نوحه کتابی تورکی📚

ورود به محرم 🖤🖤🖤🖤🖤🖤🖤🖤🖤 رخت ماتم ، گیییندی عالم ، گلدی محرم سینه زنلر ، قرا گیینلر ، سسلدی باهم ای نگار نازنینیم اشک بارم مظلوم حسینیم قاره گیوب یاسوه گلدیم مجلس احساسوه گلدیم عرض ادب ایلییم آقا با ادب عباسوه گلدیم دلبر زیبا آقام ایوای عالمه مولا آقام ایوای جسمی اولان گل کیمی پرپر ای گل زهرا آقام ایوای عزیز زهرا حسین ..... ⭐️⭐️⭐️⭐️⭐️⭐️⭐️⭐️ با صفادی ، حسینون آدی ، درده دوادی گوزل سرشتیم ، منیم بهشتیم ، کرب و بلادی رهبریمدور شاه عطشان آلتی گوشه قبرینه قربان گوزلرینه مشترییم من حیدریم حیدریم من فخر ائدورم شاهیم حسیندی درگهینون نوکریم من یا حبیبی یا حسین ..... ⭐️⭐️⭐️⭐️⭐️⭐️⭐️ جان جانان، امیر خوبان ، هاردا قالوبسان شیعیانون ، نه وقتدی الدن ، صبرون آلوبسان عالمه سن ، مقتداسن هارداسان گل ، صاحب عزاسن پرده ی غیبتده قالان گل فاطمه نون قانین آلان گل سال یولوی کرب و بلادن قبر شهیدانی دولان گل یا اباصالح گل زهرا ..... اشعار عباسی معروفان اهری ﷽🍁 ✨اَللّهُمَّ عَجِّل لِوَلیِّکَ الفَرَج✨💫 بانوای استاد عاملی

#طشت_گذاری یازدیخ ابوالفضلین آدین پرچمه یابن العسکری ایله نظر بو مجلس ماتمه یابن العسکری طشت عزانی گورموشوخ نوحه غم دیه دیه هامی گلوب بوماتمه سن آقا گلموسن نیه؟ گل اوخی روضه جدیوه سنده دی اصلی مرثیه بیزده سنیله ایلیک زمزمه یابن العسکری ای یارالی فاطمه نین جانفشان اوغلی هارداسان قلبی شکسته نرجسین قهرمان اوغلی هارداسان کرب وبلا شهیدینین قان آلان اوغلی هارداسان آیرلیقین سالوب بیزی مین غمه یابن العسکری گل بویور اشقیا نیه اصغره سو ویرمدیلر دست امامیده مگر دل دوداقین گورمه دیلر ویردولار اوخ بوغازینه هیچ اونی دیندیرمدیلر یاره سینون نیازی وار مرحمه یابن العسکری من دیمیرم عزایه گل دیلده کی احساسه گوره آغلار همیشه باغبان پرپراولان یاسه گوره باخ بو قرا گینلره ئوز عمون عباسه گوره چک بوعزانی ساحل علقمه یابن العسکری

‍ علي شاه💚 عَلي ماه💚 عَلي راه💚 عَلي نَصْرُمِن الله💚 عَلي زِمزِمه ى هَر دِلِ آگاه💚 عَلي عِينِ يَقينْ است💚 عَلي بَر هَمه ى خَلْقْ اميرالْمؤمِنينْ است💚 عَلي كاشِفِ هَر غَم💚 عَلي بَر هَمه مَرْحَم💚 عَلي ذِكْرِ لَبِ عيسى بن مَرْيَم💚 عَلي هَستى خاتَم💚 عَلي بَرگِ بَراتِ هَمه ى خَلْقْ ز آتَش و جَهَنَّم💚 عَلي اصلِ وجودْ است💚 عَلي روى سُجودْ است💚 عَلي مَعدَنِ جودْ است💚 عَلي رازونيازْ است💚 عَلي سوزو گُدازْاست💚 عَلي مَحْرَمِ راز است💚 عَلي مُهرِ قبولي نَماز است💚 عَلي بَرْگ و بَراتْ است💚 عَلي حَجُّ زَكاتْ است💚 عَلي تَجَلّي صفاتْ است💚 عَلي بابِ نِجاتْ است💚 عَلي حَيّ و مَماتْ است💚 عَلي رَمْز عُبور و مُرور از روى صراط است💚 عَلي ساقي كوثَر كه هَمان آب حيات است💚 فَقَط حِيدَرِ كَرّار امير الْمؤمِنينْ است..💚 پیشاپیش عید غدیر بر همگان مبارک 🌺 شبتون حیدری💚💚

اوخی دعای فرج روحوه صفا وئرسون مریضوه ، ئوزوه ، قلبوه شفا وئرسون اوخی ‌ دعای فرج تا ظهور فرمانین امام عصره خداوند ‌ کبریا ‌ وئرسون اوخی دعای فرج محفل اولسون عرفانی دِء یا امام زمان غیبت اولدی طولانی اوخی دعای فرج باغلا عهد و پیمانی نه دردون اولسا امام زماندی درمانی بسم الله الرحمن الرحیم «اللّهُمَّ کُنْ لِوَلِیِّکَ الْحُجَّةِ بْنِ الْحَسَنِ صَلَواتُکَ عَلَیْهِ وَ عَلى آبائِهِ فی هذِهِ السّاعَةِ وَ فی کُلِّ ساعَةٍ وَلِیّاً وَ حافِظاً وَ قائِدا ‏وَ ناصِراً وَ دَلیلاً وَ عَیْناً حَتّى تُسْکِنَهُ أَرْضَک َطَوْعاً وَ تُمَتِّعَهُ فیها طَویلا

یا ثامن الحجج آدیوین چوخ صفاسی وار عاشقلرین دیلینده رضاجان صداسی وار ای تاجدار ملک خراسان غریب آقا صحن و رواقیوین عجب عالی هواسی وار شیعه بو قبری جنتّیله ایلمز عوض جنّاتی نیلیور اوکی سن تک آقاسی وار چوخلار بو بارگاهیوه امّیدیله گلر بوردان صورا گلنلرین آیا هاراسی وار چوخلار که کربلایه الی چاتماسا دیَر یوخ عیبی طوسیده آقامون کربلاسی وار ای نسخه سیز طبابت ایدن دردمندینه هر چاره سیز مریض اولا سنده دواسی وار باب الحوائج اوغلوسان ای معدن کرم هانسی شهون سنون کیمی لطف و عطاسی وار میلاد ضامن آهو مبارک 😍❤

🌹یاعلی بن موسی الرّضا(ع) دخیلم🌹 _____ 🌹ای اولان تاج شرف ملّت ایرانه رضا 🌹شَمعیسن حق یولونا بیز سنه پروانه رضا 🌹سَن بیزیم مملکته مایهٔ عزّتسن آقا 🌹محور وحدت ‌و سرچشمهٔ‌ غیرتسن ‌آقا 🌹تَکْ‌تَکِ‌ شیعه‌لره شأن ‌و شرافتسن ‌آقا 🌹آغلاروق ‌صبح‌و مساگوزدن ‌آخان ‌قان یاشوا 🌹گونده مین یول اَلیمیز چاتسا دولانّوق باشوا 🌹فرهاد فکری اردبیلي🌹 _________

میلاد باسعادت سید و سالار شهیدان حضرت اباعبدالله الحسین (ع) و روز پاسدار تبریک و تهنیت باد 📻 قدیمی نوحه لر #لینک ورود👇 https://t.me/joinchat/AAAAAE0AIJcgssW8wGqP7A

آقابياکه روضه ی موسي بن جعفر است چشمانمان ز داغ مصيباتشان تر است جامه سياه بر تن و بر جان شرار آه دلها به ياد غصه او پر ز آذر است افتاده است بي کس وتنها،غريب وار مردي که با تمامي خلقت برابر است مرثيه خوان حضرت کاظم،خود خداست باني روضه،حضرت زهراي اطهر است فرا رسیدن یوم شهادت امام موسی بن جعفر ع بر شیعیان جهان تسلیت باد🌹

متن نوحه استاد منعم اردبیلی ره یرلر حسینه قربان گویلر حسینه قربان یرلر حسینه قربان، گویلر حسینه قربان گلزار کربلاده؛ گوللر حسینه قربان گویلرده کی ملائک؛ یکسر حسینه قربان یوزمین قوشون دالوندا؛ زعفر حسینه قربان پیغمبرون شبیهی؛ اکبر حسینه قربان ئوز گؤز قانا بویانمیش؛ اصغر حسینه قربان سو اوسته کی کسیلمیش؛ اللر حسینه قربان دریای قانه باتمیش؛ لشگر حسینه قربان آغ ساقّالی حنالی؛ نوکر حسینه قربان بیر جوت سوسوزدان ئولمیش؛ دختر حسینه قربان یثربده کی قبیله؛ اِئللر حسینه قربان باغلی قالان اطاقلار؛ ایللر حسینه قربان باشینده یدّی قاره؛ خواهر حسینه قربان آغلار قالان وطنده؛ دختر حسینه قربان گودالیده اوغولسوز؛ مادر حسینه قربان عمامه سی الینده؛ حیدر حسینه قربان آلتی یاشیندا قولسوز؛ جعفر حسینه قربان تل اوستونه قاچانلار؛ یکسر حسینه قربان باشلارینا اوجالمیش؛ اللر حسینه قربان زینب قاچور قباقدا؛ سسلر حسینه قربان قان یاش توکن یاغیش تک؛ گؤزلر حسینه قربان باشسیز قالان بدنلر؛ یکسر حسینه قربان قاسم اوزونده قانّی؛ تللر حسینه قربان گول برگی تک حنالی؛ اللر حسینه قربان استاد منعم اردبیلی ره

گیرنده کوفیه زینب باخوب جدا باشینا دییـردی درد دلین اؤز یارالی قارداشینا گلوبدی نیزده قانلو باشین دیله قارداش کلام حقـی اوخـور اهل باطله قارداش دوباره یاره ووروبلار آخار باشون قانی یانار بلالی باجون بیله نیسگیله قارداش اوقان دولان گوزون آچ دربدر عیالووه باخ ووروبدی بوینوموزا شمر سلسله قارداش بلالی باشوین عشقـی سالوب بلایه منی بو حال زاریمی بیرکیمسه یوخ بوله قارداش اوقدر قمچی ووروب شمر قوللاریم گووروب بو غملریله باجون اؤلمیوب هله قارداش باشمیدان آلدیلا غارت گونونده معجریمی ائدوم نچـاره‌کی محتاجم حائله قارداش ندن سوروشموسان احوالینی بوخون‌جگرین باجونی هاردا گوزوندن سالار بیله قارداش سینیق کجاوه‌ده باش آچوخ بازاری گزورم بو بخت قـاره‌ده بـاخ بیر تحمله قارداش بـو اهـل کوفه تصدق ویروله قیـزلارووا دوشوبدی عترتوون امری مشگله قارداش حسینـی زینب کبـری دیلینجـه یاز بیرده گلوبدی نیزه‌ده قانلو باشون دیله قارداش ✍حسینی‌سعدی‌زمان

🔳 #روضه_اسارت_اهل_بیت_ع شهدا باشی کسیلدی ورولوب نیزه لره اسرا دوشدی یولا دلده فغان چولرده کوفه دروازه سینه قافله آخشام چاتدی یاتدی قیزلار گجه نی اشک فشان چولرده ای قلم کوفه نی رد اول دیمه صبح اولدی نلر یاز گوروم قالدی رقیه نه زمان چولرده کاروان سرعتیلن باشلادی یول شامه طرف دوش نسوانه دوشوب بار گران چولرده سعی ایدور زینب کبری بالالار اینجیمیه ساربان تند گیدور ویرمور امان چولرده ام کلثوم گوزی قولسوز ابوالفضلی گزیر هی دیور یوخ باجیوی یاده سالان چولرده یتجاخ هرمنزله وقتی که یاتور توز تپراق باخوری بیر بیره قیزلار نگران چولرده هرکس ایستور یاتا فورا اوجالور بانگ رهیل یول اوزاقدی تلسور شمر و سنان چولرده حرمله غملی ربابین گوزونه گورسنمیر گیزلدیب تیرو کمانین اوخ آتان چولرده تند یلر که اسور دیسگینور اصغر آناسی آختارور اوغلونی دلده ضربان چولرده غم مسافرلری عریان دوه لر اوسته گیدور یوخ رقیه تلینه شانه وران چولرده غرق ایدوب لیلینی ئوز دردی خیال عالمینه باخور اکبر باشینا وقت اذان چولرده دیور ای آهو باخشلی بالا آچ بیر گوزوی سنه خاطر قالوب آواره آنون چولرده ایستوری فاطمه بیر نامه یازا صغرایه نیلسون یازسادا یوخ نامه رسان چولرده یوز دوتوب یثربه سسلور باجی جان خوش حالوا گر گلیدون دیری قالمازدون اینان چولرده قاسمین داغی سریه اورگیندن چخمور اوخشور آهسته اونی سینه زنان چولرده کیم ئولور اوستونه فورا قالانور تپراقلار لااقل قبرینه قویمولا نشان چولرده هانسی راویدی الینده اولا آمار دقیق کیم بولور کیمدی ئولن کیمدی قالان چولرده او ایتن قبریلری بیرگونی مهدی تاپاجاخ گوزی یاشلی گزور العاندا همان چولرده بیر شیرین دل بالانی لیک ایتیره بولمدیلر اونا خاطر گورونوب معجز عیان چولرده او گجه یولدا بلا قافله سی لنگ اولدی اوجالوب همهمه سندی خفقان چولرده نیزده دوردی حسین باشی باخدی پشت سره (گوردولر امام حسینین یارالی باشی حرکت المیر گلدیلرامام سجاد آقانین حضورینه ، آقا سن بولرسن باخدی باباسینین قان دولان گوزلرینه بولمورم نه اشاره آلدی باباسینان یوزون دولاندردی عمه سینه ، عمه قیزلاری سایبسان؟ بیر بیر بالالاری چاغردی خانم زینب ایکی الی وردی باشنا رقیم چولده قالب)

گزیده‌ای از خطبه حضرت سجاد(ع) در مسجد اموی مسجده بیر ملکوتی سس اوجالدی او زمان توتولوب هرزه خطیبین دیلی، سیندی خفقان او صدا صاحبی گفتاره گلیبدیر اوجادان ای خطیب اموی ساخلا خطابه ادبین خلقی راضی ائلیوب خالقین آلدون غضبین صورا یوز دوتدی  یزیده دئدی اول میر گرام اذن وئر‌سن منه بو تخته‌نین اوسته چیخارام رخصت آلدی اوتوروب عرشه منبرده امام ذاتی اعلایه فصاحتله ائدیب حمد و ثنا او دانیشدیقجا خانیم عمه‌سی ایلوردی دعا ایها الناس، اولون مطلبه آگاه بیلین بیزه بذل ایلیوب آلتی صفت الله بیلین یئتدی نعمتله ویروب  مرتبه و جاه بیلین ارثدور جود و فصاحتله شهادت بیزده واردی اخلاق و عبادتله شجاعت بیزده قلب مومن‌ده اولان مهر سزاوار بیزیم انبیاء زمره‌سینه سید و سالار بیزیم خلقتون مفخری پیغمبر مختار بیزیم حافظ قلعه‌ دین حیدر کرار بیزیم حضرت حمزه بیزیم، جعفر طیار بیزیم لیل اسرا ملکوته گئده‌نین اوغلی  منم ساحت اقدسه معراج ائدنوناوغلی منم قاب قوسینفتدلا گوره نون اوغلی منم اوکی گویلرده ائدیب راز و نیاز اوغلی منم قبله‌تینه اوکی ائیلیبدی نماز اوغلی منم زمز‌مون اوغلی  منم، مکه منا اوغلی منم مشعرین اوغلی منم، مروه صفا اوغلی منم عرفات اوغلی  منم، غار حرا اوغلی منم مسند عدلیده داد ایلیون اوغلی  منم ایکی نیز‌یله جهاد ایلینون اوغلی  منم گلشن  کربوبلاده سولانون اوغلی منم لخته لخته گوزونه قان دولانون اوغلی منم قانلی باشی دالیدان ذبح اولانون اوغلی منم سویولوب کوینگی عریان قالانون اوغلی منم پیکری خاکیله یکسان اولانوین اوغلی منم تانیون سیز منی مظلوم آتانون اوغلی منم باش وئریب محضره حقه چاتانون اوغلی منم قیزلاری چولده هراسان یاتانون اوغلی منم نیزه لر اوسته باشی داشلانانون اوغلی منم ئولمه میش تعزیه‌سی باشلانون اوغلی منم خارجی آدیله مظلوم ئوله‌نون اوغلی منم ئوزی  مهمان سوسوز جان وئره‌نون اوغلی منم اوزوگی  بارماقی الده گئده‌نون اوغلی منم ساربان اللرینه ال تاپانون اوغلی منم سینه‌سی اوسته قوشون آت چاپانون اوغلی منم مرحوم استادانور #خطبه_امام_سجادع

السلام علیک یا ابا عبدالله کوچ ایتدی او گونکه اسرا کرب وبلادن میدان بلا خالی اولوب اهل جفادن اوچ گون شهدا نعشی قالوبدور قوری یرده سالمشدی حسینون یاراسی عالمی درده گوداله طرف یوز قویوب اول پرتو آفاق بیر جفت کسوک ال ایلدی طاقتنی طاق گوردی کسیلوبدور گنه بیر خرداجا بارماق ملحق ایلدی نعشه سووردی باشا تپراق بیردن دیدی بابا بله دردو محن اولماز هئچ جنگیده والله بیله صدپاره تن اولماز یاندیم یارالی سن کیمی الده ئولن اولماز بیر مرقد شش گوشه درست ایتدی او مولی قبر ایچره ولی ئوز آتاسین قویمادی تنها دفن ایتدی ایاق سمته علی اکبری گویا قویدی صودامر اصغری شه سینه سی اوسته گل برگی یاتوب معرفت آئینه سی اوسته چون فارغ اولوب گزدی اومیدان بلانی فکر ایلدی اولسون شهدا قبرینه بانی بیر قبره قویوب اکثرنعش شهدانی یوز دوتدی بنی اسده سید بیمار آلدی خبرآیا گنه بوچولده قالان وار عرض ایتدیله شاها هله چوخ دردومحن وار شاماته گیدن باشلاریجا پاره بدن وار دریای فرات اوسته ده بیرالده ئولن وار بیرسرویدی خوللاری بدندن کسیلو بدور دعواده اوزون قوللاری تندن کسیلوبدور ✍ مرحوم استاد منزوی #کوچ_اسرا

قتلگاه اباعبدالله الحسین ع مرحوم منزوی سجده گه قانین اورک قانینی هم خون گلو بواوچون بير بير قاتدی ائدوب آب وضو قانلی لبلردن اوجالدی اوزمان ياحق وهو ال اوزی قانلی اوحالتده دوتوب قبليه رو دئدی موسای کلیمون گوزی سیناده گزور ربّی اَرنی دئمرم قهره گلوب لَن دیه سن لَن ترانی منه موسیٰ کیمی بیردن دیه سن اوقدر دینمرم آخر ئوزون احسن دیه سن باشیمی سالام اشاقه نه دئسون سن دیه سن تا اولا روحه غذا عشق خدا داده گزور هدیه نی چونکه بوکر بوقچیا ارباب صفا احترامیله وئر سویگلیه اهل وفا اکبرین جمع ائلدم نعشینی اولدی بير عبا اوغلومی ائتدیم عباده سنه تقدیم خدا ایندی چگنیده عبا محضر زهراده گزور مرحوم استاد منزوی اردبیلی

گرک قان آغلاسین زینب جهانی داغلاسین زینب سنه یاس ساخلاسین زینب حسینیم وای حسینیم وای باشون یوخ ایشتیاقوندن اوپم قارداش دوداقوندن اوپوم قوی من ایاقوندن حسینیم وای حسینیم وای

صد سینه زن مرحوم استاد منزوی سینه زنی وداع امام حسین(ع) خداحافظ ای آنام باجی آغلاما یانا یانه رقیمی ساخلا من گیدیم جلوه گاه جانانه من گرک باتام قانه، قان آخا بو میدانه یول چکم قزل قاندان، خط سیر قرآنه گرک دیم خنجر آتدا من یاغفور و یا الله شهید اولام قتل صبریلن تشنه فی سبیل الله کسوک بوغازیله سسلنم لا اله الا الله جهاندا نابود اولا بت و بت پرست و بتخانه من گرک باتام قانه، قان آخا بو میدانه یزیددن بیز آلاق گرک حق خلق محرومی خلاص ایدک قید ظلمیدن بیگناه و مظلومی همیشه لیک باطل ایلیک شایعات مسمومی جهانی بو انقلابیلن دوندرک گلستانه من گرک باتام قانه، قان آخا بو میدانه یزید اگر صحبت ایلسه تاج زر نشانندن شمادت و طعنه باشلاسا فتح داستانندن ورارسان ئوز مشت محکمون هرزه گو دهانندن کفایت ایلر اومشت ئوزی مغز پوچ مستانه من گرک باتام قانه، قان آخا بو میدانه گوزل باجیم شیرزن باجیم یاوریم هواداریم ئولوب عباسیم علم یاتوب سنسن ایندی سرداریم بو قانلاری قویما محو اولا قهرمان علمداریم مبلغ اول شام و کوفه ده مکتب شهیدانه من گرک باتام قانه، قان آخا بو میدانه شهادته مایلم باجی من بیر امتیاز اوسته دعا ایده قانلی لبلریم شیعمی نیاز اوسته نمازی پاینده ایتمگه باش ویرم نماز اوسته منازلی سجدگاه ایدم مسجدی عزاخانه من گرک باتام قانه، قان آخا بو میدانه بویولاردا جان سنون باجی جان یتیمه قزلارین مواظب اول مقصده یتور ناخوشیله بیمارین دمشقیده سنگر ایلیون سیز خرابه دیوارین مبارک اولسون رقییه پایتخت بیگانه من گرک باتام قانه، قان آخا بو میدانه فلک دیمور آل هاشمون ایولرینده کیم قالدی بیزی وطندن آیرماقا بیلمورم نه کام آلدی بو نازپرورده قزلاری گتدی چولره سالدی بیرعده سین کربلایه بیر عده شام ویرانه من گرک باتام قانه، قان آخا بو میدانه خطرلیدور بوسفر باجی همت ایله یولاردا یتیملره حق رضاسینه خدمت ایله یولاردا ربابیدن چوخ خجالتم حرمت ایله یولاردا مباد اوغول داغی سخت اولا یوز قویا بیابانه من گرک باتام قانه، قان آخا بو میدانه زنده یاداستادمنزوی اردبیلی

چاغوردی زینبین اوندا امام دلخسته بلالی زینبه بیر سوز بویوردی آهسته دیدی باجی اورگیم غفلتاً سخلدی منیم یقین یخلدی ابوالفضل، ایویم یخلدی منیم او قانلی گوزلریوی آچموسان نیه قارداش بلالی قارداشیوا ایتموسن ملالیوی فاش عیان ایله منه دردون بولوم من خسته عقابیدن یره دوشدون اگر یوزی اوسته دله گلوب اوزون آگاه ایله بو سرّی منی گوروم کیم آرخاوون اوستونده دوندروبدی سنی بدنون آرخاسی اوسته و یا ترابه دوشوب او وقته علّتی یوخ توپراقه یوزون بلشوب یقین اولور منه بیر آندا رم یینده سمند یره دوشنده ایاقون اولوب رکابیده بند یقین بو ماه جمالون که توپراقا بورونوب نچه قدم قوری یرده او گل یوزون سورونوب هامی بولور بونی سن معدن شجاعت سن گوز آچموسان یوزیمه اولمیا خجالت سن یقین سوسوزلارین حالین گلنده گورموشدون منیم رقیّه بالاما سو قولی ویرمیشدون جنازن اوسته تک گلمیشم قانا بویانام اوتانما گوزلرون آچ گلمیوب رقیّه بالام مرحوم رحیم منزوی

عشق حسینده دقت ائله اعتباره باخ میقات نهضتینده او شاهون عیاره باخ کرب و بلانی رشک جنان ایلدی حسین نفس سلیم عاشقه باخ افتخاره باخ یتمش ایکی جنازه دوزوب قانلی مقتله عاشقده پاک عقیدیه باخ اقتداره باخ قاره غلامون ئوپدی یوزین اکبری کیمی سودا گونی عدالته باخ شهریاره باخ شش ماهه سینده قوشدی چهل ساله عاشقه شاهون الینده قانه باتان شیرخواره باخ چرپوبدی دامنینده نه وار توکدی مقتله بازار باخ مجاهده باخ طرز کاره باخ نوبت چاتوب گییندی ئوزی کهنه کوینگین وصل نگاره شهپر آچان بی قراره باخ مشکل مینوبدی مرکبه بئلدن شکستیدی سن خبره سن سوزومدن اله سال اشاره خباخ قدین دوزلده بیلمدی عباسیدن صورا شعریمده ایندی منظره جانشکاره باخ یول باشلادی حسین باجیسی سسلدی دایان زینب دیلینده درد و غم بی شماره باخ ای حجت خدا دئمورم گئتمه مقتله بیر لحظه دون بو عترت والاتباره باخ امکانی اولسا ساخلا بیر آز ذوالجناحوی زینب دیلینده شعله چکن سوز ناره باخ پاک عشقوون من الی بش ئیلدور اسیری ام سن شهریار سن ، بو اسیر خماره باخ قوی بیر ئوپوم بوغازوی زهرانون عشقینه آه شراره پاش لب جان نثاره باخ آواره ام دایان دولانیم باشوه حسین یانمش اورکده زمزمه یار یاره باخ صبر ایت وَاِن یَکاد اوخیوم مَه جمالووه سر گشته زینبون یوزینه سن دوباره باخ میدانه آج سوسوز یولا دوش سن باجون دئسون زهرا ئوپن دوداقلارا باخ روزگاره باخ وئر ایندیدن اجازه می گوداله گلمگه چشم کرمله خواهش قلب نگاره باخ عمروم نقدری واردی سنون یاروم حسین عباسیمون یرینده علمداروم حسین اثراستادسیفی اردبیلی

نوحه شب عاشور _ انور بو گئجه بیعت پوزولدی آشنالر گئتدیلر قویدولار پیغمبر اوغلون بی‌وفالر گئتدیلر ****   منبر اوستونده حسین بن علی صاحب وقار شوریلـه منشـور عـاشورانی ائتـدی آشکار روشن اولدی صبح آچیلسا قتل وار کشتاروار عشـق دنیـای فنایـه مبتـلالر گئتـدیلر * شبپـره مثلـی تمتـع گوردیلر ظلماتیدن خیر محضی نفی ائدوب ال‌چکدیلر اثباتدن کعبـه آمــالیده آیریلدیـلار میقــات‌دن گیمه‌میش احرامنی حاجی‌ نمالر گئتدیلر * بولدیلر یوخدور حسینه یوم عاشورا ظفر بوی مرگی درک ائدوب سسلندیلر این المفر مین نفر حضاردن قالدی فقط یئتمیش نفر قالـب غیرتلـری بـی‌محتوالـر گئتـدیلر ** نقل ائدور شخصاً سکینه شاه دینون دختری قیلدی فرمایش بابام سوندوردیلر مشعل‌لری آز زماندا خالـی اولدی خیمه‌لر دور و بری بش‌بش اون‌اون اهل تزویر و ریالر گئتدیلر * صبح آچیلدی الغرض وئردی قالانلار امتحان کهنه عاشق‌لر تاپوبلار عشق حقدن تازه جان لبلـری گل مثلی خندان و ئوره‌کلر شادمان کوی جانانـه سلیــم‌المدعالـر گئتدیلر نه مهاجردن قالوب بیر کیمسه نه انصاردن بیربه‌بیـر دلبرلـر آیریلدی گوزه‌ل دلداردن عشق و سرمستی گئچوب اندازه‌دن معیاردن کیمیاگر قالدی حیران، کیمیالر گئتدیلر   آلدی رخصت ائتدی اکبر فی سبیل‌الله جهاد یاره‌لندی زینـدن دوشدی یئره اول پاکزاد قرمزی ژاله ایلـه آغ‌گل ائتدی گویا اتحاد حالـدن یکسر مقیمـان سمالر گئتدیلر ** فی المثل خاک بلایه پاره‌لنمیش آی دوشوب عالم غیب و شهوده قورخلی بیر های دوشوب گوش جناتـه صدای ناله و ایوای دوشوب بارگاه قـدس اعلایه صـدالر گئتدیلر جـان بلب مظلـوم امامـه ایلدی اکبر سلام اوغلونون آلدی سلامین سسلنوب گلدیم بالام خیمه‌دن چیخدی حسین ائتدی جوانلار ازدحام قتلگاهـه سـاری اهل ابتـلالر گئتدیلر * چاتـدی میدانـه حسیـن دیلده علی‌‌اکبر آدی جان دئدی، اوغلوم سنی هانسی قلجدی دوغرادی نـوح تک عمر ایلسم اولمازمنه سن‌سیز دادی گوزلریمده ییر وقتیمده ضیالر گئتدیلر ** باشـون اوستـه یـاوران طیب انفاسیم گلور گوزلرینـده گوزیاشـی دیداره عباسیم گلور یولداشون هم مسلکون هم صحبتون قاسم گلور گل دیلـه‌ یارا و طاقتدن فتالر گئتدیلر * چوخدی سوز کئچدوم مفصل‌دن بو یئرده مجمله اوغلونون اعضاسینی گوردی حسین گلمز اله حملینی مشکل بولـوب سالدی عباسین مقتله وئردی بیر فرمان گویه یئردن نوالر گئتدیلر ای جوانلار حمل ائدون قارداشوزی میدانیدن دردمندم چاره‌سیز ال اوزمـوشم درمانیدن گوز تیکن چوخدور یولا نسواندن طفلانیدن خیمه‌لرده اوزلریندن بی‌نوالر گئتدیلر * حامل اولدی آل هاشم پرپر اولموش لالیه باغبانون اشکی گل هجرینده دوندی ژالیه تلــدن اندیردیلــر گلـدی حرملـر نـالیه قاره باشدا یاسینه بختی قرالر گئتدیلر ** آچدیلار قانلی عبانی سس دوشوب داغداشلارا باخدیلا الوان اولان مژگانلارا گوز قاشلارا گوردیلر باشدا یاراسین گئتدی اللر باشلارا تاب و طاقت‌دن بالالار هم آنالار گئتدیلر