ልደታ ማርያም ድንግል

እንኳን ለብርሃነ መስቀሉ አደረሳችሁ ✍🏾 መስቀል - ለእኛ ክርስቲያኖች ሞት የተባለ ዓለም (ኃጢአት) ድል የተደረገበት አንድም ክርስቲያኖች በክርስቶስ ኢየሱስ የቤዛነት ሥራ የዳንበት ምልክታችን ነው:: "የመስቀሉ ቃል ለሚጠፉት ሞኝነት፥ ለእኛ ለምንድን ግን የእግዚአብሔር ኃይል ነውና።" 1ኛ ወደ ቆሮንቶስ ሰዎች 1:18 እንዲል አህዛብና አይሁድ መስቀል ላይ የተሰቀለው ወልደ እግዚአብሔር ኢየሱስ ክርስቶስ እራሱን ማዳን የማይችል አንድም የክርስቲያኖች አምላክ ተሰቀለ በማለት ቢያሾፉም በፈቃዱ መሰቀሉን መስቀል ላይ መቆየቱንና ፍቅሩን ሳይመለከቱ የሚጠፉት ሰዎች ሞኝነት አድርገው ቢቆጥሩትም ለእኛ ለምድነው ግን የእግዚአብሔር ኃይል ነው:: መስከረም 17/2016

በስልጤ ዞን ቅበት ከተማ አስተዳደር ትናንት ማታ የኦርቶዳክስ ተዋሕዶ እምነት ተከታይ የሆኑ ቤቶች ተለይተው መቃጠላቸውና አሁንም በምእመናን ላይ ማስፈራራት እየደረሰባቸው እንደሚገኝ ተገለጸ። ለማኅበረ ቅዱሳን ቴሌቪዥን በስልክ መረጃ ያደረሱን ምእመናን እንደተናገሩት አስቀድሞ ለወራት ዛቻና ማስፈራሪያ ሲደርስባቸው እንደነበረና በነሐሴ 29 ማታ ግን ቤታቸው ተለይቶ እንደተቃጠለ፣የንግድ ሱቆቻቸው ላይም ቃጠሎና ዝርፊያ መፈጸሙን ተናግረዋል። የጸጥታ ኃይሎች በመድረስ ለጊዜው መቀነስ ቢችልም አሁንም ቤተ ክርስቲያን እናቃጥላለን፤ ምእመናንንም እንጎዳለን በማለት የውስጥ ለውስጥ ቅስቀሳ እያደረጉ ነው የሚል መረጃ እየደረሰን በመሆኑ ስጋት ላይ ነን፤ በርካታ ምእመናንም ከቤታቸው እየሸሹ ነው ብለዋል። በተለያዩ ጊዜያት ለከተማ አስተዳደሩና ለሚመለከታቸው አካላት በደብዳቤ መፍትሔ እንዲሰጣቸው ሲጠይቁ ቢቆዩም ይሄ ነው የሚባል ምላሽ አለማግኘታቸውንም አብራርተዋል። በስልጤ ዞን አስቀድሞም በተለያዩ ዓመታት አብያተ ክርስቲያናት መቃጠላቸው፣ ምእመናን መገደላቸውና መሰደዳቸው ይታወቃል። ተጨማሪ መረጃዎች እንደደሩስን እናቀርባለን።