الداعي إلى الله 💚

‏القُرآن اختصر طبع الإنسان في كلمة واحدة "هلوع" ‏بس المعنى أعمق مش مجرد كلمة ‏الهلوع هو الشخص اللي بيتوتر بسرعة، مابيعرفش يصبر، ودايمًا عايز أكتر لو اتعرّض لابتلاء، ينهار فورًا، ولو ربنا رزقه، يتشبّث بالنِّعمة كأنه خايف يخسرها ‏الكلمة دي تلخّص إن الإنسان بطبعه ما بين الجزع وقت الشدّة، والبُخل وقت الراحة لكن القُرآن بعدها على طول بيقول "إلا المُصلّين" ‏وده معناه إن اللي قلبه متعلق بربنا في الصـلاة بيتربّى على الصبر لما الدنيا تضيق، والعطاء لما الخير يزيد ‏الهلع مش مجرد طبع، هو حالة في القلب، وعلاجها مش بالفُلوس ولا بالمكانة، لكن بالقرب من ربنا، وبالذِكر اللي يطمن القلب ‏في النهاية، القلب الهلوع يفضل عايش بين الخوف والطمع، لكن القلب اللي عرف طريق ربنا، بيهدى… وبيسكن... وبيبقى كريم ومطمّن مهما حصل💚🥺🥰