🏆 Pro Ecom Dz 🏆

✅️ فتح الاستيراد بواخر شحن كبيرة، معبأة بعشرات الكونتونار من السلع على مستوى موانئ مالطا وموانئ أخرى قادمة نحو الجزائر.

تواصلت مع دعم فيسبوك وسألتهم إذا كاين مشكل مع وايز.. ردولي بلي ما تلقاو حتى إشعار بهذا الخصوص وما كاين حتى مشكل.. مقعدتش باش نشوف حلول للمشاكل لي صارية لأني موقف عملي بنسبة 90% من مدة طويلة شوي.. ولكن بعد العيد لنا عودة ان شاء الله..

بزاف يسقسيو حبستو الاعلانات ولالا.. عن نفسي ما حبستش.. ورا العيد يتليفراو ان شاء الله عادي

عيدكم مبارك تقبل الله منا ومنكم صالح الأعمال.

إذا تعلمت أن تقول لا.. فقد حققت 50% من النجاح في حياتك.

للأسف وايز كانت من أفضل البطاقات التي يمكن ربطها مع حسابات فيسبوك.. كنا نربطو بطاقة مبعد نحذفوها إذا تغلق الحساب الإعلاني ويعطينا بطاقة جديدة.. صعب إيجاد بديل يشبه وايز من حيث الخدمات والسرعة و صفر تكاليف.. حاليا متوفر pyypl هو البديل حاليا.

اتعب كثيرا في بداية مشروعك ثم دعه يعمل وابتعد واستمتع بالراحة.. هذه هي الخطة دائما.

اجعل هذا الكلام طريقك في الحياة وستنجح بإذن الله..

6.3 ترليون دولار هي قيمة مبيعات التجارة الالكترونية لسنة 2023 فقط.

شكون سمع صوتية كاملة وهل عجبتكم؟

الدق وسكات.. خاوتي اقراو الأصفار مليح هههه اللهم بارك.. هذه الأرقام حاليا خارج السوق الجزائري..

هذه هي إحصائيات البراند الجديد الذي أعمل عليه..

✅️ أول معلومة: لازم تبدا حملاتك الاعلانية قبل ما تفتح أصلا المحل تاعك.. ولو بمدة شهر.. اعلانات متنوعة بقيمة 1 دولار فقط يوميا لكل اعلان.. نبداو ب brand awarness تعرف نفسك للجمهور.. لازم تجي باسم وفكرة جديدة ولو في مجال قديم أو فيه منافسة.. واختر طريقتك التسويقية من البداية.. يعني الخط التسويقي تاعك هزلي ولا جدي ولا فيه تشويق أو مكشوف.. واصنع اسمك في السوق يكون مرتبط ب قصة ولا بحاجة مثيرة.. مثلا محلك سيعرف بأسعارو المنخفضة.. أو قصة لمشروعك الناس تصير تحبها وتتعلق بيها.. واعلاناتك لازم ما تتوقفش حتى تترسخ في أذهان الناس.. بعدها تصير توريهم الجديد تاعك وين واصل في تجهيز المحل.. ما هي السلع لي حابينها وووو ثم بعدها سننتقل للمراحل الاخرى..

سلسلة كيفاش تاستي وتلقا وينينغ بروداكت.. كيفاش تجيب لي كوموند وتنوع لي كرياتيف.. كيفاش كونفيرماسيون والتوصيل.. وراح نجيب أقوى عرض تاع توصيل مع شركة راني نتافق معاهم.. فيه حتى أنك تاستي برودوي كلش باطل توصيل وكونفيرماسيون وروتور.... كنت قررت باش نخرج من المجموعة ومبقيتش نزيد ننشر.. لكن مجموعة بديتها ب 0 متابع وتعرفت فيها على أغلب صحابي لي صارو خاوتي.. مستحيل نفرط فيها.. هذه المجموعة حية منذ ثلاث سنوات..

راح نرجع ننشر ان شاء الله نستفادو منكم وتستفادو منا بالشي لي تعلمناه ورانا نتعلموه يوميا.. صدقوني غير توحشت المجموعة وترجع ناشطة كيما قبل.

راهي جاية سلسلة باذن الله فيها كلش تطبيقي باطل للناس كامل.. ربي يوفقنا برك.