រដ្ឋបាលខេត្តកំពង់ស្ពឺ

នាព្រឹកថ្ងៃពុធ ៥កើត ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ១០ ខែកក្កដា ឆ្នាំ២០២៤ ឯកឧត្តម ហន ភក្តី អភិបាលរង នៃគណៈអភិបាលខេត្ត បានអញ្ជើញចូលរួមជាអធិបតីក្នុងកិច្ចប្រជុំ ផ្តល់ការណែនាំ និងតម្រង់ទិសបន្ថែម ដល់ក្រុមការងារបច្ចេកទេស ថ្នាក់ខេត្ត និងថ្នាក់ដឹកនាំនៃរដ្ឋបាលក្រុង ស្រុក ឃុំ និងសង្កាត់ ។

កំពង់ស្ពឺ៖ នាព្រឹកថ្ងៃពុធ ៥កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែកក្កដា ឆ្នាំ២០២៤ ឯកឧត្តម ព្រំ វណ្ណៈ អភិបាលរង នៃគណៈអភិបាល ខេត្តកំពង់ស្ពឺ តំណាងដ៏ខ្ពង់ខ្ពស់ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាល ខេត្តកំពង់ស្ពឺ បានអញ្ជើញដឹកនាំ ចុះពិនិត្យនិងដោះស្រាយបញ្ហាដីចំនួន ៣០០១ហិកតា ដែលរដ្ឋាភិបាលបានសម្រេចផ្ដល់ជូនបណ្ឌិត្យសភានគរបាលកម្ពុជា សម្រាប់រៀបចំទីលានហ្វឹកហាត់កងកម្លាំងនគរបាលជាតិ ស្ថិតនៅក្នុងដែនជម្រកសត្វព្រៃភ្នំឱរ៉ាល់ ក្នុងភូមិសាស្ត្រ ខេត្តកំពង់ស្ពឺ ។

កិច្ចប្រជុំគណៈបញ្ជាការឯកភាពរដ្ឋបាលខេត្តកំពង់ស្ពឺ ស្តីពីការទប់ស្កាត់ និងបង្រា្កបល្បែងផ្សងសំណាងទូទាំងប្រទេស និងការងារសន្តិសុខសណ្តាប់ធ្នាប់ នាព្រឹកថ្ងៃពុធ ៥កើត ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី១០ ខែកក្កដា ឆ្នាំ២០២៤ ឯកឧត្តម ជួន សុវណ្ណ រដ្ឋមន្ត្រី ប្រតិភូអមនាយករដ្ឋមន្ក្រី អញ្ជើញជាអធិបតីភាពក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកំពង់ស្ពឺ ព្រមទាំងតាមដានការអនុវត្តគោលការណ៍របស់នាយករដ្ឋមន្ត្រីពាក់ព័ន្ធក្នុងការអនុវត្តបទបញ្ជាដ៏មុឺងម៉ាត់ ស្តីពីការទប់ស្កាត់ និងបង្រា្កបល្បែងផ្សងសំណាងទូទាំងប្រទេស និងការងារសន្តិសុខសណ្តាប់ធ្នាប់ តាមប្រសាសន៍ដ៏ខ្ពង់ខ្ពស់របស់ សម្តេចនាយកដ្ឋមន្ត្រី ដោយបានដាក់បញ្ជាយាងម៉ឺងម៉ាត់បំផុតគឺមិនត្រូវបន្តអាជ្ញាប័ណ្ណដែលហួសសុពលភាព នឹងមិនត្រូវអនុញ្ញាតអាជ្ញាប័ណ្ណថ្មី ចំពោះច្បាប់បើកល្បែងផ្សងសំណាងគ្រប់ប្រភេទទូទាំងប្រទេស ចាប់ពីពេលនេះតទៅ។ ក្រៅពីនោះ ត្រូវធ្វើការបង្ក្រាបឱ្យបានម៉ឺងម៉ាត់បំផុត ចំពោះទីតាំងដែលនៅតែបន្តលួចបើកល្បែងផ្សងសំណាងនៅគ្រប់ទីតាំងទាំងអស់។