Тошкент вилояти Соғлиқни сақлаш бошқармаси

#Ҳамкорлик 🤝Тошкент вилояти ҳокими Зойир Мирзаевнинг жорий йил май ойида Бошқирдистон Республикасига ташрифи доирасида белгиланган вазифалар юзасидан, вилоят Соғлиқни сақлаш бошқармаси бошлиғи, тиббиёт фанлари доктори Т.Арзикулов, вилоятдаги маъсул раҳбарлар ва бошқарма ходимлари иштирокида Бошқирдистон Республикаси Соғлиқни сақлаш вазирлиги ташкилий-услубий департаменти раҳбари Г.Файзрахмановани қабул қилди. ✅ Дўстона вазиятда бўлиб ўтган учрашувда Т.Арзикулов ва учрашув иштирокчилари, Президентимиз Ш.Мирзиёев раҳбарлигида ўтказилаётган тиббиёт соҳасидаги ислоҳатлар ижроси юзасидан соғлиқни сақлаш соҳасида олиб борилаётган ижобий ишлар, оналик ва болалик масалалари ва келгусидаги вазифалар юзасидан маълумот бериб ўтилди. ✅Ўз навбатида департамент раҳбари Г.Файзрахманова Бошқирдистон Республикаси Соғлиқни сақлаш тизимидаги эришилган ютуқлар тўғрисида маълумот бериб ўтди ва вилоятимиз тиббиёт соҳаси ходимларини малака ошириш, тажриба алмашиш учун Бошқирдистон Республикасига таклиф этилганлигини билдирди.

❇️Ангрен шаҳрида тиббиёт соҳасини ривожлантириш ва мутахассислар ва малакали кадрларни жалб этишга бор имкониятлар йўналтирилмоқда. ✅Шу мақсадда шаҳар ҳокими Алишер Райимовнинг саъй-ҳаракати билан ёш мутахассислар жалб этилаяпти. ✅Бугун шаҳар Тиббиёт бирлашмаси бош шифокори Фурқат Иманов шаҳар ҳокимининг топшириғи билан Республика шошилинч тиббий ёрдам илмий марказида бўлди. ✅Эндиликда Республика шошилинч тиббий ёрдам илмий марказида иккинчи босқичда магистратура ва клиник-ординатурада таҳсил олаётган шифокорлар Ангрен тиббиёт биралашмасида ўқишни давом эттирадилар ва бўш иш ўринларига ишга қабул қилинадилар. ✅Тиббиёт бирлашмаси бош шифокори Фурқат Иманов бугун бу борада илмий марказ билан битим тузди. Telegram | 🌐Facebook

❗️Мутахассис: Қон қуюқлашиши инсульт ва инфаркт хавфини оширади 📌 Кўпчилигимиз ҳаётда бир марта бўлса ҳам қон таҳлили топширганмиз. Ёки айрим кишилар бетоб бўлганида вена орқали инъекция қабул қилган. Шу пайтда баъзилар ўзининг қони тўқ рангга кириб, қуюқлашганига гувоҳ бўлади. 🗒 Мутахассисларнинг фикрича, бу ҳолатга эътиборсиз бўлиш асло мумкин эмас. Аксинча, қон таҳлиллари орқали унинг қуюқлашгани аниқ бўлгач, ўз вақтида даволаниш лозим. Акс ҳолда турли касалликлар келиб чиқиши мумкин.

🩸 — Қон – инсон тана аъзо ва тўқималарини кислород ҳамда зарур озуқа моддалари билан таъминлайди, — дейди олий тоифали шифокор Назокат Орипова. — У инфекцияларга қарши курашиб, ички аъзолар фаолиятида иштирок этади. Қон қуюқлашиши организмдаги ана шу жараёнларнинг бузилишига олиб келиши, оқибатда эса яширин касалликлар юзага келиши ёки янгилари пайдо бўлиши мумкин.

🍔 Қон қуюқлашишига кўпинча совқотиш, қаттиқ асабийлашиш, қандли диабет, шунингдек ширинликлар, картошка, банан, тухум, газли ичимликлар, фастфуд ва турли қовурма таомларни кўп истеъмол қилиш сабаб бўлади. Қолаверса, бу ҳолат кам суюқлик ичиш, ҳаво ҳароратининг кўтарилиши ёки кескин пасайиши ва организмдаги айрим ўзгаришлар туфайли ҳам юзага келади. 😬 Натижада инсонда бош оғриғи, жиззакилик, тушкунлик, хотира пасайиши, ҳолсизлик, уйқучанлик, қўл ва оёқлар совқотиши, оғиз қуриши каби симптомлар кузатилади.

🫀Қолаверса, юрак тез уриши, нафас қисиши, тананинг турли қисмларида кўкаришлар пайдо бўлиши ва тирноқ шакли ўзгариши

мумкин. Ҳатто

мияга қон яхши етиб бормаса, бош айланиши, ҳушдан кетиш

эҳтимоли ҳам мавжуд. Бу салбий ҳолатлар эса томирларда қон айланишининг бузилиши ва тромбозлар ҳосил бўлганидан дарак беради. Оқибатда инсульт ва инфаркт хавфи ортади.

🔬Қон ҳолатини текшириш учун шифокорга ўз вақтида мурожаат қилиш лозим. Агар тиббий тееширувлардан сўнг унинг қуюқлиги меъёрдан ортиқ экани маълум бўлса, зарур муолажалар тайинланади. 💊 Бироқ қонни суюлтирувчи дори воситаларини ўзбошимчалик билан қабул қилиш мумкин эмас. Сабаби унинг ҳаддан ортиқ суюқ бўлиши жароҳатларда қоннинг тўхтамай қолишига олиб келади. Telegram | 🌐Facebook

❓Тиббиёт йўналишидаги кириш имтиҳонларида умумтаълим фанлари бўйича сертификат олганларга қандай енгиллик бор? Барчага маълумки, тиббиёт йўналишида олий таълим муассасаларида таҳсил олиш учун абитуриентлар кимё ва биология фанларидан имтиҳон топширади. Шунингдек, барча йўналишлар учун мажбурий бўлган она тили ва адабиёт, математика ҳамда Ўзбекистон тарихи фанлари мажмуи ҳам қабул имтиҳорнлари доирасига киритилган. Олий таълим, фан ва инновациялар вазирлиги ҳамда Мактабгача ва мактаб таълими вазирлигининг қўшма қарори билан тасдиқланган рўйхатга кўра, ушбу фанлардан миллий ва халқаро сертификатларга эга бўлган абитуриентларга имтиҳонларда имтиёз тақдим этилади.

Бу имтиёзни олиш учун кимё ва биология бўйича умумтаълим фанини билиш даражаси тўғрисидаги миллий сертификатга эга абитуриентнинг кўрсаткичи максимал А+, А (86 ва ундан юқори балл) ва пропорционал ҳолатда В+, В, С+, С (60-85,9 балл) бўлиши талаб этилади.

“Cambridge International A-LEVEL” сертификатида “Biology – 9700” ва “Chemistry – 9701” бўйича максимал А ёки А* даражаларига эга бўлган номзодлар ҳам ана шундай имтиёз оладилар.

Шунингдек, мажбурий фанлар блоки доирасида умумтаълим фанини билиш даражаси тўғрисидаги миллий сертификатга эга бўлган абитуриентларга мажбурий фан бўйича белгиланган энг юқори балл тақдим этилади ва улар ушбу фанлардан тест топширмайди. Маълумот учун, 2024 йил 1 мартга қадар умумтаълим фанлари бўйича берилган миллий сертификатлар учун мазкур сертификат олинган пайтда қўлланилган тартибда имтиёз татбиқ этилади. Telegram | 🌐Facebook

❗️Давлат ОТМлари учун абитуриентларни рўйхатга олиш бошланди Бугун, 5 июндан бошлаб абитуриентлар my.uzbmb.uz сайти орқали онлайн рўйхатдан ўтишлари мумкин. Президент фармонига кўра, жорий йилда илк марта қабул жараёнлари “аввал тест, сўнг танлов” тамойилига мувофиқ қуйидаги икки босқичда амалга оширилади:

✅ Биринчи босқич: абитуриентлар 5 июндан 25 июнга қадар (25 июн куни ҳам) тест синови топшириш учун рўйхатдан ўтади. Бунда абитуриентлар фақат тест синови топшириладиган фанлар мажмуаси, таълим тили ва тест топшириш ҳудудини ҳамда кириш имтиҳонлари таркибида касбий (ижодий) имтиҳон бўлса, ушбу имтиҳонни топширадиган давлат олий таълим муассасасини танлайди.

♻️ Имтиҳонлар июл–август ойларида ўтказилади.

✅ Иккинчи босқич: абитуриентлар тест синовлари тўлиқ якунланганидан сўнг 15 кун давомида олий таълим муассасаси, бакалавриат таълим йўналиши ва таълим шаклини танлайди.

📌 Яъни, ўзининг олган балига қараб, тестлар ўтиб бўлгандан кейин, қайси олийгоҳнинг қайси йўналишига топширишини танлайди. Ўйлаб олиш, таҳлил қилиш учун 15 кун вақт бўлади. ⚠️ Мабодо абитуриентлар олийгоҳларга кира олмаса, унда тестда тўплаган бали билан коллеж ва (ёки) техникумни танлаши мумкин. Ўқишга кира олмаганлар учун коллеж ёки техникум танлашга ОТМларга қабулнинг якуний натижаси эълон қилинганидан сўнг яна 10 кун муддат берилади. Telegram | 🌐Facebook

#МУНОСАБАТ Ижтимоий тармоқда фуқаро томонидан Пискент тумани "Мингтепа" МФЙ аҳолиси мурожаат қилиб чиқмоқдамиз, Пискент тумани "Мингтепа" МФЙда жойлашган оилавий шифокорлик пункти ёпиқ турибди мазмунидаги мурожаати бўйича қуйидагилар маълум қилинади. Тошкент вилояти ҳокимининг 2024 йил 29 февралдаги 1/8-3-1100-сонли ва Соғлиқни сақлаш вазирлигининг 2024 йил 5 мартдаги 05-10/4754-сонли хатлари асосида Пискент туманидаги "Мингтепа" оилавий шифокорлик пункти ташкил этилиши бўйича тегишли ташкилотларга кўрсатма берилган. Ҳозирда ушбу муассасага қисқа кунларда оилавий шифокорлик пункти мақоми берилгунга қадар Кўп тармомоқли марказий поликлиниканинг филиали сифатида фаолият олиб боради, муассасага тиббиёт бирлашмаси томонидан тиббий жиҳозлар ва дори-дармон билан таъминланиб, шифокор ва ҳамширалар бириктирилган. Telegram | 🌐Facebook

#онлайн #no_comment 🏥 Айни дамда Академик В. Воҳидов номидаги Республика ихтисослаштирилган хирургия илмий-амалий тиббиёт марказида ушбу муассасага ISO 9001:2015 ва ISO 7101:2023 халқаро сифат стандартларини жорий этганлиги муносабати билан тегишли сертификатларни топшириш маросими бўлиб ўтмоқда. Telegram | 🌐Facebook

Тиббиёт йўналишидаги магистратура ёки докторантурада ўқиш учун қайси хорижий тиллардан сертификат олиш мумкин? Олий таълим, фан ва инновациялар вазирлиги ҳамда Мактабгача ва мактаб таълими вазирлигининг “Хорижий тиллар ва умумтаълим фанларини билиш даражасини белгиловчи миллий ва халқаро тан олинган сертификатлар рўйхатини тасдиқлаш тўғрисида”ги қўшма қарори қабул қилинди. Унга кўра, 2024-2025 ўқув йилида олий таълимдан кейинги таълим (магистратура ва докторантура)га киришда тан олинадиган хорижий тилларни билиш даражасини белгиловчи миллий ва халқаро сертификатлар рўйхати тасдиқланди. Улар қуйидагилар:

🇬🇧 ИНГЛИЗ ТИЛИ: 📌 Чет тилини билиш даражасини аниқлаш бўйича миллий сертификат 📌 Test of English as a Foreign Language – TOEFL iBT 📌 Test of English as a Foreign Language (TOEFL iTP) 📌 Cambridge Assessment English (FCE, CAE, CPE) 📌 International English Language Testing System –IELTS (Academic) 📌 International Test of English Proficiency iTEP Academic

🇫🇷 ФРАНЦУЗ ТИЛИ: 📌 Чет тилини билиш даражасини аниқлаш бўйича миллий сертификат 📌 Diplôme dʼEtudes en Langue Française (DELF) 📌 Diplôme Approfondi de Langue Française (DALF)

🇩🇪 НЕМИС ТИЛИ: 📌 Чет тилини билиш даражасини аниқлаш бўйича миллий сертификат 📌 Goethe-Zertifikat 📌 Test Deutsch als Fremdsprache (Test DAF)

🇪🇸 ИСПАН ТИЛИ: 📌 Чет тилини билиш даражасини аниқлаш бўйича миллий сертификат 📌 Diplomas de Español como Lengua Extranjera (DELE) 📌 Servicio Internacional de Evaluación de la Lengua Española (SIELE)

🇮🇹 ИТАЛЯН ТИЛИ: 📌 Чет тилини билиш даражасини аниқлаш бўйича миллий сертификат

🇸🇦 АРАБ ТИЛИ: 📌 Чет тилини билиш даражасини аниқлаш бўйича миллий сертификат 📌 AT Tanal Al Arabi

🇨🇳 ХИТОЙ ТИЛИ: 📌 Чет тилини билиш даражасини аниқлаш бўйича миллий сертификат 📌 Hanyu Shuiping Kaoshi (HSK)

🇯🇵 ЯПОН ТИЛИ: 📌 Чет тилини билиш даражасини аниқлаш бўйича миллий сертификат

🇰🇷 КОРЕЙС ТИЛИ: 📌 Чет тилини билиш даражасини аниқлаш бўйича миллий сертификат 📌 Test of Proficiency in Korean (TOPIK II)

🇹🇷 ТУРК ТИЛИ: 📌 Чет тилини билиш даражасини аниқлаш бўйича миллий сертификат 📌 Türkçe Yeterlik Sınavı (TYS)

УРДУ, ПУШТУ, ДАРИЙ, ҲИНД, УЙҒУР, ФОРС ТИЛЛАРИ: 📌 Чет тилини билиш даражасини аниқлаш бўйича миллий сертификат

✅ Мазкур қарор кучга киргунга қадар амалдаги норматив-ҳуқуқий ҳужжатларга мувофиқ олинган сертификатларга уларнинг олинган кунидан бошлаб амал қилиш муддати тугагунга (муддати чекланмаган (белгиланмаган) сертификатлар учун сертификат олинган кундан бошлаб уч йилдан кўп бўлмаган вақт мобайнида) қадар имтиёзлар қўлланилади. 💬Telegram | 🌐Facebook

“Антикоррупция” телеграмм каналида берилган мақола юзасидан МУНОСАБАТ 2024 йилнинг 12 май куни Чирчиқ шаҳри, "Янги Ўзбекистон" массивида, янгидан бунёд этилган 5-сонли оилавий поликлиниканинг очилиш маросими бўлиб ўтди. Унда Тошкент вилояти ҳокими Зойир Мирзаев, вилоят Соғлиқни сақлаш бошқармаси бошлиғи Тўрақул Арзиқулов ва бирқатор вакиллар иштирок этишди. Мазкур тиббиёт масканига Ўзбекистон Республикаси Президентининг 2022 йил 22 январдаги “2022-2024-йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида”ги ПҚ-98-сон қарорига кўра асос солинди. Лойиҳа дастури асосида поликлиника рақамлаштирилган бўлиб, бинога кузатув камералари ва локал тармоқ ўрнатилган, 20 та моноблок билан жиҳозланган. Дастур доирасида керакли мебел жиҳозлари билан таъминланди. Мазкур 5-сонли оилавий поликлиника 2024 йилнинг 20 май куни расман иш фаолиятини бошлади. Тошкент вилояти ҳокими томонидан қарор имзоланган, ҳисоб рақам очилган ва вилоят Молия бошқармаси томонидан зарур штатлар тақдим этилиб, ходимлар ишга қабул қилинган. Ҳозирда 5-сонли оилавий поликлиникага 8 та маҳалла бириктирилган бўлиб, 24 минг 924 нафар аҳолига хизмат кўрсатади. 25 нафар мутахасислар фаолият юритади. 💬Telegram | 🌐Facebook

❗️Ёз бошланди: Ўткир диареядан эҳтиёт бўлинг! 📌 Тўрт фасл тўкис бўлган юртимизда ёз мавсуми бошланмоқда. Табиийки, бу даврда турли витамин ва минералларга бой сархил мевалар пишиб етилади. Қолаверса, ушбу фаслда аҳоли, айниқса, болалар ўртасида авж оладиган мавсумий касалликлар бор. Улардан бири — ўткир диареядир. 🚽 — Ўткир диарея – халқ орасида ичбуруғ, ич оғриғи, ич кетиши номлари билан аталадиган хасталик бўлиб, ичак йўлларининг функционал бузилиши ҳисобланади, — дейди Тошкент шаҳар 4-сон юқумли касалликлар шифохонаси бош шифокори Шахло Исамухаммедова. — У ичакларни бўшатиш ва ичнинг суюқ ҳолатда келиши билан кечади. Ичнинг кунига 3-4 мартадан кўп келиши ўткир диарея дейилади. 🖇 Касалликнинг 2 та тури бор. Булар инфекцион ва ноинфекцион турлари ҳисобланади. Хасталик келиб чиқишига кўпинча гигиена қоидаларига риоя қилмаслик сабаб бўлади. Қолаверса, ичбуруғ ёзнинг иссиқ кунларида очиқ ҳавода қолган таом ва егуликлар, жумладан, сут ва сут маҳсулотларини истеъмол қилиш туфайли юзага келиши мумкин. 🧼 Шунингдек, болалар кўчадан уйга киргач ва таомланишдан аввал қўлларини совунлаб ювишни унутади. Шу билан бирга, ҳўл мева-сабзавотларни истеъмол қилишдан аввал уларни яхшилаб чайиш ҳам кичкинтойларнинг доимо ҳаёлига келавермайди. Оқибатда оғиз орқали организмга тушган бактерия ва вируслар ичбуруғ, дизентерия, сальмонеллёз каби ўткир юқумли ичак касалликларини қўзғатади. ⏰ Яъни организмдаги бактерия ва вируслар ичак шиллиқ қаватини яллиғлайди ва улардан ажралган токсинлар қонга сўрилиб, бутун танани заҳарлайди. Оқибатда 2 соатдан 2 кунгача бўлган инкубацион даврда диареянинг илк белгилари намоён бўлади. 🔬Қолаверса, ичбуруғ овқатдан заҳарланиш, шунингдек хатарли патологиялар, хусусан, сурункали гепатит, панкреатит ва бошқа инфекцион-яллиғланиш касалликларининг аломати бўлиши мумкин. 🍯 Бундан ташқари, айрим дори воситалари ҳамда сут ва сут маҳсулотларида бўладиган лактоза, табиий мева, асалдаги ва айрим ичимликларга қўшиладиган фруктоза углеводларини истеъмол қилиш ҳам ич кетишига сабаб бўлади. ‼️ Бўш, сувли ич келиши, унда қон бўлиши, қорин талвасалари, яъни ғуриллаши, оғриғи, дам бўлиши, юқори тана ҳарорати, ҳолсизлик, кўнгил айниши, қусиш кабилар касалликнинг асосий белгилари ҳисобланади. 💬Telegram | 🌐Facebook