قناة / طوّر تحصيلك📚.

مع الشرح :

مع الشرح :

مع الشرح:

السلام عليكم ورحمة الله وبركاته "لو كان لك نصيب في شيء ما حتى ولو كانت كل الطُرق له مستحيلة، الله بلطفه سيرتب لك كل الاسباب حتى يصبح بين يديك، فاطمن". معاكم ماجد حاصل على درجة (٩٨) ولله الحمد. طبعا في بداية رحلتي في مذاكرة التحصيلي كثير قالوا لي الاحياء متفرع ومدري ايش شوف الاشمل من المنهج وفعلا قلت خلاص براجع (احياء ١ واحياء ٢) وقلت بما ان (احياء ٣) بأخذه ذا السنه خلاص مايحتاج بالمدرسه يكفي هو وعلم بيئة وفعلاً بديت لما خلصت مراجعتهم من المنهج حرفيًا حسيت إني كنت جالس أسلك لنفسي شوي بس الحمدلله كان فيه بعض المعلومات فادتني معلينا بعدها قلت ببدا (بالمعاصر رياضيات) وتأسست معه لما انتهيت منه بديت بشرح (استاذه فرح للفيزياء) صح طويل الشرح ولكن استفدت مره منها بس المشكلة ماكانت تشرح النسخة اللي معي فصار حوسه فقلت بكتب بالدفتر لأن صرت اتشتت بالكتاب واختلاف النسخ خلصتها احترت بالبداية من أشوف معه (الكيمياء) جلست أجرب بالاخير ثبت مع الاستاذ "محمد العمري" واستفدت منه الحمدلله باقي الاحياء قلت انا شايفه براجعه مع "أحمد سكول" وفعلا ماطولت معه ومشيت يوم خلصت قلت براجع وبديت بمراجعه الرياضيات مع الاستاذ "عبدالوهاب العوهلي" كنت أسلك شويتين لأن أتذكر شرح الاستاذ "عماد" وإذا أشكل علي رحت اعيدها بكتاب المعاصر بذات القطوع كنت انساها واعيد شرح عماد كل شوي بس الحمدلله وعدت الفيزياء مع فرح نزلت سلسلة جديده وشفتها من جديد لأن حسيت طارت بعض الاشياء واستفدت الحمدلله وقلت بدخل تجميعات براجع كم حاجه ع السريع في الاحياء والكيمياء وذا اللي صار . ▫️التجميعات كانت بحرر حرفيا بس قلت ببدأ (بغشام) وفعلا خلصته وشفت (ملف جهاد) بعد كان حلو واسئله حلوه وبعد شفت (ملف مهند، وافانين) وقبل اختباري بشوي "قررت اشترك بسايفر" واشتركت وشفت ملفاته وخلصته الحمدلله قبل تنزل التسريبات، "طبعا أهم شيء بالتجميعات نفهم احنا وش جالسين نسوي مو خلاص قد مر علي انا طبقت الطريقه قبل لا اجلس أعيدها سؤال مافهمته رح افهمه لاتقول عادي وعادي بتندم نصيحه مني " ◽️اخر نقطة التسريبات صراحة كانت مكرره وكل ملف يزيد سؤال بس أهم شيء تأكدوا من الحل لان فيه احتماليه للخطأ. ◽️نصيحة من أخ بالنسبة للمذاكرة والإنجاز حتى لو كان الإنجاز بالبداية قليل مو مشكلة ولا نزرع التوتر وإننا تأخرنا ونحطم أعمارنا من دون فايدة عشان شفنا غيرنا سابقنا في المذاكرة وحنا للحين بعيد عنهم، دامك ماشي كويس وفاهم وتعرف إن عندك وقت وتحاول تشد حيلك عشان إنجازك يكون حلو هذا لحاله يستحق إنك تفتخر بنفسك وتستمر، وحاول قد ما تقدر تزيد إنجازك اليومي شوي شوي لين يكون كل شيء مثل ما تبي وأفضل وبالتوفيق لكم جميعًا. وتذكروا ذا المقولة: والله ماصعُبت إلا فُرجت بإذن الله وما تعسرت الإ تيسرت وما أغلق باب إلا فُتح ألف باب وعٌد من الله الكريم الوهاب، إن مع العسر يسراً.

#تجارب

🚨 درجات الاختبار التحصيلي بدأت بالوصول بشكل تدريجي عبر الرسائل النصيّة..

﴿ وَقالَ رَبُّكُمُ ادعوني أَستَجِب لَكُم ﴾