ممّواري .

‏يارفيقة دمع عيني تعبت مْن الصدوف ‏مير ساقي ما تثنّت وكفّي ما لوي ‏ما ترجّيت السحايب وانا قفرٍ لهوف ‏لين سالت ضحكته في معاليق جروي ‏من بياض الفعل والا تراتيل القنوف؟ ‏جيتني يالناعم الترف والقلب ثروي ‏مرحبا بك عدّ ما حلّ في مكّه ضيوف ‏وعدّ ما يزبن ضلوعي من الوجد جلوي ‏يارهيفٍ تخلف العقل بانصاف الوصوف ‏كيف لا هيّفت كامل وخصرك منزوي ‏لا تبادر بالسوالف وعانق بالكفوف ‏خلّني من ثقل عقلي احوّل واغوي ‏ماورا عينك مفازه، وسلهامك عطوف ‏كم قصيدة في رجاها على الرمش تهوي .

‏ما نزرع الشوك بـ طريقٍ مشيناه ‏حنّا .. سحابٍ لا عبرنا نبلّه .

كبروا ليبلّغ تكبيركم عنّان السمّاء ‏كبرو فإن اللّٰه عظيم يستحق الثناء" ‏ ‏اللّٰه أكبر ، اللّٰه أكبر ، اللّٰه أكبر ‏لا إله إلا اللّٰه، اللّٰه أكبر ، اللّٰه أكبر وللّٰه الحمد

أعتقد والحياه بكبرها "معتقد" ‏مبتداها وصول ومُنتهاها رحيل ‏عش كمَا شئت لا مُكره ولا مُضطهدْ ‏وأيقنْ إن ماورى غيب المنايا دليل ‏من رضى الهينه . . ماجابت امه ولد ‏لو تسامى بمال وجاه - يبقى ذليل ‏لاتحـاول تكـون . . " المنتصر للأبد " ‏" أصعب من الجميل . . إنك ترد الجميل "

‏كنّ مطلَع صباح اليوم .. مطلع قصيدة .

ملح وجهك لا طرا فبالي وحلو اسلوبك ‏اشرب القهوه على سكر حديثك ساده ‏لا غمرك الشوق لا تسأل بشوقي صوبك ‏دون لا تسأل انا مشتاق لك كالعاده .

‏ياجعّلها جُمعة جامعه لِكُل مايتلهّف لهُ القلب .

‏عفى الله من قلبٍ تقوده هبوب النود ‏مثل ما يقودون العسايف بالأرساني ‏لعب به غرام أم العيون الوساع السود ‏كما لعب صلفات الهبايب بالأغصاني .

ان طمعت اطمع بشيٍ تستطيعه ‏ لا تكبّر لقمتك وتغص فيها .

لو تباعدنا وشانت مقادير الحياة ‏ما سكن غيرك في قلبي ولاحدٍ طايله .

عليك الغلا مردود يا الغايب الموجود ‏سوالفك غابت مير طواريك .. ماغابت ‏غيابك حضورٍ له بصدر البيوت ، شهود ‏ويش اللي يغيّب ضحكتك والغلا ثابت ‏أحنّك مثل ما حن وجهي من المنقود ‏وأعدّك .. ليا عديت الأيام وش جابت .

‏و في يوم الأثنين .. مبلي بأثنين ‏قلبٍ عطوف و عقلٍ ساطي يخاصم .

ياربي أنا أمتك اللي تلح السؤال ‏من النساء اللي ليا حرمت ما حللوا ‏وأحب نور اليقين وما أحب الضلال ‏مستهديه عن خلايق ضلوا وضللوا ‏أدعيك ما ملت يديني دعاء وابتهال ‏لو ضاقوا من الدعاء يارب وتمللوا ‏عطني ياربي من الرزق الحلال الحلال ‏اللي لا شافوه خلق الله معي هللوا .

والله إنك في عمق روحي في مكان مايزوره إنسان ولا نسيان .

على البال خلّد ذكره الي عجزت انساه ‏مثل " ماتخلّد ،، سيرة ، الطيب فعوله ‏خليل يراوز خاطري لين جا بـ اقصاه ‏وانا كان نفسي عن هوى الغيد معزوله ‏آسرني قبل سلهام رمشه رقيق حكاه ‏وطرحني غرامه قبل لا اكمل الجوله ‏اقاوم ،، ولا ، مريت ، مدهاله ، ومرباه ‏غدا الكون في عيني مثل لون مجدوله .

‏ضلوعي لك رواق وقلبي الصادق ذرا وشراع ‏تذرّي في شراعي واستبيحي حرمة ارواقي ‏بعد ما شفت عينيك الوساع وخدك اللمّاع ‏وعود لا تثنّا يفرق ارمـوشي عن احداقي ‏دريت انك عديمة وصف بـ الأشكال والأطباع ‏ولك الله لو ادوّر مثل وصفك ماني بـ لاقي .