Ali W Gardi طوفان الأقصی🔥✌️

" ئامادەکردنی سفرەیەکی ڕازاوە لەلایەن خانەوادەیەکی بێ باوکی غەززە " ئەمڕۆ وەکو تیمی ڕێکخراوی بەختەوەری میوانی خانەوادەیەکی میهرەبانی غەززە بووین. ئێمە سەرنجمان دا کە لەناو زەلکاوی زوڵم و ستەمکاری دا ئاوات و خەونی چەند ڕۆڵەیەک وەکو پەڕەی گووڵ بە ڕەشەبا و زریان ژاکاوە، بەڵام دڵنیاین لەوەی ڕۆژگارێک دێت گوڵەکان چرۆ دەکەنەوە و گوڵستانێک دروست دەبێتەوە. خانەوادەیەکی غەززە کە باوکیان شەهید بوو لەجەنگی ستەمکاری ڕژێمی زایۆنی و لەگەڵ دایک و نەنکیان بێ جێگا و ماڵ و حاڵ مانەوه، ئێمە لەڕێکخراوی بەختەوەری هەڵساین بە دابین کردنی شوێنی مانەوەو تەواوی پێداویستییەکانی ژیانکرن بۆیان لەگەڵ کەفالەتکردنی مانگانەی منداڵەکان، ئەوانیش وەکو لوتفی هەمیشەییان خوانێکی ناوازیان بۆ سازکردین و بە خواردنی (مەقلوبە) سفرەکەیان بۆ ڕازاندینەوه.