Quva tumani hokimligi

“O‘zbekiston yoshlar ligasi” platformasi ishga tushiriladi. Yoshlarimiz o‘z natijasini platformaga kiritadi. Bu ma’lumotlar vazirliklar tomonidan o‘rganiladi va yoshlarga ball beriladi. Yuqori ball to‘plagan o‘g‘il-qizlarimizga ta’limda grant, kontraktga chegirma, “kasb vaucheri” beriladi, xorijda o‘qish puli qoplanadi. Tadbirkorlikda imtiyozli kredit olish, akselerator dasturida qatnashish imkoni yaratiladi. Ish joyida xorijiy stajirovka tashkil etiladi, davlat xizmati uchun kadrlar zaxirasiga kiritiladi, uy-joy olishda imtiyozli ipoteka ajratiladi. Yil yakunida eng yuqori natijalarga erishgan yoshlar tantanali taqdirlanadi.

“Umuman, “O‘zbekiston yoshlar ligasi” barcha maktab va texnikum o‘quvchilari, o‘zimizda va xorijiy oliygohlarda o‘qiyotgan va ilm-fan bilan shug‘ullanayotgan yigit-qizlarimiz, davlat va xususiy sektorda ishlayotgan yoshlarimiz, chet eldagi vatandoshlarimizning farzandlarini Yangi O‘zbekistonni barpo etish yo‘lida birlashtiradigan umummilliy harakatga aylanadi”,

– dedi Prezidentimiz. Facebook|Instagram|X

Yoshlar uchun kasb va til o‘rganish, ishga joylashish, tadbirkorlik bo‘yicha o‘nlab xizmatlar mavjud. Bu xizmatlardan “yagona darcha” tamoyili asosida foydalanish uchun Yoshlar xablari tashkil etiladi. Ushbu tajriba Surxondaryodan boshlanib, bosqichma-bosqich boshqa hududlarda ham ommalashtiriladi. Hozirda 87 ming davlat xizmatchisidan 16,5 ming nafarini 30 yoshgacha bo‘lganlar tashkil qiladi. Shundan 902 nafari rahbarlik lavozimida ishlamoqda.

“Salohiyatli yoshlarimiz juda ko‘p. Vazir va hokimlar yoshlarga ishonch bildirib, mas’uliyatli lavozimga qo‘yishdan cho‘chimasligi kerak”,

– dedi Prezidentimiz. Shu maqsadda yosh liderlarni aniqlash bo‘yicha 5 ta yo‘nalishda “TOP-100” dasturi amalga oshiriladi. Dastur doirasida “yangi iqtisodiyot”, AT va sun’iy intellekt, ta’lim, tibbiyot va qishloq xo‘jaligi bo‘yicha yurtimizdagi yoshlar hamda chet eldagi vatandoshlarimiz uchun ochiq tanlov e’lon qilinadi. Har ikki yilda bir marta o‘tadigan mazkur tanlovning 100 nafar g‘olibi 50 million so‘mdan mukofotlanadi va rahbarlik lavozimiga tayinlanadi. Har bir vazirlik va tarmoq o‘z yo‘nalishida “TOP-100” iqtidorli yoshlar” dasturini boshlaydi va o‘z yo‘nalishidagi xalqaro tashkilotlarga stajirovkaga yuboradi. Mutasaddilarga yiliga 2 ming nafar yoshni xalqaro tashkilotlarga stajirovkaga yuborish bo‘yicha rejani tasdiqlash va ijrosini ta’minlash topshirildi. Facebook|Instagram|X

Prezidentimiz oliygoh bitiruvchisini ishga olgan tadbirkorga yosh mutaxassis uchun daromad va ijtimoiy soliq bir yil ichida 1 foiz etib belgilanishini e’lon qildi. Bu 200 mingga yaqin oliygoh bitiruvchisini ishga olgan tadbirkorlar uchun katta rag‘batga aylanadi. Hozirda ijtimoiy reyestrga kirmagan, lekin ota-ona qaramog‘idan mahrum bo‘lgan, harbiy xizmat, migratsiya va jazoni o‘tab qaytgan, jismoniy imkoniyati cheklangan yana 1 million yoshlarimiz bor. Ularga ozgina yordam berilsa, o‘z yo‘lini topa oladi. Bunday yoshlar bilan ishlash bo‘yicha “Kafolatlangan birinchi qadam” paketi joriy etiladi. Bu jarayonda “ustoz-talaba” dasturi asosida uyushmagan yoshlarni o‘qitib, oliygohga kirishiga ko‘maklashgan talabalarga magistraturaga kirishda qo‘shimcha ball, davlat stipendiyalarini olishda ustuvorlik beriladi. Hozirda savdo, servis, ishlab chiqarish sohalarida o‘z brendiga ega minglab yoshlarimiz bor. Prezidentimiz ularni uyushmagan tengdoshlariga biznesni o‘rgatishga, o‘z brendi asosida ishlashga sharoit yaratib, daromad topishiga ko‘maklashishga chaqirdi. Shu maqsadda “Yoshlar mini-franshizasi” dasturi ishga tushiriladi. Ularga faoliyatini kengaytirish uchun imtiyozli shartlarda yer va kredit beriladi. Mahalliy brendlar franshizasini oladigan yigit-qizlarga Yoshlar tadbirkorligi jamg‘armasidan 300 million so‘mgacha foizsiz ssuda ajratiladi. Mazkur dasturlarni moliyalashtirish uchun 500 milliard so‘m yo‘naltiriladi. Facebook|Instagram|X

Bugun xorijiy tillarni mukammal biladigan yoshlarimiz soni 650 mingdan oshdi.

“Ularga buyuk tariximiz, boy madaniy merosimiz to‘g‘risida xorijiy tillarda kontent tayyorlashni o‘rgatsak, yurtimiz turizm salohiyatini targ‘ib qilishga katta hissa qo‘shib, yuqori daromadga ham ega bo‘ladi”,

– dedi Prezidentimiz. Shu maqsadda “raqamli kontent” platformasi ishga tushirilib, har yili 20 milliard so‘mdan ajratib boriladi. Hozirda 150 mingdan ziyod yoshlar xorijda ta’lim olyapti, ilm-fan bilan shug‘ullanyapti. Yurtimiz turizm va eksport salohiyatini oshirishda bu yoshlarning imkoniyatidan foydalanib, ularni o‘ziga ham daromad keltiradigan tizim yaratiladi. Talabalar o‘zi o‘qiyotgan davlatdagi bozor, mahsulot va xizmatlarga talabni tahlil qilib, mahalliy ishlab chiqaruvchilarga yetkazadi, yurtimiz salohiyatini namoyish etadigan stendlarni joylashtirib, turistik marshrut va mahalliy mahsulotlarni taqdimot qilib boradi. Buning uchun ularga grantlar ajratiladi. Facebook|Instagram|X

Qo‘lida kasbi bo‘lib, xalqaro talablar asosida yangi ko‘nikmalarni egallamoqchi bo‘lgan yoshlarga “kasb vaucheri”ni berish yo‘lga qo‘yiladi. Ushbu “kasb vaucheri” foizsiz ssuda shaklida bo‘lib, har yili 50 ming nafar yoshning zamonaviy kasblarni o‘rganish xarajatlari qoplab beriladi. Ehtiyojmand oilalardagi 85 ming ishsiz yoshlar xususiy o‘quv markazida kasb egallashi uchun bepul “vaucher” taqdim etiladi. Shu yilning o‘zida “kasb vaucheri” va bepul “vaucher” tizimi uchun 120 milliard so‘m ajratiladi. Talab bo‘lsa, ushbu mablag‘ ko‘paytirib boriladi. Xorijiy tilni puxta o‘rganib, yuqori natija bilan sertifikat olgan yoshlarga bu xarajatini qoplash tizimi o‘zini oqladi. Prezidentimiz buni xalqaro kasb sertifikatini olganlarga ham tatbiq qilishni taklif etdi. Yoshlarga kasb o‘rgatishning eng muhim bo‘g‘ini bo‘lgan texnikumlarda xususiy sektor ishtiroki yanada kengaytiriladi. Buning uchun texnikum ochishdagi litsenziya sharti soddalashtirilib, 20 dan ortiq talab bekor qilinadi. Yangi o‘quv yilidan xususiy texnikumlarga ham kasbga o‘qitish bo‘yicha davlat granti beriladi. Yana bir yangilik – xalqaro kasb tanlovlarida g‘olib bo‘lgan davlat va xususiy texnikum o‘quvchilari 100 million so‘mdan, ularni tayyorlagan ustozlari 50 million so‘mdan mukofot oladi. Facebook|Instagram|X

“Bugungi kunning muvaffaqiyat formulasi, ertangi taraqqiyotning mustahkam zamini uchta eng muhim ustunga tayanadi. Bu – bilim, kasb va texnologiya! Mening niyatim – har bir yigit-qiz ana shunday imkoniyatga ega bo‘lib, hayotda munosib o‘rnini topsin”,

– dedi Prezidentimiz. Shuning uchun har yili 500 ming o‘g‘il-qizni zamonaviy kasbga ega bo‘lishini ta’minlaydigan “Kelajak bilimlari ekotizimi” yo‘lga qo‘yiladi. Hududlarimizda “O‘quv markazi qurib, yoshlarga kasb va til o‘rgataman” degan o‘g‘il-qizlar ko‘payib bormoqda. Endilikda bu maqsadlar uchun yer va davlat obyektlari imtiyozli narxda auksionga chiqariladi. Yoshlar to‘lovni besh yilda foizsiz bo‘lib to‘laydi. Infratuzilmaga zarurat bo‘lsa, davlat qilib beradi. O‘quv markazini qurish va jihozlash uchun kredit stavkasining 7 foizi kompensatsiya qilinadi. Yoshlar o‘quv markazlariga xorijiy ilg‘or o‘quv dasturlari va o‘qituvchilarni olib kelsa, davlat ushbu xarajatning yarmini qoplashga ham tayyor. Facebook|Instagram|X

Prezidentimiz O‘zbekiston milliy terma jamoasining futbol bo‘yicha jahon chempionatidagi ishtirokiga to‘xtalib o‘tdi.

“Milliy jamoamizning AQSh va Meksika maydonlaridagi o‘yinlarini butun xalqimiz bilan bir tan-u, bir jon bo‘lib, katta his-hayajon bilan kuzatib bordik. Futbolchilarimiz FIFA reytingida 5-o‘rinda turgan Portugaliya, 13-o‘rindagi Kolumbiya hamda ko‘plab futbolchilari Yevropaning yetakchi klublarida toʻp suradigan Kongo terma jamoalari bilan o‘tkazilgan o‘yinlar orqali o‘ziga tajriba orttirdi, mundial nafasini his qildi desak, to‘g‘ri bo‘ladi. Abbos Fayzullayev va Eldor Shomurodov jahon chempionatidagi ilk gollarini kiritib, xalqimizga xursandchilik bag‘ishladi. Milliy terma jamoamizning jahon chempionatidagi ishtiroki to‘g‘risida turli fikrlar bildirilmoqda. Lekin Vatanimiz sharafini himoya qilgan terma jamoamiz a’zolariga ortiqcha his-tuyg‘u bilan e’tiroz bildirish, ulardan ayb qidirish xalqimizga xos ish emas. Aksincha, bugun ularni qo‘llab-quvvatlash, ruhini ko‘tarish har qachongidan ham muhim”,

– dedi Prezidentimiz. Katta g‘alabalar hali oldinda ekani, buning uchun futbolni rivojlantirishga yanada keng sharoitlar yaratilishi, bu sohaga investitsiya ko‘paytirilishi taʼkidlandi. Eng avvalo, bolalar futboliga eʼtibor kuchaytirilib, mazkur sport umummilliy harakatga aylantiriladi. Kelasi yilning yanvarida Saudiya Arabistoni maydonlarida o‘tkaziladigan futbol bo‘yicha Osiyo kubogiga tayyorgarlik hozirdan boshlanadi.

“Biz jamoamizga ishonamiz va ushbu musobaqada ham butun xalqimiz bilan qo‘llab-quvvatlaymiz!”

– dedi Prezidentimiz. Facebook|Instagram|X

“Bugun o‘zining bilimi, iste’dodi, tashabbuskorligi va fidoyiligi bilan Yangi O‘zbekiston taraqqiyotiga munosib hissa qo‘shib kelayotgan yoshlarimiz safi kengayib borayotgani barchamizni xursand qiladi”,

– dedi davlatimiz rahbari. Kecha Prezidentimiz mana shunday o‘g‘il-qizlarimizdan bir guruhini “Kelajak bunyodkori” medali va “Mard o‘g‘lon” davlat mukofoti bilan taqdirlash haqidagi farmon va qarorni imzoladi. Bugun ushbu mukofotlar o‘z egalariga tantanali ravishda topshirildi.

“Butun xalqimiz nomidan bugungi davlat mukofotlari sohiblarini yana bir bor tabriklayman. Mazkur yuksak e’tirof sizlarni yangi marralar sari yetaklasin! Safingiz yanada kengayaversin!”

– dedi Prezidentimiz. Facebook|Instagram|X

“Bilinglar, endi davlatlar hududi bilan emas, bilimi bilan, aholi soni bilan emas, texnologiyasi bilan, tabiiy boyliklari bilan emas, inson kapitali bilan raqobatga kirishmoqda. Bilim, ilm-fan va tafakkur mahsuli bo‘lgan yangi “Bilimlar iqtisodiyoti” hal qiluvchi kuchga aylanib bormoqda. Men bilaman, o‘g‘il-qizlarimizning har birida katta salohiyat bor, iste’dod bor, iqtidor bor. Sizlar o‘z davrida buyuk kashfiyotlari bilan dunyo sivilizatsiyasiga ulkan hissa qo‘shgan, Birinchi va Ikkinchi Renessansning “aql chirog‘i” bo‘lgan buyuk ajdodlarimizning munosib vorislarisiz. Albatta, vorislik faqat faxrlanish emas, vorislik bu ulkan mas’uliyat hamdir! Ajdodlarimiz insoniyat taraqqiyoti uchun qanday buyuk ishlar qilgan bo‘lsa, sizlar Yangi O‘zbekistonda yangi uyg‘onish davri – Uchinchi Renessans poydevorini yaratadigan kuch bo‘lishingiz kerak!”,

– dedi Prezidentimiz. Facebook|Instagram|X

Prezidentimiz amalga oshirilgan sa’y-harakatlar hisobiga yurtimizda yoshlar bilan ishlash muhiti tubdan o‘zgarganini ta’kidladi. Xususan, bilim olish, kasb-hunar egallash, til o‘rganish, ish topish va biznes boshlashda qiyinchilikka uchragan 1,5 million yoshlarning muammosi “Yoshlar daftari” orqali hal qilindi. Alohida dasturlar asosida jozibador biznes muhiti va imtiyozli resurslar natijasida yosh tadbirkorlar soni 5 karra ko‘payib, 287 mingdan oshdi. O‘quv markazlarini ko‘paytirishga qulay sharoit yaratilgani uchun xorijiy tillarni intensiv o‘rganayotgan yigit-qizlarimiz 3,5 millionga yetdi. Iqtidorli o‘quvchi va talabalarimiz nufuzli fan olimpiadalarida 434 ta, yosh sportchilarimiz xalqaro musobaqalarda 2 ming 245 ta medalni qo‘lga kiritdi. Tarbiyasi og‘ir yoshlarga huquq-tartibot idoralari va hokimlar biriktirilgani uchun ikki yilda yoshlar jinoyatchiligi 2,5 karra kamaydi.

“Lekin bu – yoshlar bilan bog‘liq barcha masalalar hal bo‘ldi, degani emas”,

– dedi davlatimiz rahbari. Yoshlar masalalari uchun mas’ul idoralar, vazirlar, hokimlar, rektorlar, texnikum va maktab direktorlari yoshlar muammosi, ehtiyoj va qiziqishlari bo‘yicha tinimsiz ishlashi kerakligi ko‘rsatib o‘tildi. Facebook|Instagram|X

Prezident Shavkat Mirziyoyev yoshlar bilan uchrashuv o‘tkazmoqda. Davlatimiz rahbari yurtimizdagi barcha yoshlarni bayram bilan samimiy tabrikladi.

“Biz islohotlarimizning ilk kunlaridan yoshlarni qo‘llab-quvvatlash, ularning orzu va intilishlarini ro‘yobga chiqarishni davlat siyosatining eng ustuvor yo‘nalishlaridan biri sifatida belgilab olganmiz”,

– dedi Prezidentimiz. Yurtimizning har bir mahallasida o‘g‘il-qizlarning tashabbuslarini qo‘llab-quvvatlab, ularga ko‘makchi bo‘ladigan yoshlar yetakchilari korpusi shakllantirildi. Yosh avlodni milliy qadriyatlarga sadoqat, Vatanga muhabbat, kattalarga hurmat va ezgu insoniy fazilatlar ruhida tarbiyalash maqsadida nuroniy otaxon va onaxonlarimizning boy hayotiy tajribasidan foydalanish keng yo‘lga qo‘yildi. Mamlakatimizda har haftaning payshanba kuni “Yoshlar kuni” deb e’lon qilinib, barcha vazirlik va idoralar yoshlar muammolarini o‘rganish va yechim topish masalasiga to‘liq safarbar qilindi. Facebook|Instagram|X

Қува туманида миграция соҳасида ҳуқуқий тарғибот тадбирлари ўтказилди Жумладан, Ғалаба маҳалласида аҳолига меҳнат миграциясига оид тарғибот буклетлари тарқатилди. Чет давлатларда бўлиб турган фуқароларнинг оила аъзолари билан учрашувлар ташкил этилиб, ҳуқуқий тушунтиришлар берилди. Шунингдек, фуқаролар билан профилактик суҳбатлар ўтказилиб, чет давлатларда миграция қонунчилиги талабларига риоя этиш, қонунбузилиш ҳолатларига йўл қўймаслик юзасидан тарғибот ишлари олиб борилди.

Ochiqlik va zamonaviy kommunikatsiya sari: Farg‘onada OAV vakillari jam bo‘ldi 📍Quva tumanidagi "Karkidon" suv ombori majmuasida Kambag‘allikni qisqartirish va bandlik vazirligi tomonidan "Sun’iy intellekt davrida axborot xizmatlari: raqamli kommunikatsiyalar va zamonaviy PR yondashuvlari" mavzusida respublika seminar-treningi va press-tur tashkil etildi. ✅ Tadbir 27-iyun – Matbuot va ommaviy axborot vositalari xodimlari kuni munosabati bilan tashkil etilgan bo‘lib, vazirlik faoliyatini keng va xolis yoritishda OAV vakillari bilan samarali hamkorlikni yanada mustahkamlash, ochiq muloqotni rivojlantirish hamda axborot almashinuvini kuchaytirishga qaratilgan. ✅ Tadbirda vazirlik markaziy apparati Axborot xizmati xodimlari, respublikaning 14 ta hududidan matbuot kotiblari hamda respublika va hududiy OAV vakillari ishtirok etdi. Fergana.gov.uz|Facebook|Instagram|Youtube|X

Farg‘ona viloyati delegatsiyasi Xitoyda tashkil etilgan xalqaro tadbirlarda ishtirok etdi. Mazkur tadbirlarda Boshqaruv samaradorligi agentligi Farg‘ona viloyati filiali, “Yangi O‘zbekiston qiyofasidagi shahar, tuman” maqomi berilgan hududlardagi hokimlarning tegishli o‘rinbosarlari, salohiyatli tadbirkorlar ishtirok etdi. Xitoyning Shinjon hududidagi Tacheng shahrida “2026 - Domain electrification industry ecological conference” xalqaro sanoat konferensiyasida sun’iy intellekt texnologiyalarini elektr transport vositalari sohasiga tatbiq etish, qishloq hududlarida elektr transport infratuzilmasini rivojlantirish, zaryadlash stansiyalari tarmog‘ini kengaytirish, energiya saqlash tizimlarini takomillashtirish hamda qayta tiklanuvchi energiya manbalari asosida zamonaviy sanoat ekotizimlarini shakllantirish masalalari muhokama qilindi. Fergana.gov.uz|Facebook|Instagram|Youtube|X

Bugun, Yoshlar kunida Prezident Shavkat Mirziyoyev yoshlar bilan muloqot qiladi hamda faol va tashabbuskor yigit-qizlardan bir guruhiga davlat mukofotlarini topshiradi. Shuningdek, davlatimiz rahbari iqtidorli yoshlar bilan uchrashib, ularning turli sohalardagi loyihalari bilan tanishadi. Fergana.gov.uz|Facebook|Instagram|Youtube|X

Quva tumani Favqulodda vaziyatlar bo‘limi xodimlari tomonidan tumanda fuqarolar tomonidan noqonuniy ravishda yoqilg‘i-moylash mahsulotlarini saqlash holatlarini aniqlash va bartaraf etish yuzasidan tadbirlar o‘tkazildi. Tadbirlar davomida aniqlangan qoidabuzarliklar yuzasidan belgilangan tartibda ma'muriy bayonnomalar rasmiylashtirildi. Shuningdek, favqulodda vaziyatlar, yong‘in va portlashlar kelib chiqishining oldini olish maqsadida aholi o‘rtasida tushuntirish ishlari olib borilib, yoqilg‘i-moylash mahsulotlarini saqlash hamda ulardan foydalanishda xavfsizlik qoidalariga qat’iy rioya etish bo‘yicha tavsiyalar berildi. Yashash xonalarida hamda xavfsizlik talablariga javob bermaydigan joylarda benzin, dizel yoqilg‘isi va boshqa yonuvchan moddalarni saqlash yong‘in va portlash xavfini kelib chiqishiga sabab boʻladi. Eslatib oʻtamiz bunday holatlar Vazirlar mahkamasining 2020-yil 20-oktyabr kunidagi 649-sonli qarorining 325-bandiga asosan maʼmuriy javobgarlikka tortishlikka sabab boʻladi.

30-iyun - Yoshlar kuni Siz - Yangi O'zbekiston tarixini yaratadigan oltin avlodsiz! Fergana.gov.uz|Facebook|Instagram|Youtube|X

30 ИЮН – “ЁШЛАР КУНИ” МУНОСАБАТИ БИЛАН ТУМАН ЁШЛАРИГА БАЙРАМ ТАБРИГИ Азиз ва фидоий ёшлар! Қадрли ўғил-қизлар! Сизларни мамлакатимизда кенг нишонланаётган 30 июн – “Ёшлар куни” байрами билан туман ҳокимлиги ва шахсан ўз номимдан самимий муборакбод этаман. Бугунги кунда Президентимиз раҳнамолигида ёшларга бўлган эътибор давлат сиёсатининг устувор йўналишларидан бирига айлангани, ёшлар салоҳиятини рўёбга чиқариш, уларнинг таълими, иш билан бандлиги, тадбиркорлик ташаббусларини қўллаб-қувватлаш борасида амалга оширилаётган ишлар ҳар томонлама эътирофга лойиқ. Қува туманида ҳам ёшлар учун яратилаётган имкониятлар, таълим ва спорт масканлари, замонавий китобхонлик муҳити, ижтимоий қўллаб-қувватлаш дастурлари бугунги авлодга катта ишонч ва масъулият юклайди. Бизнинг фахримиз, келажагимиз бўлган ёшлар илм-маърифатли, ташаббускор ва ватанпарвар бўлиб улғаймоқда. Азиз ёшлар! Сизлардан юртимиз тараққиёти, жамият равнақи ва халқимиз фаровонлиги йўлида янада фаол, илғор ва масъулиятли бўлишингизни, билим олишда, касб эгаллашда, янгиликка интилишда ташаббускорлик ва ҳалол меҳнатни доимий ҳамроҳ қилиб олишингизни кутамиз. 30 июн – “Ёшлар куни” муносабати билан барчангизга чуқур ҳурмат ва эзгу тилакларимни изҳор этаман. Янги ғоя ва лойиҳаларингиз амалга ошсин, мақсадларингизга эришинг, келажак йўлидаги саъй-ҳаракатларингизга доим ҳамроҳлик қилиб турамиз! Байрамингиз муборак бўлсин, азиз ёшлар! Хурмат билан, Халимжон Умаров, Қува тумани ҳокими

#Xushxabar Xirmonlar donga to‘ldi: Viloyatimiz g‘allakorlari davlatga 307 ming tonnadan ziyod sara don yetkazib berib, shartnomaviy rejani ortig‘i bilan uddalashdi Farg‘ona viloyatida 2026-yil hosili uchun 92,2 ming gektar maydonda boshoqli don ekinlari agrotexnik talablar asosida parvarishlandi. Mo‘l hosil yetishtirilib, g‘alla o‘rimi mavsumi uyushqoqlik bilan tashkil etildi. Eng muhimi, viloyat bo‘yicha har gektardan o‘rtacha 100 sentnerdan hosil olish hisobidan jami 900 ming tonnadan ortiq yalpi don mahsuloti yetishtirish rejalashtirilgan. G‘allachilikda hududlar iqlimi va tuproq sharoitiga mos navlarni tanlash, ilm bilan yondashuv, urug‘larni sifatli tayyorlash hamda zamonaviy intensiv agrotexnologiyalarni keng joriy etish yuqori natijalarga erishishda muhim omil bo‘ldi. Belgilangan shartnomaviy reja ortig‘i bilan bajarilib, Mustaqilligimizning 35 yilligi arafasida katta mehnat g‘alabasiga erishildi. Fergana.gov.uz|Facebook|Instagram|Youtube|X

O‘zbekiston Respublikasi Prezidentining “Yoshlar kuni munosabati bilan yurtimizning faol va tashabbuskor yosh avlod vakillaridan bir guruhini mukofotlash to‘g‘risida”gi Farmoni e'lon qilindi. Farmonga ko'ra, Farg‘ona shahridagi «TruDispatch» xususiy logistika korxonasi rahbari Odilov Hamidjon Valijon o‘g‘li «Kelajak bunyodkori» medali bilan mukofotlandi. Fergana.gov.uz|Facebook|Instagram|Youtube|X