده تريح فيه… مش بس جسمك، لكن دماغك كمان. وافتكر: الراحة مش كسل، دي صيانة دورية. #قعدة_كارير_مع_وليد #جمعة_مباركة #فكر_برا_الشغل

فـ مرة سألت حد في جلسة: “لو ما فيش راتب… هتفضل في نفس الشغل ده؟” سكت شوية، وضحك وقال: “أنا أصلاً مش عارف هو إيه اللي بعمله.” كتير مننا شغالين على سرعة ١٢٠، بس مش عارفين إحنا رايحين فين. القعدة دي علشان كده اتعملت. مش علشان تشتغل أكتر، لكن علشان تفهم ليه بتشتغل أصلاً. ✍️ لو السؤال دا جه في بالك قبل كده… رد عليا بجملة واحدة. – وليد #قعدة_كارير_مع_وليد #فكر_في_شغلك

👋 أهلًا بيك في “قعدة كارير مع وليد” هنا هنفكر سوا بصوت هادي عن الشغل، والكارير، والقرارات اللي مش دايمًا سهلة. مش لازم تكون عارف إنت رايح فين… كفاية إنك بتدور. هوصلك كل فترة برسالة صغيرة… فيها فكرة، موقف، أو جُملة تفكرك إنك مش لوحدك في الطريق. خليك متابع… أول قعدة جاية قريب ✨ شير مع زملاءك واصحابك وتيم الشغل👌 #قعدة_كارير_مع_وليد انضم لقناة الماسنجر من هنا 👇 https://www.messenger.com/channel/WalidRabiaWR

‎سياسة ( فرق تسد) لما المدير يلاقي قوة الفريق خطر فيديو مهم لكل بيئات العمل دوس هنا عشان تشوف الفيديو

الموظف اللي سكت !

دخلت أول يوم شغل متحمس ومتوتر، وحاسس إني مستعد لأي تحدي! كنت فاكر نفسي شاطر، وعندي اللي يخليني أبدأ بداية قوية. لكن الحقيقة؟ الشغل كان ليه رأي تاني. وأنا لسه بتعرف على الناس، جه قدامي واحد من أقدم الموظفين هناك… بصلي بنظرة باردة، وقال لي جملة مش قادر أنساها لحد النهاردة: "إنت جديد؟ تبع مين؟ خريج إيه؟ هنا الشغل مش شهادات… لو معرفتش تتعلم من تحت لتحت، مش هتعرف تعمل حاجة!" الجملة دي خبطتني… يعني إيه "من تحت لتحت"؟ الدنيا هنا ماشية بالفهلوة؟ ولا الشغل كله أسرار محدش بيقولها؟ اليومين اللي بعدهم كانوا أصعب مما تخيلت! الشغل سريع، الناس فاهمة كل حاجة كأنهم حافظين اللعبة، وأنا واقف حاسس إني متأخر عن الكل! كنت بعمل غلطات، وأسأل كتير، وكل مرة بحس إن المسافة بيني وبينهم كبيرة. لكن بدل ما أحبط نفسي، قررت أفهم اللعبة! بدأت أراقب وأتابع، أتعلم من التفاصيل اللي مش مكتوبة، وأسأل مش بس عن "إزاي"، لكن "ليه". بدأت أسمع أكتر ما أتكلم، وأفهم المكان مش بس الشغل. وبعد سنة… نفس الشخص اللي صدمني في أول يوم، بصلي وقال لي: "إنت اتعلمت بسرعة… وده اللي بيخلي الواحد ينجح." وقتها فهمت درس عمري ما هنساه: ✅ النجاح مش بس في إنك تعرف، النجاح في إنك تتعلم بسرعة وتندمج مع الناس وتسمع أكتر ما تتكلم. 🚀 أهم درس من أول يوم؟ مش عيب تكون جديد، العيب إنك تفضل مكانك وما تتعلمش! تابعوا البيدج علي الفيس بوك #٢٠سنة_شغل

الشهر ده أتميت ٢٠ سنة شغل 😊 رحلة طويلة مليانة مواقف، ناس، وتجارب متنوعة، مليانة تحديات، نجاحات، ودروس عمرها ما بتتنسي.👌 خلال السنين دي، قابلت ناس كانت سند ودعم، وناس كانت عكس كده تمامًا! اتعلمت من البعض، واتعلمت بسبب البعض التاني. قابلت ناس حلوة فادتني كتير، وناس وحشة علمتني دروس صعبة بس مهمة. كل موقف كان له تأثير، كل تجربة سابت علامة وده اللي خلاني قررت أشارك معاكم الحكايات دي، يمكن تلاقي فيها درس يفيدك أو تجربة تختصر عليك طريق طويل. هتكلم عن المواقف الحلوة والصعبة، عن الناس اللي ساعدتني، واللي حاولت تعطلني، وعن إزاي كل ده شكّل رحلتي المهنية والشخصية. استنوا ... والرحلة لسه مكملة! 🚀 —- تابعوا علي بيدج الفيس بوك

اليوم مع الشباب الجميل في (جامعة المستقبل FUE ) شكرا لكل التيم والحضور وكرم الاستقبال والضيافه ❤️🙏

السيره أطول من الشغل، لما يخلص الشغل وتعدي السنين، الناس مش هتفتكرك بالـ Target ولا الـ planning بتاعك الناس هتفتكر الشخص السهل، المرن، الجدع، الأصيل، المحترم مع كل الناس، الواضح اللي بينسب كل فضل لصاحبه .. غلطان لو افتكرت إن الشطاره إنك تحقق مكان ومنصب كويس تحافظ عليه، الشطاره إنك تحقق سيره كويسه كلها حب وسط ذكريات الناس، الشغل بيعبر عن احترامنا وتربيتنا وأخلاقنا، مش بيئه عدائـيه كلنا بنعلّي على بعض وبنلبّس بعض .. رزقك في النهايه واحد ومكتوب وهيجى في معاده .. سذاجه لو تخيلت إن قلة الأصل والمقالـب و الحـ روب بتزود أو تسرع رزقك .. السيره أطول من الشغل، السيره أطول من العمر. شارك برأيك علي البوست من هنا

مفيش حاجة إسمها فُلان وحش فى الشغل لكن بره الشغل كويس، فى حاجة إسمها فُلان وحش والشغل بيظهره على حقيقته. شوف الفيديو وقولي موافق ولا لا 👇 https://www.tiktok.com/@walidrabiawr/video/7362205739366042886?_t=8lrIvHhQu4j&_r=1

من أكتر أسباب فشل العلاقات 👇👇 https://vm.tiktok.com/ZMMqSr3es/

تأثر المسافة بين مكان الشغل والبيت https://vm.tiktok.com/ZMMVWdso1/

تابعوني علي انستجرام من هنا صفحتي الفيس بوك من هنا

كل عيد وانتم بخير وسعاده ❤️

فيه فترة هتمر بيها في حياتك هتربيك قوي، هتخليك تكبر سنين قدام، شوف الحكايه من هنا : 👇 https://vm.tiktok.com/ZMMD9jgt7/

فيديو ملخص يومين من مشاركتي في Egypt Career Summit لينك الفيديو من هنا