hazayoza🕊

Дала къобалдойла вай кхаьбна долу Марханаш!

Ассаламу lалайкум! Хlара вайн белхаш баржош йиш йолчо дакъа лацийша! ⤵️⤵️⤵️ ЮТУБ https://youtube.com/@hazayoza ТЕЛЕГРАМ https://t.me/mintsaev_alvi ВК ВИДЕО https://vkvideo.ru/@mintsaev_alvi РУ ТУБ https://rutube.ru/video/8ee6a96b1cde96cfc3878ef73216700f/?r=a Дела реза хуьлда шуна!🤲🏻

«Хиндолчо» ирсе бечу нахал а ирсе ма вара со, хьоьца сайн долчу «хиндоцчуьнца»! Матагов И

Ларйан халачу баьрченал маьрша неlсагlе тоьлу. Асхабов lабдул-lазиз

Ватсапан чаташкахь, Бераллехь левзина, Статусехь гинарг бен, Дуьне ца девзина. Доьналлах эхь хеташ, Сонталлах левзина, Йутуб чохь аьлларг бен, Шайн дин ца дезвина. Хlун кхане гур йу-те, Кхуьучу доьзална, Къинхетам Ахь бехьа, Хlай веза Дела!

Ассаламу lайлакум, махкахой! Лараме дешархой, шуна лерина дlаболийна болх бу. Дала пурба лахь, «Нохчийн литература» 5-11 класс йерриг йоьшуш, озе йаккха, ойла йу вайн. Цкъачунна 5 класс тlехь болх бу болийнарг. Карарчу хенахь кху чохь хир бу белхаш. https://youtube.com/@mintsalvi https://t.me/mintsaev_alvi 👆👆👆 Керла агlо кхечу сайташкахь схьайеллахь, хаам бийр бу. Хlара беркате болх баржош, шуьгара накъосталла оьшу! Дела реза хуьлда!

МАРШО 1 Уггар а беза дуй баа, Къера хир бац хьуна, баарх: Куьг доккхуш, йаккхахь а хьан, Куй боккхуш, йаккхахь а хьан, Мотт боккхуш, йаккхахь а хьан, Даг чуьра ца йаьккхинехь, Хьан маршо ца йаьккхина. Ахь беза дуйнаш ма баа, Къера хир бу хьуна, баахь: Даг чуьра и йаьккхинехь, Хьан маршо дlайаьккхина. Йухайаьккхина, ма баха, Къера хир бу дуй а, баахь: Дегlа чу цу вайн сил башха, Даг чу и йогlур йац шолгlа, — Цкъа даго дlахецнехь, — маршо. 2 СовгІатна дlа а ца ло, СовгІатна схьа а ца оьцу, Ца ло йа, дой захало, Довдича, дlа а ца хоьцу, Са йоккхуш, дешех ца хуьйцу. Маршо — и са санна йу, Ша са луш, схьалуш йу Дала. Маршонна ас хастамбан, И бен, вац кхин цхьа а Да а. Соьгара йаккха цхьа вагlахь, Ца йала — де тоахь сан, Хастам бу-кх йуха а Далла! Кхин цхьанна хастам бе алахь, Суо цхьаъ ву сан хастамбан. 3 Вогlушверг — сан маршо йахьа, Йа вoгlург — и суна йахьаш, — Цхьанийсса ши мостагl сан: Хьалхарниг диэн гІерта са, ШолгІаниг сан сий диэн гІерта. Сий доцуш са доцчу кІентан Сагlийна, совгІатна лучу Маршонна даг чохь бац меттиг. Сий доцуш са доцчу кlентан Ма йаккха и бІаьрга гучу! 4 СовгІатна дlа а ца ло, Сагlийна схьа а ца оьцу, Ца ло йа, дой захало, Довдича, дlа а ца хоьцу, Са йоккхуш, дешех ца хуьйцу, Маршо — и са санна йу, Ша са луш, схьалуш йу Дала. Маршонна ас хастамбан, И бен, вац кхин цхьа а Да а. Абдулаев Леча 1997 шo «НОХЧИЙЧОЬ САН НОХЧИЙЧОЬ» [агlо 129-130]

Стихи в восточном стиле. Философская, гражданская и любовная лирика. Заказать/купить можно в книжных магазинах Грозного: Нохчийн кинишка - +79062225522 - Грозный, пр-т Мохаммеда Али 2а (ТЦ Грозный сити, 1 этаж). Инст. nohchiyn_kinishka Мир книги - +79280207990 - Грозный, ул. Назарбаева, д. 92. Инст. mir_knigi_grozny Jeanne books - +79298916663 - Грозный, ул. Орзамиева, д. 29. Инст. jeanne_books

Забаре дийцар

Забаре дийцар

НОХЧИЙН МОТТ Да ваьлла ца волуш, да вала ца вуьтуш, ког хецна ца болуш, тlам баржо ца кхуьуш гІамарлахь хly санна, овкъарлахь суй санна, бихкина Іилманна, бихкина иллина Іиллина биллина, биллина lиллина. Да хила цхьаъ ваьлча, «ГІаттахьа!» — цо аьлча, гІаьттинарг дицдина, гlаттийнарг вицвина, сиз хьокхуш нисдина, эзарнах исс дина, да волуш, буо дина, керт йина гуо бина, Iиллина биллина, биллина lиллина. Бийцина Шоlипа, бийцина Соипа, бийцина шайхаша, тептарша, жайнаша. Дийцинарг харцдора, туьрца и дацдора, даьттанца хьан а дой, ахкарца шар а дой, — йуха а дІабуьллура. Хьо гlенах боьлура. Тархашца тарх гlиттош, тІулгашка дуьйцуьйтуш. Мохьмад¹ а тІехlитти, — тlулгаша дуьйцура. Дош дашах хьегорца, дошехь дош къегорца Іаьрби² а велира — Дала схьавелира. Хьо меттахбуьйлура. Хьо гІенах боьлура. Джунайдан Мохьмад а, Мохьмадан Мусбек³ а гІаьттира мохь аьлла, даг чохь хьан чlоб декна. Цу кІентийн баланаш хьо самабала ду, Хьо самабаха йу — тхо кІентийн алунаш. Бер бац хьо Іиллина, Іиллина биллина. И анакевне⁴ а лаьтташ йу йиллина, тхо кІентийн зоьвналла Лаьтте лерг диллина. Сайратех⁵ сайрат — хьо бала ду сирратах. Нохчийн мотт, гІаттахьа, хlар дуьне латтахь-ма, бер бац кхин Іиллина — ас хьашлагl⁶ йиллина! Абдулаев Леча 1998 шо 1.Нохчийн гоьваьлла поэт Мамакаев Мохьмад. 2.Нохчийн гоьваьлла поэт Мамакаев Іаьрби. 3.Нохчийн поэташ Дикаев Мохьмад, Кибиев Мусбек. 4.Космос. 5.Планета. 6.Пари. «НОХЧИЙЧОЬ САН НОХЧИЙЧОЬ» [агlо 118-120 ]