Navoiyshunoslik

Assalom-u alaykum, azizlar! Ushbu o‘zanda Siz hazrat Navoiyning shoh baytlari, ularning talqinlaridan bahramand bo‘lishingiz, shoir ijodiga oid tadqiqotlar, qiziqarli manbalar, ma'lumotlar bilan tanishishingiz mumkin!

#Ğazal_tahlili_dars Tahlil: 1. Tun oqshom bo‘ldi-yu kelmas mening sham’i shabistonim, Bu anduh o‘tidin har dam kuyar parvonadek jonim. Lug‘at: Tun oqshom – kechqurun, Shabiston – qorong‘u kech, qorong‘ulik. Nasriy bayon: Kechqurun bo‘ldi, ammo mening qorong‘u kechani yorituvchi sham’im kelmadi. Bu anduh o‘tidin jonim har dam parvonadek kuymoqda. Badiiy san’atlar: Tavze’ (alliteratsiya) – “sh” tovushi takrori; Tanosib – tun oqshom, sham’i shabiston, parvona; Tashbeh – jon parvonaga o‘xshatilmoqda; Istiora – anduh o‘ti; Zulqofiyatayn – sham’i shabistonim / har dam jonim; Kalomi jome’ – shikoyat. Kanalga a'zo bo‘lish:

#Ğazal_tahlili_dars “G‘aroyibu-s-sig‘ar”dagi 403-g‘azal Tun oqshom bo‘ldi-yu kelmas mening sham’i shabistonim, Bu anduh o‘tidin har dam kuyar parvonadek jonim. Ne g‘am ko‘rguzsa ko‘ksum porasin choki giribonim, Ko‘runmas bo‘lsa ko‘ksum yorasidin dog‘i pinhonim. G‘amidin durri maknundek, sirishkim oqti Jayxundek, Muzayyan qildi gardundek jahonni ashki g‘altonim. Falak ham to‘ldi kavkabdin, quyosh ham tushti ashhabdin, Kelib tushmas bu markabdin mening xurshidi raxshonim. Jahonni zulmat etti chah, bu zulmat ichra o‘lgum, vah, Manga bo‘lsang ne Xizri rah, yetib, ey obi hayvonim. Dema ko‘ktin quyosh ketmish, falakka tiyralik yetmish, Ul oy hajrida tor etmish falakni dudi afg‘onim. Navoiy kebi hijrondin, bu oqshom o‘ldum afg‘ondin, G‘amim yo‘q bo‘yla yuz jondin, yetib gar kelsa jononim. Vazn: Mafoiylun / mafoiylun / mafoiylun / mafoiylun / V – – – / V – – – / V – – – / V – – – / Hazaji musammani solim O‘qilishi: Tu-n oq-shom-bo‘l / di-yu:-kel-mas / me-ning-sham’-i: / sha-bis-to-nim, / Bu-an-duh…