Talabalar assotsiatsiyasi rasmiy kanali

#elon 🗣 Andijon mashinasozlik instituti talabalari diqqatiga! 2022-yil 30-mart kuni soat 09:30 da Andijon mashinasozlik institutining asosiy binosida “Mehnat yarmarkasi” bo‘lib o‘tadi. Shu munosabat bilan kelgusida o‘z ish o‘rniga ega bo‘lmoqchi bo‘lgan 2-3-kurs talabalari hamda 2021/2022-o‘quv yilida tamomlayotgan talabalarni mehnat yarmarkasiga taklif qilamiz. Imkoniyatni qo‘ldan boy bermang! yarmarkasi” Rasmiy kanalimiz: @diceduandmi

“Янги турдаги муқобил энергия манбаларидан фойдаланишнинг инновацион ечимлари ва улардан фойдаланишда энерготежамкор қурилмаларни қўллаш” мавзусидаги республика илмий-техник анжуман ташкил этилади. Анжуман 2022 йилнинг 29-30 апрель кунлари Андижон машинасозлик институтида ўтказилади. 👉 https://t.me/IlmiyMaqolalar_uz

👩‍💻👩‍💼Raqamli Avlod Qizlari 2022 Bahor bayramlarni boshlab keladi, bahorni esa "Raqamli avlod qizlari" boshlab beradi! Axborot-texnologiyalari sohasiga endi kirib kelgan hamda allaqachon faoliyat olib borayotgan qizlar! Siz uchun "Raqamli avlod qizlari-2022" IT loyihasiga arizalar qabul qilish davom etmoqda! Yo'nalishlarimiz: 📱Mobil dasturlash ✍Raqamli dizayn (fashion) 💻Brending 🗣SMM&PR 📊Biznes Analitika 📝Ro'yxatdan o'tish ladies.digitalgeneration.uz ___ Digital Generation Uzbekistan

⚡️⚡️⚡️ O'zbekiston Respublikasi Oliy va o'rta maxsus ta'lim vazirligining 2021-2022 o'quv yili uchun respublika oliy ta'lim muassasalari bakalavriat bosqichi talabalariga O'zbekiston Respublikasi Prezidenti va nomli davlat stipendiyalarini tayinlash to'g'risidagi buyrug'iga ko'ra Andijon mashinasozlik institutining quyidagi talabalari ushbu stipendiyalarga sazovor bo'ldilar: O'zbekiston Respublikasi Prezidenti stipendiyasi bilan: - Azimov Sarvarbek Qayumjon o'g'li - Yer usti transport tizimlari va ularning ekspluatatsiyasi yo'nalishi 4-bosqich talabasi Navoiy nomidagi davlat stipendiyasi bilan: - Soliyev Boburjon Abdirayim o'g'li - Xizmatlar sohasi yo'nalishi 4-bosqich talabasi Beruniy nomidagi davlat stipendiyasi bilan: - Darvishev Azizbek Botir o'g'li - Texnologik jarayonlar va ishlab chiqarishni avtomatlashtirish va boshqarish yo'nalishi 3-bosqich talabasi - Zulunova Mushtariybegim Ermamat qizi - Mashinasozlik texnologiyasi mashinasozlik ishlab chiqarishini jihozlash va avtomatlashtirish yo'nalishi 4-bosqich talabasi Stipendiat talaba do'stlarimizga mukofotlar muborak bo'lsin deymiz. Ilm olishdan charchamang! @andmbiSA

​​Талабалик олтинмас даври Норозилик кайфияти талабаларга ҳос ҳислат. Аммо бундай кайфиятга берилиб, фурсатни бой берилаётганини кўришмайди. Кимдир таътилнинг чўзилиши ёки масофали машғулотлардан арз қиляпди (Албатта асосли арз! Таълим муҳити, амалий машғулотлар, бевосита мулоқот, тажрибалар, қўлланмаларни кузатиш ва қўл билан ушлаш ниҳоятда муҳим. Аммо ҳозир таътил чўзилишининг ўзига муносабат билдирмоқчи эмасман). Кимдир муассасанинг ёмонлигини айтиб, “диплом учун”, “ота-онамни тинчлантириш учун” табалалик даврини ўтаётганини айтяпди. Институтга қатнаш шартмасмиш, ҳамма нарса интернетда бор дейди... Бу ғалати ва ўта хатарли миф ҳақида алоҳида мақола ёзишга тўғри келган. Талабалик бу муассаса маконида бўлишгина эмас, талабалик бу ВАҚТ. Таътилга тушиб қолдингизми, ёки сифати паст муассасадмисиз, барибир талабасиз. “Эртаю кеч нима қиляпсан ўзи?” “Китоб ўқияман, дарс қиляпман.” “Ҳа, ўқи-ўқи... студент.” “Эртаю кеч нима қиляпсан ўзи?” “Китоб ўқияман, дарс қиляпман.” “Ия, ким ишлайди? Студентлик пайтида ўқиш керак эди... Энди бўш вақтингда ўқийсан. Ҳозир оиланг/иш/иш топиш вазифаларинг турибди.” Фарқини кўряпсизми? Талабалик сизни Жамият маълум муддатга тинч қўйганини англатади. У муддатни куч бериб илм олишга берилади. Таътилдамисиз? Устозларга боғланиб, адабиёт сўранг. Зарур китобларни босиб ўқинг. Ўқув соҳангиз бўйича ютуб маърузаларини кўриб, конспект ёзинг. Масофали таълимга ўтказилдими? Максимум фойдаланинг, амалий кўргазмалар етишмаётган бўлса устозларингиз билан боғланиб, қонуний йўлларини ахтаринг. Топасиз. Мақсад қўйиб, ўйлаб ҳаракат қилиш керак холос. Ёмон муассадамисиз? Ўқинг-ўқинг-ўқинг. Ютуб ва бошқа интернет платформаларида тиқилиб ётган материаллардан фойдаланинг. Қўлланма масалаларни ечинг. ОТМнинг ёмонидаям яхши устозлар топилади. Учрашиб туринг, сухбатлашинг, ўқув жараёнини яхшилаш бўйича фикр алмашинг. Интернетда қимматли контент кўплиги рост, аммо уларни танлаш ва ўзлаштириш масаласи фақат мулоқот орқали амалга ошади. Ижтимоий тармоқларда илмий гуруҳлар қилиб, унга мутахассис мураббийларни жалб қилинг. Керак бўлса кафедра мудирига мурожаат қилинг. “ОТМ – ёмон” бу келажак учун ишламасликка, вақтни зое қилишга баҳона эмас. Билим олиш фақат талабалик даврида бўлади, демоқчимасман. Талабалик даври фундаментал маълумот ортириш ва фундаментал таълим кўникмаларини ҳосил қилишга берилади. ОТМни битиргач бутун умр мевасини йиғасиз, ривожланиш учун ўқиш ҳам сиз учун одатий ҳаёт тарзига айланади. Талабалик олтин даври эмас. Талабалик олтин йиғиш учун йўлга чиқиш даври. Ақл билан бу вақтдан фойдаланинг. Жамшид Муслимов @subnazar

#Эълон ⚡️“Эл-юрт умиди” жамғармаси 420 ўринга мўлжалланган 2022 йил учун 1-стипендия танловини эълон қилади! “Эл-юрт умиди” жамғармаси энг устувор соҳалар учун 420 ўринга мўлжалланган очиқ стипендия танловини эълон қилади! Жумладан, 2022-2023-ўқув йили учун энг нуфузли хорижий давлатларда: - бакалавриат таълим дастури учун — 120 та, - магистратура таълим дастури учун — 180 та, - докторантура таълим дастури учун — 120 та стипендия ажратишини маълум қилади. Барча таълим дастурлари бўйича ногиронлиги бўлганлар учун ҳам камида 20 та ўрин ажратилиб, уларга ҳам алоҳида эътибор қаратилади. ⛔️Номзодларнинг ҳужжатлари 2022 йил 10 январдан 10 февралга қадар республиканинг барча ҳудудлари вакиллари учун ягона тартиб ва тенг имконият асосида электрон тарзда қабул қилинади. 📌Саралаш босқичлари 2022 йил 10 февралдан 10 мартга қадар давом этади. Батафсил Юртимизнинг умиди, ишончи ва таянчи бўлган азиз ёшлар, имкониятдан унумли фойдаланинг! Каналга уланиш — https://t.me/argos_uz

“Raqamli avlod -2022” IT oromgohida ishtirok etish uchun arizalar qabul qilish boshlandi! Ushbu keng ko’lamli IT tadbir 4-8-yanvar kunlari Toshkent shahridagi Muhammad Al-Xorazmiy maktabida online tashkil etiladi. IT oromgoh yo’nalishlari: ⁃ Dasturlash asoslari(Python) ⁃ Frontend (Javascript, react) ⁃ Backend(Django) ⁃ . NET ⁃ Grafik dizayn (Adobe Photoshop, Sketchbook) Shoshmasdan, tez-tez harakat qiling va hoziroq ushbu sayt orqali ro’yxatdan o’ting. 👇👇👇👇👇 Digitalgeneration.uz Telegram